ဟေ​ရှာ​ယ 45:9

Judson Bible

အ​ကြင်​သူ​သည် မိ​မိ​ကို ဖန်​ဆင်း​သော​သူ​နှင့် ဆန့်​ကျင်​ဘက်​ပြု၏၊ ထို​သူ​သည် အ​မင်္ဂ​လာ​ရှိ၏။ မြေ​အိုး​ခြမ်း​တို့​တွင် အိုး​ခြမ်း​ပါ​တ​ကား။ အိုး​မြေ​က၊ သင်​သည် အ​ဘယ်​သို့​သော​အ​ရာ​ကို လုပ်​သ​နည်း​ဟု အိုး​ထိန်း​သ​မား​ကို ဆို​ရ​မည်​လော။ ငါ့​ကို​လုပ်​သော​သူ၌ လက်​မ​ရှိ​ဟု သင်​လုပ်​သော​အ​ရာ​က ဆို​ရ​မည်​လော။

ပူးပေါင်းရင်းမြစ်များ

ယောဘဝတ္တု။ 10:9

သ​ရွတ်​ကို​လုပ်​သ​ကဲ့​သို့ အ​ကျွန်ုပ်​ကို လုပ်​တော်​မူ​ကြောင်း​ကို အောက်​မေ့​တော်​မူ​ပါ။ တစ်​ဖန် မြေ​မှုန့် ဖြစ်​စေ​တော်​မူ​မည်​လော။

ယောဘဝတ္တု။ 33:13

ဘု​ရား​သ​ခင်​နှင့် အ​ဘယ်​ကြောင့် ဆန့်​ကျင်​ဘက်​ပြု​သ​နည်း။ ပြု​တော်​မူ​သော​အ​မှု​တို့၏ အ​ကြောင်း​ကို ပြ​တော်​မ​မူ။

ယောဘဝတ္တု။ 40:2

ဘု​ရား​သ​ခင်​ကို အ​ပြစ်​တင်​သော​သူ​သည် ပြန်​ပြော​စေ​တော့​ဟု ယော​ဘ​အား​မိန့်​တော်​မူ​လျှင်၊

ယောဘဝတ္တု။ 9:12

သိမ်း​ယူ​တော်​မူ​သော​အ​ခါ အ​ဘယ်​သူ​သည် ဆီး​တား​နိုင်​သ​နည်း။ ကိုယ်​တော်​သည် အ​ဘယ်​သို့​ပြု​သ​နည်း​ဟု အ​ဘယ်​သူ​ဆို​ဝံ့​သ​နည်း။

ယောဘဝတ္တု။ 9:4

ဘု​ရား​သ​ခင်​သည် ထူး​ဆန်း​သော​ဉာဏ်၊ ကြီး​စွာ​သော​တန်​ခိုး​နှင့် ပြည့်​စုံ​တော်​မူ​သည်​ဖြစ်၍၊ အ​ဘယ်​သူ​သည် အာ​ဏာ​တော်​ကို ဆန်၍​အောင်​နိုင်​သ​နည်း။

သုတ္တံကျမ်း။ 21:30

ထာ​ဝ​ရ​ဘု​ရား​တစ်​ဖက်၌ ဉာဏ်​မ​တည်၊ ပ​ညာ​မ​တည်၊ အ​ကြံ​တစ်​စုံ​တစ်​ခု​မျှ မ​တည်​နိုင်။

ဒေသနာကျမ်း။ 6:10

ရှိ​သ​မျှ​သော အ​ခြင်း​အ​ရာ​များ​ကို မှတ်​သား​နှင့်​ပြီ။ လူ၏​အ​ခြင်း​အ​ရာ သက်​သက်​ဖြစ်​သည်​ကို သိ​ရ၏။ လူ​သည် မိ​မိ​ထက် တန်​ခိုး​ကြီး​သော​သူ​နှင့် မ​ပြိုင်​နိုင်​ရာ။

ဟေ​ရှာ​ယ 10:15

ကြိမ်​လုံး​သည် ကိုင်​သော​သူ​ကို လှုပ်​သ​ကဲ့​သို့​လည်း​ကောင်း၊ တောင်​ဝှေး​သည် မိ​မိ​သ​ခင်​ကို ချီ​ကြွ​သ​ကဲ့​သို့​လည်း​ကောင်း၊ ပု​ဆိန်​သည် ခုတ်​သော​သူ​ကို စော်​ကား​ရ​မည်​လော။ လွှ​သည် တိုက်​သော​သူ​ကို ရန်​ပြု၍​ထောင်​လွှား​ရ​မည်​လော။

ဟေ​ရှာ​ယ 29:16

သင်​တို့​သည် ဖောက်​ပြန်​ကြ​သည်​တ​ကား။ အိုး​ထိန်း​သ​မား​ကို၊ အိုး​မြေ​ကဲ့​သို့ မှတ်​ရ​မည်​လော။ လုပ်​အပ်​သော​အ​ရာ​သည် လုပ်​တတ်​သော​သူ​ကို ရည်​မှတ်၍၊ ဤ​သူ​သည် ငါ့​ကို​မ​လုပ်​ဟု ဆို​ရ​မည်​လော၊ ဖန်​ဆင်း​အပ်​သော​အ​ရာ​သည် ဖန်​ဆင်း​တတ်​သော​သူ​ကို ရည်​မှတ်၍၊ ဤ​သူ၌ ပ​ညာ​အ​တတ်​မ​ရှိ​ဟု ဆို​ရ​မည်​လော။

ဟေ​ရှာ​ယ 45:10

မိ​မိ​အ​ဘ​အား၊ သင်​သည် အ​ဘယ်​သို့​သော အ​ရာ​ကို ဖြစ်​ပွား​စေ​သ​နည်း ဟူ၍​လည်း​ကောင်း၊ မိ​မိ​အ​မိ​အား၊ သင်​သည် အ​ဘယ်​သို့​သော အ​ရာ​ကို မွေး​ဖွား​သ​နည်း ဟူ၍​လည်း​ကောင်း ဆို​သော​သူ​သည် အ​မင်္ဂ​လာ​ရှိ၏။

ဟေ​ရှာ​ယ 64:7

နာ​မ​တော်​ကို ပ​တ္ထ​နာ​ပြု​သော​သူ၊ ကိုယ်​တော်​ကို​မှီ​ဝဲ​ခြင်း​ငှာ ကိုယ်​ကို​ကိုယ် နှိုး​ဆော်​သော​သူ တစ်​ယောက်​မျှ​မ​ရှိ​ပါ။ အ​ကြောင်း​မူ​ကား၊ မျက်​နှာ​တော်​ကို​လွှဲ၍ အ​ကျွန်ုပ်​တို့​ကို ဒု​စ​ရိုက်​အ​ပြစ်​အား​ဖြင့် ဆုံး​ရှုံး​စေ​တော်​မူ​ပြီ။

ဟေ​ရှာ​ယ 64:8

သို့​ရာ​တွင် အို ထာ​ဝ​ရ​ဘု​ရား၊ ကိုယ်​တော်​သည် အ​ကျွန်ုပ်​တို့​အ​ဘ ဖြစ်​တော်​မူ၏။ အ​ကျွန်ုပ်​တို့​သည် အိုး​မြေ​ဖြစ်​ပါ၏။ ကိုယ်​တော်​သည် အ​ကျွန်ုပ်​တို့၏ အိုး​ထိန်း​ဖြစ်​တော်​မူ၏။ အ​ကျွန်ုပ်​တို့​ရှိ​သ​မျှ​သည် လက်​တော်​နှင့် ဖန်​ဆင်း​သော​အ​ရာ​ဖြစ်​ပါ၏။

ယေ​ရ​မိ 18:6

အို ဣ​သ​ရေ​လ​အ​မျိုး၊ အိုး​ထိန်း​သ​မား​ပြု​သ​ကဲ့​သို့ သင်​တို့​ကို​ငါ​မ​ပြု​နိုင်​သ​လော။ အို ဣ​သ​ရေ​လ​အ​မျိုး၊ အိုး​မြေ​သည် အိုး​ထိန်း​သ​မား​လက်၌​ရှိ​သ​ကဲ့​သို့ သင်​တို့​သည် ငါ့​လက်၌​ရှိ​ကြ၏။

ယေ​ရ​မိ 36:29

သင်​သည် ယု​ဒ​ရှင်​ဘု​ရင် ယော​ယ​ကိမ်​အား​ပြော​ဆို​ရ​မည်​မှာ၊ ထာ​ဝ​ရ​ဘု​ရား​မိန့်​တော်​မူ​သည်​ကား၊ ဗာ​ဗု​လုန်​ရှင်​ဘု​ရင်​သည် ဆက်​ဆက်​လာ၍ ဤ​ပြည်​ကို ဖျက်​ဆီး​လိမ့်​မည်။ လူ​နှင့်​တိ​ရ​စ္ဆာန်​အ​ပေါင်း​တို့​ကို သုတ်​သင်​ပယ်​ရှင်း​လိမ့်​မည်​ဟူ​သော​စ​ကား​ကို အ​ဘယ်​ကြောင့် ရေး​ထား​သ​နည်း​ဟု သင်​သည်​ဆို၍ စာ​လိပ်​ကို​မီး​ရှို့​ပြီ။

ယေ​ရ​မိ 50:24

အို ဗာ​ဗု​လုန်​မြို့၊ သင့်​အ​ဖို့​ကျော့​ကွင်း​ကို ငါ​ထောင်​ထား​သ​ဖြင့်၊ သင်​သည် သ​တိ​လစ်၍​ကျော့​မိ​ပြီ။ ထာ​ဝ​ရ​ဘု​ရား၏​အာ​ဏာ​တော်​ကို ဆန်​သော​ကြောင့်၊ ရန်​သူ​တွေ့၍ တိုက်​ယူ​ပြီ။

ဒံ​ယေ​လ 4:35

မြေ​ကြီး​သား​အ​ပေါင်း​တို့​သည် ရှေ့​တော်၌ အ​ဘယ်​မျှ​မ​ဟုတ်​သ​ကဲ့​သို့ ဖြစ်​ကြ၏။ ကောင်း​ကင်​ဗိုလ်​ခြေ​တို့၌​လည်း​ကောင်း၊ မြေ​ကြီး​သား​တို့၌​လည်း​ကောင်း အ​လို​တော်​ရှိ​သည်​အ​တိုင်း စီ​ရင်​ပြု​ပြင်​တော်​မူ၏။ လက်​တော်​ကို အ​ဘယ်​သူ​မျှ မ​ဆီး​တား​နိုင်။ အ​ဘယ်​သို့​ပြု​သ​နည်း​ဟု ကိုယ်​တော်​ကို ဆို​နိုင်​သော​သူ​မ​ရှိ။

၁ ကော 10:22

သ​ခင်​ဘု​ရား အ​မျက်​တော်​ထွက်​စေ​ခြင်း​ငှာ ငါ​တို့ ပြု​ရ​ကြ​သ​လော။ ငါ​တို့​သည် သ​ခင်​ဘု​ရား​ထက်​သာ၍ တန်​ခိုး​ကြီး​ကြ​သ​လော။