ယေ​ရ​မိ 50:34

Judson Bible

သို့​ရာ​တွင်၊ သူ​တို့​ကို​ရွေး​နုတ်​သော​သ​ခင်​သည် အား​ကြီး၏။ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​တည်း​ဟူ​သော ဘွဲ့​နာ​မ​ရှိ​တော်​မူ၏။ ထို​သ​ခင်​သည် သူ​တို့​အ​မှု​ကို ကျပ်​တည်း​စွာ​စောင့်၍၊ ပြည်​တော်​ကို ငြိမ်​ဝပ်​စေ​လျက်၊ ဗာ​ဗု​လုန် မြို့​သူ​မြို့​သား​တို့​ကို နှောင့်​ယှက်​လျက် ပြု​တော်​မူ​မည်။

ပူးပေါင်းရင်းမြစ်များ

၂ ရာ​ချုပ် 6:39

သူ​တို့ ဆု​တောင်း​ပ​တ္ထ​နာ​ပြု​သော​စ​ကား​ကို ကျိန်း​ဝပ်​တော်​မူ​ရာ ကောင်း​ကင်​ဘုံ၌ နား​ထောင်၍ သူ​တို့​အ​မှု​ကို စောင့်​တော်​မူ​ပါ။ ကိုယ်​တော်​ကို ပြစ်​မှား​သော ကိုယ်​တော်​လူ​တို့၏​အ​ပြစ်​ကို ဖြေ​ရှင်း​တော်​မူ​ပါ။

ယောဘဝတ္တု။ 19:25

ငါ့​ကို​ရွေး​နုတ်​သော​သ​ခင်​သည် အ​သက်​ရှင်၍၊ နောင်​ကာ​လ၌ မြေ​မှုန့်​အ​ပေါ်​မှာ ပေါ်​လာ​တော်​မူ​မည်​ဟူ၍​လည်း​ကောင်း၊

ဆာ​လံ 35:1

အို​ထာ​ဝ​ရ​ဘု​ရား၊ အ​ကျွန်ုပ်၌ ဆန့်​ကျင်​ဘက်​ပြု​သော​သူ​တို့​ကို ဆန့်​ကျင်​ဘက်​ပြု​တော်​မူ​ပါ။ အ​ကျွန်ုပ်​ကို စစ်​တိုက်​သော​သူ​တို့​ကို တိုက်​တော်​မူ​ပါ။

ဆာ​လံ 43:1

အို​ဘု​ရား​သ​ခင်၊ အ​ကျွန်ုပ်​အ​မှု၌ တ​ရား​ဆုံး​ဖြတ်​တော်​မူ​ပါ။ က​ရု​ဏာ​မ​ရှိ​သော လူ​မျိုး​တစ်​ဖက်​က​နေ၍ အ​ကျွန်ုပ်​အ​မှု​ကို စောင့်​တော်​မူ​ပါ။ သ​စ္စာ​မ​ရှိ၊ မ​တ​ရား​သော​သူ၏​လက်​မှ အ​ကျွန်ုပ်​ကို ကယ်​လွှတ်​တော်​မူ​ပါ။

ထွက်​မြောက် 6:6

ထို​ကြောင့် ဣ​သ​ရေ​လ​အ​မျိုး​သား​တို့​အား ပြော​ရ​သော​စ​ကား​ဟူ​မူ​ကား၊ ငါ​သည် ထာ​ဝ​ရ​ဘု​ရား​ဖြစ်၏။ ငါ​သည်​လည်း သင်​တို့​ကို အဲ​ဂု​တ္တု​လူ​တို့​လက်​မှ​လွှတ်၍၊ သူ​တို့၏ ညှဉ်း​ဆဲ​ခြင်း​ထဲ​က နုတ်​ယူ​မည်။ လက်​ဆန့်​ခြင်း၊ ကြီး​စွာ​သော​ဒဏ်​ခတ်​ခြင်း​အား​ဖြင့် သင်​တို့​ကို​ငါ​ရွေး​မည်။

သုတ္တံကျမ်း။ 22:23

အ​ကြောင်း​မူ​ကား၊ ထာ​ဝ​ရ​ဘု​ရား​သည် သူ​တို့​အ​မှု​ကို စောင့်​တော်​မူ​မည်။ သူ​တို့​ဥ​စ္စာ​ကို လု​ယူ​သော​သူ​တို့၏​အ​သက်​ကို လု​ယူ​တော်​မူ​မည်။

သုတ္တံကျမ်း။ 23:11

အ​ကြောင်း​မူ​ကား၊ ထို​သူ​တို့​ကို ရွေး​တော်​မူ​သော​သူ​သည် တန်​ခိုး​ကြီး၍၊ သင့်​တစ်​ဖက်၌ သူ​တို့​အ​မှု​ကို စောင့်​တော်​မူ​လိမ့်​မည်။

ဟေ​ရှာ​ယ 41:14

အို တီ​ကောင်​ယာ​ကုပ်၊ အ​မျိုး​ငယ်​ဣ​သ​ရေ​လ၊ မ​စိုး​ရိမ်​နှင့်။ ငါ​သည် သင့်​ကို မ​စ​သော​သူ​ဖြစ်၏။ သင့်​ကို ရွေး​နုတ်​သော​သူ​သည်၊ ဣ​သ​ရေ​လ​အ​မျိုး၏ သန့်​ရှင်း​သော​ဘု​ရား​ဖြစ်​သည်​ဟု ထာ​ဝ​ရ​ဘု​ရား မိန့်​တော်​မူ၏။

ဟေ​ရှာ​ယ 43:14

သင်​တို့​ကို ရွေး​နုတ်​သော​သ​ခင်၊ ဣ​သ​ရေ​လ​အ​မျိုး၏ သန့်​ရှင်း​သော​ထာ​ဝ​ရ​ဘု​ရား မိန့်​တော်​မူ​သည်​ကား၊ ငါ​သည် သင်​တို့​အ​တွက်၊ ဗာ​ဗု​လုန်​မြို့​သို့ စေ​လွှတ်၍၊ ပြေး​သော မြို့​သား​တို့​နှင့် ခါ​လ​ဒဲ​လူ​များ​ကို သူ​တို့​ပျော်​မွေ့​ရာ သင်္ဘော​သို့ ဆင်း​စေ​မည်။

ဟေ​ရှာ​ယ 44:6

ဣ​သ​ရေ​လ​အ​မျိုး၏ ရှင်​ဘု​ရင် ထာ​ဝ​ရ​ဘု​ရား၊ ဣ​သ​ရေ​လ​အ​မျိုး​ကို ရွေး​နုတ်​သော၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​သည်​ကား၊ ငါ​သည် အ​ဦး​ဆုံး​သော​သူ၊ နောက်​ဆုံး​သော​သူ ဖြစ်၏။ ငါ​မှ​တစ်​ပါး အ​ခြား​သော ဘု​ရား​သ​ခင်​မ​ရှိ။

ဟေ​ရှာ​ယ 47:4

ငါ​တို့​ကို ရွေး​နုတ်​သော​သူ​ကား၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား၊ ဣ​သ​ရေ​လ​အ​မျိုး၏ သန့်​ရှင်း​သော​ဘု​ရား​တည်း​ဟူ​သော ဘွဲ့​နာ​မ​ရှိ​တော်​မူ၏။

ဟေ​ရှာ​ယ 49:25

ထာ​ဝ​ရ​ဘု​ရား မိန့်​တော်​မူ​သည်​ကား၊ အ​ကယ်​စင်​စစ် အား​ကြီး​သော​သူ သိမ်း​သွား​သော လူ​တို့​ကို ယူ​ရ​မည်။ ကြောက်​မက်​ဖွယ်​သော​သူ လု​ယူ​ရာ​ဥ​စ္စာ​ကို နုတ်​ရ​လိမ့်​မည်။ အ​ကြောင်း​မူ​ကား၊ သင်​နှင့် ရန်​တွေ့​သော​သူ​ကို ငါ​သည် ရန်​တွေ့၍၊ သင်၏​သား​တို့​ကို ကယ်​တင်​မည်။

ဟေ​ရှာ​ယ 51:22

သင်၏​အ​ရှင်၊ မိ​မိ​လူ​တို့၏​အ​မှု​ကို စောင့်​တော်​မူ​သော သင်၏​ဘု​ရား​သ​ခင်​ထာ​ဝ​ရ​ဘု​ရား မိန့်​တော်​မူ​သည်​ကား၊ ကြည့်​ရှု​လော့။ တုန်​လှုပ်​စေ​သော​ဖ​လား၊ ငါ့​အ​မျက်​တော်​ဖ​လား၏ အ​နည်​အ​ဖတ်​ကို သင်၏​လက်​မှ​ငါ​ရုပ်၍၊ သင်​သည် နောက်​တစ်​ဖန် မ​သောက်​ရ။

ဟေ​ရှာ​ယ 54:5

အ​ကြောင်း​မူ​ကား၊ သင့်​ကို ဖန်​ဆင်း​သော​သူ​သည် သင်၏​လင် ဖြစ်​တော်​မူ၏။ နာ​မ​တော်​ကား၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​တည်း။ သင့်​ကို​ရွေး​နုတ်​သော​သူ​သည် ဣ​သ​ရေ​လ​အ​မျိုး၌ သန့်​ရှင်း​သော​ဘု​ရား ဖြစ်​တော်​မူ၏။ မြေ​ကြီး​တစ်​ပြင်​လုံး​ကို အ​စိုး​ရ​သော​ဘု​ရား​ဟူ၍ ခေါ်​ရ​ကြ၏။

ယေ​ရ​မိ 10:16

ယာ​ကုပ်​အ​မျိုး၏​အ​ဖို့​သည် ထို​သို့​သော​အ​ရာ​နှင့် တူ​တော်​မ​မူ။ ခပ်​သိမ်း​သော​အ​ရာ​တို့​ကို ဖန်​ဆင်း​သော​ဘု​ရား ဖြစ်​တော်​မူ၏။ ဣ​သ​ရေ​လ​အ​မျိုး​သည် အ​မွေ​ခံ​တော်​မူ​ရာ​ဖြစ်၏။ နာ​မ​တော်​သည် ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ပေ​တည်း။

ယေ​ရ​မိ 15:21

လူ​ဆိုး​လက်​မှ သင့်​ကို​ငါ​နုတ်၍၊ ကြောက်​မက်​ဖွယ်​သော သူ​တို့​လက်​မှ ရွေး​ယူ​မည်​ဟု ထာ​ဝ​ရ​ဘု​ရား မိန့်​တော်​မူ၏။

ယေ​ရ​မိ 30:20

အ​မျိုး​သား​တို့​သည် အ​ရင်​ကဲ့​သို့​ဖြစ်၍၊ ပ​ရိ​သတ်​တို့​သည် ငါ့​ရှေ့​မှာ တည်​ကြ​လိမ့်​မည်။ ညှဉ်း​ဆဲ​သော သူ​အ​ပေါင်း​တို့​ကို ငါ​သည် အ​ပြစ်​ပေး​မည်။

ယေ​ရ​မိ 31:11

အ​ကြောင်း​မူ​ကား၊ ထာ​ဝ​ရ​ဘု​ရား​သည် ယာ​ကုပ်​အ​မျိုး​ကို ရွေး​နုတ်​တော်​မူ​ပြီ။ သူ့​ထက်​အား​ကြီး​သော သူ၏​လက်​မှ ကယ်​လွှတ်​တော်​မူ​ပြီ။

ယေ​ရ​မိ 31:35

နေ့​အ​ချိန်၌ လင်း​စ​ရာ​ဖို့ နေ​ကို​ခန့်​ထား၍၊ ည​အ​ချိန်၌ လင်း​စ​ရာ​ဖို့ လ​နှင့်​ကြယ်​တို့​ကို စီ​ရင်​တော်​မူ​ထ​သော၊ သ​မု​ဒ္ဒ​ရာ​ကို​ဆုံး​မ၍ လှိုင်း​တံ​ပိုး​ကို ဟုန်း​စေ​တော်​မူ​ထ​သော၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ဟူ​သော​ဘွဲ့​နာ​မ​ရှိ​တော်​မူ​သော ထာ​ဝ​ရ​ဘု​ရား မိန့်​တော်​မူ​သည်​ကား၊

ယေ​ရ​မိ 32:18

ကိုယ်​တော်​သည် လူ​အ​ထောင်​အ​သောင်း​တို့​အား က​ရု​ဏာ​ကျေး​ဇူး​ပြု​လျက်၊ အ​ဘ​တို့၏​အ​ပြစ်​ကို နောက်​ဖြစ်​သော​သား​တို့၏ ခေါင်း​ပေါ်​သို့ သက်​ရောက်​စေ​တော်​မူ၏။ အ​လွန်​ကြီး​မြတ်​သော​ဘု​ရား၊ မ​ဟာ​တန်​ခိုး​တော်​နှင့် ပြည့်​စုံ​သော​ဘု​ရား​ဖြစ်၍၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ဟူ​သော ဘွဲ့​နာ​မ​ရှိ​တော်​မူ၏။

ယေ​ရ​မိ 48:15

မော​ဘ​ပြည်​သည် ပျက်​စီး​ပြီ။ မြို့​တို့​သည် ကျွမ်း​လောင်​ကြ​ပြီ။ သူ​ရွေး​ချယ်​သော လု​လင်​တို့​သည် ကွပ်​မျက်​ခြင်း​ကို ခံ​အံ့​သော​ငှာ ဆင်း​သွား​ကြ​ပြီ​ဟု၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ဟူ၍ ဘွဲ့​နာ​မ​ရှိ​သော ရှင်​ဘု​ရင် မိန့်​တော်​မူ၏။

ယေ​ရ​မိ 51:19

ယာ​ကုပ်​အ​မျိုး၏​အ​ဖို့​ဖြစ်​သော​ဘု​ရား​သည် ထို​သို့​သော​အ​ရာ​နှင့် တူ​တော်​မ​မူ။ ခပ်​သိမ်း​သော​အ​ရာ​တို့​ကို ဖန်​ဆင်း​သော​ဘု​ရား ဖြစ်​တော်​မူ၏။ ဣ​သ​ရေ​လ​အ​မျိုး​သည် အ​မွေ​ခံ​တော်​မူ​ရာ​ဖြစ်၏။ နာ​မ​တော်​သည် ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ပေ​တည်း။

ယေ​ရ​မိ 51:36

သို့​ဖြစ်၍၊ ထာ​ဝ​ရ​ဘု​ရား မိန့်​တော်​မူ​သည်​ကား၊ သင်၏​အ​မှု​ကို ငါ​စောင့်​မည်။ သင်​ခံ​ရ​သော​အ​ပြစ်​ကို ပြန်​ပေး​မည်။ သူ၏ ပင်​လယ်​ကို​လည်း​ကောင်း၊ သူ၏​စမ်း​ရေ​တွင်း​တို့​ကို​လည်း​ကောင်း ငါ​ခန်း​ခြောက်​စေ​မည်။

မြည်​တမ်း​စ​ကား 3:58

အို ထာ​ဝ​ရ​ဘု​ရား၊ ကိုယ်​တော်​သည် အ​ကျွန်ုပ်​အ​သက်​နှင့် ဆိုင်​သော​အ​မှု​ကို​စောင့်၍ ရွေး​နုတ်​တော်​မူ​ပြီ။

ယော​လ 2:11

ထာ​ဝ​ရ​ဘု​ရား​သည်​လည်း မိ​မိ​တပ်​တော်​ရှေ့​မှာ အ​သံ​ကို လွှင့်​တော်​မူ​မည်။ တပ်​တော်​သည်​အ​လွန်​ကြီး​မား၏။ စ​ကား​တော်​အ​တိုင်း စီ​ရင်​သော​သူ​သည် တန်​ခိုး​ကြီး​တော်​မူ၏။ ထာ​ဝ​ရ​ဘု​ရား၏​နေ့​ရက်​သည် ကြီး၍ အ​လွန်​ကြောက်​မက်​ဖွယ်​သော နေ့​ရက်​ဖြစ်၏။ အ​ဘယ်​သူ ခံ​နိုင်​သ​နည်း။

မိက္ခာ 4:10

အို ဇိ​အုန်​သ​တို့​သ​မီး၊ သား​ဖွား​သော မိန်း​မ​ကဲ့​သို့ ဝေ​ဒ​နာ​ကို​ခံ၍၊ သား​ကို​ဖွား​အံ့​သော​ငှာ အား​ထုတ်​လော့။ ယ​ခု​ပင် သင်​သည် မြို့​ထဲ​က​ထွက်၍ လယ်​ပြင်၌ နေ​ရ​မည်။ ဗာ​ဗု​လုန်​မြို့​တိုင်​အောင် သွား​ရ​မည်။ ထို​မြို့၌ လွတ်​လိမ့်​မည်။ ထို​မြို့၌ ထာ​ဝ​ရ​ဘု​ရား​သည် သင့်​ကို ရန်​သူ​တို့​လက်​မှ ရွေး​နုတ်​တော်​မူ​လိမ့်​မည်။

မိက္ခာ 7:9

ငါ​သည် ထာ​ဝ​ရ​ဘု​ရား​ကို ပြစ်​မှား​သော​ကြောင့်၊ အ​မျက်​တော်​ကို ခံ​ရ၏။ ငါ့​အ​မှု​ကို စစ်​ကြော၍ တ​ရား​ဆုံး​ဖြတ်​တော် မ​မူ​မီ​တိုင်​အောင် ငါ​ခံ​ရ၏။ ငါ့​ကို အ​လင်း​ထဲ​သို့​ထုတ်၍ နေ​ရာ​ပေး​တော်​မူ​သော​အား​ဖြင့် ဖြောင့်​မတ်​ခြင်း ပါ​ရ​မီ​တော်​ကို ငါ​မြင်​ရ​လိမ့်​မည်။

ဗျာ​ဒိတ် 18:8

ထို​ကြောင့်၊ သူ​ခံ​ရ​သော​သေ​ခြင်း​ဘေး၊ စိတ်​မ​သာ​ညည်း​တွား​ခြင်း​ဘေး၊ မွတ်​သိပ်​ခြင်း ဘေး​ဒဏ်​များ​တို့​နှင့် တစ်​နေ့​ချင်း​တွင်​တွေ့၍၊ မီး​ဖြင့်​လည်း ကျွမ်း​လောင်​ခြင်း​ကို ခံ​ရ​လိမ့်​မည်။ သူ့​ကို စီ​ရင်​တော်​မူ​သော ထာ​ဝ​ရ အ​ရှင်​ဘု​ရား​သ​ခင်​သည် ခွန်​အား​ဗ​လ ကြီး​တော်​မူ၏။