ထွက်​မြောက် 6:25

Judson Bible

အာ​ရုန်​သား​ဧ​လ​ဇာ​သည် ပု​တျေ​လ​သ​မီး​တစ်​ယောက်​နှင့်​စုံ​ဖက်၍၊ သူ​သည် ဖိ​န​ဟတ်​ကို​ဖွား​လေ၏။ ဤ​သူ​တို့​သည်​လေ​ဝိ​အ​မျိုး၊ အ​သီး​အ​သီး​တို့၏ အ​ဆွေ​အ​မျိုး​သူ​ကြီး​ဖြစ်​ကြ​သ​တည်း။

ပူးပေါင်းရင်းမြစ်များ

တော​လည် 26:57

ဘိုး​ဘ​အ​ဆွေ​အ​မျိုး​အ​လိုက် စာ​ရင်း​ဝင်​သော လေ​ဝိ၏​သား​ဟူ​မူ​ကား၊ ဂေ​ရ​ရှုန်​မှ​ဆင်း​သက်​သော ဂေ​ရ​ရှော​နိ​အ​ဆွေ​အ​မျိုး၊ ကော​ဟတ်​မှ​ဆင်း​သက်​သော ကော​ဟ​သိ​အ​ဆွေ​အ​မျိုး၊ မေ​ရာ​ရိ​မှ​ဆင်း​သက်​သော မေ​ရော​ရိတ်​အ​ဆွေ​အ​မျိုး​တည်း။

တော​လည် 31:6

မော​ရှေ​သည်​ထို​သူ​တို့​ကို​လည်း​ကောင်း၊ သန့်​ရှင်း​သော​လက်​နက်​နှင့်​တ​ကွ၊ မှုတ်​ရာ​တံ​ပိုး​တို့​ကို​ကိုင်​သော ယဇ်​ပု​ရော​ဟိတ်​ဧ​လာ​ဇာ​သား ဖိ​န​ဟတ်​ကို​လည်း​ကောင်း စစ်​ချီ​စေ၏။

ယော​ရှု 22:13

ဣ​သ​ရေ​လ​အ​မျိုး​သား​တို့​သည်၊ ယဇ်​ပု​ရော​ဟိတ်​ဧ​လာ​ဇာ​သား ဖိ​န​ဟတ်​နှင့်​တ​ကွ၊ ဣ​သ​ရေ​လ​အ​မျိုး အ​သီး​အ​သီး​တို့​အ​ထဲ​က ရွေး​ကောက်၍၊ လူ​တစ်​ထောင်​ကို​အုပ်​သော အ​ဆွေ​အ​မျိုး သူ​ကြီး​ဆယ်​ပါး​တို့​ကို ရု​ဗင်​အ​မျိုး၊ ဂဒ်​အ​မျိုး၊ မ​နာ​ရှေ​အ​မျိုး​တစ်​ဝက်​ရှိ​ရာ ဂိ​လဒ်​ပြည်​သို့ စေ​လွှတ်​ကြ၏။

ယော​ရှု 24:33

အာ​ရုန်​သား ယဇ်​ပု​ရော​ဟိတ်​ဧ​လာ​ဇာ​သည်​လည်း အ​နိ​စ္စ​ရောက်​လေ၏။ သူ၏​သား​ဖိ​န​ဟတ်​အား လူ​များ​ပေး​ခဲ့​သော ဧ​ဖ​ရိမ်​တောင်​ပေါ်၊ ဖိ​န​ဟတ်​ကုန်း၌ သင်္ဂြိုဟ်​ကြ၏။ ယော​ရှု​မှတ်​စာ​ပြီး၏။

သူ​ကြီး 20:28

ဣ​သ​ရေ​လ​အ​မျိုး​သား​တို့​က၊ အ​ကျွန်ုပ်​တို့ ညီ​ဗင်္ယာ​မိန်​အ​မျိုး​သား​တို့​ကို တစ်​ဖန်​သွား၍ တိုက်​ရ​ပါ​မည်​လော၊ မ​သွား​ဘဲ​နေ​ရ​ပါ​မည်​လော​ဟု ထာ​ဝ​ရ​ဘု​ရား​အား မေး​လျှောက်​သော်၊ ထာ​ဝ​ရ​ဘု​ရား​က သွား​ကြ​လော့။ နက်​ဖြန်​နေ့​တွင် သူ​တို့​ကို သင်​တို့​လက်၌ ငါ​အပ်​မည်​ဟု မိန့်​တော်​မူ၏။