အာ​မုတ် 9:9

Judson Bible

တစ်​ဖန် ငါ​အ​မိန့်​တော်​ရှိ​သ​ဖြင့် ဆန်​ကို ဆန်​ခါ​နှင့် ချ​သ​ကဲ့​သို့၊ ဣ​သ​ရေ​လ​အ​မျိုး​ကို ခပ်​သိမ်း​သော​အ​မျိုး​တို့​တွင် ဆန်​ခါ​နှင့် ငါ​ချ​မည်။ ဆန်​တစ်​စေ့​မျှ မြေ​သို့​မ​ကျ​ရ။

ပူးပေါင်းရင်းမြစ်များ

ဟေ​ရှာ​ယ 27:12

အို​ဣ​သ​ရေ​လ အ​မျိုး​သား​တို့၊ ထို​ကာ​လ၌​လည်း၊ ထာ​ဝ​ရ​ဘု​ရား​သည် မြစ်​ကြီး​မှ​စ၍၊ အဲ​ဂု​တ္တု​မြစ်​တိုင်​အောင် သစ်​သီး​များ​ကို သိမ်း​ယူ​တော်​မူ​သ​ဖြင့်၊ သင်​တို့​သည် တစ်​ယောက်​နောက်​တစ်​ယောက်၊ ကောက်​သိမ်း​ခြင်း​ကျေး​ဇူး​တော်​ကို ခံ​ရ​ကြ​လိမ့်​မည်။

ဟေ​ရှာ​ယ 28:28

ဂျုံ​စ​ပါး​ကို​ကား နယ်​တတ်၏။ သို့​သော်​လည်း၊ အ​စဉ်​နယ်​တတ်​သည် မ​ဟုတ်။ လှည်း​ဘီး​နှင့် မြင်း​တို့​ကို နှင်​သော်​လည်း၊ စ​ပါး​ကို ညက်​စေ​တတ်​သည် မ​ဟုတ်။

ဟေ​ရှာ​ယ 30:28

ထွက်​သက်​တော်​သည်​လည်း၊ လူ​မျိုး​တို့​ကို ရှင်း​ရှင်း ဖျက်​ဆီး​ခြင်း​ငှာ၊ လွှမ်း​မိုး​သော​ရေ​ကဲ့​သို့ လည်​ပင်း​ကို မီ​လိမ့်​မည်။ လမ်း​လွဲ​စေ​သော​ဇက်​ကို သူ​တို့​ပါး​စပ်၌ ခွံ့​တော်​မူ​လိမ့်​မည်။

ယေ​ရ​မိ 31:36

ထို​တ​ရား​တို့​သည် ငါ့​ရှေ့​မှာ​ကွယ်​ပျောက်​လျှင်၊ ဣ​သ​ရေ​လ​အ​မျိုး​သည် ငါ့​ရှေ့​မှာ အ​မျိုး​တိမ်​မြုပ်၍ အ​စဉ် ကွယ်​ပျောက်​လိမ့်​မည်​ဟု မိန့်​တော်​မူ၏။

ယေ​ရ​မိ 46:28

ငါ့​ကျွန်​ယာ​ကုပ် မ​ကြောက်​နှင့်။ သင်​နှင့်​အ​တူ ငါ​ရှိ၏။ သင့်​ကို ငါ​နှင်​ထုတ်​သော တိုင်း​နိုင်​ငံ​ရှိ​သ​မျှ​တို့​ကို ငါ​သည်​ဆုံး​စေ​သော်​လည်း၊ သင့်​ကို​မ​ဆုံး​စေ။ သို့​ရာ​တွင်၊ ရှင်း​ရှင်း​အ​ပြစ်​မ​လွှတ်​ဘဲ အ​တော်​အ​တန်​ဆုံး​မ​မည်​ဟု ထာ​ဝ​ရ​ဘု​ရား မိန့်​တော်​မူ၏။

ယေ​ရ​မိ 49:36

အ​ရပ်​လေး​မျက်​နှာ​တို့​က လေ​လေး​မျိုး​ကို ဧ​လံ​ပြည်​သို့ ငါ​ဆောင်​ခဲ့​မည်။ ထို​လေ​တို့​ရှေ့​မှာ ပြည်​သား​များ​ကို ငါ​လွှင့်​မည်။ ထို​သို့​နှင်​ထုတ်​သော ဧ​လံ​ပြည်​သား​မ​ရောက်​သော တိုင်း​နိုင်​ငံ​တစ်​ခု​မျှ​မ​ရှိ​ရ။

ယေ​ဇ​ကျေ​လ 20:38

ငါ့​ကို​ပုန်​ကန်၍ ပြစ်​မှား​သော​သူ​တို့​ကို သင်​တို့​ထဲ​က​နုတ်​ပယ်​မည်။ သူ​တို့​သည် တည်း​နေ​သော​ပြည်​မှ ထွက်​သွား​ရ​သော်​လည်း၊ ဣ​သ​ရေ​လ​ပြည်​သို့ မ​ဝင်​ကြ​ရ။ ငါ​သည် ထာ​ဝ​ရ​ဘု​ရား​ဖြစ်​ကြောင်း​ကို သင်​တို့​သိ​ရ​ကြ​လိမ့်​မည်။

ယေ​ဇ​ကျေ​လ 36:19

အ​တိုင်း​တိုင်း​အ​ပြည်​ပြည်​သို့ ငါ​ကွဲ​ပြား​ပျံ့​လွင့်​စေ​ပြီ။ သူ​တို့ ကျင့်​ကြံ​ပြု​မူ​သည်​အ​တိုင်း ငါ​စီ​ရင်​ပြီ။

ယေ​ဇ​ကျေ​လ 39:28

ငါ​သည် သူ​တို့​ကို တစ်​ပါး​အ​မျိုး​သား​တို့၏​သိမ်း​သွား​ခြင်း​ကို ခံ​စေ​သော​ကြောင့်​လည်း​ကောင်း၊ နောက်​တစ်​ဖန် နေ​ရင်း​ပြည်၌ စု​ဝေး​စေ၍ နေ​ရာ​ချ​သော​ကြောင့်​လည်း​ကောင်း၊ သူ​တို့၏​ဘု​ရား​သ​ခင်​ထာ​ဝ​ရ​ဘု​ရား ဖြစ်​ကြောင်း​ကို သိ​ရ​ကြ​လိမ့်​မည်။

ယေ​ဇ​ကျေ​လ 5:10

သင်၏​အ​လယ်၌ အ​ဘ​တို့​သည် သား​တို့​ကို စား​ကြ​လိမ့်​မည်။ သား​တို့​သည်​လည်း အ​ဘ​တို့​ကို စား​ကြ​လိမ့်​မည်။ သင်၌​အ​ပြစ်​ဒဏ်​ကို စီ​ရင်၍၊ ကျန်​ကြွင်း​သ​မျှ​ကို အ​ရပ်​ရပ်​တို့​က​လာ​သော လေ​ရှေ့​မှာ ငါ​လွှင့်​မည်။

ယေ​ဇ​ကျေ​လ 5:12

သင်၏​သုံး​စု​တို့​တွင်၊ တစ်​စု​သည် နာ​ဘေး​ဖြင့်​သေ၍၊ သင်၏​အ​လယ်၌ မွတ်​သိပ်​ခြင်း​ဘေး​ဖြင့် ဆုံး​ရ​လိမ့်​မည်။ တစ်​စု​သည် သင့်​ပတ်​လည်၌ ဓား​ဘေး​ဖြင့်​လဲ၍ သေ​ရ​လိမ့်​မည်။ တစ်​စု​ကို အ​ရပ်​ရပ်​တို့​က​လာ​သော လေ​ရှေ့​မှာ ငါ​လွှင့်၍၊ သူ့​နောက်​သို့ ဓား​ကို​လွှတ်​လိုက်​မည်။

ဝတ်​ပြု 26:33

သာ​သ​နာ​ပ​လူ​တို့​တွင် သင်​တို့​ကို အ​ရပ်​ရပ်​ငါ​ကွဲ​ပြား​စေ၍၊ ဓား​မိုး​လျက်​လိုက်​မည်။ သင်​တို့​ပြည်​သည်​လည်း လူ​ဆိတ်​ညံ​လျက်၊ မြို့​သည်​လည်း ပျက်​စီး​လျက်​ရှိ​လိမ့်​မည်။

လုကာ 22:31

တစ်​ဖန် သ​ခင်​ဘု​ရား​က၊ ရှိ​မုန်၊ ရှိ​မုန်၊ ဂျုံ​ဆန်​ကို ဆန်​ခါ​နှင့် ချ​သ​ကဲ့​သို့ စာ​တန်​သည် သင်​တို့​ကို ချ​ရ​မည်​အ​ကြောင်း အ​ခွင့်​တောင်း​သည်​ဖြစ်၍၊-

တ​ရား​ဟော 28:64

ထာ​ဝ​ရ​ဘု​ရား​သည်​လည်း၊ မြေ​ကြီး​စွန်း​တစ်​ဖက်​မှ​သည် တစ်​ဖက်​တိုင်​အောင်၊ လူ​မျိုး​အ​ပေါင်း​တို့​တွင် သင့်​ကို အ​ရပ်​ရပ်​ကွဲ​ပြား​စေ​တော်​မူ​သ​ဖြင့်၊ သင်​နှင့် သင့်​ဘိုး​ဘေး​တို့​မ​သိ​ဖူး​သော အ​ခြား​တစ်​ပါး​သော​ဘု​ရား၊ သစ်​သား​ဘု​ရား၊ ကျောက်​ဘု​ရား​တို့​ကို ဝတ်​ပြု​ရ​လိမ့်​မည်။