ထွက်​မြောက် 34:25

Judson Bible

ငါ့​ယဇ်​ကောင်​အ​သွေး​ကို တ​ဆေး​နှင့် ရော၍ မ​ပူ​ဇော်​ရ။ ပ​သ​ခါ​ပွဲ​ယဇ်​ကောင်​ကို၊ နံ​နက်​တိုင်​အောင်​မ​ကြွင်း​စေ​ရ။

ပူးပေါင်းရင်းမြစ်များ

ထွက်​မြောက် 12:10

နံ​နက်​တိုင်​အောင် ထို​အ​သား​ကို​မ​ကြွင်း​စေ​ရ။ အ​နည်း​ငယ်​ကြွင်း​လျှင် မီး​နှင့်​ရှို့​ရ​မည်။

ထွက်​မြောက် 12:20

သင်​တို့​နေ​ရာ​အ​ရပ်​ရပ်​တို့၌ တ​ဆေး​ပါ​သော​မုန့်​ကို မ​စား​ရ။ တ​ဆေး​မ​ပါ​သော​မုန့်​ကို​သာ​စား​ရ​မည်​ဟု မိန့်​တော်​မူ၏။

ထွက်​မြောက် 12:8

အ​သား​ကို မီး​နှင့်​ကင်​ပြီး​မှ၊ ထို​ည​ချင်း​တွင်​တ​ဆေး​မ​ပါ​သော​မုန့်၊ ခါး​သော ဟင်း​သီး​ဟင်း​ရွက်​နှင့် စား​ရ​မည်။

ထွက်​မြောက် 23:18

ငါ့​ယဇ်​ကောင်၏​အ​သွေး​ကို၊ တ​ဆေး​ပါ​သော​မုန့်​နှင့်​ရော၍ မ​ပူ​ဇော်​ရ။ ငါ့​ယဇ်​ကောင်​ဆီ​ဥ​ကို နံ​နက်​တိုင်​အောင် မ​ကြွင်း​စေ​ရ။

ထွက်​မြောက် 29:34

အ​ရာ၌​ခန့်​ထား​ရာ​နှင့်​ဆိုင်​သော အ​မဲ​သား​ဖြစ်​စေ၊ မုန့်​ဖြစ်​စေ၊ နံ​နက်​တိုင်​အောင် ကျန်​ကြွင်း​လျှင်၊ ထို​အ​ကြွင်း​ကို​မီး​ရှို့​ရ​မည်။ သန့်​ရှင်း​သော​ကြောင့်၊ အ​ဘယ်​သူ​မျှ မ​စား​ရ။

ဝတ်​ပြု 2:11

ထာ​ဝ​ရ​ဘု​ရား​အား​ဆက်​သော ဘော​ဇဉ်​ပူ​ဇော်​သ​ကာ၌ တ​ဆေး​မ​ပါ​ရ။ ထာ​ဝ​ရ​ဘု​ရား​အား မီး​ဖြင့်​ပူ​ဇော်​သ​ကာ​ပြု​သော​အ​ခါ၊ တ​ဆေး​ကို​မီး​မ​ရှို့​ရ။ ပျား​ရည်​ကို​လည်း​မ​ရှို့​ရ။

ဝတ်​ပြု 7:15

ကျေး​ဇူး​တော်​ဝန်​ခံ​ဖို့​ရာ ပူ​ဇော်​သော မိတ်​သ​ဟာ​ယ​ယဇ်​အ​သား​ကို၊ ပူ​ဇော်​သော​နေ့​ချင်း​တွင်​စား​ရ​မည်။ နံ​နက်​တိုင်​အောင် မ​ကြွင်း​စေ​ရ။

တော​လည် 9:12

ထို​အ​သား​ကို နံ​နက်​တိုင်​အောင်​မ​ကြွင်း​စေ​ရ။ အ​ရိုး​ကို​လည်း​မ​ချိုး​ရ။ ပ​သ​ခါ​ပွဲ​နှင့် ဆိုင်​သော အ​ထုံး​အ​ဖွဲ့​ရှိ​သ​မျှ​တို့​ကို​လိုက်၍ ပွဲ​ခံ​ရ​သော​အ​ခွင့်​ရှိ၏။

မဿဲ 13:33

အ​ခြား​သော​ဥ​ပ​မာ​စ​ကား​ကို မိန့်​မြွက်​တော်​မူ​သည်​ကား၊ ကောင်း​ကင်​နိုင်​ငံ​တော်​သည် တ​ဆေး​နှင့်​တူ၏။ မိန်း​မ​သည် တ​ဆေး​ကို​ယူ၍ မုန့်​ညက်​သုံး​တင်း၌​ထည့်​သ​ဖြင့်၊ မုန့်​ညက်​ရှိ​သ​မျှ​ကို ဖောင်း​ကြွ​စေ​တတ်​သည်​ဟု မိန့်​တော်​မူ၏။

တ​ရား​ဟော 16:3

သင်​သည် အဲ​ဂု​တ္တု​ပြည်​မှ​ထွက်​လာ​သော​နေ့​ရက်​ကို တစ်​သက်​လုံး​အောက်​မေ့​ဖို့​ရာ ပ​သ​ခါ​ပွဲ​ခံ​စဉ်၊ တ​ဆေး​ပါ​သော​မုန့်​ကို မ​စား​ရ​ဘဲ၊ တ​ဆေး​မ​ပါ​သော မုန့်​တည်း​ဟူ​သော ဒု​က္ခ​မုန့်​ကို ခု​နစ်​ရက်​ပတ်​လုံး​စား​ရ​မည်။ အ​ကြောင်း​မူ​ကား၊ သင်​သည် အဲ​ဂု​တ္တု​ပြည်​မှ အ​လျင်​တ​ဆော ထွက်​လာ​သ​တည်း။

တ​ရား​ဟော 16:4

ခု​နစ်​ရက်​ပတ်​လုံး၊ သင့်​နေ​ရာ​ပြည်၌ တ​ဆေး​ပါ​သော​မုန့် မ​ရှိ​ရ။ ပ​ထ​မ​နေ့​ညဉ့်​ဦး​ယံ၌ ပူ​ဇော်​သော​ယဇ်၏​အ​သား​ကို တစ်​ည​လုံး နံ​နက်​တိုင်​အောင် မ​ကျန်​ကြွင်း​စေ​ရ။