ကမ္ဘာ​ဦး 42:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ခါနာန်​ပြည်​၌​လည်း ငတ်မွတ်ခေါင်းပါး​ခြင်း​ဘေး​ကျရောက်​သဖြင့် အစ္စရေး​၏​သား​တို့​သည် အခြားသူ​များ​နှင့်အတူ အစားအစာ​ဝယ်ယူ​ရန် သွား​ကြ​၏​။

Common Language Bible

⁵ ခါ​နာန်​ပြည်​တစ်​ပြည်​လုံး​တွင်​အစာ​ခေါင်း​ပါး​ခြင်း ကပ်​ဆိုက်​လျက်​ရှိ​သ​ဖြင့် ယာ​ကုပ်​၏​သား​တို့​သည် အ​ခြား​သော​စ​ပါး​ဝယ်​ရန်​သွား​သူ​တို့​နှင့်​အ​တူ အီ​ဂျစ်​ပြည်​သို့​သွား​ကြ​၏။-

Garrad Bible

⁵ ထို အ ခါ ခါ နာန် ပြည်၌ အ စာ ခေါင်း ပါး ခြင်း ကပ် သင့် သော ကြောင့် စ ပါး ဝယ် ရန် ရောက် လာ သော သူ တို့ တွင် ဣ သ ရေ လ သား တို့ လည်း ပါ ကြ ၏။

Judson Bible

⁵ ထို​အ​ခါ ခါ​နာန်​ပြည်၌ အ​စာ​ခေါင်း​ပါး​သော​ကြောင့်၊ အဲ​ဂု​တ္တု​ပြည်​သို့​ရောက်​လာ​သော​သူ​တို့​တွင်၊ ဣ​သ​ရေ​လ​သား​တို့​သည် စ​ပါး​ကို​ဝယ်​ခြင်း​ငှာ လာ​ကြ၏။

ကမ္ဘာ​ဦး 42:5 ပူးပေါင်းရင်းမြစ်များ

ကမ္ဘာ​ဦး 12:10

ထို့နောက် ထို​ပြည်​၌ ငတ်မွတ်ခေါင်းပါး​ခြင်း​ဘေး​ကျရောက်​၏​။ ထို​ပြည်​တွင် ငတ်မွတ်ခေါင်းပါး​ခြင်း​ဘေး​အလွန်​ဆိုးရွား​သောကြောင့် အာဗြံ​သည် အီဂျစ်​ပြည်​၌​တည်းခိုနေထိုင်​ရန် ဆင်းသွား​လေ​၏​။

ကမ္ဘာ​ဦး 26:1

အာဗြဟံ​လက်ထက်​၌​ကျရောက်​ခဲ့​ဖူး​သော ငတ်မွတ်ခေါင်းပါး​ခြင်း​ဘေး​မ​ဟုတ်​ဘဲ ထို​ပြည်​၌ ငတ်မွတ်ခေါင်းပါး​ခြင်း​ဘေး​ထပ်မံ​ကျရောက်​သည်​ဖြစ်၍ ဣဇက်​သည် ဖိလိတ္တိ​ဘုရင်​အဘိမလက်​မင်းကြီး​ရှိ​ရာ​ဂေရာ​မြို့​သို့ သွား​လေ​၏​။

ကမ္ဘာ​ဦး 41:54

ယောသပ်​ပြော​ခဲ့​သည့်​အတိုင်း ငတ်မွတ်ခေါင်းပါး​သော​နှစ် ခုနစ်​နှစ်​စတင်​ဖြစ်လာ​၏​။ အပြည်ပြည်​တို့​၌ ငတ်မွတ်ခေါင်းပါး​ခြင်း​ဘေး​ဖြစ်​သော်လည်း အီဂျစ်​ပြည်​တစ်ပြည်လုံး​တွင်​မူ အစားအစာ​ရှိ​၏​။

ကမ္ဘာ​ဦး 41:57

အပြည်ပြည်​မှ​လူ​တို့​သည်​လည်း အစားအစာ​ဝယ်ယူ​ရန် အီဂျစ်​ပြည်​ရှိ ယောသပ်​ထံသို့​လာ​ကြ​၏​။ အကြောင်းမူကား မြေ​တစ်ပြင်လုံး​၌ ငတ်မွတ်ခေါင်းပါး​ခြင်း​ဘေး​သည် ဆိုးရွား​လှ​၏​။

၂ ရာ 21:1

ဒါဝိဒ်​မင်းကြီး​လက်ထက်​တွင် ငတ်မွတ်ခေါင်းပါး​ခြင်း​ဘေး သုံး​နှစ်​ဆက်တိုက်​ဖြစ်​၏​။ ထို့ကြောင့် ဒါဝိဒ်​မင်းကြီး​က ထာဝရဘုရား​ထံ​မေးလျှောက်​လျှင် ထာဝရဘုရား​က “​ရှောလု​သည် ဂိဗောင်​မြို့သား​တို့​ကို သတ်​၍ အမျိုးအနွယ်​ထဲတွင် သွေးစွန်း​စေ​သော​အပြစ်​ကြောင့် ဤသို့​ဖြစ်​ရ​ပြီ​”​ဟု မိန့်​တော်မူ​၏​။

တမန်တော်ဝတ္ထု 11:28

ထို​သူ​တို့​အထဲမှ အာဂဗု​အမည်​ရှိ​သူ​တစ်​ဦး​သည် ထ​၍ ကမ္ဘာ​တစ်ဝန်းလုံး​၌ ကြီးစွာ​သော​ငတ်မွတ်​ခေါင်းပါး​ခြင်း​ဘေး ကျရောက်​တော့မည်​ဟု ဝိညာဉ်​တော်​အားဖြင့် ကြိုတင်​ဟောပြော​၏။ ထို​ဘေး​သည် ကလောဒိ​မင်း​၏​လက်ထက်​တွင် ဖြစ်ပေါ်​ခဲ့​၏။

တမန်တော်ဝတ္ထု 7:11

ထို့နောက် အီဂျစ်​ပြည်​နှင့်​ခါနာန်​ပြည်​တစ်ဝန်းလုံး​တွင် ငတ်မွတ်​ခေါင်းပါး​ခြင်း​နှင့် ကြီးစွာ​သော​ဆင်းရဲ​ဒုက္ခ​တို့​ကျရောက်​လာ​သဖြင့် ငါ​တို့​၏​ဘိုးဘေး​များ​သည် စားစရာ​ကို​မ​ရရှိ​နိုင်​တော့​ချေ။