ဟေ​ရှာ​ယ 31:5

Judson Bible

ငှက်​သည် သား​ငယ်​ကို အုပ်​တတ်​သ​ကဲ့​သို့၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​သည် ယေ​ရှု​ရှ​လင်​မြို့​ကို ကွယ်​ကာ​တော်​မူ​မည်။ ကွယ်​ကာ​စောင့်​မ၍ အ​ပြစ်​မ​ပေး၊ ကယ်​တင်​တော်​မူ​မည်။

ပူးပေါင်းရင်းမြစ်များ

ကမ္ဘာ​ဦး 1:2

မြေ​ကြီး​သည် အ​ဆင်း​သ​ဏ္ဌာန်​မ​ရှိ၊ လွတ်​လပ်​လ​ဟာ​ဖြစ်​၏။ နက်​နဲ​ရာ​အ​ရပ်​ကို မှောင်​မိုက်​ဖုံး​လွှမ်း​၍ ဘု​ရား​သ​ခင်​၏ ဝိ​ညာဉ်​တော်​သည် ရေ​မျက်​နှာ​ပြင်​ပေါ်​မှာ​လှုပ်​ရှား​တော်​မူ​၏။

၄ ရာ 19:34

ငါ​သည် ကိုယ်​မျက်​နှာ​ကို​လည်း​ကောင်း၊ ငါ့​ကျွန်​ဒါ​ဝိဒ်၏​မျက်​နှာ​ကို​လည်း​ကောင်း ထောက်၍ ဤ​မြို့​ကို ကယ်​တင်​ခြင်း​ငှာ စောင့်​မ​မည်​ဟု ထာ​ဝ​ရ​ဘု​ရား​မိန့်​တော်​မူ၏။

၂ ရာ​ချုပ် 32:22

ထို​သို့​ထာ​ဝ​ရ​ဘု​ရား​သည် ဟေ​ဇ​ကိ​နှင့် ယေ​ရု​ရှ​လင်​မြို့​သား​တို့​ကို၊ အာ​ရှု​ရိ​ရှင်​ဘု​ရင်​လက်​မှ​လည်း​ကောင်း၊ အ​ခြား​သော​ရန်​သူ​လက်​မှ​လည်း​ကောင်း ကယ်​လွှတ်၍၊ အ​ရပ်​ရပ်၌ စောင့်​မ​တော်​မူ၏။

ဆာ​လံ 37:40

ထာ​ဝ​ရ​ဘု​ရား​သည် သူ​တို့​ကို​မ​စ​ကယ်​တင်​တော်​မူ​မည်။ ယုံ​ကြည်​ခို​လှုံ​သော​ကြောင့်၊ မ​တ​ရား​သော​သူ​တို့​လက်​မှ နုတ်​ယူ​ကယ်​တင်​တော်​မူ​မည်။

ဆာ​လံ 46:5

ထို​မြို့​သည် ဘု​ရား​သ​ခင်​ကျိန်း​ဝပ်​တော်​မူ​ရာ​ဖြစ်၍ တုန်​လှုပ်​ခြင်း​မ​ရှိ​ရာ။ မိုး​သောက်​လင်း​စ၌ ဘု​ရား​သ​ခင် ကူ​မ​တော်​မူ​လိမ့်​မည်။

ဆာ​လံ 46:6

လူ​မျိုး​တို့​သည် ဟုန်း​ဟုန်း​မြည်​ကြ၏။ တိုင်း​နိုင်​ငံ​တို့​သည် လှုပ်​ရှား​ကြ၏။ ဗျာ​ဒိတ်​သံ​ကို လွှတ်​တော်​မူ၍ မြေ​ကြီး​သည် အ​ရည်​ဖြစ်​လေ၏။

ဆာ​လံ 91:4

အ​တောင်​တော်​အ​မွေး​နှင့် ဖုံး​အုပ်​တော်​မူ၍၊ အ​တောင်​တော်​အောက်၌ သင်​သည်​လုံ​ခြုံ​စွာ နေ​ရ​လိမ့်​မည်။ သ​စ္စာ​တော်​သည် သင်၏​ဒိုင်း​လွှား​ဖြစ်​လိမ့်​မည်။

ထွက်​မြောက် 12:27

ထာ​ဝ​ရ​ဘု​ရား​သည် အဲ​ဂု​တ္တု​လူ​တို့​ကို​ဒဏ်​ခတ်၍၊ ငါ​တို့​အိမ်​များ​ကို ချမ်း​သာ​ပေး​တော်​မူ​သော​အ​ခါ၊ အဲ​ဂု​တ္တု​ပြည်​၌ ဣ​သ​ရေ​လ​အ​မျိုး​သား​တို့၏​အိမ်​များ​ကို လွန်​သွား​တော်​မူ​သော ထာ​ဝ​ရ​ဘု​ရား၏ ပ​သ​ခါ​ယဇ်​ဖြစ်​သ​တည်း​ဟု ပြန်​ပြော​ရ​ကြ​မည်​ဟု မော​ရှေ​ဆို​ပြီး​လျှင်၊ ထို​သူ​တို့​သည်​ဦး​ညွှတ်​ချ၍ ကိုး​ကွယ်​ကြ​၏။

ထွက်​မြောက် 19:4

ငါ​သည် အဲ​ဂု​တ္တု​လူ​တို့၌​ပြု​သော​အ​ကြောင်း၊ သင်​တို့​ကို ရွှေ​လင်း​တ​အ​တောင်​ဖြင့် ထမ်း၍ ကိုယ်​ဖို့​သိမ်း​ယူ​သော​အ​ကြောင်း​ကို သင်​တို့​သည် သိ​မြင်​ရ​ကြ​ပြီ။

ဟေ​ရှာ​ယ 10:14

ငါ့​လက်​သည် ငှက်​သိုက်​ကို တွေ့​သ​ကဲ့​သို့၊ လူ​တို့၏​ဥ​စ္စာ​ပ​စ္စည်း​ကို​တွေ့​ပြီ။ စွန့်​ပစ်​သော​ငှက်​ဥ​တို့​ကို သိမ်း​ယူ​သ​ကဲ့​သို့၊ မြေ​ကြီး​တန်​ဆာ ရှိ​သ​မျှ​တို့​ကို ငါ​သိမ်း​ယူ​ပြီ။ အ​ဘယ်​သူ​မျှ အ​တောင်​ကို​မ​လှုပ်၊ နှုတ်​သီး​ကို​မ​ဖွင့်၊ မ​မြည်​မ​တွန်​ဟု​ဆို​သည်​ဖြစ်၍၊

ဟေ​ရှာ​ယ 26:1

ထို​ကာ​လ၌ ယု​ဒ​ပြည်​မှာ သီ​ချင်း​ဆို​လ​တ္တံ့​သော စ​ကား​ဟူ​မူ​ကား၊ ငါ​တို့၌ ခိုင်​ခံ့​သော​မြို့​ရှိ၏။ ကယ်​တင်​ခြင်း ကျေး​ဇူး​ကို ပြ​အိုး၊ ရင်​တား​အ​ရာ၌ စီ​ရင်​ခန့်​ထား​တော်​မူ​လိမ့်​မည်။

ဟေ​ရှာ​ယ 27:3

ငါ​ထာ​ဝ​ရ​ဘု​ရား​သည် ဥ​ယျာဉ်​စောင့်​ဖြစ်၏။ မ​ခြား​မ​လပ် ရေ​လောင်း​မည်။ အ​ဘယ်​သူ​မျှ မ​ဖျက်​စေ​ခြင်း​ငှာ၊ နေ့​ည​မ​ပြတ် စောင့်​ရှောက်​မည်။

ဟေ​ရှာ​ယ 35:4

အား​ယူ​ကြ​လော့၊ မ​စိုး​ရိမ်​ကြ​နှင့်​ဟု ကြောက်​တတ်​သော သူ​တို့​အား ဆို​ကြ​လော့။ အ​ကြောင်း​မူ​ကား၊ သင်​တို့၏ ဘု​ရား​သ​ခင်​သည် အ​ပြစ်​ပေး​လျက်၊ ဒဏ်​စီ​ရင်​လျက် ကြွ​လာ​တော်​မူ​လိမ့်​မည်။ ဘု​ရား​သ​ခင်​သည် ကိုယ်​တော်​တိုင်​ကြွ​လာ၍၊ သင်​တို့​ကို ကယ်​တင်​တော်​မူ​လိမ့်​မည်။

ဟေ​ရှာ​ယ 37:35

ငါ​သည် ကိုယ်​မျက်​နှာ​ကို​လည်း​ကောင်း၊ ငါ့​ကျွန်​ဒါ​ဝိဒ်၏​မျက်​နှာ​ကို​လည်း​ကောင်း​ထောက်၍၊ ဤ​မြို့​ကို ကယ်​တင်​ခြင်း​ငှာ စောင့်​မ​မည်​ဟု ထာ​ဝ​ရ​ဘု​ရား​မိန့်​တော်​မူ၏။

ဟေ​ရှာ​ယ 38:6

သင်​နှင့် ဤ​မြို့​ကို အာ​ရှု​ရိ​ရှင်​ဘု​ရင်​လက်​မှ ငါ​ကယ်​လွှတ်​မည်။ ဤ​မြို့​ကို ငါ​ကွယ်​ကာ​စောင့်​မ​မည်​အ​ရာ​ကို ပြော​လော့​ဟု မိန့်​တော်​မူ၏။

ဇာ​ခ​ရိ 9:14

ထာ​ဝ​ရ​ဘု​ရား​သည် သူ​တို့​အ​ပေါ်​မှာ​ထင်​ရှား​တော်​မူ၍၊ မြား​တော်​သည် လျှပ်​စစ်​ပြက်​သ​ကဲ့​သို့ ပြေး​လိမ့်​မည်။ အ​ရှင်​ထာ​ဝ​ရ ဘု​ရား​သ​ခင်​သည် တံ​ပိုး​မှုတ်၍၊ တောင်​လေ​ပွေ​တို့​နှင့် ကြွ​သွား​တော်​မူ​လိမ့်​မည်။

ဇာ​ခ​ရိ 9:8

အ​ဘယ်​ရန်​သူ​မျှ မ​ထွက်​မ​ဝင်​စေ​ခြင်း​ငှာ၊ ငါ့​အိမ်​တော်​ပတ်​လည်၌ တပ်​ချ​မည်။ ညှဉ်း​ဆဲ​သော​သူ​သည် ငါ့​လူ​တို့​ကို နောက်​တစ်​ဖန် မ​နှိပ်​နင်း​ရ။ အ​ကြောင်း​မူ​ကား၊ ငါ​သည် ယ​ခု​ကိုယ်​တိုင်​ကြည့်၍ မြင်​ပြီ။

တ​ရား​ဟော 32:11

ရွှေ​လင်း​တ​သည် အ​သိုက်​ကို​မွှေ​လျက်၊ သား​ငယ်​တို့​အ​ပေါ်​မှာ လှုပ်​ရှား​လျက်၊ အ​တောင်​တို့​ကို​ဖြန့်​လျက်၊ သား​ငယ်​တို့​ကို​ယူ၍ မိ​မိ​အ​တောင်​တို့​ဖြင့် ဆောင်​သ​ကဲ့​သို့၊