ယေ​ဇ​ကျေ​လ 39:28

Judson Bible

ငါ​သည် သူ​တို့​ကို တစ်​ပါး​အ​မျိုး​သား​တို့၏​သိမ်း​သွား​ခြင်း​ကို ခံ​စေ​သော​ကြောင့်​လည်း​ကောင်း၊ နောက်​တစ်​ဖန် နေ​ရင်း​ပြည်၌ စု​ဝေး​စေ၍ နေ​ရာ​ချ​သော​ကြောင့်​လည်း​ကောင်း၊ သူ​တို့၏​ဘု​ရား​သ​ခင်​ထာ​ဝ​ရ​ဘု​ရား ဖြစ်​ကြောင်း​ကို သိ​ရ​ကြ​လိမ့်​မည်။

ပူးပေါင်းရင်းမြစ်များ

ဆာ​လံ 147:2

ထာ​ဝ​ရ​ဘု​ရား​သည် ယေ​ရု​ရှ​လင်​မြို့​ကို​တည်​ဆောက်၍၊ အ​ဝေး​သို့​နှင်​လိုက်​သော ဣ​သ​ရေ​လ​အ​မျိုး​သား​တို့​ကို စု​ဝေး​စေ​တော်​မူ၏။

ဟေ​ရှာ​ယ 27:12

အို​ဣ​သ​ရေ​လ အ​မျိုး​သား​တို့၊ ထို​ကာ​လ၌​လည်း၊ ထာ​ဝ​ရ​ဘု​ရား​သည် မြစ်​ကြီး​မှ​စ၍၊ အဲ​ဂု​တ္တု​မြစ်​တိုင်​အောင် သစ်​သီး​များ​ကို သိမ်း​ယူ​တော်​မူ​သ​ဖြင့်၊ သင်​တို့​သည် တစ်​ယောက်​နောက်​တစ်​ယောက်၊ ကောက်​သိမ်း​ခြင်း​ကျေး​ဇူး​တော်​ကို ခံ​ရ​ကြ​လိမ့်​မည်။

ယေ​ဇ​ကျေ​လ 34:30

သူ​တို့၏​ဘု​ရား​သ​ခင် ငါ​ထာ​ဝ​ရ​ဘု​ရား​သည် သူ​တို့​နှင့်​အ​တူ ရှိ​ကြောင်း​ကို​လည်း​ကောင်း၊ ဣ​သ​ရေ​လ​အ​မျိုး​သား တည်း​ဟူ​သော သူ​တို့​သည် ငါ၏​လူ​ဖြစ်​ကြောင်း​ကို​လည်း​ကောင်း သိ​ရ​ကြ​လိမ့်​မည်​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

ယေ​ဇ​ကျေ​လ 37:21

အ​ရှင်​ထာ​ဝ​ရ​ဘု​ရား၏ အ​မိန့်​တော်​ကို​လည်း ဆင့်​ဆို​ရ​မည်​မှာ၊ ဣ​သ​ရေ​လ​အ​မျိုး​သား​တို့​ရောက်​သော တစ်​ပါး​အ​မျိုး​သား နေ​ရာ​အ​ရပ်​ရပ်​တို့​မှ သူ​တို့​ကို​ငါ​ခေါ်​ခဲ့၍ စု​ဝေး​စေ​ပြီး​လျှင်၊ သူ​တို့​ကို နေ​ရင်း​ပြည်​သို့ ပို့​ဆောင်​မည်။

ယေ​ဇ​ကျေ​လ 38:8

ကြာ​မြင့်​စွာ ကာ​လ​လွန်​ပြီး​မှ သင်​သည် အုပ်​ချုပ်​ရ​သော​အ​ခွင့် ရှိ​လိမ့်​မည်။ ဓား​ဘေး​နှင့်​လွတ်၍ လူ​အ​မျိုး​မျိုး​ထဲ​က နုတ်​သော​ပြည်​သား၊ ကြာ​မြင့်​စွာ ဆိတ်​ညံ​လျက်​နေ​သော ဣ​သ​ရေ​လ​တောင်​တို့​အ​ပေါ်​သို့၊ တစ်​ဖန်​ဆောင်​ခဲ့​သော ပြည်​သား​တို့​ရှိ​ရာ​သို့ နောင်​ကာ​လ၌ သင်​သည် စစ်​ချီ၍​လာ​လိမ့်​မည်။ ထို​ပြည်​သား​တို့​သည် လူ​အ​မျိုး​မျိုး​ထဲ​က နုတ်​ဆောင်​သော​သူ​ဖြစ်၍၊ တစ်​ပြည်​လုံး ငြိမ်​ဝပ်​လျက်​ရှိ​နေ​သော​အ​ခါ၊

ယေ​ဇ​ကျေ​လ 39:22

ငါ​သည်​သူ​တို့၏​ဘု​ရား​သ​ခင် ထာ​ဝ​ရ​ဘု​ရား​ဖြစ်​ကြောင်း​ကို ဣ​သ​ရေ​လ​အ​မျိုး​သား​တို့​သည် ထို​နေ့​မှ​စ၍ သိ​ရ​ကြ​လိမ့်​မည်။

ယေ​ဇ​ကျေ​လ 39:27

ရန်​သူ​နေ​ရာ​ပြည်​တို့​မှ စု​ဝေး​စေ​လျက်၊ သူ​တို့​အား​ဖြင့် များ​စွာ​သော လူ​မျိုး​တို့​ရှေ့​မှာ ငါ​သည်​ချီး​မြှောက်​ခြင်း​သို့ ရောက်​သော​အ​ခါ၊ သူ​တို့​သည် ကြောက်​စေ​သော​သူ​မ​ရှိ၊ ငြိမ်​ဝပ်​စွာ​နေ​ကြ​စဉ်​တွင် ခံ​ရ​ဖူး​သော​အ​ရှက်​ကွဲ​ခြင်း​နှင့်၊ ငါ့​အား​ပြစ်​မှား​ခြင်း​အ​ပြစ်​များ​ကို အောက်​မေ့​ရ​ကြ​လိမ့်​မည်။

ယေ​ဇ​ကျေ​လ 39:29

ငါ​သည် ကိုယ်​ဝိ​ညာဉ်​ကို ဣ​သ​ရေ​လ​အ​မျိုး​သား​အ​ပေါ်​သို့​သွန်း​လောင်း​သော​အ​ခါ၊ သူ​တို့​တွင် တစ်​ယောက်​ကို​မျှ နောက်​တစ်​ဖန် ငါ​မ​စွန့်​ပစ်၊ ငါ့​မျက်​နှာ​ကို​လည်း​မ​လွှဲ​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

ဟော​ရှေ 2:20

သ​စ္စာ​စောင့်​ခြင်း​နှင့်​အ​ညီ သိမ်း​ယူ၍၊ သင်​သည် ထာ​ဝ​ရ​ဘု​ရား​ကို သိ​ရ​လိမ့်​မည်။

အာ​မုတ် 9:9

တစ်​ဖန် ငါ​အ​မိန့်​တော်​ရှိ​သ​ဖြင့် ဆန်​ကို ဆန်​ခါ​နှင့် ချ​သ​ကဲ့​သို့၊ ဣ​သ​ရေ​လ​အ​မျိုး​ကို ခပ်​သိမ်း​သော​အ​မျိုး​တို့​တွင် ဆန်​ခါ​နှင့် ငါ​ချ​မည်။ ဆန်​တစ်​စေ့​မျှ မြေ​သို့​မ​ကျ​ရ။