ဗျာ​ဒိတ် 18:5

Judson Bible

သူ၏​အ​ပြစ်​တို့​သည် ကောင်း​ကင်​ဘုံ​တိုင်​အောင် မီ​ကြ​သည်​ဖြစ်၍၊ သူ၏​မ​တ​ရား​သော​အ​မှု​တို့​ကို ဘု​ရား​သ​ခင် သ​တိ​ရ​တော်​မူ​ပြီ။-

ပူးပေါင်းရင်းမြစ်များ

၂ ရာ​ချုပ် 28:9

ဩ​ဒက်​အ​မည်​ရှိ​သော ထာ​ဝ​ရ​ဘု​ရား၏​ပ​ရော​ဖက်​တစ်​ပါး​ရှိ၍၊ ရှ​မာ​ရိ​မြို့​သို့ ပြန်​လာ​သော​တပ်​ကို ဆီး​ကြို​လျက်၊ ဘိုး​ဘေး​တို့၏ ဘု​ရား​သ​ခင် ထာ​ဝ​ရ​ဘု​ရား​သည် ယု​ဒ​ပြည်​ကို​အ​မျက်​တော်​ထွက်​သော​ကြောင့်၊ သင်​တို့​လက်၌ အပ်​တော်​မူ​သ​ဖြင့်၊ သင်​တို့​သည် မိုး​ကောင်း​ကင်​သို့​ထိ​သော ဒေါ​သ​အ​ဟုန်​နှင့် သူ​တို့​ကို သတ်​ကြ​ပြီ​တ​ကား။

ဧ​ဇ​ရ 9:6

အို အ​ကျွန်ုပ်​ဘု​ရား​သ​ခင်၊ ကိုယ်​တော်​သို့ မ​မျှော်​မ​ကြည့်​ဝံ့၊ ရှက်​ကြောက်၍ မျက်​နှာ​နီ​ပါ၏။ အ​ကျွန်ုပ်​ဘု​ရား​သ​ခင်၊ အ​ကျွန်ုပ်​တို့ ပြု​မိ​သော ဒု​စ​ရိုက်​တို့​သည် အ​ကျွန်ုပ်​တို့ ခေါင်း​ပေါ်​မှာ အ​ထပ်​ထပ်​လွှမ်း​မိုး၍၊ ကြီး​စွာ​သော အ​ပြစ်​သည် မိုး​ကောင်း​ကင်​သို့ မီ​ပါ၏။

ယေ​ရ​မိ 51:9

ငါ​တို့​သည် ဗာ​ဗု​လုန်​မြို့၏​အ​နာ​ကို ပျောက်​စေ​ခြင်း​ငှာ​ပြု​သော်​လည်း၊ အ​နာ​မ​ပျောက်​နိုင်။ သူ့​ကို​စွန့်​ပစ်၍၊ အ​သီး​အ​သီး ငါ​တို့​နေ​ရင်း​ပြည်​သို့ သွား​ကြ​ကုန်​အံ့။ သူ​ခံ​ရ​သော​အ​ပြစ်​သည် ကောင်း​ကင်​တိုင်​အောင် ရောက်၍၊ မိုး​တိမ်​ကို ထိ​လျက်​ရှိ၏။

ယော​န 1:2

သင်​ထ၍ နိ​နေ​ဝေ​မြို့​ကြီး​သို့ သွား​ပြီး​လျှင်၊ ခြိမ်း​ခြောက်​သော​စ​ကား​နှင့် ကြွေး​ကြော်​လော့။ ထို​မြို့​ပြု​သော ဒု​စ​ရိုက်​အ​ပြစ်​သည် ငါ့​ရှေ့​သို့ တက်​လာ​ပြီ​ဟု မိန့်​တော်​မူ၏။

ဗျာ​ဒိတ် 16:19

မြို့​ကြီး​သည် သုံး​ဖြာ​ကွဲ​ပြား၍ လူ​အ​မျိုး​မျိုး​နေ​သော မြို့​တို့​သည် ပြို​လဲ​ကြ၏။ ဘု​ရား​သ​ခင်​သည် ပြင်း​စွာ​သော ဒေါ​သ​အ​မျက်​တော်၏ စ​ပျစ်​ရည်​ဖ​လား​ကို တိုက်​ခြင်း​ငှာ ဗာ​ဗု​လုန်​မြို့​ကြီး​ကို အောက်​မေ့​တော်​မူ၏။ ကျွန်း​ရှိ​သ​မျှ​တို့​သည် လွင့်​ပြေး​ကြ၏။ တောင်​များ​တို့​သည် ကွယ်​ပျောက်​ကြ၏။-