ဆာ​လံ 59:13

Judson Bible

အ​မျက်​တော်​အား​ဖြင့် ပျောက်​ပျက်​စေ​တော်​မူ​ပါ။ အ​ကုန်​အ​စင် ပျောက်​ပျက်​စေ​တော်​မူ​ပါ။ ဘု​ရား​သ​ခင်​သည် ယာ​ကုပ်​အ​မျိုး​မှ​စ၍ မြေ​ကြီး​စွန်း​တိုင်​အောင် အုပ်​စိုး​တော်​မူ​ကြောင်း​ကို သူ​တို့​သည် သိ​ကြ​ပါ​စေ​သော။

ပူးပေါင်းရင်းမြစ်များ

၄ ရာ 19:19

အို​အ​ကျွန်ုပ်​တို့ ဘု​ရား​သ​ခင်​ထာ​ဝ​ရ​ဘု​ရား၊ ကိုယ်​တော် ထာ​ဝ​ရ​ဘု​ရား​တစ်​ပါး​သာ ဘု​ရား​သ​ခင် ဖြစ်​တော်​မူ​သည်​ကို မြေ​ကြီး​ပေါ်​မှာ​ရှိ​သ​မျှ​သော တိုင်း​နိုင်​ငံ​တို့​သည်​သိ​မည်​အ​ကြောင်း၊ အ​ကျွန်ုပ်​တို့​ကို ထို​မင်း​လက်​မှ ယ​ခု​ကယ်​တော်​မူ​ပါ။ အ​ကျွန်ုပ်​တောင်း​ပန်​ပါ​သည်​ဟု ပ​တ္ထ​နာ​ပြု​လေ၏။

ဆာ​လံ 10:7

သူ၏​နှုတ်​သည် ကျိန်​ဆဲ​ခြင်း၊ လှည့်​စား​ခြင်း၊ ရှုတ်​ချ​ခြင်း​နှင့် ပြည့်​ဝ​ပါ၏။ လျှာ​အောက်​မှာ မ​ကောင်း​သော​အ​ကြံ​နှင့် မ​တ​ရား​သော​အ​မှု​ရှိ​ပါ၏။

ဆာ​လံ 104:35

ပြစ်​မှား​သော​သူ​တို့​ကို မြေ​ကြီး​မှ​သုတ်​သင်​ပယ်​ရှင်း၍၊ မ​တ​ရား​သော​သူ​တို့​သည် နောက်​တစ်​ဖန်​မ​ဖြစ်​ရ​ကြ။ အို​ငါ့​ဝိ​ညာဉ်၊ ထာ​ဝ​ရ​ဘု​ရား​ကို ကောင်း​ချီး​ပေး​လော့။ ဟာ​လေ​လု​ယ။

ဆာ​လံ 109:17

သူ​သည် ကျိန်​ဆဲ​ခြင်း​ကို နှစ်​သက်​သည်​နှင့်​အ​ညီ၊ သူ့​အ​ပေါ်​သို့ ရောက်​ပါ​စေ။ ကောင်း​ချီး​မင်္ဂ​လာ​ကို အ​လို​မ​ရှိ​သည်​အ​တိုင်း သူ​နှင့်​ဝေး​ပါ​စေ။

ဆာ​လံ 59:11

အ​ကျွန်ုပ်​တို့​ကို ကွယ်​ကာ​တော်​မူ​သော ဘု​ရား​ရှင်၊ သူ​တို့​ကို သတ်​တော်​မ​မူ​ပါ​နှင့်။ သတ်​လျှင် အ​ကျွန်ုပ်၏​လူ​တို့​သည် သ​တိ​လစ်​ကြ​ပါ​လိမ့်​မည်။ တန်​ခိုး​တော်​အား​ဖြင့် အ​ရပ်​ရပ်​ကွဲ​ပြား​စေ၍ နှိမ့်​ချ​တော်​မူ​ပါ။

ဆာ​လံ 64:9

လူ​အ​ပေါင်း​တို့​သည်​လည်း ကြောက်​ရွံ့၍၊ ဘု​ရား​သ​ခင် စီ​ရင်​တော်​မူ​ကြောင်း​ကို နား​လည်​သ​ဖြင့် အ​မှု​တော်​ကို ကြား​ပြော​ကြ​လိမ့်​မည်။

ဆာ​လံ 7:9

မ​တ​ရား​သော​သူ​တို့၏ အ​ဓ​မ္မ​အ​မှု​ကို​ဆုံး​ရှုံး၍၊ တ​ရား​သော​သူ​တို့​ကို မြဲ​မြံ​စေ​တော်​မူ​ပါ။ တ​ရား​သ​ဖြင့် ပြု​တော်​မူ​သော​ဘု​ရား၊ ကိုယ်​တော်​သည် နှ​လုံး​နှင့် ကျောက်​ကပ်​ကို စစ်​တော်​မူ​တတ်​ပါ၏။

ဆာ​လံ 83:18

ထာ​ဝ​ရ​ဘု​ရား​ဟူ၍ နာ​မ​တော်​ရှိ​သော ကိုယ်​တော်​တစ်​ပါး​တည်း​သာ​လျှင်၊ မြေ​ကြီး​တစ်​ပြင်​လုံး​အ​ပေါ်​မှာ အ​မြင့်​ဆုံး​သော​ဘု​ရား ဖြစ်​တော်​မူ​ကြောင်း​ကို သိ​ကြ​ပါ​စေ​သော။

သုတ္တံကျမ်း။ 12:13

စ​ကား​လွန်​ကျူး​ရာ​တွင် ဆိုး​သော​ကျော့​ကွင်း​ရှိ၏။ ဖြောင့်​မတ်​သော​သူ​မူ​ကား၊ အ​မှု​ထဲ​က ထ​မြောက်​တတ်၏။

ဟေ​ရှာ​ယ 54:5

အ​ကြောင်း​မူ​ကား၊ သင့်​ကို ဖန်​ဆင်း​သော​သူ​သည် သင်၏​လင် ဖြစ်​တော်​မူ၏။ နာ​မ​တော်​ကား၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​တည်း။ သင့်​ကို​ရွေး​နုတ်​သော​သူ​သည် ဣ​သ​ရေ​လ​အ​မျိုး၌ သန့်​ရှင်း​သော​ဘု​ရား ဖြစ်​တော်​မူ၏။ မြေ​ကြီး​တစ်​ပြင်​လုံး​ကို အ​စိုး​ရ​သော​ဘု​ရား​ဟူ၍ ခေါ်​ရ​ကြ၏။

ယေ​ဇ​ကျေ​လ 38:23

ထို​သို့​ငါ​သည် ကိုယ်​ကို​ချီး​မြှောက်၍ ရို​သေ​ဖွယ်​သော ဂုဏ်​လ​က္ခ​ဏာ​တို့​ကို​ပြ​လျက်၊ များ​စွာ​သော လူ​မျိုး​တို့​ရှေ့​မှာ ထင်​ရှား​သော​အ​ခါ၊ ငါ​သည်​ထာ​ဝ​ရ​ဘု​ရား ဖြစ်​ကြောင်း​ကို သူ​တို့​သိ​ရ​ကြ​လိမ့်​မည်​ဟု မိန့်​တော်​မူ၏။

ယေ​ဇ​ကျေ​လ 39:7

ထို​သို့ ငါ၏​နာ​မ​မြတ်​ကို ငါ၏​လူ ဣ​သ​ရေ​လ​အ​မျိုး​သား​တို့​တွင် ထင်​ရှား​စေ​မည်။ နောက်​တစ်​ဖန် သူ​တို့​သည် ငါ၏​နာ​မ​မြတ်​ကို မ​ရှုတ်​ချ​ရ​ကြ။ ငါ​သည် ဣ​သ​ရေ​လ​အ​မျိုး၏​သန့်​ရှင်း​သော​ဘု​ရား၊ ထာ​ဝ​ရ​ဘု​ရား​ဖြစ်​ကြောင်း​ကို တစ်​ပါး​အ​မျိုး​သား​တို့ သိ​ရ​ကြ​လိမ့်​မည်​ဟု မိန့်​တော်​မူ၏။

ဒံ​ယေ​လ 4:25

ကိုယ်​တော်​ကို လူ​စု​ထဲ​က နှင်​ထုတ်၍၊ မြေ​တိ​ရ​စ္ဆာန်​တို့​နှင့်​အ​တူ နေ​ရာ​ချ​ကြ​လိမ့်​မည်။ အ​မြင့်​ဆုံး​သော​ဘု​ရား​သည် လော​ကီ​နိုင်​ငံ​ကို အုပ်​စိုး၍၊ ပေး​လို​သော သူ​တို့​အား ပေး​တော်​မူ​သည်​ကို ကိုယ်​တော်​မ​သိ မ​မှတ်​မီ​ကာ​လ၊ ခု​နစ်​နှစ်​ပတ်​လုံး နွား​ကဲ့​သို့ မြက်​ကို​စား၍၊ မိုး​စွတ်​ခြင်း​ကို ခံ​လျက်​နေ​ရ​မည်။

တော​လည် 32:13

ထို​သို့ ထာ​ဝ​ရ​ဘု​ရား​ရှေ့​တော်၌ ဆိုး​သော​အ​မှု​ကို​ပြု​သော လူ​အ​ပေါင်း​တို့​သည် မ​ပျက်​စီး​မီ​တိုင်​အောင်၊ ထာ​ဝ​ရ​ဘု​ရား​သည် ဣ​သ​ရေ​လ​အ​မျိုး​သား​တို့​ကို အ​မျက်​ထွက်၍ အ​နှစ်​လေး​ဆယ်​ပတ်​လုံး တော၌​လှည့်​လည်​စေ​တော်​မူ၏။