၂ ရာ​ချုပ် 32:26

Judson Bible

သို့​ရာ​တွင် ဟေ​ဇ​ကိ​သည် မိ​မိ​စိတ်​ထောင်​လွှား​သော အ​ပြစ်​ကြောင့်၊ ယေ​ရု​ရှ​လင်​မြို့​သား​တို့​နှင့်​တ​ကွ ကိုယ်​တိုင်​ကိုယ်​ကို နှိမ့်​ချ​သော​ကြောင့်၊ လက်​ထက်​တော်​ကာ​လ​တွင်၊ ထာ​ဝ​ရ​ဘု​ရား၏ အ​မျက်​တော်​မ​သက်​ရောက်။

ပူးပေါင်းရင်းမြစ်များ

၃ ရာ 21:19

ထာ​ဝ​ရ​ဘု​ရား မိန့်​တော်​မူ​သည်​ကား၊ သင်​သည် လူ​အ​သက်​ကို​သတ်၍ သူ့​ဥ​စ္စာ​ကို သိမ်း​ယူ​ပြီ​လော။ တစ်​ဖန်​မိန့်​တော်​မူ​သည်​ကား၊ ခွေး​တို့​သည် နာ​ဗုတ်​အ​သွေး​ကို လျက်​သော​အ​ရပ်၌ သင့်​အ​သွေး​ကို​ပင်​လျက်​ကြ​လိမ့်​မည်​ဟု မိန့်​တော်​မူ​ကြောင်း​ကို ဆင့်​ဆို​လော့​ဟု မှာ​ထား​တော်​မူ၏။

၃ ရာ 21:29

အာ​ဟပ်​သည် ငါ့​ရှေ့​မှာ​နှိမ့်​ချ​သည်​ကို မြင်​ပြီ​လော။ ထို​သို့ ငါ့​ရှေ့​မှာ​နှိမ့်​ချ​သော​ကြောင့်၊ သူ့​လက်​ထက်၌ ထို​ဘေး​ဥ​ပဒ်​ကို ငါ​မ​ရောက်​စေ။ သူ့​သား​လက်​ထက်၌ သူ့​အ​မျိုး​အ​ပေါ်​သို့ ရောက်​စေ​မည်​ဟု မိန့်​တော်​မူ၏။

၄ ရာ 22:19

ဤ​အ​ရပ်​သား​တို့​သည် ဖျက်​ဆီး​ရာ​နှင့် ကျိန်​ဆဲ​ရာ​ဖြစ်​ရ​ကြ​လိမ့်​မည်​ဟု ဤ​အ​ရပ်​ကို​လည်း​ကောင်း၊ ဤ​အ​ရပ်​သား​တို့​ကို​လည်း​ကောင်း၊ ငါ​ခြိမ်း​ခြောက်​သော​စ​ကား​ကို သင်​သည် ကြား​သော​အ​ခါ၊ နူး​ညံ့​သော​စိတ်​ရှိ၍ ထာ​ဝ​ရ​ဘု​ရား​ရှေ့​တော်၌ ကိုယ်​ကို​နှိမ့်​ချ​ခြင်း၊ ကိုယ်​အ​ဝတ်​ကို​ဆုတ်​ခြင်း၊ ငါ့​ရှေ့​မှာ ငို​ကြွေး​ခြင်း​ကို​ပြု​သော​ကြောင့် သင့်​စ​ကား​ကို ငါ​နား​ထောင်၏။

၂ ရာ​ချုပ် 12:7

ထို​သို့​နှိမ့်​ချ​ကြောင်း​ကို ထာ​ဝ​ရ​ဘု​ရား​မြင်​လျှင်၊ နှုတ်​က​ပတ်​တော်​သည် ရှေ​မာ​ယ​သို့​ရောက်၍၊ သူ​တို့​သည် နှိမ့်​ချ​ကြ​ပြီ။ ထို​ကြောင့်​သူ​တို့​ကို ငါ​မ​ဖျက်​ဆီး၊ အ​နည်း​ငယ်​သော ချမ်း​သာ​ကို​ပေး​မည်။ ရှိ​ရှက်​လက်​ဖြင့် ယေ​ရု​ရှ​လင်​မြို့​ပေါ်​သို့ ငါ့​အ​မျက်​ကို မ​သွန်း​လောင်း​ရ။

၂ ရာ​ချုပ် 32:27

ဟေ​ဇ​ကိ​သည် များ​စွာ​သော စည်း​စိမ်​ဥ​စ္စာ ဂုဏ်​အ​သ​ရေ​ရှိ၏။ ရွှေ၊ ငွေ၊ ကျောက်​မြတ်၊ နံ့​သာ​မျိုး၊ ဒိုင်း​လွှား၊ နှ​မြော​ဖွယ်​သော တန်​ဆာ သို​ထား​ရာ​ဘ​ဏ္ဍာ​တိုက်​များ​ကို တည်​လေ၏။

၂ ရာ​ချုပ် 33:12

ထို​သို့​မ​နာ​ရှေ​သည် ဆင်း​ရဲ​ဒု​က္ခ​ကို ခံ​ရ​သော​အ​ခါ၊ မိ​မိ​ဘု​ရား​သ​ခင် ထာ​ဝ​ရ​ဘု​ရား​ကို​တောင်း​ပန်၍၊ ဘိုး​ဘေး​တို့၏ ဘု​ရား​သ​ခင့်​ရှေ့​မှာ ကိုယ်​ကို အ​လွန်​နှိမ့်​ချ​လျက်၊

၂ ရာ​ချုပ် 33:19

သူ​ဆု​တောင်း​ခြင်း၊ ဘု​ရား​သ​ခင်​နား​ထောင်​တော်​မူ​ခြင်း၊ အ​မှု​မ​ရောက်​မီ ပြစ်​မှား​လွန်​ကျူး​ခြင်း၊ မြင့်​သော​အ​ရပ်​တို့​ကို တည်​ခြင်း၊ အာ​ရှ​ရ​ပင်​နှင့် ရုပ်​တု​ဆင်း​တု​တို့​ကို တည်​ထောင်​ခြင်း​အ​ရာ​တို့​သည်၊ ဟော​ဇဲ၏​ကျမ်း​စ​ကား​တွင် ရေး​ထား​လျက်​ရှိ၏။

၂ ရာ​ချုပ် 33:23

ခ​မည်း​တော်​သည် ထာ​ဝ​ရ​ဘု​ရား​ရှေ့​တော်၌ ကိုယ်​ကို​နှိမ့်​ချ​သ​ကဲ့​သို့ မ​နှိမ့်​ချ​ဘဲ အ​ထူး​သ​ဖြင့် ပြစ်​မှား၏။

ယာ​ကုပ် 4:10

ဘု​ရား​သ​ခင့်​ရှေ့​တော်၌ ကိုယ်​ကို​ကိုယ် နှိမ့်​ချ​ကြ​လော့။ သို့​ပြု​လျှင်၊ သင်​တို့​ကို ချီး​မြှောက်​တော် မူ​လိမ့်​မည်။