ယေ​ရ​မိ 10:9

Judson Bible

ထု​လုပ်​တတ်​သော​သူ၊ သွန်း​တတ်​သော​သူ၏ လက်​လုပ်​ရာ​ငွေ​ပြား​ကို တာ​ရှု​မြို့​မှ​လည်း​ကောင်း၊ ရွှေ​ကို​လည်း ဥ​ဖတ်​မြို့​မှ​လည်း​ကောင်း ဆောင်​ခဲ့​တတ်၏။ ပြာ​သော​အ​ထည်၊ မောင်း​သော​အ​ထည်​နှင့် ခြုံ​တတ်၏။ လိ​မ္မာ​သော​သူ လုပ်​ရာ​သက်​သက်​ဖြစ်​သ​တည်း။

ပူးပေါင်းရင်းမြစ်များ

၃ ရာ 10:22

ရှင်​ဘု​ရင်​သည် တာ​ရှု​သင်္ဘော​ကို ဟိ​ရံ​မင်း​သင်္ဘော​နှင့်​အ​တူ စေ​လွှတ်​သ​ဖြင့်၊ သုံး​နှစ်​တစ်​ခါ တာ​ရှု​သင်္ဘော​သည် ပြန်​လာ၍ ရွှေ၊ ငွေ၊ ဆင်​စွယ်၊ မျောက်​များ၊ ဒေါင်း​များ​ကို ဆောင်​ခဲ့​တတ်၏။

၂ ရာ​ချုပ် 9:21

ရှင်​ဘု​ရင်၏​သင်္ဘော​သည် ဟိ​ရံ​မင်း​ကျွန်​တို့​နှင့် တာ​ရှု​မြို့​သို့​သွား​တတ်​သ​ဖြင့်၊ သုံး​နှစ်​တစ်​ခါ တာ​ရှု​သင်္ဘော​သည်​ပြန်​လာ၍ ရွှေ၊ ငွေ၊ ဆင်​စွယ်၊ မျောက်​များ၊ ဒေါင်း​များ​ကို ဆောင်​ခဲ့​တတ်၏။

ဆာ​လံ 115:4

သူ​တို့၏​ရုပ်​တု​များ​မူ​ကား ငွေ​လည်း​ဖြစ်၏။ ရွှေ​လည်း​ဖြစ်၏။ လူ​လက်​ဖြင့် လုပ်​သော​အ​ရာ​ပေ​တည်း။

ဆာ​လံ 72:10

တာ​ရှု​မင်း​တို့​နှင့် ပင်​လယ်​တစ်​ဖက်၌ နေ​သော​မင်း​တို့​သည် အ​ခွန်​သွင်း၍၊ ရှေ​ဘ​မင်း​နှင့် သေ​ဘ​မင်း​တို့​သည်​လည်း လက်​ဆောင်​ပ​ဏ္ဏာ​များ​ကို ဆက်​ကြ​လိမ့်​မည်။

ဟေ​ရှာ​ယ 23:6

တာ​ရှု​မြို့​သို့ ကူး​ကြ​လော့။ ပင်​လယ်​နား​မှာ နေ​သော​သူ​တို့၊ ညည်း​တွား​မြည်​တမ်း​ကြ​လော့။

ဟေ​ရှာ​ယ 40:19

ပန်း​တဉ်း​သ​မား​သည် ရုပ်​တု​ကို​သွန်း​ပြီး​မှ၊ ပန်း​ထိမ်​သ​မား​သည် ရွှေ​နှင့်​မွမ်း​မံ၍၊ ငွေ​ကြိုး​ကို​လည်း လုပ်​တတ်၏။

ယေ​ဇ​ကျေ​လ 27:12

သင်၌​ကုန်​သွယ်​ရန်​ဥ​စ္စာ​များ​သော​ကြောင့်၊ တာ​ရှု​မြို့​သည် ငွေ၊ သံ၊ သံ​ဖြူ၊ ခဲ​တို့​ကို သင့်​ဝိုင်း​သို့​ယူ​ခဲ့၍ သင်​နှင့် ကုန်​သွယ်​ခြင်း​ကို ပြု​လေ၏။

ယေ​ဇ​ကျေ​လ 27:7

အဲ​ဂု​တ္တု​ပြည်၌ ချယ်​လှယ်​သော ပိတ်​ချော​ရွက်​တို့​ကို​ဖြန့်၍၊ ဧ​လိ​ရှ​ကျွန်း​တို့​မှ ယူ​ခဲ့​သော အ​ထည်​ပြာ၊ အ​ထည်​မောင်း​ဖြင့်​လုပ်​သော မျက်​နှာ​ကြက်​နှင့် ပြည့်​စုံ၏။

ဒံ​ယေ​လ 10:5

မျှော်​ကြည့်၍ ပိတ်​ချော​နှင့် ဥ​ဖတ်​ရွှေ​စင်​ခါး​ပန်း​ကို ဝတ်​စည်း​လျက်​ရှိ​သော လူ​တစ်​ဦး​ကို​မြင်၏။

ဟော​ရှေ 8:6

ထို​နွား​သ​ငယ်​သည် ဣ​သ​ရေ​လ​အ​မျိုး ကြံ​စည်၍ ဖြစ်၏။ ဆ​ရာ​သ​မား​လုပ်​သော​ကြောင့် ဘု​ရား​မ​ဟုတ်။ အ​ကယ်​စင်​စစ် ရှ​မာ​ရိ​နွား​သ​ငယ်​သည် အ​ပိုင်း​ပိုင်း ကျိုး​ပဲ့​ရ​လိမ့်​မည်။

ယော​န 1:3

သို့​သော်​လည်း၊ ယော​န​သည် ထာ​ဝ​ရ​ဘု​ရား​ထံ​တော်​မှ တာ​ရှု​မြို့​သို့ ပြေး​မည့်​အ​ကြံ​ရှိ​သည်​နှင့် ထ​လျက် ယု​ပ္ပေ​မြို့​သို့​သွား၍ ရောက်​သ​ဖြင့်၊ တာ​ရှု​မြို့​သို့​သွား​သော သင်္ဘော​ကို တွေ့​ကြုံ၍ သင်္ဘော​ခ​ကို​ပေး​ပြီး​လျှင်၊ ထာ​ဝ​ရ​ဘု​ရား​ထံ​တော်​မှ သင်္ဘော​သား​တို့​နှင့်​အ​တူ တာ​ရှု​မြို့​သို့​လိုက်​ခြင်း​ငှာ သင်္ဘော​ကို စီး​လေ၏။

ဟ​ဗက္ကုတ် 2:19

သစ်​သား​အား၊ နိုး​တော်​မူ​ပါ​ဟူ၍​လည်း​ကောင်း၊ စ​ကား​အ​သော ကျောက်​အား၊ ထ​တော်​မူ​ပါ ဟူ၍​လည်း​ကောင်း ဆို​သော​သူ​သည် အ​မင်္ဂ​လာ​ရှိ၏။ ထို​အ​ရာ​သည် သွန်​သင်​လိမ့်​မည်​လော။ ရွှေ​ငွေ​နှင့် မွမ်း​မံ​လျက်​ရှိ၏။ အ​တွင်း၌ အ​သက်​အ​လျှင်း​မ​ရှိ​ပါ​တ​ကား။