ဟေ​ရှာ​ယ 14:27

Judson Bible

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား၏​အ​ကြံ​တော်​ကို အ​ဘယ်​သူ ဖျက်​လိမ့်​မည်​နည်း။ ဆန့်​တော်​မူ​သော​လက်​တော်​ကို အ​ဘယ်​သူ​လှန်​လိမ့်​မည်​နည်း။

ပူးပေါင်းရင်းမြစ်များ

၂ ရာ​ချုပ် 20:6

ဘိုး​ဘေး​တို့၏ ဘု​ရား​သ​ခင် ထာ​ဝ​ရ​ဘု​ရား၊ ကိုယ်​တော်​သည် ကောင်း​ကင်​ဘုံ၏​အ​ရှင် ဘု​ရား​သ​ခင် ဖြစ်​တော်​မူ​သည် မ​ဟုတ်​လော။ တစ်​ပါး​အ​မျိုး​သား​နေ​ရာ တိုင်း​နိုင်​ငံ​ရှိ​သ​မျှ​တို့​ကို အ​စိုး​ရ​တော်​မူ​သည် မ​ဟုတ်​လော။ အ​ဘယ်​သူ​မျှ မ​ဆီး​တား​နိုင်​အောင် ခွန်​အား​တန်​ခိုး ကြီး​တော်​မူ​သည် မ​ဟုတ်​လော။

ယောဘဝတ္တု။ 11:10

ဘု​ရား​သ​ခင်​သည် ဖမ်း​ဆီး​ချုပ်​ထား၍ စစ်​ကြော​တော်​မူ​လျှင် အ​ဘယ်​သူ​ဆီး​တား​နိုင်​သ​နည်း။

ယောဘဝတ္တု။ 23:13

သို့​ရာ​တွင် သ​ဘော​တ​ညီ​တည်း​ရှိ​တော်​မူ​သော ဘု​ရား​သ​ခင်​ကို အ​ဘယ်​သူ​သည် ပြောင်း​လဲ​စေ​နိုင်​မည်​နည်း။ အ​လို​တော်​ရှိ​သည်​အ​တိုင်း ပြု​တော်​မူ​လိမ့်​မည်။

ယောဘဝတ္တု။ 40:8

သင်​သည် ငါ​တ​ရား​စီ​ရင်​ချက်​ကို ပယ်​မည်​လော။ သင်​သည် ကိုယ်​တိုင်​ဖြောင့်​မတ်​ဟန် ရှိ​စေ​ခြင်း​ငှာ၊ ငါ့​ကို​အ​ပြစ်​ရှိ​သည်​ဟု စီ​ရင်​မည်​လော။

ယောဘဝတ္တု။ 42:2

ကိုယ်​တော်​သည် အ​လုံး​စုံ​တို့​ကို တတ်​နိုင်​တော်​မူ​ကြောင်း​ကို​လည်း​ကောင်း၊ အ​ကြံ​အ​စည်​တော်​ကို အ​ဘယ်​သူ​မျှ မ​ဆီး​တား​နိုင်​ကြောင်း​ကို​လည်း​ကောင်း အ​ကျွန်ုပ်​သိ​ပါ၏။

ယောဘဝတ္တု။ 9:12

သိမ်း​ယူ​တော်​မူ​သော​အ​ခါ အ​ဘယ်​သူ​သည် ဆီး​တား​နိုင်​သ​နည်း။ ကိုယ်​တော်​သည် အ​ဘယ်​သို့​ပြု​သ​နည်း​ဟု အ​ဘယ်​သူ​ဆို​ဝံ့​သ​နည်း။

ဆာ​လံ 33:11

ထာ​ဝ​ရ​ဘု​ရား၏​ပြ​ဌာန်း​တော်​မူ​ခြင်း​သည် ကာ​လ​အ​န​န္တ​နှင့်​ဆိုင်၍၊ စိတ်​နှ​လုံး​တော်၏​အ​ကြံ​အ​စည်​တို့​သည် သား​စဉ်​မြေး​ဆက် အ​ဆုံး​တိုင်​အောင်​တည်​ကြ​လိမ့်​မည်။

သုတ္တံကျမ်း။ 19:21

လူ​သည် အ​ထူး​ထူး အ​ပြား​ပြား ကြံ​စည်​တတ်၏။ သို့​ရာ​တွင်၊ ထာ​ဝ​ရ​ဘု​ရား၏ အ​ကြံ​တော်​သည် တည်​လိမ့်​မည်။

သုတ္တံကျမ်း။ 21:30

ထာ​ဝ​ရ​ဘု​ရား​တစ်​ဖက်၌ ဉာဏ်​မ​တည်၊ ပ​ညာ​မ​တည်၊ အ​ကြံ​တစ်​စုံ​တစ်​ခု​မျှ မ​တည်​နိုင်။

ဟေ​ရှာ​ယ 23:9

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​သည်၊ ရှိ​သ​မျှ​သော ဘုန်း​အ​သ​ရေ၏​မာ​န​ကို အ​ရှက်​ခွဲ​ခြင်း​ငှာ​လည်း​ကောင်း၊ မြေ​ကြီး​မှူး​မတ်​အ​ပေါင်း​တို့​ကို ရှုတ်​ချ​ခြင်း​ငှာ​လည်း​ကောင်း ထို​သို့ ကြံ​စည်​တော်​မူ၏။

ဟေ​ရှာ​ယ 43:13

နေ့​ရက်​ကာ​လ​မ​ဖြစ်​မီ ငါ​သည် ဘု​ရား​ဖြစ်၏။ ငါ့​လက်​မှ အ​ဘယ်​သူ​မျှ မ​ကယ်​မ​နုတ်​နိုင်။ ငါ​ပြု​သော​အ​မှု​ကို အ​ဘယ်​သူ ဆီး​တား​မည်​နည်း​ဟု ထာ​ဝ​ရ​ဘု​ရား​မိန့်​တော်​မူ၏။

ဟေ​ရှာ​ယ 46:11

ဝေး​သော​အ​ရပ်၊ အ​ရှေ့​မျက်​နှာ​မှ ငါ၏​လက်​ထောက်​တည်း​ဟူ​သော ငှက်​ရဲ​ကို ခေါ်​လျက်၊ ငါ​သည် ဘု​ရား​သ​ခင်​ဖြစ်၏။ ငါ​နှင့်​တူ​သော​သူ မည်​မျှ​မ​ရှိ။ ငါ​သည် နှုတ်​ထွက်​အ​တိုင်း​ပြု​မည်။ ကြံ​သည်​အ​တိုင်း စီ​ရင်​မည်။

ဟေ​ရှာ​ယ 8:10

တိုင်​ပင်​ကြ​လော့။ သင်​တို့​အ​ကြံ​သည် ပျက်​လိမ့်​မည်။ စီ​ရင်​ကြ​လော့။ စီ​ရင်​သည်​အ​တိုင်း မ​တည်​ရ။ အ​ကြောင်း​မူ​ကား၊ ဘု​ရား​သ​ခင်​သည် ငါ​တို့​ဘက်၌​ရှိ​တော်​မူ၏။

ဟေ​ရှာ​ယ 9:12

ရှေ့၌​ကား ရှု​ရိ​လူ၊ နောက်၌​ကား ဖိ​လိ​တ္တိ​လူ​တို့​သည် ပါး​စပ်​ဟ၍၊ ဣ​သ​ရေ​လ​အ​မျိုး​ကို ကိုက်​စား​ကြ​လိမ့်​မည်။ သို့​သော်​လည်း၊ အ​မျက်​တော်​သည်​မ​ငြိမ်း၊ လက်​တော်​သည် ဆန့်​လျက်​ရှိ​သေး၏။

ယေ​ရ​မိ 4:28

ထို​ကြောင့်၊ မြေ​ကြီး​သည် ညည်း​တွား​လိမ့်​မည်။ မိုး​ကောင်း​ကင်​လည်း နက်​လိမ့်​မည်။ ငါ​သည်​ပြော​ပြီး​မှ နောင်​တ​မ​ရှိ။ ကြံ​ပြီး​မှ အ​ကြံ​မ​ပျက်​ရ။

ယေ​ရ​မိ 44:28

သို့​ရာ​တွင်၊ ဓား​ဘေး​နှင့်​လွတ်၍၊ အဲ​ဂု​တ္တု​ပြည်​မှ ယု​ဒ​ပြည်​သို့ ပြန်​ရ​သော​သူ​တို့​သည် နည်း​ကြ​လိမ့်​မည်။ ငါ့​စ​ကား​တည်​မည်၊ သူ​တို့​စ​ကား​တည်​မည်​ကို၊ အဲ​ဂု​တ္တု​ပြည်၌ တည်း​ခို​ခြင်း​ငှာ​သွား​သော ယု​ဒ​လူ အ​ကျန်​အ​ကြွင်း​တို့​သည် သိ​ကြ​လိမ့်​မည်။

ယေ​ရ​မိ 49:20

သို့​ဖြစ်၍၊ ထာ​ဝ​ရ​ဘု​ရား​သည် ဧ​ဒုံ​ပြည်​တစ်​ဖက်၌ ကြံ​စည်​တော်​မူ​သော​အ​ကြံ၊ တေ​မန်​ပြည်​သား​တို့ တစ်​ဖက်၌ ကြံ​စည်​တော်​မူ​သော အ​ကြံ​အ​စည်​တို့​ကို နား​ထောင်​ကြ​လော့။ အ​ကယ်​စင်​စစ် ရန်​သူ​သည်၊ အား​မ​ရှိ​သော ထို​သိုး​တို့​ကို လု​ယက်​လိမ့်​မည်။ အ​ကယ်​စင်​စစ် သူ​တို့​ရှိ​ရာ​သို့​လာ၍၊ ကျက်​စား​ရာ​အ​ရပ်​တို့​ကို ဖျက်​ဆီး​လိမ့်​မည်။

ယေ​ရ​မိ 51:59

ဗာ​ဗု​လုန်​မြို့​အ​ပေါ်​မှာ ရောက်​လ​တ္တံ့​သော၊ ဘေး​ဥ​ပဒ်​အ​ပေါင်း​တည်း​ဟူ​သော၊ ဗာ​ဗု​လုန်​မြို့​ကို ရည်​မှတ်၍ ရေး​ထား​သော ဤ​စ​ကား​အ​လုံး​စုံ​တို့​ကို ပ​ရော​ဖက်​ယေ​ရ​မိ​သည်​ရေး​ကူး၍၊

ယေ​ဇ​ကျေ​လ 26:14

သင်​သည် ရှင်း​လင်း​သော​ကျောက်​ကဲ့​သို့ ပိုက်​ကွန်​လှန်း​ရာ​အ​ရပ်​ဖြစ်​ရ​လိမ့်​မည်။ နောက်​တစ်​ဖန် မ​တည်​ပြန်​ရ။ ငါ​ထာ​ဝ​ရ​ဘု​ရား​ပြော​ပြီ​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

ရော​မ 8:28

ဘု​ရား​သ​ခင်​ကို ချစ်​သော​သူ​တည်း​ဟူ​သော ကြံ​စည်​တော်​မူ​ခြင်း​အ​တိုင်း ခေါ်​တော်​မူ​သော​သူ​တို့၏​အ​ကျိုး​ကို ခပ်​သိမ်း​သော​အ​ရာ​တို့​သည် တ​ညီ​တ​ညွတ်​တည်း ပြု​စု​ကြ​သည်​ကို ငါ​တို့​သိ​ကြ၏။-

ရော​မ 8:31

သို့​ဖြစ်၍ ဤ​အ​ရာ​များ​တို့၌ အ​ဘယ်​သို့ ပြော​စ​ရာ​ရှိ​သ​နည်း။ ဘု​ရား​သ​ခင်​သည် ငါ​တို့​ဘက်၌ ရှိ​တော်​မူ​လျှင်၊ အ​ဘယ်​သူ​သည် ငါ​တို့​တစ်​ဖက်၌ နေ​နိုင်​မည်​နည်း။-