ဇာ​ခ​ရိ 10:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သူ​တို့​သည် ဒုက္ခ​ပင်လယ်​ကို ဖြတ်ကျော်​၍ ပင်လယ်​လှိုင်းတံပိုး​တို့​ကို ဒဏ်ခတ်​လိမ့်မည်​။ နိုင်း​မြစ်​ရေထုကြီး​လည်း ခန်းခြောက်​သွား​လိမ့်မည်​။ အဆီးရီးယား​ပြည်​၏​မာန ချိုးဖျက်​ခံရ​လိမ့်မည်​။ အီဂျစ်​ပြည်​၏​ရာဇလှံတံ​လည်း ကွယ်ပျောက်​ရ​လိမ့်မည်​။

Common Language Bible

¹¹ သူ​တို့​သည်​ဘေး​အ​န္တရာယ်​ရှိ​သော​ပင်​လယ်​ကို ဖြတ်​၍​သွား​ရကြ​သော​အ​ခါ​ငါ​သည် လှိုင်း​တံ​ပိုး​များ​ကို​ဆုံး​မ​မည်။ နိုင်း​မြစ်​မှ​ရေ​နက်​ရာ​အ​ရပ်​တို့​သည်​လည်း ခန်း​ခြောက်​၍​သွား​လိမ့်​မည်။ အာ​ရှု​ရိ​ပြည်​၏​မာန်​မာ​န​ကို​ငါ​ချိုး​နှိမ် မည်။ စွမ်း​အင်​ကြီး​မား​သည့်​အီ​ဂျစ်​ပြည်​သည်​လည်း တန်​ခိုး​အာ​ဏာ​မှေး​မှိန်​၍​သွား​လိမ့်​မည်။

Garrad Bible

¹¹ ပင် လယ် အ ကျဉ်း အ ကျပ် ကို ဖြတ် သွား လျက်၊ လှိုင်း တံ ပိုး ကို ဒဏ် ခတ် တော် မူ သ ဖြင့်၊ နိ လ မြစ် ရေ သည် ခန်း ခြောက် ခြင်း၊ အာ ရှု ရိ အ မောက် အ မာ သည် ရှုတ် ချ ခြင်း၊ အိ ဂျစ် အာ ဏာ စက် သည် ပ ပျောက် ခြင်း များ ကို ခံ ရ ကြ လ တ္တံ့။

Judson Bible

¹¹ ပင်​လယ်​အ​လယ်၌ လျှောက်​သွား၍ ညှဉ်း​ဆဲ​လျက်၊ ပင်​လယ်​တံ​ပိုး​များ​ကို ဒဏ်​ခတ်​တော်​မူ​မည်။ မြစ်၌ နက်​နဲ​သော​အ​ရပ်​ရှိ​သ​မျှ​တို့​လည်း ခန်း​ခြောက်​ကြ​လိမ့်​မည်။ အာ​ရှု​ရိ​ပြည်၏​မာ​န​ကို နှိမ့်​ချ၍၊ အဲ​ဂု​တ္တု​မင်း၏​အာ​ဏာ​သည်​လည်း ကွယ်​ပျောက်​လိမ့်​မည်။

ဇာ​ခ​ရိ 10:11 ပူးပေါင်းရင်းမြစ်များ

ကမ္ဘာ​ဦး 8:1

ဘုရားသခင်​သည် နောဧ​မှစ၍ သူ​နှင့်အတူ​သင်္ဘော​ထဲ၌​ရှိ​သော တောရိုင်းတိရစ္ဆာန်​အပေါင်း​တို့​ကို​လည်းကောင်း​၊ ယဉ်ပါးသောတိရစ္ဆာန်​အပေါင်း​တို့​ကို​လည်းကောင်း အောက်မေ့​တော်မူ​၏​။ ဘုရားသခင်​သည် မြေကြီး​ပေါ်မှာ​လေ​တိုက်​စေ​တော်မူ​သဖြင့် ရေ​သည် လျော့ကျ​သွား​လေ​၏​။

၄ ရာ 2:14

ဧလိယ​ကိုယ်​မှ​ကျကျန်​ခဲ့​သော​အဝတ်​ကို​ယူ​၍ ရေ​ကို​ရိုက်​ပြီး “​ဧလိယ​၏​ဘုရားသခင်​ထာဝရဘုရား​ကား အဘယ်မှာ​နည်း​”​ဟု ဆို​၏​။ ထိုသို့ ရေ​ကို​ရိုက်​သောအခါ ရေ​သည် ထက်ခြမ်းကွဲ​သွား​သဖြင့် ဧလိရှဲ​လည်း မြစ်​ကို​ကူးသွား​လေ​၏​။

၄ ရာ 2:8

ထို့နောက် ဧလိယ​သည် မိမိ​အဝတ်​ကို​ယူ​၍ လိပ်​ပြီးမှ ဂျော်ဒန်​မြစ်ရေ​ကို ရိုက်​လေ​၏​။ ထိုအခါ ရေ​သည် ထက်ခြမ်းကွဲ​သွား​၍ သူ​တို့​နှစ်​ဦး ခြောက်သွေ့​သော​မြေ​ပေါ်တွင် လမ်းလျှောက်​ကူးသွား​ကြ​၏​။

ဧ​ဇ​ရ 6:22

ထာဝရဘုရား​သည် သူ​တို့​အား ဝမ်းမြောက်​ရ​သော​အခွင့်​ကို ပေး​တော်မူ​၍ အစ္စရေး​လူမျိုး​တို့​၏​ဘုရားသခင့်​အိမ်​တော် တည်ဆောက်​ရာ​တွင်​လည်း သူ​တို့​အား အဆီးရီးယား​ဘုရင်​ထောက်ပံ့​ပေး​လို​သော​စိတ်​ရှိ​စေရန် ပြု​တော်မူ​သောကြောင့် သူ​တို့​သည် တဆေးမဲ့မုန့်​ပွဲတော်​ကို ခုနစ်​ရက်​တိုင်တိုင် ဝမ်းမြောက်​စွာ​ကျင်းပ​ကြ​၏​။

ဆာ​လံ 114:3

ပင်လယ်​သည် မြင်​၍​ထွက်ပြေး​လေ​၏​။ ဂျော်ဒန်​မြစ်​သည် နောက်​သို့​ပြန်လှည့်​လေ​၏​။

ဆာ​လံ 114:5

အချင်း​ပင်လယ်​၊ သင်​သည် အဘယ်ကြောင့်​ထွက်ပြေး​ရ​သနည်း​။ အချင်း​ဂျော်ဒန်​မြစ်​၊ သင်​သည် အဘယ်ကြောင့် နောက်​သို့​ပြန်လှည့်​ရ​သနည်း​။

ဟေ​ရှာ​ယ 14:25

အဆီးရီးယား​လူမျိုး​ကို ငါ့​ပြည်​တွင် ချိုးဖဲ့​မည်​။ ငါ့​တောင်​များ​ပေါ်တွင် ငါ​နင်းချေ​မည်​။ သူ​၏​ထမ်းပိုး​ကို အစ္စရေး​လူမျိုး​တို့​အပေါ်​မှ ဖယ်ရှား​မည်​။ သူ​၏​ဝန်​ကို အစ္စရေး​လူမျိုး​တို့​၏​ပခုံး​ပေါ်​မှ​ဖယ်ရှား​မည်​”​ဟု ကျိန်ဆို​တော်မူ​၏​။

ဟေ​ရှာ​ယ 19:16

ထို​နေ့ရက်​၌ အီဂျစ်​ပြည်သား​တို့​သည် မိန်းမ​ကဲ့သို့​ဖြစ်​ကြ​လိမ့်မည်​။ ကောင်းကင်​ဗိုလ်ခြေ​အရှင်​ထာဝရဘုရား​သည် လက်​တော်​ကို ဝှေ့​တော်မူ​သောကြောင့် သူ​တို့​သည် ထိတ်လန့်​တုန်လှုပ်​ကြ​လိမ့်မည်​။

ဟေ​ရှာ​ယ 43:2

သင်​သည် ရေ​ကို​ဖြတ်ကူး​သောအခါ သင်​နှင့်အတူ​ငါ​ရှိ​မည်​။ မြစ်​ကို​ဖြတ်ကူး​သောအခါ သင့်​ကို ရေလွှမ်း​မည်​မ​ဟုတ်​။ မီး​ထဲ​လျှောက်​သောအခါ သင့်​ကို​မီးလောင်​မည်​မ​ဟုတ်​။ မီးလျှံ​သည် သင့်​ကို ဟပ်​မည်​မ​ဟုတ်​။

ဟေ​ရှာ​ယ 44:27

ငါ​သည် သမုဒ္ဒရာ​ကို ‘​ခန်းခြောက်​လော့​။ သင်​၏​မြစ်​တို့​ကို​လည်း ငါ​ခြောက်သွေ့​စေ​မည်​’​ဟု မိန့်ဆို​၏​။

ဟေ​ရှာ​ယ 51:10

အလွန်​နက်ရှိုင်း​သော​ပင်လယ်​ရေထု​ကို​ခန်းခြောက်​စေ​သော​သူ​၊ ရွေးနုတ်​ခံရ​သော​သူ​များ​ဖြတ်ကူး​နိုင်​ရန် နက်ရှိုင်း​သော​ပင်လယ်​ကို လမ်း​ဖြစ်စေ​သော​သူ​ကား ကိုယ်တော်​ပင်​မ​ဟုတ်​လော​။

ဟေ​ရှာ​ယ 51:9

အို ထာဝရဘုရား​၏​လက်ရုံး​တော်​၊ နိုးထ​တော်မူ​ပါ​။ နိုးထ​တော်မူ​ပါ​။ ခွန်အား​ကို​ဆင်ယင်​တော်မူ​ပါ​။ ရှေးကာလ​နေ့ရက်​များ​က​ကဲ့သို့​၊ ရှေးလွန်လေ​ပြီး​သော​မျိုးဆက်​တို့​ခေတ်​က​ကဲ့သို့ နိုးထ​တော်မူ​ပါ​။ ရာဟပ်​ကို​ခုတ်ဖြတ်​သော​သူ​၊ မြွေနဂါး​ကို​ထိုးဖောက်​သော​သူ​သည် ကိုယ်တော်​ပင်​မ​ဟုတ်​လော​။

ယေ​ဇ​ကျေ​လ 30:13

ဘုရားရှင်​ထာဝရဘုရား​က ‘ရုပ်တု​တို့​ကို​လည်း ငါ​ဖျက်ဆီး​ပစ်​မည်​။ မင်ဖစ်​မြို့​ရှိ​ဘုရား​ဆင်းတု​တို့​ကို​လည်း ကွယ်ပျောက်​စေ​မည်​။ အီဂျစ်​ပြည်​တွင် ခေါင်းဆောင်​တစ်ယောက်​မျှ ရှိ​တော့​မည်​မ​ဟုတ်​။ အီဂျစ်​ပြည်​တစ်ပြည်လုံး ကြောက်ရွံ့ထိတ်လန့်​အောင် ငါ​ပြု​မည်​။

ဇေဖနိ 2:13

ကိုယ်တော်​သည် မြောက်ဘက်​အရပ်​သို့ လက်​ကို​ဆန့်​၍ အဆီးရီးယား​ပြည်​ကို ဖျက်ဆီး​မည်​။ နိနေဝေ​မြို့​ကို​လည်း လူသူကင်းမဲ့​ရာ​၊ ခြောက်သွေ့​သော​ကန္တာရ​ကဲ့သို့ ဖြစ်​စေ​မည်​။

ဗျာ​ဒိတ် 16:12

ဆဋ္ဌမ​ကောင်းကင်​တမန်​သည် သူ​၏​ဖလား​ကို ကြီးမား​သော​ယူဖရေးတီး​မြစ်​ပေါ်သို့​သွန်းလောင်း​သောအခါ အရှေ့​ပြည်​မှ​ဘုရင်​များ​အတွက် လမ်း​ကို​ပြင်ဆင်​ပေး​ရန် မြစ်​ရေ​သည်​ခန်းခြောက်​သွား​လေ​၏။