ယေ​ရ​မိ 38:17

Judson Bible

ယေ​ရ​မိ​က​လည်း၊ ဣ​သ​ရေ​လ​အ​မျိုး၏ ဘု​ရား​သ​ခင်၊ ကောင်း​ကင်​ဗိုလ်​ခြေ​အ​ရှင်​ဘု​ရား​သ​ခင် ထာ​ဝ​ရ​ဘု​ရား မိန့်​တော်​မူ​သည်​ကား၊ ကိုယ်​တော်​သည် ဗာ​ဗု​လုန် ရှင်​ဘု​ရင်၏​မှူး​မတ်​တို့​ထံ​သို့ အ​မှန်​ထွက်​သွား​လျှင် အ​သက်​ချမ်း​သာ​ရ​တော်​မူ​မည်။ ဤ​မြို့​သည်​လည်း မီး​ရှို့​ခြင်း​နှင့် လွတ်​လိမ့်​မည်။ ကိုယ်​တော်​နှင့်​တ​ကွ ဆွေ​တော်​မျိုး​တော်​တို့​သည် အ​သက်​ချမ်း​သာ​ရ​ကြ​လိမ့်​မည်။

ပူးပေါင်းရင်းမြစ်များ

ကမ္ဘာ​ဦး 12:13

သို့​ဖြစ်၍ သင်​သည် ငါ့​နှ​မ​ဖြစ်​ကြောင်း​ကို​ပြော​ပါ​လော့။ သို့​ပြော​လျှင် သင့်​အ​တွက် ငါ​ကောင်း​စား​လိမ့်​မည်။ သင်၏​ကျေး​ဇူး​အား​ဖြင့် ငါ​အ​သက်​ချမ်း​သာ​ရ​လိမ့်​မည်​ဟု ဆို၏။

၄ ရာ 24:12

ယု​ဒ​ရှင်​ဘု​ရင် ယေ​ခေါ​နိ​သည် မယ်​တော်​မှ​စ​သော ကျွန်၊ မှူး​မတ်၊ အ​ရာ​ရှိ​တို့​နှင့်​တ​ကွ ဗာ​ဗု​လုန်​ရှင်​ဘု​ရင်​ထံ​သို့​ထွက်၍ ဗာ​ဗု​လုန်​ရှင်​ဘု​ရင်​သည် နန်း​စံ​ရှစ်​နှစ်​တွင် ယု​ဒ​ရှင်​ဘု​ရင်​ကို​ရ၏။

၄ ရာ 25:27

ယု​ဒ​ရှင်​ဘု​ရင်​ယေ​ခေါ​နိ​သည် အ​ချုပ်​ခံ​ရ​သော သ​က္က​ရာဇ်​သုံး​ဆယ်​ခု​နစ်​နှစ်၊ ဒွါ​ဒ​သ​မ​လ နှစ်​ဆယ်​ခု​နစ်​ရက်​နေ့​တွင်၊ ဗာ​ဗု​လုန်​ရှင်​ဘု​ရင် ဧ​ဝိ​လ​မေ​ရော​ဒက်​နန်း​စံ စ​က၊ ယု​ဒ​ရှင်​ဘု​ရင်​ယေ​ခေါ​နိ​ကို ထောင်​ထဲ​က​နုတ်၍ ချမ်း​သာ​ပေး​လေ၏။

၁ ရာ​ချုပ် 17:24

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​သည် ဣ​သ​ရေ​လ​အ​မျိုး၏ ဘု​ရား​သ​ခင်​ဖြစ်​တော်​မူ​သည်​ဟူ၍ နာ​မ​တော်​သည် အ​စဉ်​အ​မြဲ ချီး​မြှောက်​ခြင်း​ရှိ​မည်​အ​ကြောင်း၊ အ​မိန့်​တော်​သည် အ​စဉ်​အ​မြဲ​တည်​ပါ​စေ​သော။ ကိုယ်​တော်​ကျွန်​ဒါ​ဝိဒ်၏ အ​မျိုး​အ​နွယ်​သည် ရှေ့​တော်၌ တည်​ပါ​စေ​သော။

ဧ​ဇ​ရ 9:4

ထို​အ​ခါ ဣ​သ​ရေ​လ​အ​မျိုး၏ ဘု​ရား​သ​ခင် ထာ​ဝ​ရ​ဘု​ရား အ​မိန့်​တော်​ကို ကြောက်​ရွံ​သော​သူ​အ​ပေါင်း​တို့​သည်၊ သိမ်း​သွား​ခြင်း​ကို ခံ​ရ​သော​သူ​တို့ ပြစ်​မှား​သော​အ​ပြစ်​ကြောင့်၊ ငါ့​ထံ​မှာ​စည်း​ဝေး၍၊ ညဉ့်​ဦး​ယံ ယဇ်​ပူ​ဇော်​ချိန်​တိုင်​အောင် ငါ​သည်​မိန်း​မော​တွေ​ဝေ​လျက် နေ၏။

ယောဘဝတ္တု။ 23:13

သို့​ရာ​တွင် သ​ဘော​တ​ညီ​တည်း​ရှိ​တော်​မူ​သော ဘု​ရား​သ​ခင်​ကို အ​ဘယ်​သူ​သည် ပြောင်း​လဲ​စေ​နိုင်​မည်​နည်း။ အ​လို​တော်​ရှိ​သည်​အ​တိုင်း ပြု​တော်​မူ​လိမ့်​မည်။

ဆာ​လံ 80:14

ကောင်း​ကင်​ဗိုလ်​ခြေ​အ​ရှင် ဘု​ရား​သ​ခင်၊ တစ်​ဖန် ကြွ​လာ​တော်​မူ​မည်​အ​ကြောင်း တောင်း​ပန်​ပါ၏။ ကောင်း​ကင်​က​ကြည့်​ရှု​တော်​မူ​ပါ။ ထို​စ​ပျစ်​နွယ်​ပင်​ကို အ​ကြည့်​အ​ရှု ကြွ​လာ​တော်​မူ​ပါ။

ဆာ​လံ 80:7

ကောင်း​ကင်​ဗိုလ်​ခြေ​အ​ရှင် ဘု​ရား​သ​ခင်၊ အ​ကျွန်ုပ်​တို့​ကို ပြောင်း​လဲ​စေ၍၊ မျက်​နှာ​တော်​အ​လင်း​ကို ပြ​တော်​မူ​ပါ။ သို့​ပြု​လျှင် အ​ကျွန်ုပ်​တို့​သည် ကယ်​တင်​ခြင်း​သို့ ရောက်​ကြ​ပါ​လိမ့်​မည်။

ယေ​ရ​မိ 27:12

ထို​စ​ကား​တော်​ရှိ​သ​မျှ​ကို ငါ​ပြန်၍ ယု​ဒ​ရှင်​ဘု​ရင်​ဇေ​ဒ​ကိ​အား လျှောက်​ဆို​သည်​ကား၊ ဗာ​ဗု​လုန် ရှင်​ဘု​ရင်၏​ထမ်း​ပိုး​ကို​ထမ်း၍၊ သူ​နှင့် သူ၏​လူ​များ​အ​စေ​ကို​ခံ​လျက်၊ အ​သက်​ချမ်း​သာ​ပါ​လော့။

ယေ​ရ​မိ 27:17

သူ​တို့၏​စ​ကား​ကို နား​မ​ထောင်​ကြ​နှင့်။ ဗာ​ဗု​လုန်​ရှင်​ဘု​ရင်၏​အ​စေ​ကို​ခံ၍၊ အ​သက်​ချမ်း​သာ​ကြ​လော့။ ဤ​မြို့​သည် အ​ဘယ်​ကြောင့် ပျက်​စီး​ခြင်း​သို့ ရောက်​ရ​မည်​နည်း။

ယေ​ရ​မိ 27:8

ထာ​ဝ​ရ​ဘု​ရား​မိန့်​တော်​မူ​သည်​ကား၊ ဗာ​ဗု​လုန်​ရှင်​ဘု​ရင် နေ​ဗု​ခဒ်​နေ​ဇာ၏​အ​စေ​ကို​မ​ခံ၊ သူ၏​ထမ်း​ပိုး​ကို မ​ထမ်း​လို​သော တိုင်း​နိုင်​ငံ​ရှိ​သ​မျှ​ကို၊ သူ၏​လက်၌​ဆုံး​ရှုံး​စေ​ခြင်း​ငှာ၊ ဓား​ဘေး၊ မွတ်​သိပ်​ခြင်း​ဘေး၊ ကာ​လ​နာ​ဘေး​ဖြင့် ငါ​အ​ပြစ်​ပေး​မည်။

ယေ​ရ​မိ 39:3

ရွှေ​ဓား​ဝန် နေ​ရ​ဂါ​လ​ရှ​ရေ​ဇာ၊ မိန်း​မ​စိုး​အုပ် စာ​သ​ခိမ်၊ မာ​ဂု​ပ​ညာ​ရှိ​အုပ် နေ​ရ​ဂါ​လ​ရှ​ရေ​ဇာ တည်း​ဟူ​သော ဗာ​ဗု​လုန်​ရှင်​ဘု​ရင်၏ မှူး​မတ်​အ​စ​ရှိ​သော မှူး​တော်​မတ်​တော်​အ​ပေါင်း​တို့​သည် မြို့​ထဲ​သို့​ဝင်၍၊ အ​လယ်​ချက် တံ​ခါး​ဝ၌ ထိုင်​ကြ၏။

ယေ​ရ​မိ 40:9

ရှာ​ဖန်၏​သား​ဖြစ်​သော အ​ဟိ​ကံ၏​သား ဂေ​ဒ​လိ​က၊ ခါ​လ​ဒဲ​မင်း၏​အ​မှု​ကို ဆောင်​ရွက်​ရ​မည်​အ​ခွင့်​ကို မ​စိုး​ရိမ်​ကြ​နှင့်။ ဤ​ပြည်၌​နေ၍ ဗာ​ဗု​လုန်​ရှင်​ဘု​ရင်​အ​မှု​ကို ဆောင်​ရွက်​ကြ​လော့။ သို့​ပြု​လျှင်၊ ချမ်း​သာ​ရ​ကြ​လိမ့်​မည်။

ယေ​ရ​မိ 44:7

ယ​ခု​မှာ ဣ​သ​ရေ​လ​မျိုး၏​ဘု​ရား​သ​ခင်၊ ကောင်း​ကင်​ဗိုလ်​ခြေ​အ​ရှင် ဘု​ရား​သ​ခင်၊ ထာ​ဝ​ရ​ဘု​ရား​မိန့်​တော်​မူ​သည်​ကား၊ သင်​တို့​သည် ကိုယ်​ကို​ကိုယ် ပယ်​ဖြတ်​လို​သော​ငှာ​လည်း​ကောင်း၊ မြေ​ကြီး​ပေါ်​မှာ လူ​အ​မျိုး​မျိုး​တို့​တွင် ကဲ့​ရဲ့​ကျိန်​ဆဲ​ရာ ဖြစ်​လို​သော​ငှာ​လည်း​ကောင်း၊ သွား၍​နေ​သော အဲ​ဂု​တ္တု​ပြည်၌ အ​ခြား​တစ်​ပါး​သော ဘု​ရား​တို့​အား နံ့​သာ​ပေါင်း​ကို မီး​ရှို့​လျက်၊ ကိုယ်​တိုင်​ပြု​သော​အ​မှု​နှင့် ငါ၏​အ​မျက်​ကို​နှိုး​ဆော်​သ​ဖြင့်၊ သင်​တို့​တွင် တစ်​ယောက်​မျှ မ​ကြွင်း၊ ယု​ဒ​အ​မျိုး ယောက်ျား​မိန်း​မ၊ သူ​ငယ်​နို့​စို့​က​လေး​အ​ပေါင်း​တို့​ကို ပယ်​ဖြတ်​မည်​အ​ကြောင်း၊ ကြီး​စွာ​သော ဒု​စ​ရိုက်​ကို ကိုယ်​စိတ်​ဝိ​ညာဉ်​တစ်​ဖက်၌ အ​ဘယ်​ကြောင့် ပြု​ကြ​သ​နည်း။

ယေ​ဇ​ကျေ​လ 8:4

လွင်​ပြင်၌ အ​ရင်​ငါ​မြင်​ဖူး​သော ဗျာ​ဒိတ်​ရူ​ပါ​ရုံ​ကဲ့​သို့၊ ဣ​သ​ရေ​လ​အ​မျိုး၏​ဘု​ရား​သ​ခင်​ဘုန်း​တော်​သည် ထင်​ရှား၏။

အာ​မုတ် 5:27

ထို​ကြောင့်၊ သင်​တို့​ကို ဒ​မာ​သက်​မြို့​တစ်​ဖက်​သို့ သိမ်း​သွား​စေ​ခြင်း​ငှာ ငါ​စီ​ရင်​မည်​ဟု၊ ကောင်း​ကင်​ဗိုလ်​ခြေ​အ​ရှင် ဘု​ရား​သ​ခင်​ဟူ၍ ဘွဲ့​နာ​မ​ရှိ​သော ထာ​ဝ​ရ​ဘု​ရား မိန့်​တော်​မူ၏။