ထွက်​မြောက် 34:35

Judson Bible

သူ၏​မျက်​နှာ​အ​ရေ​ထွန်း​ပ​ကြောင်း​ကို ဣ​သ​ရေ​လ​အ​မျိုး​သား​တို့​သည် မြင်​ကြ​လျှင်၊ တစ်​ဖန်​အ​ထဲ​သို့​ဝင်၍ မ​လျှောက်​မီ​တိုင်​အောင် မိ​မိ​မျက်​နှာ​ကို ဖုံး​အုပ်​ပြန်၏။

ပူးပေါင်းရင်းမြစ်များ

ထွက်​မြောက် 35:1

မော​ရှေ​သည်၊ ဣ​သ​ရေ​လ​အ​မျိုး​ပ​ရိ​သတ်​အ​ပေါင်း​ကို စည်း​ဝေး​စေ၍၊ ထာ​ဝ​ရ​ဘု​ရား​မိန့်​တော်​မူ​သော သင်​တို့​ကျင့်​ဝတ်​တ​ရား​ဟူ​မူ​ကား၊

ဒေသနာကျမ်း။ 8:1

အ​ဘယ်​သူ​သည် ပ​ညာ​ရှိ​သော​သူ​ကဲ့​သို့ ဖြစ်​သ​နည်း။ နက်​နဲ​သော​အ​နက်​ကို အ​ဘယ်​သူ​နား​လည်​သ​နည်း။ ပ​ညာ​သည် ပ​ညာ​ရှိ​သော​သူ၏​မျက်​နှာ​ကို ထွန်း​လင်း​စေ​တတ်၏။ ထို​သူ၏​မျက်​နှာ​သည် အ​ထူး​သ​ဖြင့် ရဲ​ရင့်​သော​အ​ဆင်း​ရှိ​တတ်၏။

ဒံ​ယေ​လ 12:3

ပ​ညာ​ရှိ​သော သူ​တို့​သည်​လည်း၊ ကောင်း​ကင်​မျက်​နှာ​ကြက်၏ အ​ရောင်​အ​ဝါ​ကဲ့​သို့​လည်း​ကောင်း၊ လူ​အ​များ​တို့​ကို ဖြောင့်​မတ်​ခြင်း​တ​ရား​လမ်း​ထဲ​သို့ သွင်း​သော သူ​တို့​သည်​လည်း၊ ကြယ်​များ​ကဲ့​သို့​လည်း​ကောင်း အ​စဉ်​အ​မြဲ ထွန်း​လင်း​ကြ​လိမ့်​မည်။

မဿဲ 13:43

ထို​အ​ခါ ဖြောင့်​မတ်​သော​သူ​တို့​သည် နေ​ထွန်း​လင်း​သ​ကဲ့​သို့ မိ​မိ​တို့​အ​ဘ၏ နိုင်​ငံ​တော်၌ ထွန်း​လင်း​ကြ​လ​တ္တံ့။ ကြား​စ​ရာ​နား​ရှိ​သော​သူ မည်​သည်​ကား ကြား​ပါ​စေ။

မဿဲ 5:16

ထို​နည်း​တူ၊ သူ​တစ်​ပါး​တို့​သည် သင်​တို့၏ ကောင်း​သော​အ​ကျင့်​ကို မြင်၍၊ ကောင်း​ကင်​ဘုံ၌​ရှိ​တော်​မူ​သော သင်​တို့​အ​ဘ၏ ဂုဏ်​တော်​ကို ချီး​မွမ်း​စေ​ခြင်း​ငှာ၊ သူ​တစ်​ပါး​ရှေ့၌ သင်​တို့​အ​လင်း​ကို လင်း​စေ​ကြ​လော့။-

ရှင်ယောဟန် 5:35

ယော​ဟန်​သည် ညှိ​ထွန်း၍​လင်း​သော ဆီ​မီး​ဖြစ်၏။ သင်​တို့​သည် သူ၏​အ​လင်း၌ ခ​ဏ​သာ​မွေ့​လျော်​ခြင်း​ငှာ အ​လို​ရှိ​ကြ၏။-

၂ ကော 3:13

ပယ်​ရှင်း​သော​အ​ရာ၏ အ​ဆုံး​ကို ဣ​သ​ရေ​လ​အ​မျိုး​သား​တို့​သည် စေ့​စေ့​မ​ကြည့်​ရှု​စေ​ခြင်း​ငှာ မော​ရှေ​သည် မိ​မိ​မျက်​နှာ​ကို ဖုံး​အုပ်​သ​ကဲ့​သို့ ငါ​တို့​သည်​မ​ပြု​ကြ။-

ဖိ​လိပ္ပိ 2:15

သို့​ပြု​လျှင် အ​ပြစ်​တင်​ခွင့်​မ​ရှိ၊ အ​ဘယ်​သူ​ကို​မျှ မ​ပြစ်​မှား​ဘဲ​နေ၍၊ မ​ဖြောင့်​မ​မှန် ဖောက်​ပြန်​သော​လူ​မျိုး​အ​ထဲ၌ အ​ဘယ်​အ​ပြစ်​မျှ​မ​ပါ​သော ဘု​ရား​သ​ခင်၏​သား ဖြစ်​ကြ​လိမ့်​မည်။ အ​သက်​ရှင်​ခြင်း​နှင့်​ဆိုင်​သော နှုတ်​က​ပတ်​တ​ရား​တော်​ကို ပြ​သ၍၊ စ​ကြ​ဝ​ဠာ၌ နေ၊ လ၊ ကြယ် န​က္ခတ်​ကဲ့​သို့ ထို​လူ​မျိုး​အ​ထဲ၌ ထွန်း​လင်း​ကြ၏။ သို့​ပြု​လျှင် ငါ​သည် အ​ကျိုး​မ​ရှိ​ဘဲ​လျက် ပြေး​သည်​မ​ဟုတ်၊ အ​ကျိုး​မ​ရှိ​ဘဲ​လျက် ကြိုး​စား​အား​ထုတ်​သည် မ​ဟုတ်​ကြောင်း​ကို ငါ​ထောက်၍ ခ​ရစ်​တော်၏​နေ့​ရက်၌ ဝါ​ကြွား​ဝမ်း​မြောက်​ခြင်း​ရှိ​လိမ့်​မည်။