ဆာ​လံ 103:19

Judson Bible

ထာ​ဝ​ရ​ဘု​ရား​သည် ပ​လ္လင်​တော်​ကို ကောင်း​ကင်​ဘုံ၌ တည်​တော်​မူ၍၊ အာ​ဏာ​တော်​သည် ခပ်​သိမ်း​သော အ​ရပ်​တို့​ကို​နှံ့​ပြား၏။

ပူးပေါင်းရင်းမြစ်များ

၁ ရာ​ချုပ် 29:11

အို​ထာ​ဝ​ရ​ဘု​ရား၊ ကိုယ်​တော်​သည် ဘုန်း​တန်​ခိုး​အာ​နု​ဘော်၊ အောင်​မြင်​ခြင်း​အ​ခွင့်၊ အာ​ဏာ​တော်​နှင့် ပြည့်​စုံ​တော်​မူ၏။ ကောင်း​ကင်​မြေ​ကြီး၌ ရှိ​ရှိ​သ​မျှ​ကို ပိုင်​တော်​မူ၏။ အို​ထာ​ဝ​ရ​ဘု​ရား၊ ကိုယ်​တော်​သည် အ​စိုး​ရ​တော်​မူ၏။ ခပ်​သိမ်း​သော​သူ​တို့၏ အ​ထွတ်၊ မြင့်​မြတ်​တော်​မူ၏။

၁ ရာ​ချုပ် 29:12

ဂုဏ်​အ​သ​ရေ​နှင့် စည်း​စိမ်​ဥ​စ္စာ​သည် ကျေး​ဇူး​တော်​ကြောင့်​သာ​ဖြစ်၏။ ကိုယ်​တော်​သည် ခပ်​သိမ်း​သော သူ​တို့​ကို အုပ်​စိုး​တော်​မူ၏။ ခွန်​အား အ​စွမ်း​သ​တ္တိ​ကို ပေး​ပိုင်​တော်​မူ၏။ ခပ်​သိမ်း​သော​သူ​တို့​အား ကြီး​မြတ်​သော​အ​ခွင့်​နှင့် ခိုင်​ခံ့​သော​အ​ခွင့်​ကို ပေး​ပိုင်​တော်​မူ၏။

ဆာ​လံ 11:4

ထာ​ဝ​ရ​ဘု​ရား​သည် သန့်​ရှင်း​သော ဗိ​မာန်​တော်၌ ရှိ​တော်​မူ၏။ ထာ​ဝ​ရ​ဘု​ရား၏​ပ​လ္လင်​တော်​သည် ကောင်း​ကင်​ပေါ်​မှာ​တည်၏။ မျက်​စိ​တော်​သည် ကြည့်​ရှု၍ မျက်​ခမ်း​တော်​သည် လူ​သား​တို့​ကို​စစ်​တော်​မူ၏။

ဆာ​လံ 115:3

ငါ​တို့၏​ဘု​ရား​သ​ခင်​သည် ကောင်း​ကင်​ဘုံ၌ ရှိ​တော်​မူ၏။ အ​လို​တော်​ရှိ​သ​မျှ​အ​တိုင်း ပြု​တော်​မူ၏။

ဆာ​လံ 2:4

ကောင်း​ကင်​ဘုံ၌ ထိုင်​တော်​မူ​သော​သူ​သည် ပြုံး​ရယ်၍၊ ထာ​ဝ​ရ​ဘု​ရား​သည် သူ​တို့​ကို​ကဲ့​ရဲ့​တော်​မူ၏။

ဆာ​လံ 47:2

အ​ကြောင်း​မူ​ကား၊ အ​မြင့်​ဆုံး​သော​ထာ​ဝ​ရ​ဘု​ရား​သည် ကြောက်​မက်​ဖွယ်​သော​ဘု​ရား၊ မြေ​ကြီး​တစ်​ပြင်​လုံး​ကို အ​စိုး​ရ​သော မ​ဟာ​မင်း​ကြီး​ဖြစ်​တော်​မူ၏။

ဆာ​လံ 9:7

ထာ​ဝ​ရ​ဘု​ရား​မူ​ကား၊ ကာ​လ​အ​စဉ်​အ​ဆက်​တည်​တော်​မူ၏။ တ​ရား​ပ​လ္လင်​တော်​ကို ပြင်​ဆင်၍၊

ဟေ​ရှာ​ယ 66:1

ထာ​ဝ​ရ​ဘု​ရား မိန့်​တော်​မူ​သည်​ကား၊ ကောင်း​ကင်​ဘုံ​သည် ငါ့​ပ​လ္လင်​ဖြစ်၏။ မြေ​ကြီး​သည် ငါ့​ခြေ​တင်​ရာ​ခုံ ဖြစ်၏။ အ​ဘယ်​သို့​သော ဗိ​မာန်​ကို ငါ့​အ​ဖို့​တည်​ဆောက်​ကြ​မည်​နည်း။ အ​ဘယ်​အ​ရပ်​သည် ငါ​ကျိန်း​ဝပ်​ရာ​အ​ရပ် ဖြစ်​မည်​နည်း။

ဒံ​ယေ​လ 4:17

အ​ကြောင်း​မူ​ကား၊ အ​မြင့်​ဆုံး​သော​ဘု​ရား​သည် လော​ကီ​နိုင်​ငံ​ကို အုပ်​စိုး​တော်​မူ​သည်​ကို​လည်း​ကောင်း၊ ပေး​လို​သော သူ​တို့​အား ပေး​တော်​မူ​သည်​ကို​လည်း​ကောင်း၊ ယုတ်​မာ​သော သူ​တို့​ကို ချီး​မြှောက်၍ နိုင်​ငံ​ကို​အပ်​ပေး​တော်​မူ​သည်​ကို​လည်း​ကောင်း သ​တ္တ​ဝါ​တို့ သိ​နား​လည်​ရ​သော အ​ခွင့်​ရှိ​စေ​ခြင်း​ငှာ၊ သစ်​ပင်​စောင့်​တို့​သည် ဤ​သို့​စီ​ရင်​ကြ​ပြီ။ သန့်​ရှင်း​သူ​တို့​သည် အ​မိန့်​တော်​ကို ပေး​ကြ​ပြီ​ဟု ဟစ်​ကြော်​လေ၏။

ဒံ​ယေ​လ 4:25

ကိုယ်​တော်​ကို လူ​စု​ထဲ​က နှင်​ထုတ်၍၊ မြေ​တိ​ရ​စ္ဆာန်​တို့​နှင့်​အ​တူ နေ​ရာ​ချ​ကြ​လိမ့်​မည်။ အ​မြင့်​ဆုံး​သော​ဘု​ရား​သည် လော​ကီ​နိုင်​ငံ​ကို အုပ်​စိုး၍၊ ပေး​လို​သော သူ​တို့​အား ပေး​တော်​မူ​သည်​ကို ကိုယ်​တော်​မ​သိ မ​မှတ်​မီ​ကာ​လ၊ ခု​နစ်​နှစ်​ပတ်​လုံး နွား​ကဲ့​သို့ မြက်​ကို​စား၍၊ မိုး​စွတ်​ခြင်း​ကို ခံ​လျက်​နေ​ရ​မည်။

ဒံ​ယေ​လ 7:14

အ​ရပ်​ရပ်​တို့၌​နေ၍ အ​သီး​သီး​အ​ခြား​ခြား​သော ဘာ​သာ​စ​ကား​ကို ပြော​သော လူ​မျိုး​တ​ကာ​တို့​ကို အုပ်​စိုး​စေ​ခြင်း​ငှာ၊ ထို​သူ​သည် နိုင်​ငံ​နှင့်​တ​ကွ အာ​ဏာ​စက်​တန်​ခိုး​ကို​ရ၏။ အာ​ဏာ​စက်​တော်​သည် က​မ္ဘာ​အ​ဆက်​ဆက် တည်၏။ နိုင်​ငံ​တော်​သည် ပျက်​စီး​ခြင်း​သို့ မ​ရောက်​နိုင်​ရာ။

ဟေ​ဗြဲ 8:1

ယ​ခု​ဆို​ခဲ့​ပြီး​သော အ​ကြောင်း​အ​ရာ​တို့၏ အ​ချုပ်​အ​ခြာ​ဟူ​မူ​ကား၊ ထို​သို့​သော ယဇ်​ပု​ရော​ဟိတ်​မင်း​သည် ငါ​တို့၌​ရှိ၏။ ကောင်း​ကင်​ဘုံ၌ တန်​ခိုး​အာ​နု​ဘော်​တော်၏ ပ​လ္လင်​လက်​ယာ​ဘက်​မှာ ထိုင်​နေ​တော်​မူ၏။-

၁ ပေ 3:22

ထို​သ​ခင်​သည် ကောင်း​ကင်​ဘုံ​သို့ ကြွ​တော်​မူ​သည်​ဖြစ်၍၊ ကောင်း​ကင်​တ​မန်​အ​စ​ရှိ​သော အာ​ဏာ​စက် တန်​ခိုး​များ​တို့​ကို အုပ်​စိုး​လျက်၊ ဘု​ရား​သ​ခင်၏ လက်​ယာ​တော်​ဘက်၌ ရှိ​တော်​မူ၏။