၁ ရာ 24:2 - မြန်မာ့စံမီသမ္မာကျမ်း ထို့ကြောင့် ရှောလုမင်းကြီးသည် အစ္စရေးလူမျိုးအပေါင်းတို့ထဲမှရွေးချယ်ထားသောလူသုံးထောင်ကိုခေါ်၍ ဒါဝိဒ်နှင့်သူ့နောက်လိုက်တို့ကိုရှာဖွေရန် တောင်ဆိတ်များကျက်စားရာကျောက်ဆောင်ရှေ့သို့ သွားလေ၏။ Common Language Bible ဣသရေလလက်ရွေးစင်စစ်သည်တော်သုံး ထောင်ကိုခေါ်၍ ဆိတ်ရိုင်းများနေရာကျောက် ဆောင်များတွင် ဒါဝိဒ်နှင့်အပေါင်းပါတို့ အားရှာဖွေရန်ထွက်ခွာသွားတော်မူသည်။- Garrad Bible ဣ သ ရေ လ ရဲ မက် တို့ အ နက် သုံး ထောင် ကို ရွေး ကောက်၍ တောင် ဆိတ် များ နေ ရာ ကျောက် တောင် ပေါ် တွင် ဒါ ဝိဒ် နှင့် အ ပေါင်း ပါ တို့ ကို ချီ ထွက် လိုက် ရှာ လေ၏။ Judson Bible ဣသရေလအမျိုးသားအပေါင်းတို့တွင် ရွေးကောက်သော လူသုံးထောင်တို့ကိုခေါ်၍၊ တောဆိတ်နေရာ ကျောက်တောင်တို့အပေါ်မှာ ဒါဝိဒ်နှင့်သူ၏လူတို့ကို ရှာအံ့သောငှာ သွားလေ၏။ |
တောင်ဆိတ်တို့ မွေးဖွားချိန်ကို သင်သိသလော။ သမင်မသားဖွားသည်ကို သင်စောင့်ကြည့်ပေးဖူးသလော။
မြင့်သောတောင်များသည် တောင်ဆိတ်တို့အတွက်ဖြစ်ပြီး ကျောက်တို့သည် ရှာဖန်ယုန်များအတွက် ခိုလှုံရာဖြစ်ကြ၏။
သူတို့ကိုစီရင်အုပ်ချုပ်သောသူတို့သည် ချောက်ကမ်းပါးအစွန်းမှ တွန်းချခြင်းခံကြရလိမ့်မည်။ ထိုအခါ အကျွန်ုပ်၏စကားများသည် နှစ်သက်ဖွယ်ကောင်းကြောင်း သူတို့ကြားသိကြလိမ့်မည်။
ဆိုးယုတ်သောသူသည် ဖြောင့်မတ်သောသူကို စောင့်ကြည့်၍ သူ့ကိုသတ်ရန်ရှာကြံတတ်၏။
အကျွန်ုပ်အသက်ကိုရန်ရှာသောသူတို့သည် အကျွန်ုပ်ကိုထောင်ဖမ်းကြပါ၏။ အကျွန်ုပ်ဒုက္ခရောက်ရန်ရှာကြံသောသူတို့သည် ပျက်စီးခြင်းအကြောင်းများပြောဆို၍ လိမ်လည်လှည့်ဖြားမှုများကို တစ်နေ့လုံးကြံစည်ကြပါ၏။
အစ္စရေးလူမျိုးထဲမှ လူအယောက်သုံးထောင်ကို ရွေးချယ်၏။ လူနှစ်ထောင်သည် ရှောလုမင်းကြီးနှင့်အတူ မိတ်မတ်မြို့နှင့် ဗေသလတောင်ပေါ်ဒေသတို့တွင် နေရပြီး ကျန်လူတစ်ထောင်သည် ယောနသန်နှင့်အတူ ဗင်္ယာမိန်နယ်၊ ဂိဗာမြို့တွင် နေရ၏။ ကျန်လူတို့ကိုမူကား မိမိတို့တဲသို့ အသီးသီးပြန်သွားစေ၏။
ရှောလုမင်းကြီးသည် ဒါဝိဒ်နောက်သို့လိုက်ရာမှပြန်လှည့်၍ ဖိလိတ္တိလူမျိုးတို့ကို ရင်ဆိုင်တိုက်ခိုက်ရန် စစ်ချီလေ၏။ ထို့ကြောင့် ဤနေရာကို သေလဟမ္မလေကုပ်ဟု ခေါ်ဆိုလေ၏။
ထိုအခါ ရှောလုမင်းကြီးသည် ထ၍ ဇိဖတောကန္တာရသို့ ဆင်းသွား၏။ သူနှင့်အတူ ရွေးချယ်ထားသောအစ္စရေးတပ်သားသုံးထောင်တို့သည်လည်း ဒါဝိဒ်ကို လိုက်ရှာရန် ဇိဖတောကန္တာရသို့ လိုက်သွားကြ၏။