ဟေ​ရှာ​ယ 52:12

Judson Bible

သင်​တို့​သည် အ​လျင်​အ​မြန် မ​ထွက်​ရ​ကြ။ ပြေး၍ မ​သွား​ရ​ကြ။ ထာ​ဝ​ရ​ဘု​ရား​သည် သင်​တို့​ရှေ့၌ ကြွ​တော်​မူ​မည်။ နောက်၌​လည်း ဣ​သ​ရေ​လ​အ​မျိုး၏ ဘု​ရား​သ​ခင်​သည် သင်​တို့​အ​ကွယ်​အ​ကာ ဖြစ်​တော်​မူ​မည်။

ပူးပေါင်းရင်းမြစ်များ

၁ ရာ​ချုပ် 14:15

ပိုး​စာ​ပင်​ဖျား၌ စစ်​ချီ​သံ​ကို​ကြား​သော​အ​ခါ၊ တိုက်​အံ့​သော​ငှာ ချီ​လော့။ ထို​အ​ခါ ဘု​ရား​သ​ခင်​သည် ဖိ​လိ​တ္တိ​တပ်​ကို လုပ်​ကြံ​ခြင်း​ငှာ သင့်​ရှေ့​မှာ ကြွ​သွား​မည်​ဟု ဘု​ရား​သ​ခင် မိန့်​တော်​မူ​သည်​အ​တိုင်း၊

ထွက်​မြောက် 12:11

အ​ဘယ်​သို့​စား​ရ​မည်​နည်း​ဟူ​မူ​ကား၊ ခါး​စည်း​ကို​စည်း​လျက်၊ ခြေ​နင်း​ကို​စီး​လျက်၊ တောင်​ဝှေး​ကို​ကိုင်​လျက် အ​လျင်​အ​မြန်​စား​ရ​မည်။ ထာ​ဝ​ရ​ဘု​ရား​၏ ပ​သ​ခါ​ဖြစ်​သ​တည်း။

ထွက်​မြောက် 12:33

အဲ​ဂု​တ္တု​လူ​တို့​က​လည်း၊ ငါ​တို့​ရှိ​သ​မျှ​သည် အ​သေ​ကောင်​ဖြစ်​ကြ​ပြီ​ဟု​ဆို​လျက်၊ ဣ​သ​ရေ​လ​လူ​တို့​ကို အဲ​ဂု​တ္တု​ပြည်​ထဲ​က အ​လျင်​အ​မြန်​လွှတ်​ခြင်း​ငှာ ကျပ်​ကျပ်​နှိုး​ဆော်​ကြ​၏။

ထွက်​မြောက် 12:39

တ​ဆေး​မ​ရော​ဘဲ အဲ​ဂု​တ္တု​ပြည်​မှ​ဆောင်​ခဲ့​သော မုန့်​စိမ်း​ကို​ယူ၍၊ တ​ဆေး​မ​ပါ​သော​မုန့်​ကို​ဖုတ်​ရ​ကြ​၏။ အ​ကြောင်း​မူ​ကား၊ အဲ​ဂု​တ္တု​ပြည်၌ မ​နွှဲ​မ​ဖင့် အ​နှင်​ခံ​ရ​သော​ကြောင့်၊ ကိုယ်​စား​စ​ရာ​ကို​မ​ပြင်​မီ​ကြ။

ထွက်​မြောက် 14:8

ထာ​ဝ​ရ​ဘု​ရား​သည်၊ ဖာ​ရော​ဘု​ရင်၏​နှ​လုံး​ကို ခိုင်​မာ​စေ​တော်​မူ​သ​ဖြင့်၊ သူ​သည် ဣ​သ​ရေ​လ​အ​မျိုး​သား​တို့​ကို​လိုက်​လေ၏။ သို့​သော်​လည်း၊ ဣ​သ​ရေ​လ​လူ​တို့​သည် ဝါ​ကြွား​သော​အ​ခြင်း​အ​ရာ​နှင့် ထွက်​သွား​ကြ​၏။

ဟေ​ရှာ​ယ 26:7

ဖြောင့်​မတ်​သော​သူ​သည် ဖြောင့်​သော​လမ်း၌ သွား​တတ်၏။ အို ဖြောင့်​မတ်​တော်​မူ​သော​ဘု​ရား၊ ကိုယ်​တော်​သည် ဖြောင့်​မတ်​သော​သူ၏ လမ်း​ခ​ရီး​ကို ပြင်​ဆင်​တော်​မူ၏။

ဟေ​ရှာ​ယ 28:16

အ​ရှင်​ထာ​ဝ​ရ​ဘု​ရား​က၊ စုံ​စမ်း​သော​အ​မြစ်​ကျောက်​တည်း​ဟူ​သော၊ မ​လှုပ်​နိုင်​အောင် မြဲ​မြံ​သော တိုက်​ထောင့်​အ​မြစ် ကျောက်​မြတ်​ကို ဇိ​အုန်​တောင်​ပေါ်​မှာ ငါ​ချ​ထား၏။ ထို​ကျောက်​ကို အ​မှီ​ပြု​သော​သူ​သည် ပြေး​ရ​သော​အ​ကြောင်း မ​ရှိ။

ဟေ​ရှာ​ယ 42:16

မျက်​စိ​ကန်း​သော​သူ​တို့​ကို မိ​မိ​တို့​မ​သိ​သော​လမ်း​ဖြင့် ငါ​ဆောင်​မည်။ မိ​မိ​တို့ မ​ကျွမ်း​သော​ခ​ရီး၌ သွား​စေ​မည်။ သူ​တို့​ရှေ့​မှာ မှောင်​မိုက်​ကို လင်း​စေ​မည်။ ကောက်​သော​လမ်း​ကို​လည်း ဖြောင့်​စေ​မည်။ ထို​သို့​သော​ကျေး​ဇူး​ကို ပြု​မည်။ သူ​တို့​ကို မ​စွန့်​ပစ်။

ဟေ​ရှာ​ယ 45:2

သင့်​ရှေ့​မှာ ငါ​သွား၍ မြင့်​သော​အ​ရပ်​ကို ညီ​စေ​မည်။ ကြေး​ဝါ​တံ​ခါး​တို့​ကို ချိုး၍၊ သံ​ကန့်​လန့်​တို့​ကို အ​ပိုင်း​ပိုင်း​ဖြတ်​မည်။

ဟေ​ရှာ​ယ 49:10

သူ​တို့​သည် ရေ​စာ​ကို မ​ငတ်​မ​မွတ်​ရ။ အ​ပူ​ကို​လည်း မ​ခံ​ရ​ကြ။ နေ​ရောင်​ခြည် မ​ထိ​ရ။ အ​ကြောင်း​မူ​ကား၊ သူ​တို့​ကို သ​နား​သော​သူ​သည် သူ​တို့​ကို ပို့​ဆောင်၍၊ စမ်း​ရေ​တွင်း​အ​နား​သို့​လမ်း​ပြ​လိမ့်​မည်။

ဟေ​ရှာ​ယ 49:11

ငါ၏​တောင်​ရှိ​သ​မျှ​တို့​ကို သွား​ရာ​လမ်း​ဖြစ်​စေ​မည်။ ငါ၏​မြေ​တန်​တား​များ​ကို​လည်း ငါ​ဖို့​မည်။

ဟေ​ရှာ​ယ 51:14

အ​ချုပ်​ခံ​ရ​သော​သူ​သည် ထောင်​ထဲ​မှာ​မ​သေ၊ ရေ​စာ​မ​ပြတ်၊ လျင်​မြန်​စွာ​ကယ်​နုတ်​ခြင်း​သို့ ရောက်​လိမ့်​မည်။

ဟေ​ရှာ​ယ 57:18

သူ၏ အ​ကျင့်​ဓ​လေ့​တို့​ကို ငါ​မြင်​ပြီ။ သူ့​ကို​အ​နာ​ပျောက်​စေ၍ လမ်း​ပြ​ဦး​မည်။ သူ့​ကို​လည်း​ကောင်း၊ သူ​နှင့်​အ​တူ စိတ်​ညှိုး​ငယ်​သော သူ​တို့​ကို​လည်း​ကောင်း၊ ချမ်း​သာ​ပေး​ဦး​မည်။

ဟေ​ရှာ​ယ 58:8

သို့​ပြု​လျှင် သင်၏​အ​လင်း​သည် မိုး​သောက်​သော အ​လင်း​ကဲ့​သို့​ပေါ်​ထွန်း၍၊ အ​လျင်​အ​မြန် ကျန်း​မာ​ခြင်း​သို့​ရောက်​လိမ့်​မည်။ သင်၏ ဖြောင့်​မတ်​ခြင်း​ပါ​ရ​မီ​သည် သင့်​ရှေ့၌ သွား၍၊ ထာ​ဝ​ရ​ဘု​ရား၏​ဘုန်း​တော်​သည် နောက်၌ လုံ​ခြုံ​စေ​လိမ့်​မည်။

မိက္ခာ 2:13

အ​နိုင်​အ​ထက် ဖွင့်​သော​သူ​သည် သူ​တို့​ရှေ့​မှာ​သွား၏။ သူ​တို့​သည်​လည်း အ​နိုင်​အ​ထက်​ဖွင့်၍ တံ​ခါး​ဝ​ဖြင့် လျှောက်​သွား​ကြ၏။ သူ​တို့ ရှင်​ဘု​ရင်​သည် သူ​တို့​ရှေ့​မှာ​သွား၍ ထာ​ဝ​ရ​ဘု​ရား​သည် လမ်း​ပြ​တော်​မူ၏။

တော​လည် 10:25

နောက်​ဆုံး​တပ်​တည်း​ဟူ​သော ဒန်​တပ် အ​စဉ်​အ​တိုင်း အ​လုံး​အ​ရင်း​တို့​သည် အ​လံ​နှင့်​တ​ကွ​ချီ​သွား​ကြ၏။ ဒန်​တပ်​ကို အ​မိ​ရှ​ဒ္ဒဲ​သား​အ​ဟေ​ဇာ အုပ်​ရ၏။

တ​ရား​ဟော 16:3

သင်​သည် အဲ​ဂု​တ္တု​ပြည်​မှ​ထွက်​လာ​သော​နေ့​ရက်​ကို တစ်​သက်​လုံး​အောက်​မေ့​ဖို့​ရာ ပ​သ​ခါ​ပွဲ​ခံ​စဉ်၊ တ​ဆေး​ပါ​သော​မုန့်​ကို မ​စား​ရ​ဘဲ၊ တ​ဆေး​မ​ပါ​သော မုန့်​တည်း​ဟူ​သော ဒု​က္ခ​မုန့်​ကို ခု​နစ်​ရက်​ပတ်​လုံး​စား​ရ​မည်။ အ​ကြောင်း​မူ​ကား၊ သင်​သည် အဲ​ဂု​တ္တု​ပြည်​မှ အ​လျင်​တ​ဆော ထွက်​လာ​သ​တည်း။

တ​ရား​ဟော 20:4

အ​ကြောင်း​မူ​ကား၊ သင်​တို့၏ ဘု​ရား​သ​ခင်​ထာ​ဝ​ရ​ဘု​ရား​သည် ရန်​သူ​တို့​ကို​စစ်​တိုက်၍ သင်​တို့​ကို ကယ်​တင်​ခြင်း​အ​လို​ငှာ၊ သင်​တို့​နှင့်​အ​တူ ကြွ​တော်​မူ​သည်​ဟု လူ​တို့​အား​ပြော​ဆို​ရ​ကြ​မည်။

ယော​ရှု 4:11

လူ​များ​အ​ပေါင်း​တို့​သည် အ​ကုန်​အ​စင်​ကူး​ကြ​ပြီး​မှ၊ ထာ​ဝ​ရ​ဘု​ရား၏​သေ​တ္တာ​တော်​နှင့်​တ​ကွ ယဇ်​ပု​ရော​ဟိတ်​တို့​သည် လူ​များ​မျက်​မှောက်​တွင်​ကူး​ကြ၏။

ယော​ရှု 6:9

တံ​ပိုး​မှုတ်​သော ယဇ်​ပု​ရော​ဟိတ်​တို့​ရှေ့​မှာ လက်​နက်​ကိုင်​တို့​သည်​သွား၍၊ ယဇ်​ပု​ရော​ဟိတ်​များ တံ​ပိုး​မှုတ်​လျက်​သွား​ကြ​စဉ်၊ နောက်​တပ်​သား​တို့​သည် သေ​တ္တာ​တော်​နောက်​သို့ လိုက်​ကြ၏။

သူ​ကြီး 4:14

ဒေ​ဗော​ရ​က​လည်း ထ​လော့။ ယ​နေ့​ကား ထာ​ဝ​ရ​ဘု​ရား​သည် သိ​သ​ရ​ကို သင့်​လက်၌ အပ်​တော်​မူ​သော​နေ့ ဖြစ်၏။ ထာ​ဝ​ရ​ဘု​ရား​သည် သင့်​ရှေ့​မှာ ကြွ​တော်​မူ​ပြီ မ​ဟုတ်​လော​ဟု ဆို​လေ​သော်၊ ဗာ​ရက်​သည် လူ​တစ်​သောင်း​နှင့်​တ​ကွ တာ​ဗော်​တောင်​ပေါ်​က ဆင်း​လေ၏။