ဒေသနာကျမ်း။ 9:5

Judson Bible

အ​သက်​ရှင်​သော​သူ​သည် မိ​မိ​သေ​ရ​မည်​ကို​သိ၏။ သေ​သော​သူ​မူ​ကား၊ အ​ဘယ်​အ​ရာ​ကို​မျှ​မ​သိ။ အ​ကျိုး​အ​ပြစ်​ကို​လည်း မ​ခံ​ရ။ သူ့​ကို​လည်း မေ့​လျော့​တတ်​ကြ၏။

ပူးပေါင်းရင်းမြစ်များ

၂ ရာ 14:14

ငါ​တို့​သည် သေ​အံ့​သော​သူ ဖြစ်​ကြ၏။ မြေ​ပေါ်​မှာ​သွန်​ပြီး​လျှင် နောက်​တစ်​ဖန်​ကျုံး၍ မ​ယူ​နိုင်​သော​ရေ​နှင့် တူ​ကြ​ပါ၏။ ဘု​ရား​သ​ခင်​သည် လူ​မျက်​နှာ​ကို မ​ထောက်​သော်​လည်း၊ နှင်​ထုတ်​ခြင်း​ကို​ခံ​ရ​သော​သူ​သည် အ​စဉ်​နှင်​ထုတ်​ခြင်း​ကို​ခံ၍ မ​နေ​ရ​မည်​အ​ကြောင်း ကြံ​စည်​တော်​မူ၏။

ယောဘဝတ္တု။ 14:21

သူ၏​သား​တို့​သည် ချီး​မြှောက်​ခြင်း​သို့ ရောက်​သော်​လည်း သူ​သည်​မ​သိ​ရ​ပါ။ နှိမ့်​ချ​ခြင်း​သို့ ရောက်​သော်​လည်း ထို​အ​မှု​ကို​ပင် မ​ရိပ်​မိ​ပါ။

ယောဘဝတ္တု။ 30:23

သေ​ခြင်း​သို့​လည်း​ကောင်း၊ အ​သက်​ရှင်​သော​သူ​ခပ်​သိမ်း​တို့​အ​ဖို့ စီ​ရင်​သော​နေ​ရာ​သို့​လည်း​ကောင်း၊ အ​ကျွန်ုပ်​ကို ပို့​ဆောင်​တော်​မူ​မည်​ဟု အ​ကျွန်ုပ်​သိ​ပါ၏။

ဆာ​လံ 109:15

ထို​ဒု​စ​ရိုက်​အ​ပြစ်​သည် ထာ​ဝ​ရ​ဘု​ရား​ရှေ့​မှာ အ​စဉ်​အ​မြဲ​ထင်​ရှား၍၊ မြေ​ကြီး​ပေါ်​မှာ ထို​သူ​တို့​ကို အောက်​မေ့​စ​ရာ အ​မှတ်​မျှ​မ​ရှိ​စေ​ခြင်း​ငှာ၊ ပယ်​ရှင်း​တော်​မူ​ပါ​စေ။

ဆာ​လံ 6:5

အ​ကြောင်း​မူ​ကား၊ သေ​လျက်​နေ​စဉ်​တွင် ကိုယ်​တော်​ကို အောက်​မေ့​ခြင်း​မ​ရှိ​ပါ။ မ​ရ​ဏာ​နိုင်​ငံ​တွင် ကျေး​ဇူး​တော်​ကို အ​ဘယ်​သူ​ချီး​မွမ်း​ပါ​မည်​နည်း။

ဆာ​လံ 88:13

အို​ထာ​ဝ​ရ​ဘု​ရား၊ ကိုယ်​တော်​ကို အ​ကျွန်ုပ် အော်​ဟစ်​ပါ၏။ နံ​နက်​အ​ချိန်၌ အ​ကျွန်ုပ်၏​ပ​တ္ထ​နာ​သည် ရှေ့​တော်​သို့​ရောက်​ပါ၏။

ဒေသနာကျမ်း။ 1:11

ရှေး​ဖြစ်​ဖူး​သော​အ​မှု​အ​ရာ​တို့​ကို မေ့​လျော့​တတ်၏။ နောက်​ဖြစ်​လ​တ္တံ့​သော အ​မှု​အ​ရာ​တို့​ကို​လည်း၊ ထို​အ​မှု​အ​ရာ​နောက်၌ ဖြစ်​လ​တ္တံ့​သော​သူ​တို့​သည် မေ့​လျော့​ကြ​လိမ့်​မည်။

ဒေသနာကျမ်း။ 2:16

ယ​ခု​ဖြစ်​သ​မျှ​သော အ​မှု​အ​ရာ​တို့​ကို နောင်​ကာ​လ၌ မေ့​လျော့​လိမ့်​မည်​ဖြစ်၍၊ မိုက်​သော​သူ​သည် အ​စဉ်​မ​အောက်​မေ့​သ​ကဲ့​သို့၊ ပ​ညာ​ရှိ​သော​သူ​ကို​လည်း အ​စဉ်​မ​အောက်​မေ့​တတ်။ ပ​ညာ​ရှိ​သော​သူ​သည် မိုက်​သော​သူ​သေ​သ​ကဲ့​သို့ သေ​တတ်​ပါ​သည်​တ​ကား။

ဒေသနာကျမ်း။ 7:2

မ​သာ​အိမ်​သို့​သွား​ခြင်း​သည်၊ ပွဲ​ခံ​ရာ​အိမ်​သို့​သွား​ခြင်း​ထက် သာ၍​ကောင်း၏။ အ​ကြောင်း​မူ​ကား၊ လူ​ခပ်​သိမ်း​တို့​သည် မ​သာ​အိမ်၌ လမ်း​ဆုံး​ရ​ကြ၏။ အ​သက်​ရှင်​လျက်​ရှိ​သော​သူ​တို့​လည်း၊ အ​သင့်​နှ​လုံး​သွင်း​မိ​ကြ​လိမ့်​မည်။

ဒေသနာကျမ်း။ 8:10

ထို​မှ​တစ်​ပါး၊ သန့်​ရှင်း​ရာ​အ​ရပ်​ဌာ​န​တော်​သို့ သွား​လာ​သော အ​ဓ​မ္မ​လူ​တို့​သည် သင်္ဂြိုဟ်​ခြင်း​ခံ​ရ​ကြောင်း​ကို​လည်း​ကောင်း၊ အ​ဓ​မ္မ​ပြု​ဖူး​သော​မြို့၌ သူ​တို့​ကို အ​ဘယ်​သူ​မျှ မ​အောက်​မေ့​ကြောင်း​ကို​လည်း​ကောင်း ငါ​မြင်​ပြီ။ ထို​အ​မှု​အ​ရာ​သည်​လည်း အ​န​တ္တ​ဖြစ်၏။

ဒေသနာကျမ်း။ 9:10

ဆောင်​ရွက်​စ​ရာ​အ​မှု​ရှိ​သ​မျှ​ကို ကြိုး​စား​အား​ထုတ်၍ ဆောင်​ရွက်​လော့။ အ​ကြောင်း​မူ​ကား၊ သင်​ယ​ခု​သွား၍ ရောက်​ရ​လ​တ္တံ့​သော​အ​ရပ်​တည်း​ဟူ​သော မ​ရ​ဏ​နိုင်​ငံ၌ လုပ်​ဆောင်​ခြင်း​မ​ရှိ။ ကြံ​စည်​ခြင်း​မ​ရှိ။ သိ​ပ္ပံ​အ​တတ်​မ​ရှိ။ ပ​ညာ​မ​ရှိ​ပါ​တ​ကား။

ဒေသနာကျမ်း။ 9:4

အ​သက်​ရှင်​သော​လူ​စု​အ​ပေါင်း​နှင့် ဆိုင်​သေး​သော​သူ​သည် မျှော်​လင့်​စ​ရာ​ရှိ၏။ အ​သက်​ရှင်​သော​ခွေး​သည် သေ​သော​ခြင်္သေ့​ထက် သာ၍​ကောင်း​မြတ်၏။

ဟေ​ရှာ​ယ 26:14

ထို​သ​ခင်​တို့​သည် သေ​ကြ​ပါ​ပြီ။ တစ်​ဖန် အ​သက်​မ​ရှင်​ရ​ကြ​ပါ။ သင်္ချိုင်း​သား​ဖြစ်၍ ထ​မြောက်​ခြင်း မ​ရှိ​ရ​ကြ​ပါ။ သူ​တို့​ကို ကြည့်​ရှု​ဖျက်​ဆီး၍၊ သူ​တို့၏​အ​မှတ်​မျှ မ​ရှိ​စေ​ခြင်း​ငှာ ပယ်​ရှင်း​တော်​မူ​ပြီ။

ဟေ​ရှာ​ယ 63:16

အာ​ဗြ​ဟံ​သည် အ​ကျွန်ုပ်​တို့​ကို မ​သိ၊ ဣ​သ​ရေ​လ​သည် လက်​မ​ခံ​သော်​လည်း၊ အ​ကယ်​စင်​စစ် ကိုယ်​တော်​သည် အ​ကျွန်ုပ်​တို့​အ​ဘ ဖြစ်​တော်​မူ၏။ အို ထာ​ဝ​ရ​ဘု​ရား၊ ကိုယ်​တော်​သည် အ​ကျွန်ုပ်​တို့​အ​ဘ ဖြစ်​တော်​မူ၏။ ရှေး​ကာ​လ​မှ​စ၍ အ​ကျွန်ုပ်​တို့​ကို ရွေး​နုတ်​သော​ဘု​ရား ဖြစ်​တော်​မူ၏။

လုကာ 20:32

နောက်​ဆုံး၌ မိန်း​မ​သည်​လည်း သေ​လေ၏။-

ဟေ​ဗြဲ 9:27

လူ​သည် တစ်​ခါ​တည်း​သေ၍ ထို​နောက်​မှ တ​ရား​စီ​ရင်​တော်​မူ​ခြင်း​ကို ခံ​ရ​သ​ကဲ့​သို့၊-