ဟေ​ရှာ​ယ 42:8

Judson Bible

ငါ​သည် ထာ​ဝ​ရ​ဘု​ရား​ဖြစ်၏။ ထို​နာ​မ​သည် ငါ့​နာ​မ​ဖြစ်၏။ ငါ့​ဘုန်း​ကို အ​ခြား​သော​သူ​အား​လည်း​ကောင်း၊ ငါ့​အ​သ​ရေ​ကို ရုပ်​တု​ဆင်း​တု​တို့​အား​လည်း​ကောင်း ငါ​မ​ပေး။

ပူးပေါင်းရင်းမြစ်များ

ဆာ​လံ 66:2

နာ​မ​တော်၏​ဂုဏ်​ကို သီ​ချင်း​ဆို​ကြ​လော့။ ချီး​မွမ်း​ခြင်း၏ ဂုဏ်​အ​သ​ရေ​ကို​ပြ​ကြ​လော့။

ဆာ​လံ 83:18

ထာ​ဝ​ရ​ဘု​ရား​ဟူ၍ နာ​မ​တော်​ရှိ​သော ကိုယ်​တော်​တစ်​ပါး​တည်း​သာ​လျှင်၊ မြေ​ကြီး​တစ်​ပြင်​လုံး​အ​ပေါ်​မှာ အ​မြင့်​ဆုံး​သော​ဘု​ရား ဖြစ်​တော်​မူ​ကြောင်း​ကို သိ​ကြ​ပါ​စေ​သော။

ထွက်​မြောက် 34:14

အ​ခြား​သော​ဘု​ရား​ကို သင်​သည်​မ​ကိုး​ကွယ်​ရ။ အ​ပြစ်​ရှိ​ယုံ​လွယ်​အ​မည်​ရှိ​သော ထာ​ဝ​ရ​ဘု​ရား​သည် အ​ပြစ်​ရှိ​သည်​ဟု ယုံ​လွယ်​သော​ဘု​ရား​သ​ခင်​ဖြစ်​တော်​မူ၏။

ထွက်​မြောက် 4:5

သို့​ပြု​လျှင် သူ​တို့​ဘိုး​ဘေး​များ၏​ဘု​ရား​သ​ခင်၊ အာ​ဗြ​ဟံ​၏​ဘု​ရား၊ ဣ​ဇာက်၏​ဘု​ရား၊ ယာ​ကုပ်၏​ဘု​ရား​တည်း​ဟူ​သော ထာ​ဝ​ရ​ဘု​ရား​သည် သင့်​အား ထင်​ရှား​တော်​မူ​ကြောင်း​ကို ထို​သူ​တို့​သည် ယုံ​ကြ​လိမ့်​မည်​ဟု မိန့်​တော်​မူ​၏။

ဟေ​ရှာ​ယ 43:11

ငါ​တစ်​ပါး​သည် ထာ​ဝ​ရ​ဘု​ရား​ဖြစ်၍၊ ငါ​မှ​တစ်​ပါး ကယ်​တင်​သော​သ​ခင်​မ​ရှိ။

ဟေ​ရှာ​ယ 43:3

အ​ကြောင်း​မူ​ကား၊ ငါ​သည် သင်၏​ဘု​ရား​သ​ခင် ထာ​ဝ​ရ​ဘု​ရား​ဖြစ်၏။ သင့်​ကို ရွေး​သော​သ​ခင်၊ ဣ​သ​ရေ​လ​အ​မျိုး၏ သန့်​ရှင်း​သော​ဘု​ရား ဖြစ်၏။ သင့်​ကို​ရွေး​ဖို့၊ အဲ​ဂု​တ္တု​ပြည်​ကို​လည်း​ကောင်း၊ သင့်​အ​တွက် ကု​ရှ​ပြည်​နှင့် သေ​ဘ​ပြည်​ကို​လည်း​ကောင်း ငါ​ပေး၏။

ဟေ​ရှာ​ယ 48:11

ကိုယ်​အ​တွက် ငါ​ပြု​ဦး​မည်။ ငါ့​နာ​မ​သည် ရှုတ်​ချ​ခြင်း​ကို အ​ဘယ်​ကြောင့် ခံ​ရ​မည်​နည်း။ ငါ့​ဂုဏ်​အ​သ​ရေ​ကို သူ​တစ်​ပါး​အား ငါ​မ​ပေး။

ဟေ​ရှာ​ယ 48:5

အ​ထက်​က သင့်​အား​ငါ​ဟော​ပြီ။ အ​မှု​မ​ဖြစ်​မီ ငါ​ဖော်​ပြ​ပြီ။ သို့​ဖြစ်၍ သင်​က၊ ငါ၏​ရုပ်​တု​သည် ဤ​အ​မှု​ကို​ပြု​ပြီ။ ငါ​ထု​သော​ရုပ်​တု၊ ငါ​သွန်း​သော​ရုပ်​တု​သည် ဤ​အ​မှု​ကို စီ​ရင်​ပြီ​ဟု ပြော​ရ​သော​အ​ခွင့် မ​ရှိ။

ဟေ​ရှာ​ယ 48:6

သင်​သည် အ​ရင်​ကြား​ရ​ပြီ။ ဤ​အ​မှု​အ​လုံး​စုံ​တို့​ကို ကြည့်​ရှု​လော့။ သူ​တစ်​ပါး​တို့​အား မ​ကြား​မ​ပြော​ဘဲ နေ​မည်​လော။ ယ​ခု​မှ​စ၍ အ​သစ်​သော​အ​ရာ၊ ဝှက်​ထား​သော​အ​ရာ၊ သင်​မ​သိ​သေး​သော​အ​ရာ​တို့​ကို ငါ​ဖော်​ပြ၏။

ယေ​ရ​မိ 33:2

ဤ​အ​မှု​ကို ပြု​သော​ဘု​ရား၊ ဤ​အ​မှု​ကို ဖန်​ဆင်း​စီ​ရင်​သော​ဘု​ရား၊ ယေ​ဟော​ဝါ အ​မည်​ရှိ​သော ထာ​ဝ​ရ​ဘု​ရား မိန့်​တော်​မူ​သည်​ကား၊

ဒံ​ယေ​လ 5:4

စ​ပျစ်​ရည်​ကို​သောက်၍၊ ရွှေ​ဘု​ရား၊ ငွေ​ဘု​ရား၊ ကြေး​ဝါ​ဘု​ရား၊ သံ​ဘု​ရား၊ သစ်​သား​ဘု​ရား၊ ကျောက်​ဘု​ရား​တို့​ကို ချီး​မွမ်း​ကြ၏။

ရှင်ယောဟန် 5:23

သား​တော်​ကို ရို​သေ​စေ​မည်​အ​ကြောင်း၊ ခ​မည်း​တော်​သည် အ​ဘယ်​သူ​ကို​မျှ တ​ရား​စီ​ရင်​တော်​မ​မူ။ တ​ရား​စီ​ရင်​ခြင်း​အ​ခွင့် ရှိ​သ​မျှ​ကို သား​တော်​အား အပ်​ပေး​တော်​မူ၏။ သား​တော်​ကို မ​ရို​သေ​သော​သူ​သည်​ကား၊ သား​တော်​ကို​စေ​လွှတ်​တော်​မူ​သော ခ​မည်း​တော်​ကို မ​ရို​သေ​သော​သူ​ဖြစ်၏။-

ရှင်ယောဟန် 8:58

ယေ​ရှု​က​လည်း၊ ငါ​အ​မှန်​အ​ကန်​ဆို​သည်​ကား၊ အာ​ဗြ​ဟံ​မ​ဖြစ်​မီ ငါ​ဖြစ်၏​ဟု မိန့်​တော်​မူ၏။-

တ​ရား​ဟော 28:58

သင်၏​ဘု​ရား​သ​ခင် ထာ​ဝ​ရ​ဘု​ရား​သည် ဘုန်း​ကြီး၍ ကြောက်​မက်​ဖွယ်​သော နာ​မ​တော်​ကို ကြောက်​စေ​ခြင်း​ငှာ၊ ဤ​ကျမ်း​စာ၌​ရေး​ထား​သော ဤ​တ​ရား​တော်​စ​ကား အ​လုံး​စုံ​တို့​ကို သင်​သည် မ​ကျင့်​မ​စောင့်​ဘဲ​နေ​လျှင်၊