ဇာ​ခ​ရိ 8:7

Judson Bible

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​သည်​ကား၊ ငါ၏​လူ​တို့​ကို အ​ရှေ့​ပြည်​မှ​လည်း​ကောင်း၊ အ​နောက်​ပြည်​မှ​လည်း​ကောင်း ငါ​ကယ်​တင်၍၊

ပူးပေါင်းရင်းမြစ်များ

နေ​ဟ​မိ 1:9

တစ်​ဖန် ငါ့​ထံ​သို့ ပြန်​လာ၍၊ ငါ့​ပ​ညတ်​တို့​ကို ကျင့်​စောင့်​ပြန်​လျှင်၊ မိုး​ကောင်း​ကင်​အောက် အ​ဝေး​ဆုံး​သော​အ​ရပ်​သို့ နှင်​ထုတ်​ခြင်း​ကို ခံ​ရ​သော်​လည်း၊ ထို​အ​ရပ်​က ငါ​သိမ်း​ယူ၍၊ ငါ့​နာ​မ​တည်​ရာ​ဖို့ ငါ​ရွေး​ချယ်​သော​အ​ရပ်​သို့ ဆောင်​ခဲ့​မည်​ဟု ကိုယ်​တော်​ကျွန်​မော​ရှေ၌ ထား​တော်​မူ​သော က​တိ​တော်​ကို အောက်​မေ့​တော်​မူ​ပါ။

ဆာ​လံ 113:3

နေ​ထွက်​ရာ​မှ​သည် နေ​ဝင်​ရာ​တိုင်​အောင်၊ ထာ​ဝ​ရ​ဘု​ရား၏​နာ​မ​တော်​သည် ချီး​မွမ်း​ဖွယ်​ဖြစ်၏။

ဆာ​လံ 147:2

ထာ​ဝ​ရ​ဘု​ရား​သည် ယေ​ရု​ရှ​လင်​မြို့​ကို​တည်​ဆောက်၍၊ အ​ဝေး​သို့​နှင်​လိုက်​သော ဣ​သ​ရေ​လ​အ​မျိုး​သား​တို့​ကို စု​ဝေး​စေ​တော်​မူ၏။

ဆာ​လံ 50:1

တန်​ခိုး​ကြီး​သော ဘု​ရား​သ​ခင်​တည်း​ဟူ​သော ထာ​ဝ​ရ​ဘု​ရား​သည် ဗျာ​ဒိတ်​ပေး​တော်​မူ၏။ နေ​ထွက်​ရာ​မှ​သည် နေ​ဝင်​ရာ​တိုင်​အောင် မြေ​ကြီး​ကို ခေါ်​တော်​မူ၏။

ဟေ​ရှာ​ယ 49:12

ကြည့်​ရှု​လော့။ ဤ​သူ​တို့​သည် ဝေး​သော​အ​ရပ်​မှ လာ​ကြ​လိမ့်​မည်။ ကြည့်​ရှု​လော့။ ထို​သူ​တို့​သည် မြောက်​မျက်​နှာ​နှင့် အ​နောက်​မျက်​နှာ​မှ​လည်း​ကောင်း၊ ထို​သူ​တို့​သည်​လည်း၊ သိ​နိမ်​ပြည်​မှ​လည်း​ကောင်း လာ​ကြ​လိမ့်​မည်​ဟု မိန့်​တော်​မူ၏။

ဟေ​ရှာ​ယ 59:19

သို့​ဖြစ်၍၊ အ​နောက်​မျက်​နှာ​သား​တို့​နှင့်၊ နေ​ထွက်​ရာ​အ​ရပ်​သား​တို့​သည် ထာ​ဝ​ရ​ဘု​ရား၏​နာ​မ​တော်​နှင့် ဘုန်း​တော်​ကို ရို​သေ​ကြ​လိမ့်​မည်။ ရန်​သူ​သည် ရေ​လွှမ်း​မိုး​သ​ကဲ့​သို့​ဝင်​သော​အ​ခါ၊ ထာ​ဝ​ရ​ဘု​ရား၏​ဝိ​ညာဉ်​တော်​သည် ဆီး​တား​တော်​မူ​မည်။

ယေ​ရ​မိ 31:8

သူ​တို့​ကို မြောက်​ပြည်​မှ ငါ​ဆောင်​ခဲ့၍၊ မြေ​ကြီး​စွန်း​မှ​စု​သိမ်း​မည်။ မျက်​စိ​ကန်း​သော​သူ၊ ခြေ​ဆွံ့​သော​သူ၊ ကိုယ်​ဝန်​ဆောင်​သော​မိန်း​မ၊ သား​ဖွား​ခြင်း​ဝေ​ဒ​နာ​ကို​ခံ​ရ​သော​မိန်း​မ​များ​လည်း ပါ​လျက်၊ ကြီး​စွာ​သော​အ​စည်း​အ​ဝေး​တို့​သည် ပြန်​လာ​ကြ​လိမ့်​မည်။

ယေ​ဇ​ကျေ​လ 11:17

အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ သူ​တို့​ကို ဖြန့်​ကြဲ​သော လူ​အ​မျိုး​မျိုး​နေ​ရာ အ​တိုင်း​တိုင်း​အ​ပြည်​ပြည်​တို့​မှ ငါ​သိမ်း​ယူ၍၊ စု​ဝေး​ပြီး​လျှင်၊ ဣ​သ​ရေ​လ​ပြည်​ကို ပေး​မည်။

ယေ​ဇ​ကျေ​လ 36:33

အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ သင်​တို့​ဒု​စ​ရိုက်​အ​ပြစ်​ရှိ​သ​မျှ​တို့​ကို ငါ​ရှင်း​လင်း​သော​အ​ခါ၊ မြို့​များ၌​လူ​နေ​စေ၍ ပျက်​စီး​သော​အ​ရပ်​တို့​သည် ပြု​ပြင်​ခြင်း​ရှိ​ကြ​လိမ့်​မည်။

ဇာ​ခ​ရိ 10:6

ယု​ဒ​အ​မျိုး​ကို​လည်း ငါ​ခိုင်​ခံ့​စေ​မည်။ ယော​သပ်​အ​မျိုး​ကို​လည်း ငါ​ကယ်​တင်​မည်။ သူ​တို့​ကို သ​နား​စုံ​မက်​သော​ကြောင့် နေ​ရာ​ချ​မည်။ သူ​တို့​သည် နှင်​ထုတ်​ခြင်း​ကို မ​ခံ​ဖူး​သ​ကဲ့​သို့ ဖြစ်​ကြ​လိမ့်​မည်။ ငါ​သည် သူ​တို့၏ ဘု​ရား​သ​ခင် ထာ​ဝ​ရ​ဘု​ရား​ဖြစ်၍ သူ​တို့​စ​ကား​ကို နား​ထောင်​မည်။

မာ​လ​ခိ 1:11

နေ​ထွက်​ရာ​အ​ရပ်​မှ​သည် နေ​ဝင်​ရာ​အ​ရပ်​တိုင်​အောင် တစ်​ပါး​အ​မျိုး​သား​တို့​တွင် ငါ၏​နာ​မ​တော်​သည် ကြီး​မြတ်​ရ​လိမ့်​မည်။ ခပ်​သိမ်း​သော​အ​ရပ်​တို့၌ နံ့​သာ​ပေါင်း​ကို ငါ၏​နာ​မ​တော်​အား​မီး​ရှို့၍၊ သန့်​ရှင်း​သော ပူ​ဇော်​သ​ကာ​ကို ဆက်​ကပ်​ရ​ကြ​လိမ့်​မည်။ ငါ၏​နာ​မ​တော်​သည် တစ်​ပါး​အ​မျိုး​သား​တို့​တွင် ကြီး​မြတ်​ရ​လိမ့်​မည်​ဟု ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ၏။

တ​ရား​ဟော 30:3

သင်၏​ဘု​ရား​သ​ခင် ထာ​ဝ​ရ​ဘု​ရား​သည် သင်​ခံ​ရ​သော သိမ်း​သွား​ခြင်း​အ​မှု​ကို ကုန်​စေ​မည်​အ​ကြောင်း၊ သင့်​ကို​သ​နား​သ​ဖြင့် တစ်​ဖန်​ပြန်​လာ၍၊ အ​ထက်​က အ​ရပ်​ရပ်​နှင်​ထုတ်​ရာ အ​ပြည်​ပြည်​တို့​မှ သိမ်း​ယူ​တော်​မူ​လိမ့်​မည်။