ဟေ​ရှာ​ယ 51:9

Judson Bible

အို ထာ​ဝ​ရ​ဘု​ရား၏​လက်​ရုံး​တော်၊ နိုး​တော်​မူ​ပါ။ နိုး၍ ခွန်​အား​ကို ယူ​တော်​မူ​ပါ။ ရှေး​ကာ​လ​နှင့် လွန်​ဖူး​သော​ကာ​လ၌​ကဲ့​သို့ နိုး​တော်​မူ​ပါ။ ရာ​ခပ်​ကို​ဒဏ်​ခတ်၍ န​ဂါး​ကို နာ​စေ​သော​သူ​ကား၊ ကိုယ်​တော်​ပင် မ​ဟုတ်​လော။

ပူးပေါင်းရင်းမြစ်များ

ယောဘဝတ္တု။ 26:12

တန်​ခိုး​တော်​အား​ဖြင့် သ​မု​ဒ္ဒ​ရာ​ကို ဆုံး​မ​တော်​မူ၏။ ပ​ညာ​တော်​အား​ဖြင့်​သူ၏ မာ​န​ကို ချိုး​ဖျက်​တော်​မူ၏။

ယောဘဝတ္တု။ 9:13

ဘု​ရား​သ​ခင်​သည် အ​မျက်​ပြေ​တော်​မ​မူ​လျှင်၊ မာ​န​ကြီး၍ အား​ပေး​သော​သူ​တို့​သည် ရှေ့​တော်၌ နှိမ့်​ချ​ခြင်း​ကို ခံ​ရ​ကြ၏။

ဆာ​လံ 21:13

အို​ထာ​ဝ​ရ​ဘု​ရား၊ ကိုယ်​တော်​သည် အ​စွမ်း​တန်​ခိုး​တော်​အား​ဖြင့် ချီး​မြှောက်​ခြင်း ရှိ​တော်​မူ​စေ​သ​တည်း။ အ​ကျွန်ုပ်​တို့​သည် တန်​ခိုး​တော်​ကို ထော​မ​နာ​သီ​ချင်း​ဆို​ကြ​ပါ​မည်။

ဆာ​လံ 44:1

အို​ဘု​ရား​သ​ခင်၊ ရှေး​လွန်​လေ​ပြီး​သော​ကာ​လ​တွင်၊ ဘိုး​ဘေး​တို့​လက်​ထက်၌ ပြု​တော်​မူ​သော​အ​မှု​ကို သူ​တို့​ပြော၍၊ အ​ကျွန်ုပ်​တို့​သည် ကိုယ်​တိုင်​ကြား​ရ​ကြ​ပါ​ပြီ။

ဆာ​လံ 44:2

တစ်​ပါး​အ​မျိုး​သား​တို့​ကို လက်​တော်​ဖြင့်​နှင်​ထုတ်၍ အ​ကျွန်ုပ်​တို့၏​ဘိုး​ဘေး​များ​ကို နေ​ရာ​ချ​တော်​မူ၏။ တစ်​ပါး​အ​မျိုး​သား​တို့​ကို နှိပ်​စက်၍ ဘိုး​ဘေး​များ​ကို ပြန့်​ပွား​စေ​တော်​မူ၏။

ဆာ​လံ 44:23

အို​ဘု​ရား​ရှင်၊ နိုး​တော်​မူ​ပါ။ အ​ဘယ်​ကြောင့် ကျိန်း​စက်​တော်​မူ​သ​နည်း။ ထ​တော်​မူ​ပါ။ အ​ကျွန်ုပ်​တို့​ကို အ​စဉ်​စွန့်​ပစ်​တော်​မ​မူ​ပါ​နှင့်။

ဆာ​လံ 44:24

အ​ကျွန်ုပ်​တို့ ခံ​ရ​သော​နှိမ့်​ချ​ခြင်း​နှင့် ညှဉ်း​ဆဲ​ခြင်း​ကို မျက်​နှာ​တော်​လွှဲ၍ အ​ဘယ်​ကြောင့် မေ့​လျော့​တော်​မူ​သ​နည်း။

ဆာ​လံ 59:4

အ​ကျွန်ုပ်၌ အ​ပြစ်​မ​ရှိ​ဘဲ သူ​တို့​သည်​ပြေး​လာ၍ ပြင်​ဆင်​ကြ​ပါ၏။ အ​ကျွန်ုပ်​ကို ကူ​မ​ခြင်း​ငှာ နိုး​တော်​မူ​ပါ။ ကြည့်​ရှု​တော်​မူ​ပါ။

ဆာ​လံ 7:6

အို​ထာ​ဝ​ရ​ဘု​ရား၊ အ​မျက်​တော်​ထွက်၍ ထ​တော်​မူ​ပါ။ အ​ကျွန်ုပ်၏​ရန်​သူ​တို့ ပြင်း​ထန်​ခြင်း​ကို ဆီး​တား၍ အား​ထုတ်​တော်​မူ​ပါ။ အ​ကျွန်ုပ်​အ​ဖို့ နိုး​တော်​မူ​ပါ။ တ​ရား​စီ​ရင်​ဆုံး​ဖြတ်​တော်​မူ​ပါ။

ဆာ​လံ 77:5

လွန်​လေ​ပြီး​သော နေ့​ရက်​ကို​လည်း​ကောင်း၊ ရှေး​ကာ​လ​ကို​လည်း​ကောင်း အောက်​မေ့၏။

ဆာ​လံ 78:65

ထို​အ​ခါ ဘု​ရား​ရှင်​သည် အိပ်​ပျော်​ပြီး​သော သူ​ကဲ့​သို့​လည်း​ကောင်း၊ စ​ပျစ်​ရည်​ကြောင့် ငြိမ်​ပြီး​သော သူ​ရဲ​ကဲ့​သို့​လည်း​ကောင်း နိုး​တော်​မူ၏။

ဆာ​လံ 87:4

ငါ့​ကို​သိ​ကျွမ်း​သော​သူ​တို့​တွင်၊ ရာ​ခပ်​မြို့​နှင့် ဗာ​ဗု​လုန်​မြို့​ကို ငါ​မှတ်​ထား​မည်။ ဖိ​လိ​တ္တိ​ပြည်၊ တု​ရု​ပြည်၊ ကု​ရှ​ပြည်​တို့​ကို​လည်း ကြည့်​ကြ​လော့။ ဤ​မည်​သော​ပြည်​သား​သည် မြို့​တော်၌ ဖွား​မြင်​သော​သူ​ဖြစ်၏။

ဆာ​လံ 89:10

ကိုယ်​တော်​သည် သူ​ရဲ​ကဲ့​သို့ ရာ​ခပ်​ကို​ချိုး​ဖျက်၍၊ အား​ကြီး​သော​လက်​ရုံး​တော်​ဖြင့် ရန်​သူ​တို့​ကို အ​ရပ်​ရပ်​သို့ ကွဲ​ပြား​စေ​တော်​မူ၏။

ဆာ​လံ 89:11

ကောင်း​ကင်​နှင့် မြေ​ကြီး​သည် ကိုယ်​တော်၏​ဥ​စ္စာ​ဖြစ်​ပါ၏။ လော​က​ဓာတ်​နှင့် လော​က​ဓာတ်​တန်​ဆာ​များ​ကို တည်​တော်​မူ​ပြီ။

ဆာ​လံ 93:1

ထာ​ဝ​ရ​ဘု​ရား​သည် စိုး​စံ၍၊ အာ​နု​ဘော်​နှင့် တန်​ဆာ​ဆင်​တော်​မူ၏။ ထာ​ဝ​ရ​ဘု​ရား​သည် ထို​သို့​ဝတ်​ဆင်၍၊ ခွန်​အား​ကို ခါး​ပန်း​စည်း​တော်​မူ၏။ သို့​ဖြစ်၍၊ လော​က​ဓာတ်​သည် မ​လှုပ်​မ​ရှား​နိုင်​အောင် တည်​လျက်​ရှိ၏။

ထွက်​မြောက် 6:6

ထို​ကြောင့် ဣ​သ​ရေ​လ​အ​မျိုး​သား​တို့​အား ပြော​ရ​သော​စ​ကား​ဟူ​မူ​ကား၊ ငါ​သည် ထာ​ဝ​ရ​ဘု​ရား​ဖြစ်၏။ ငါ​သည်​လည်း သင်​တို့​ကို အဲ​ဂု​တ္တု​လူ​တို့​လက်​မှ​လွှတ်၍၊ သူ​တို့၏ ညှဉ်း​ဆဲ​ခြင်း​ထဲ​က နုတ်​ယူ​မည်။ လက်​ဆန့်​ခြင်း၊ ကြီး​စွာ​သော​ဒဏ်​ခတ်​ခြင်း​အား​ဖြင့် သင်​တို့​ကို​ငါ​ရွေး​မည်။

ဟေ​ရှာ​ယ 27:1

ထို​ကာ​လ၌ ထာ​ဝ​ရ​ဘု​ရား​သည် ပြေး​တတ်​သော မြွေ​လ​ဝိ​သန်​ကို​လည်း​ကောင်း၊ လိမ်​သော မြွေ​လ​ဝိ​သန်​ကို​လည်း​ကောင်း ခိုင်​ခံ့​ကြီး​မား​သော ဓား​တော်​နှင့် ဒဏ်​ပေး၍၊ ပင်​လယ်၌​ရှိ​သော န​ဂါး​ကို​လည်း သတ်​တော်​မူ​လိမ့်​မည်။

ဟေ​ရှာ​ယ 30:7

အဲ​ဂု​တ္တု​ပြည်​သည် အ​ချည်း​နှီး​သက်​သက်၊ အ​ကျိုး​မ​ပေး​နိုင်။ ထို​ကြောင့်၊ မ​လှုပ်​ဘဲ​နေ​တတ်​သော ရာ​ခပ်​ဟု ငါ​သ​မုတ်​ပေ၏။

ဟေ​ရှာ​ယ 51:17

ထာ​ဝ​ရ​ဘု​ရား၏​လက်​တော်၌ အ​မျက်​တော်​ဖ​လား​ကို သောက်​သော ယေ​ရု​ရှ​လင်​မြို့၊ နိုး​လော့။ နိုး၍​ထ​လော့။ သင်​သည် တုန်​လှုပ်​စေ​သော​ဖ​လား​ကို အ​ကုန်​သောက်​ခဲ့​ပြီ။ အ​နည်​အ​ဖတ်​ကို​လည်း ညှစ်​ခဲ့​ပြီ။

ဟေ​ရှာ​ယ 51:5

ငါ၏ ဖြောင့်​မတ်​ခြင်း​တ​ရား​သည် အ​နီး​မှာ​ရှိ၏။ ငါ၏​ကယ်​တင်​ခြင်း​တ​ရား​သည် ထွက်​သွား​ပြီ။ ငါ့​လက်​ရုံး​သည် လူ​တို့​တွင် တ​ရား​မှု​ကို စီ​ရင်​လိမ့်​မည်။ တစ်​ကျွန်း​တစ်​နိုင်​ငံ​သား​တို့​သည် ငါ့​ကို​မျှော်​လင့်၍၊ ငါ့​လက်​ရုံး​ကို ကိုး​စား​ကြ​လိမ့်​မည်။

ဟေ​ရှာ​ယ 52:1

အို ဇိ​အုန်​မြို့၊ နိုး​လော့။ နိုး၍ ခွန်​အား​ကို ယူ​လော့။ အို ယေ​ရု​ရှ​လင်​မြို့​တည်း​ဟူ​သော၊ သန့်​ရှင်း​သော​မြို့၊ သင်၏​တင့်​တယ်​သော အ​ဝတ်​တန်​ဆာ​တို့​ကို ဝတ်​ဆင်​လော့။ အ​ကြောင်း​မူ​ကား၊ နောက်​တစ်​ဖန် အ​ရေ​ဖျား​လှီး​ခြင်း​ကို မ​ခံ​သော​သူ​နှင့် ညစ်​ညူး​သော​သူ​တို့​သည် သင်၏​အ​ထဲ​သို့ မ​ဝင်​ရ​ကြ။

ဟေ​ရှာ​ယ 52:10

ထာ​ဝ​ရ​ဘု​ရား​သည် ခပ်​သိမ်း​သော လူ​အ​မျိုး​မျိုး​တို့​ရှေ့​မှာ၊ သန့်​ရှင်း​သော လက်​ရုံး​တော်​ကို ဖွင့်​ပြ​တော်​မူ​သ​ဖြင့်၊ မြေ​ကြီး​စွန်း​ရှိ​သ​မျှ​တို့​သည် ငါ​တို့​ဘု​ရား​သ​ခင်၏ ကယ်​တင်​တော်​မူ​ခြင်း​ကျေး​ဇူး​ကို သိ​မြင်​ကြ​လ​တ္တံ့။

ဟေ​ရှာ​ယ 53:1

ငါ​တို့​ဟော​ပြော​သော သ​တင်း​စ​ကား​ကို အ​ဘယ်​သူ ယုံ​သ​နည်း။ ထာ​ဝ​ရ​ဘု​ရား၏ လက်​တော်​သည် အ​ဘယ်​သူ​အား ထင်​ရှား​တော်​မူ​သ​နည်း။

ဟေ​ရှာ​ယ 62:8

ထာ​ဝ​ရ​ဘု​ရား​က၊ သင်၏​ရန်​သူ​တို့​ကို သင်၏​စ​ပါး​နှင့် နောက်​တစ်​ဖန် ငါ​မ​ကျွေး။ သင်​သည် ကြိုး​စား၍​လုပ်​သော စ​ပျစ်​ရည်​ကို တစ်​ပါး​အ​မျိုး​သား​တို့​သည် မ​သောက်​ရ​ကြ။

ယေ​ဇ​ကျေ​လ 29:3

အ​ရှင်​ထာ​ဝ​ရ​ဘု​ရား၏ အ​မိန့်​တော်​ကို ဆင့်​ဆို​ရ​မည်​မှာ၊ အို အဲ​ဂု​တ္တု​ရှင်​ဘု​ရင် ဖာ​ရော​မင်း၊ ကိုယ်​မြစ်​များ​အ​လယ်၌ နေ​လျက်၊ ငါ့​မြစ်​ကို ငါ​ပိုင်၏။ ငါ့​အ​ဖို့ ငါ​ဖန်​ဆင်း​ပြီ​ဟု ဆို​တတ်​သော မိ​ကျောင်း​ကြီး၊ သင့်​တစ်​ဖက်၌ ငါ​နေ၏။

မိက္ခာ 7:15

သင်​သည် အဲ​ဂု​တ္တု​ပြည်​မှ ထွက်​သော​နေ့၌ မြင်​သည်​အ​တိုင်း၊ တစ်​ဖန် အံ့​ဩ​ဖွယ်​သော​အ​မှု​တို့​ကို ငါ​ပြ​မည်။

ဟ​ဗက္ကုတ် 2:19

သစ်​သား​အား၊ နိုး​တော်​မူ​ပါ​ဟူ၍​လည်း​ကောင်း၊ စ​ကား​အ​သော ကျောက်​အား၊ ထ​တော်​မူ​ပါ ဟူ၍​လည်း​ကောင်း ဆို​သော​သူ​သည် အ​မင်္ဂ​လာ​ရှိ၏။ ထို​အ​ရာ​သည် သွန်​သင်​လိမ့်​မည်​လော။ ရွှေ​ငွေ​နှင့် မွမ်း​မံ​လျက်​ရှိ၏။ အ​တွင်း၌ အ​သက်​အ​လျှင်း​မ​ရှိ​ပါ​တ​ကား။

ဟ​ဗက္ကုတ် 3:13

ကိုယ်​တော်၏​လူ​တို့​ကို ကယ်​တင်​ခြင်း၊ ကိုယ်​တော်​ပေး​တော်​မူ၍ ဘိ​သိက်​ခံ​သော​သူ​တို့​ကို ကယ်​တင်​ခြင်း​အ​လို​ငှာ ထွက်​ကြွ​တော်​မူ၏။ အ​ဓ​မ္မ​လူ၏​အိမ်၌ ဦး​ခေါင်း​ကို နှိပ်​စက်၍၊ မူ​လ​အ​မြစ်​ကို လည်​ပင်း​တိုင်​အောင် ပယ်​ရှင်း​တော်​မူ၏။

ဇာ​ခ​ရိ 10:11

ပင်​လယ်​အ​လယ်၌ လျှောက်​သွား၍ ညှဉ်း​ဆဲ​လျက်၊ ပင်​လယ်​တံ​ပိုး​များ​ကို ဒဏ်​ခတ်​တော်​မူ​မည်။ မြစ်၌ နက်​နဲ​သော​အ​ရပ်​ရှိ​သ​မျှ​တို့​လည်း ခန်း​ခြောက်​ကြ​လိမ့်​မည်။ အာ​ရှု​ရိ​ပြည်၏​မာ​န​ကို နှိမ့်​ချ၍၊ အဲ​ဂု​တ္တု​မင်း၏​အာ​ဏာ​သည်​လည်း ကွယ်​ပျောက်​လိမ့်​မည်။

ဇာ​ခ​ရိ 2:13

အို လူ​သ​တ္တ​ဝါ​အ​ပေါင်း​တို့၊ ထာ​ဝ​ရ​ဘု​ရား ရှေ့​တော်၌ ငြိမ်​ဝပ်​စွာ​နေ​ကြ​လော့။ သန့်​ရှင်း​သော ကျိန်း​ဝပ်​ရာ​ဌာ​န​တော်၌ ထ​တော်​မူ​ပြီ။

လုကာ 1:51

လက်​ရုံး​တော်​အား​ဖြင့် တန်​ခိုး​ကို​ပြ​တော်​မူ​ပြီ။ မာ​န​ထောင်​လွှား​သော​သူ​တို့​ကို ကွဲ​လွင့်​စေ​တော်​မူ​ပြီ။-

ရှင်ယောဟန် 12:38

ပ​ရော​ဖက်​ဟေ​ရှာ​ယ ဟော​ဖူး​သည်​ကား၊ အို ထာ​ဝ​ရ​ဘု​ရား၊ အ​ကျွန်ုပ်​တို့​ဟော​ပြော​သော သ​တင်း​စ​ကား​ကို အ​ဘယ်​သူ​ယုံ​ပါ​သ​နည်း။ ထာ​ဝ​ရ​ဘု​ရား၏ လက်​တော်​သည် အ​ဘယ်​သူ​အား ထင်​ရှား​တော်​မူ​သ​နည်း ဟူ​သော​စ​ကား​သည် ပြည့်​စုံ​ခြင်း​သို့​ရောက်​သ​တည်း။-

တမန်တော်ဝတ္ထု 7:7

သူ​တို့​ကို စေ​ခိုင်း​သော​လူ​မျိုး​ကို​လည်း ငါ​စီ​ရင်​မည်။ ထို​နောက်​မှ သူ​တို့​သည်​ထွက်၍ ဤ​အ​ရပ်၌ ငါ့​အား ဝတ်​ပြု​ကြ​လိမ့်​မည်​ဟု ဗျာ​ဒိတ်​ထား​တော်​မူ၏။-

တ​ရား​ဟော 4:34

သင်​တို့၏​ဘု​ရား​သ​ခင် ထာ​ဝ​ရ​ဘု​ရား​သည်၊ အဲ​ဂု​တ္တု​ပြည်​မှာ သင်​တို့​မျက်​မှောက်၌ ပြု​တော်​မူ​သ​ကဲ့​သို့၊ စုံ​စမ်း​ခြင်း​နိ​မိတ်​လ​က္ခ​ဏာ​နှင့် အံ့​ဖွယ်​သော​အ​မှု​တို့​ကို​ပြ​ခြင်း၊ စစ်​မှု​ကို​ရောက်​စေ​ခြင်း၊ အား​ကြီး​သော​လက်​ရုံး​တော်​ကို​ဆန့်​ခြင်း၊ ကြောက်​မက်​ဖွယ်​သော​ရူ​ပါ​ရုံ​တို့​ကို ပြ​ခြင်း​အား​ဖြင့်၊ အ​ခြား​တစ်​ပါး​သော​ဘု​ရား​သည်​သွား၍ လူ​တစ်​မျိုး​ထဲ​က​တစ်​မျိုး​ကို မိ​မိ​အ​ဖို့ နုတ်​ယူ​ဖူး​သ​လော။

ဗျာ​ဒိတ် 11:17

အ​န​န္တ​တန်​ခိုး​နှင့်​ပြည့်​စုံ၍၊ ပ​စ္စု​ပ္ပန်၊ အ​တိတ်၊ အ​နာ​ဂတ်​ကာ​လ အ​စဉ်​ရှိ​တော်​မူ​သော ထာ​ဝ​ရ​အ​ရှင် ဘု​ရား​သ​ခင်၊ ကိုယ်​တော်၏ မ​ဟာ​တန်​ခိုး​တော်​ကို ယူ​ဆောင်၍ စိုး​စံ​တော်​မူ​သော ကျေး​ဇူး​တော်​ကို အ​ကျွန်ုပ်​တို့​သည် ချီး​မွမ်း​ပါ၏။-

သူ​ကြီး 6:13

ဂိ​ဒေါင်​က၊ အို​သ​ခင်၊ ထာ​ဝ​ရ​ဘု​ရား​သည် အ​ကျွန်ုပ်​တို့​နှင့်​အ​တူ ရှိ​တော်​မူ​သည်​မှန်​လျှင် အ​ဘယ်​ကြောင့် ဤ​အ​မှု​ကြီး ရောက်​ရ​ပါ​သ​နည်း။ ထာ​ဝ​ရ​ဘု​ရား​သည် ငါ​တို့​ကို အဲ​ဂု​တ္တု​ပြည်​မှ နုတ်​ဆောင်​တော်​မူ​သည် မ​ဟုတ်​လော​ဟု အ​ကျွန်ုပ်​တို့​အ​ဘ​များ ပြော​သည်​အ​တိုင်း ပြု​တော်​မူ​သော၊ အံ့​ဖွယ်​သော အ​မှု​ရှိ​သ​မျှ​တို့​သည် အ​ဘယ်​မှာ ရှိ​ပါ​သ​နည်း။ ယ​ခု​မှာ ထာ​ဝ​ရ​ဘု​ရား​သည် အ​ကျွန်ုပ်​တို့​ကို​စွန့်၍ မိ​ဒျန်​လူ​တို့​လက်​သို့ အပ်​တော်​မူ​ပြီ​တ​ကား​ဟု ဆို​လေ​သော်၊