ယေ​ဇ​ကျေ​လ 36:22

Judson Bible

သို့​ဖြစ်၍၊ အ​ရှင်​ထာ​ဝ​ရ​ဘု​ရား၏​အ​မိန့်​တော်​ကို ဣ​သ​ရေ​လ​အ​မျိုး​သား​တို့​အား ဆင့်​ဆို​ရ​မည်​မှာ၊ အို ဣ​သ​ရေ​လ​အ​မျိုး၊ သင်​တို့​ကို​ထောက်၍ ဤ​အ​မှု​ကို ငါ​ပြု​သည်​မ​ဟုတ်။ သင်​တို့​ရောက်​သ​မျှ​သော​အ​ရပ်​တို့၌ လူ​အ​မျိုး​မျိုး​တို့​ရှေ့​မှာ ရှုတ်​ချ​သော ငါ၏​နာ​မ​မြတ်​ကို​သာ ထောက်၍ ပြု၏။

ပူးပေါင်းရင်းမြစ်များ

၄ ရာ 19:34

ငါ​သည် ကိုယ်​မျက်​နှာ​ကို​လည်း​ကောင်း၊ ငါ့​ကျွန်​ဒါ​ဝိဒ်၏​မျက်​နှာ​ကို​လည်း​ကောင်း ထောက်၍ ဤ​မြို့​ကို ကယ်​တင်​ခြင်း​ငှာ စောင့်​မ​မည်​ဟု ထာ​ဝ​ရ​ဘု​ရား​မိန့်​တော်​မူ၏။

ဆာ​လံ 106:8

သို့​သော်​လည်း၊ မ​ဟာ​တန်​ခိုး​တော်​ကို ထင်​ရှား​စေ​ခြင်း​ငှာ၊ နာ​မ​တော်၏​အ​ကြောင်း​ကြောင့် သူ​တို့​ကို ကယ်​တင်​တော်​မူ၏။

ဆာ​လံ 109:21

အို​ဘု​ရား​ရှင် ထာ​ဝ​ရ​ဘု​ရား၊ နာ​မ​တော်​အ​တွက်​ကြောင့် အ​ကျွန်ုပ်​အ​မှု​ကို စောင့်​တော်​မူ​ပါ။ က​ရု​ဏာ​တော်​ကောင်း​သည်​ဖြစ်၍၊ အ​ကျွန်ုပ်​ကို ကယ်​နုတ်​တော်​မူ​ပါ။

ဟေ​ရှာ​ယ 43:25

ငါ​တစ်​ပါး​တည်း​သာ​လျှင် ကိုယ်​အ​တွက်​ကြောင့်၊ သင်၏​အ​ပြစ်​တို့​ကို ဖြေ​မည်။ သင်၏​ဒု​စ​ရိုက်​အ​မှု​တို့​ကို မ​အောက်​မေ့။

ဟေ​ရှာ​ယ 48:11

ကိုယ်​အ​တွက် ငါ​ပြု​ဦး​မည်။ ငါ့​နာ​မ​သည် ရှုတ်​ချ​ခြင်း​ကို အ​ဘယ်​ကြောင့် ခံ​ရ​မည်​နည်း။ ငါ့​ဂုဏ်​အ​သ​ရေ​ကို သူ​တစ်​ပါး​အား ငါ​မ​ပေး။

ယေ​ဇ​ကျေ​လ 16:61

သင်​သည် ဝန်​ခံ​ခြင်း​ပ​ဋိ​ညာဉ်​ကို မ​စောင့်​ရ​သော်​လည်း၊ ပ​ဋိ​ညာဉ်​အား​ဖြင့် သင်၏​ညီ​အစ်​မ​တို့​ကို သင်၏​သ​မီး​ဖြစ်​ဖို့​ရာ ငါ​ပေး၍၊ သင်​သည် ထို​သူ​တို့​ကို​လက်​ခံ​သော​အ​ခါ၊ သင်​ပြု​မိ​သော​အ​မှု​များ​ကို အောက်​မေ့၍ ရှက်​ကြောက်​ရ​လိမ့်​မည်။

ယေ​ဇ​ကျေ​လ 20:44

အို ဣ​သ​ရေ​လ​အ​မျိုး​သား​တို့၊ သင်​တို့၏​ဒု​စ​ရိုက်​များ၊ သင်​တို့​ဆိုး​ညစ်​သော အ​ကျင့်​များ​နှင့်​အ​ညီ၊ ငါ​သည် သင်​တို့​ကို​မ​စီ​ရင်။ ကိုယ်​နာ​မ​ကို​ထောက်၍ စီ​ရင်​သော​အ​ခါ ထာ​ဝ​ရ​ဘု​ရား​ဖြစ်​ကြောင်း​ကို သင်​တို့​သိ​ရ​ကြ​လိမ့်​မည်​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

ယေ​ဇ​ကျေ​လ 20:9

သို့​ရာ​တွင်၊ သူ​တို့​နေ​သော တစ်​ပါး​အ​မျိုး​သား​တို့​ရှေ့​မှာ၊ ငါ၏​နာ​မ​အ​သ​ရေ​ကို မ​ပျက်​စေ​ခြင်း​ငှာ၊ ငါ​သည် နာ​မ​တော်​အ​တွက် စီ​ရင်၍၊ တစ်​ပါး​အ​မျိုး​သား​တို့​ရှေ့​မှာ ထင်​ရှား​လျက်၊ သူ​တို့​ကို အဲ​ဂု​တ္တု​ပြည်​မှ နုတ်​ဆောင်​လေ၏။

ယေ​ဇ​ကျေ​လ 36:32

သင်​တို့​ကို​ထောက်၍ ဤ​အ​မှု​ကို ငါ​ပြု​သည်​မ​ဟုတ်​ဟု သိ​မှတ်​ကြ​လော့။ အို ဣ​သ​ရေ​လ​အ​မျိုး၊ ကိုယ်​ပြု​မိ​သော​အ​မှု​ကြောင့် ရှက်​ကြောက်​လျက်၊ မိန်း​မော​တွေ​ဝေ​လျက်​နေ​ကြ​လော့​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

ယေ​ဇ​ကျေ​လ 39:25

ဤ​အ​မှု​တွင် အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ သိမ်း​သွား​ခြင်း​ကို​ခံ​ရ​သော​ယာ​ကုပ်​အ​မျိုး​ကို ငါ​တစ်​ဖန်​ဆောင်​ခဲ့၍၊ ဣ​သ​ရေ​လ အ​မျိုး​သား​အ​ပေါင်း​တို့​ကို ကယ်​မ​သ​နား​သ​ဖြင့်၊ ငါ၏​နာ​မ​မြတ်​အ​ဖို့​အ​လို​ငှာ စိတ်​အား​ကြီး​မည်။

ဒံ​ယေ​လ 9:18

အ​ကျွန်ုပ်၏​ဘု​ရား​သ​ခင်၊ နား​တော်​ကို​လှည့်၍ နား​ထောင်​တော်​မူ​ပါ။ မျက်​စိ​တော်​ကို​ဖွင့်၍ အ​ကျွန်ုပ်​တို့ ပျက်​စီး​ရာ​များ​ကို​လည်း​ကောင်း၊ နာ​မ​တော်​ဖြင့် သ​မုတ်​သော​မြို့​ကို​လည်း​ကောင်း ကြည့်​ရှု​တော်​မူ​ပါ။ အ​ကျွန်ုပ်​တို့​သည် ကိုယ်​ကု​သိုလ်​ကို အ​မှီ​မ​ပြု၊ မ​ဟာ​က​ရု​ဏာ​တော်​ကို​သာ အ​မှီ​ပြု၍ ပ​တ္ထ​နာ​စ​ကား​ကို ရှေ့​တော်၌ ဆက်​ကပ်​ပါ၏။

တမန်တော်ဝတ္ထု 2:36

ထို​ကြောင့် သင်​တို့​သည်​လက်​ဝါး​ကပ်​တိုင်​မှာ ကွပ်​မျက်​သော​ယေ​ရှု​ကို ဘု​ရား​သ​ခင်​သည် ခ​ရစ်​တော်​အ​ရာ​၌​လည်း​ကောင်း၊ အ​စိုး​ရ​သော အ​ရှင်​အ​ရာ၌​လည်း​ကောင်း ခန့်​ထား​တော်​မူ​သည်​အ​ကြောင်း​ကို ဣ​သ​ရေ​လ​အ​မျိုး​သား​အ​ပေါင်း​တို့ အ​တပ်​အ​မှန် သိ​မှတ်​ကြ​လော့​ဟု ပေ​တ​ရု​ဟော​လေ၏။