ဟေ​ရှာ​ယ 48:5

Judson Bible

အ​ထက်​က သင့်​အား​ငါ​ဟော​ပြီ။ အ​မှု​မ​ဖြစ်​မီ ငါ​ဖော်​ပြ​ပြီ။ သို့​ဖြစ်၍ သင်​က၊ ငါ၏​ရုပ်​တု​သည် ဤ​အ​မှု​ကို​ပြု​ပြီ။ ငါ​ထု​သော​ရုပ်​တု၊ ငါ​သွန်း​သော​ရုပ်​တု​သည် ဤ​အ​မှု​ကို စီ​ရင်​ပြီ​ဟု ပြော​ရ​သော​အ​ခွင့် မ​ရှိ။

ပူးပေါင်းရင်းမြစ်များ

ဟေ​ရှာ​ယ 43:19

ကြည့်​ရှု​လော့။ အ​မှု​သစ်​ကို​ငါ​ပြု​မည်။ ယ​ခု​ပေါ်​လာ​လိမ့်​မည်။ သင်​တို့​သည် အ​မှန် သိ​မြင်​ရ​ကြ​လိမ့်​မည်။ အ​ကယ်​စင်​စစ် တော၌ လမ်း​ကို​လည်း​ကောင်း၊ လွင်​ပြင်၌ စီး​သော​ရေ​ကို​လည်း​ကောင်း ငါ​ဖန်​ဆင်း​မည်။

ဟေ​ရှာ​ယ 44:7

ရှေး​လူ​မျိုး​ကို ငါ​ခန့်​ထား​သည်​မှ​စ၍၊ ငါ​ကဲ့​သို့ အ​ဘယ်​သူ​သည် ဤ​အ​မှု​တို့​ကို ငါ့​အ​ဖို့​ခေါ်၍ ထုတ်​ဖော် စီ​ရင်​နိုင်​မည်​နည်း။ ဖြစ်​ဆဲ​သော​အ​မှု​နှင့် ဖြစ်​လ​တ္တံ့​သော​အ​မှု​တို့​ကို သူ​တို့​အား ဖော်​ပြ​ကြ​စေ။

ဟေ​ရှာ​ယ 44:8

မ​စိုး​ရိမ်​ကြ​နှင့်။ မ​ကြောက်​ကြ​နှင့်။ အ​ထက်​က ငါ​ဟော​ပြော​ပြ​သ​သည် မ​ဟုတ်​လော။ သင်​တို့​သည် ငါ၏​သက်​သေ ဖြစ်​ကြ၏။ ငါ​မှ​တစ်​ပါး အ​ခြား​သော ဘု​ရား​သ​ခင် ရှိ​သ​လော။ ငါ​မှ​တစ်​ပါး အ​ခြား​သော​မူ​လ​အ​မြစ်​မ​ရှိ။ တစ်​စုံ​တစ်​ဦး​ကို​မျှ ငါ​မ​သိ။

ဟေ​ရှာ​ယ 45:20

သင်​တို့​သည် စည်း​ဝေး၍ လာ​ကြ​လော့။ အ​တိုင်း​တိုင်း အ​ပြည်​ပြည်​တို့​မှ ဘေး​လွတ်​သော​သူ​တို့၊ စည်း​ဝေး​ကြ​လော့။ မိ​မိ​ထု​လုပ်​သော သစ်​သား​ကို ဆောင်​ရွက်​သော​သူ၊ မ​ကယ်​တင်​နိုင်​သော ဘု​ရား​ကို ပ​တ္ထ​နာ​ပြု​သော​သူ​တို့​သည် ပ​ညာ​မ​ရှိ​ကြ။

ဟေ​ရှာ​ယ 46:10

အ​ဦး​မှ​စ၍ အ​ဆုံး​တိုင်​အောင်​လည်း​ကောင်း၊ ရှေး​ကာ​လ​မှ​စ၍ မ​ဖြစ်​သေး​သော အ​မှု​အ​ရာ​တို့​ကို​လည်း​ကောင်း ဖော်​ပြ​လျက်၊ ငါ့​အ​ကြံ​တည်​လိမ့်​မည်။ ငါ့​အ​လို​ရှိ​သ​မျှ​ကို ငါ​ပြည့်​စုံ​စေ​မည်​ဟု ဆို​လျက်၊

ဟေ​ရှာ​ယ 48:3

ဖြစ်​ဖူး​သော​အ​ရာ​တို့​ကို အ​ထက်​က သင်​တို့​အား ငါ​ဟော​လေ​ပြီ။ ထို​အ​ရာ​တို့​သည် ငါ့​နှုတ်​မှ​ထွက်၍ ထင်​ရှား​ကြ​ပြီ။ ချက်​ချင်း ငါ​ပြု​သော​ကြောင့် ဖြစ်​ကြ​ပြီ။

တမန်တော်ဝတ္ထု 15:18

ဤ​အ​မှု​အ​ရာ​တို့​ကို စီ​ရင်​တော်​မူ​သော ထာ​ဝ​ရ​ဘု​ရား​သ​ခင်၏ ဗျာ​ဒိတ်​တော်​ရှိ၏ ဟု​လာ​သ​တည်း။ ဘု​ရား​သ​ခင်​သည် က​မ္ဘာ​ဦး​မှ​စ၍ မိ​မိ​စီ​ရင်​တော်​မူ​သ​မျှ​သော အ​မှု​အ​ရာ​တို့​ကို​သိ​တော်​မူ​သည်။-