မြည်​တမ်း​စ​ကား 2:5

Judson Bible

ထာ​ဝ​ရ​ဘု​ရား​သည် ရန်​ဘက်​ပြု၍၊ ဣ​သ​ရေ​လ​အ​မျိုး​ကို​လည်း​ကောင်း၊ ဘုံ​ဗိ​မာန်​အ​ပေါင်း​တို့​ကို​လည်း​ကောင်း မျို​တော်​မူ​ပြီ။ ရဲ​တိုက်​တို့​ကို ဖြို​ဖျက်​တော်​မူ​ပြီ။ ယု​ဒ​သ​တို့​သ​မီး ငို​ကြွေး​မြည်​တမ်း​သော အ​ကြောင်း​တို့​ကို များ​ပြား​စေ​တော်​မူ​ပြီ။

ပူးပေါင်းရင်းမြစ်များ

၄ ရာ 25:9

ဗိ​မာန်​တော်၊ နန်း​တော်၊ မင်း​အိမ်၊ ဆင်း​ရဲ​သား​အိမ်​ရှိ​သ​မျှ​တို့​ကို မီး​ရှို့​လေ၏။

ယောဘဝတ္တု။ 13:24

ကိုယ်​တော်​သည် မျက်​နှာ​တော်​ကို​လွှဲ၍ အ​ဘယ်​ကြောင့် အ​ကျွန်ုပ်​ကို ရန်​သူ​ကဲ့​သို့ မှတ်​တော်​မူ​သ​နည်း။

ယောဘဝတ္တု။ 19:11

ငါ၌​အ​မျက်​တော်​ကို နှိုး​ဆော်၍၊ ငါ့​ကို​ရန်​သူ​ကဲ့​သို့ မှတ်​တော်​မူ၏။

ဆာ​လံ 89:40

သူ၏​ခြံ​ရှိ​သ​မျှ​တို့​ကို​ချိုး၍၊ သူ၏​တိုက်​များ​ကို ဖြို​ဖျက်​တော်​မူ​ပြီ။

ဆာ​လံ 89:41

လမ်း၌​လျှောက်​သွား​သော​သူ​အ​ပေါင်း​တို့​သည် သူ့​ကို​လု​ယူ​ကြ၏။ အိမ်​နီး​ချင်း​တို့​တွင် ကဲ့​ရဲ့​ဖွယ်​ဖြစ်​ပါ၏။

ဟေ​ရှာ​ယ 29:2

သို့​ရာ​တွင်၊ အ​ရေ​လ​မြို့​ကို ငါ​ဆင်း​ရဲ​စေ၍၊ ထို​မြို့​သည် ဝမ်း​နည်း​ခြင်း​နှင့် ညည်း​တွား​ခြင်း​ရှိ​သော်​လည်း၊ အ​ရေ​လ​မြို့​ကဲ့​သို့ ငါ့​ရှေ့​မှာ ဖြစ်​ရ​လိမ့်​မည်။

ဟေ​ရှာ​ယ 63:10

သူ​တို့​သည်​လည်း ပုန်​ကန်​၍၊ သန့်​ရှင်း​သော​ဝိ​ညာဉ်​တော်​ကို နာ​စေ​ကြ၏။ ထို​ကြောင့်၊ သူ​တို့​ကို ရန်​ဘက်​ပြု၍ စစ်​တိုက်​တော်​မူ​၏။

ယေ​ရ​မိ 15:1

တစ်​ဖန် ထာ​ဝ​ရ​ဘု​ရား​သည် ငါ့​အား​မိန့်​တော်​မူ​သည်​ကား၊ မော​ရှေ​နှင့် ရှ​မွေ​လ​သည် ငါ့​ရှေ့​မှာ​ဆု​တောင်း​သော်​လည်း၊ ဤ​လူ​မျိုး​ကို ငါ​မ​သ​နား။ ငါ့​ထံ​မှ ထွက်​သွား​စေ​ခြင်း​ငှာ​နှင်​ထုတ်​လော့။

ယေ​ရ​မိ 21:4

ဣ​သ​ရေ​လ​အ​မျိုး၏​ဘု​ရား​သ​ခင် ထာ​ဝ​ရ​ဘု​ရား​မိန့်​တော်​မူ​သည်​ကား၊ သင်​တို့၏​မြို့​ပြင်​မှာ တပ်​စွဲ၍​နေ​သော ဗာ​ဗု​လုန်​ရှင်​ဘု​ရင်၊ ခါ​လ​ဒဲ​အ​မျိုး​သား​တို့​ကို စစ်​တိုက်​လျက်၊ သင်​တို့​စွဲ​ကိုင်​သော လက်​နက်​များ​ကို ငါ​လွဲ​စေ​မည်။ ထို​သူ​တို့​ကို မြို့​ထဲ၌ ငါ​စည်း​ဝေး​စေ​မည်။

ယေ​ရ​မိ 30:14

သင်၏​မိတ်​ဆွေ​ရှိ​သ​မျှ​တို့​သည် သင့်​ကို မေ့​လျော့၍ မ​မေး​မ​ရှာ​ဘဲ နေ​ကြ၏။ သင့်​အ​ပြစ်​သည်​ကြီး၍၊ သင်​ပြု​သော ဒု​စ​ရိုက်​သည် များ​ပြား​သော​ကြောင့်၊ ရန်​သူ​ပေး​တတ်​သော​အ​နာ​နှင့် သင့်​ကို ငါ​နာ​စေ​ပြီ။ ကြမ်း​တမ်း​သော​သူ ပေး​တတ်​သော​ဒဏ်​ကို ငါ​ပေး​ပြီ။

ယေ​ရ​မိ 52:13

ဗိ​မာန်​တော်၊ နန်း​တော်၊ မင်း​အိမ်၊ ဆင်း​ရဲ​သား​အိမ်​ရှိ​သ​မျှ​တို့​ကို မီး​ရှို့​လေ၏။

မြည်​တမ်း​စ​ကား 2:2

ထာ​ဝ​ရ​ဘု​ရား​သည် သ​နား​ခြင်း​မ​ရှိ​ဘဲ၊ ယာ​ကုပ်​အ​မျိုး၏​နေ​ရာ​အ​ရပ်​ရှိ​သ​မျှ​တို့​ကို မျို​တော်​မူ​ပြီ။ အ​မျက်​တော်​ထွက်​သ​ဖြင့် ယု​ဒ​သ​တို့​သ​မီး၏​ရဲ​တိုက်​တို့​ကို မြေ​တိုင်​အောင် ဖြို​ဖျက်၍၊ နိုင်​ငံ​တော်​နှင့် မင်း​သား​တို့​ကို ရှုတ်​ချ​တော်​မူ​ပြီ။

မြည်​တမ်း​စ​ကား 2:4

ရန်​သူ​ကဲ့​သို့ လေး​ကို​တင်​လျက်၊ ရန်​ဘက်​ပြု​သော​သူ​ကဲ့​သို့ လက်​ယာ​လက်​ကို ချီ​ကြွ​လျက်၊ တင့်​တယ်​ခြင်း အ​သ​ရေ​ရှိ​သော သူ​အ​ပေါင်း​တို့​ကို သတ်​တော်​မူ​ပြီ။ ဇိ​အုန်​သ​တို့​သ​မီး၏​နေ​ရာ​တဲ​ပေါ်​မှာ မီး​ကဲ့​သို့​သော အ​မျက်​တော်​ကို သွန်း​လောင်း​တော်​မူ၏။

ယေ​ဇ​ကျေ​လ 2:10

ထို​စာ​လိပ်​ကို ငါ့​ရှေ့​မှာ​ဖွင့်​ဖြန့်​သော​အ​ခါ၊ တစ်​ဖက်​တစ်​ချက်၌​အ​က္ခ​ရာ​တင်၍ ငို​ကြွေး​မြည်​တမ်း​ခြင်း​အ​ချက်၊ စိတ်​မ​သာ​ညည်း​တွား​ခြင်း အ​ချက်၊ အ​မင်္ဂ​လာ​အ​ချက်​များ ပါ​သ​တည်း။

၁ ရာ 28:16

ရှ​မွေ​လ​က​လည်း၊ ထာ​ဝ​ရ​ဘု​ရား​သည် သင့်​ကို​စွန့်၍ သင့်​ရန်​ဘက်​ဖြစ်​တော်​မူ​သည်​မှန်​လျှင်၊ ငါ့​ကို အ​ဘယ်​ကြောင့် မေး​မြန်း​သေး​သ​နည်း။