ဇာ​ခ​ရိ 2:12

Judson Bible

ထာ​ဝ​ရ​ဘု​ရား​သည် သန့်​ရှင်း​သော​ပြည်၌ မိ​မိ​အ​ဖို့ ယု​ဒ​ပြည်​ကို အ​မွေ​ခံ၍ တစ်​ဖန် ယေ​ရု​ရှ​လင်​မြို့​ကို ရွေး​ချယ်​တော်​မူ​လိမ့်​မည်။

ပူးပေါင်းရင်းမြစ်များ

ဧ​သ​တာ 6:13

မိ​မိ၌​ဖြစ်​လေ​သ​မျှ​ကို မ​ယား​ဇေ​ရက်​နှင့် အ​ဆွေ​ခင်​ပွန်း​ရှိ​သ​မျှ​တို့​အား ကြား​ပြော​လေ၏။ မ​ယား​ဇေ​ရက်​နှင့် ဟာ​မန်၏​အ​ဆွေ ပ​ညာ​ရှိ​တို့​က​လည်း၊ ကိုယ်​တော်​ရှုံး​စ​ရှိ​သော မော်​ဒ​ကဲ​သည်၊ ယု​ဒ​အ​မျိုး​မှန်​လျှင်၊ ကိုယ်​တော်​သည် သူ့​ကို​မ​နိုင်။ သူ့​ရှေ့​မှာ ဧ​ကန်​အ​မှန်​ရှုံး​ရ​မည်​ဟု ပြန်​ပြော​ကြ၏။

ဆာ​လံ 105:15

ငါ့​ထံ၌ ဘိ​သိက်​ခံ​သော​သူ​တို့​ကို မ​ထိ​မ​ခိုက်​နှင့်။ ငါ၏​ပ​ရော​ဖက်​တို့​ကို အ​ပြစ်​မ​ပြု​နှင့်​ဟု မိန့်​တော်​မူ၏။

ဆာ​လံ 132:13

ထာ​ဝ​ရ​ဘု​ရား​သည် ဇိ​အုန်​မြို့​ကို​ရွေး​ကောက်၍၊ အ​မြဲ​နေ​တော်​မူ​ရာ​ဖို့ အ​လို​တော်​ရှိ​သည်​အ​ရာ​မှာ၊

ဆာ​လံ 132:14

ဤ​မြို့​ကား ငါ​အ​စဉ်​အ​မြဲ ကျိန်း​ဝပ်​ရာ​မြို့​တည်း။ ငါ​အ​လို​ရှိ​သည်​ဖြစ်၍၊ ဤ​မြို့၌​ငါ​နေ​မည်။

ဆာ​လံ 135:4

အ​ကြောင်း​မူ​ကား၊ ထာ​ဝ​ရ​ဘု​ရား​သည် ယာ​ကုပ်​အ​မျိုး​ကို ကိုယ်​တော်​အ​ဖို့​လည်း​ကောင်း၊ ဣ​သ​ရေ​လ​အ​မျိုး​ကို ဘ​ဏ္ဍာ​တော် ဖြစ်​စေ​ခြင်း​ငှာ​လည်း​ကောင်း ရွေး​ကောက်​တော်​မူ​ပြီ။

ဆာ​လံ 33:12

ထာ​ဝ​ရ​ဘု​ရား​သည် အ​ကြင်​အ​မျိုး၏​ဘု​ရား​ဖြစ်၍၊ အ​ကြင်​လူ​စု​ကို မိ​မိ​အ​မွေ​ဥ​စ္စာ​ဖို့ ရွေး​ကောက်​တော်​မူ၏၊ ထို​အ​မျိုး​နှင့် ထို​လူ​စု​သည်​မင်္ဂ​လာ​ရှိ၏။

ဆာ​လံ 82:8

အို​ဘု​ရား​သ​ခင်၊ ထ၍ မြေ​ကြီး​ကို တ​ရား​စီ​ရင်​တော်​မူ​ပါ။ ကိုယ်​တော်​သည် လူ​မျိုး​အ​ပေါင်း​တို့​ကို အ​ပိုင်​ရ​တော်​မူ၏။

ဟေ​ရှာ​ယ 14:1

အ​ကြောင်း​မူ​ကား၊ ထာ​ဝ​ရ​ဘု​ရား​သည် ယာ​ကုပ်​အ​မျိုး​ကို​သ​နား၍ ဣ​သ​ရေ​လ​အ​မျိုး​ကို တစ်​ဖန်​ရွေး​ကောက်​သ​ဖြင့်၊ သူ​တို့​ကို နေ​ရင်း​ပြည်၌ နေ​ရာ​ချ​တော်​မူ​လိမ့်​မည်။ တစ်​ကျွန်း​တစ်​နိုင်​ငံ​သား​တို့​သည် သူ​တို့​နှင့်​ပေါင်း​ဖော်၍ ယာ​ကုပ်​အ​မျိုး၌ ဆည်း​ကပ်​ကြ​လိမ့်​မည်။

ဟေ​ရှာ​ယ 17:14

ညဉ့်​ဦး​ယံ၌ ဘေး​ရောက်၍၊ နံ​နက်​ယံ​မ​တိုင်​မီ ပျောက်​ရှ​ကြ​လိမ့်​မည်။ ငါ​တို့​ကို ညှဉ်း​ဆဲ​သော​သူ​တို့​သည် ထို​သို့​သော​အ​ကျိုး၊ ငါ​တို့​ကို လု​ယူ​ဖျက်​ဆီး​သော​သူ​တို့​သည်၊ ထို​သို့​သော အ​မွေ​ဥ​စ္စာ​ကို​ခံ​ရ​ကြ​လိမ့်​မည်။

ဟေ​ရှာ​ယ 41:9

မြေ​ကြီး​အ​စွန်း​အ​နား​မှ ငါ​လက်​ဆွဲ၍​ခေါ်​သော​သူ၊ သင်​သည် ငါ့​ကျွန်​ဖြစ်၏ ဟူ၍​လည်း​ကောင်း၊ သင့်​ကို​ငါ​ရွေး​ချယ်​ပြီ၊ သင့်​ကို မ​ပစ်​မ​ပယ် ဟူ၍​လည်း​ကောင်း၊ က​တိ​ကို​ခံ​ရ​သော​သူ၊

ယေ​ရ​မိ 10:16

ယာ​ကုပ်​အ​မျိုး၏​အ​ဖို့​သည် ထို​သို့​သော​အ​ရာ​နှင့် တူ​တော်​မ​မူ။ ခပ်​သိမ်း​သော​အ​ရာ​တို့​ကို ဖန်​ဆင်း​သော​ဘု​ရား ဖြစ်​တော်​မူ၏။ ဣ​သ​ရေ​လ​အ​မျိုး​သည် အ​မွေ​ခံ​တော်​မူ​ရာ​ဖြစ်၏။ နာ​မ​တော်​သည် ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ပေ​တည်း။

ယေ​ရ​မိ 30:16

သို့​ရာ​တွင်၊ သင့်​ကို ကိုက်​စား​သော​သူ​အ​ပေါင်း​တို့​သည် ကိုက်​စား​ခြင်း၊ သင်၏​ရန်​သူ​အ​ပေါင်း​တို့​သည် သိမ်း​သွား​ခြင်း၊ သင့်​ကို လု​ယူ​ဖျက်​ဆီး​သော သူ​အ​ပေါင်း​တို့​သည် လု​ယူ​ဖျက်​ဆီး​ခြင်း​ကို ခံ​ရ​ကြ​မည်။

ယေ​ရ​မိ 51:19

ယာ​ကုပ်​အ​မျိုး၏​အ​ဖို့​ဖြစ်​သော​ဘု​ရား​သည် ထို​သို့​သော​အ​ရာ​နှင့် တူ​တော်​မ​မူ။ ခပ်​သိမ်း​သော​အ​ရာ​တို့​ကို ဖန်​ဆင်း​သော​ဘု​ရား ဖြစ်​တော်​မူ၏။ ဣ​သ​ရေ​လ​အ​မျိုး​သည် အ​မွေ​ခံ​တော်​မူ​ရာ​ဖြစ်၏။ နာ​မ​တော်​သည် ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ပေ​တည်း။

ဇာ​ခ​ရိ 1:17

တစ်​ဖန် ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား၏​အ​မိန့်​တော်​ကို ဆင့်​ဆို၍ ကြွေး​ကြော်​ရ​မည်​မှာ၊ ငါ၏​မြို့​ရွာ​တို့​သည် အ​ရပ်​ရပ်၌ နှံ့​ပြား၍ စည်​ပင်​ကြ​လိမ့်​မည်။ ထာ​ဝ​ရ​ဘု​ရား​သည် ဇိ​အုန်​တောင်​သား​တို့​ကို နှစ်​သိမ့်​စေ​ဦး​မည်။ ယေ​ရု​ရှ​လင်​မြို့​သား​တို့​ကို ရွေး​ကောက်၍ ပြု​စု​ဦး​မည်​ဟု မိန့်​တော်​မူ၏။

ဇာ​ခ​ရိ 3:2

ထာ​ဝ​ရ​ဘု​ရား၏​ကောင်း​ကင်​တ​မန်​က​လည်း၊ အို စာ​တန်၊ ထာ​ဝ​ရ​ဘု​ရား​သည် သင့်​ကို ဆုံး​မ​တော်​မူ​ပါ​စေ​သော။ ယေ​ရု​ရှ​လင်​မြို့​ကို ရွေး​ချယ်​ပြီး​သော ထာ​ဝ​ရ​ဘု​ရား​သည် သင့်​ကို ဆုံး​မ​တော်​မူ​ပါ​စေ​သော။ ဤ​သူ​သည် မီး​ထဲ​က နုတ်​သော​ထင်း​စ​ဖြစ်​သည် မ​ဟုတ်​လော​ဟု စာ​တန်​အား ဆို၏။

တ​ရား​ဟော 32:10

လူ​ဆိတ်​ညံ​သော​အ​ရပ်၊ သား​ရဲ​မြည်၍၊ လွတ်​လပ်​သော​တော​လွင်​ပြင်၌ ယာ​ကုပ်​ကို​တွေ့​တော်​မူ​သော​အ​ခါ ဝန်း​ရံ​ဆီး​ကာ​ခြင်း၊ သွန်​သင်​ခြင်း​ကျေး​ဇူး​ကို​ပြု၍ မျက်​ဆန်​တော်​ကဲ့​သို့ စောင့်​တော်​မူ၏။

တ​ရား​ဟော 32:9

ထာ​ဝ​ရ​ဘု​ရား၏​အ​ဖို့​ကား၊ လူ​မျိုး​တော်​တည်း။ ယာ​ကုပ်​အ​မျိုး​သည် အ​မွေ​ခံ​တော်​မူ​ရာ ဖြစ်​သ​တည်း။