နေဟမိ 12:45 - မြန်မာ့စံမီသမ္မာကျမ်း ယဇ်ပုရောဟိတ်များနှင့် လေဝိသားများသည် ဘုရားသခင်၏အမှု၊ စင်ကြယ်ခြင်းအမှုတို့ကို ဆောင်ရွက်ပေးကြ၏။ သီချင်းသည်များ၊ တံခါးစောင့်များလည်း ဒါဝိဒ်မင်းကြီးနှင့် သားတော်ရှောလမုန်မင်းကြီးတို့ စီစဉ်ချမှတ်ထားခဲ့သည့်အတိုင်းပြုကြ၏။ Garrad Bible သီ ဆို သူ နှင့် တံ ခါး စောင့် တို့ လည်း၊ ရှေး ကာ လ ဒါ ဝိဒ် မင်း နှင့် အာ သပ် တို့ လက် ထက်၊ ဘု ရား သ ခင့် ဂုဏ် တော်၊ ကျေး ဇူး တော် ချီး မွမ်း ခြင်း လင်္ကာ စပ် ဆို သူ ဆ ရာ တော် များ ရှိ သည် နှင့် အ ညီ၊ ဒါ ဝိဒ် မင်း နှင့် သား တော် ရှော လ မုန် မင်း တို့ စီ ရင် ခဲ့ သည့် အ တိုင်း၊ ကိုယ့် ဘု ရား ဝတ် နှင့် သန့် ရှင်း စေ ခြင်း ဝတ် ကို ပြု လျက် နေ ကြ ၏။ Judson Bible သီချင်းသည်နှင့် တံခါးစောင့်တို့သည်လည်း၊ ဒါဝိဒ်နှင့် သားတော် ရှောလမုန်စီရင်သည်အတိုင်း၊ သူတို့ ဘုရားသခင်အမှုနှင့် စင်ကြယ်ခြင်းအမှုကို စောင့်ရှောက်လျက် နေကြ၏။ |
သူတို့သွား၍ မြို့တံခါးစောင့်တို့အား အော်ခေါ်လျက် “ငါတို့သည် ဆီးရီးယားတပ်စခန်းသို့ ရောက်ခဲ့ပြီ။ တပ်စခန်းတွင် လူအရိပ်အယောင်မတွေ့၊ လူသံလည်း မကြားရ။ မြင်းများ၊ မြည်းများကို ချည်ထား၍ တဲများလည်း ဤအတိုင်း ရှိနေသည်ကို တွေ့ခဲ့ရပါ၏”ဟု သူတို့အား ပြောပြကြ၏။
သူတို့၏တာဝန်မှာ အာရုန်၏သားမြေးများ ထာဝရဘုရား၏အိမ်တော်တွင် အမှုတော်ထမ်းဆောင်သောအခါ ဝိုင်းကူပေးရန်ဖြစ်၏။ အိမ်တော်ဝင်း၊ အိမ်တော်အခန်းများ၊ သန့်ရှင်းရာဌာနရှိအရာအားလုံး သန့်ရှင်းသပ်ရပ်အောင်ဆောင်ရွက်ရန်နှင့် ဘုရားသခင်၏အိမ်တော်အမှုကို ထမ်းဆောင်ရန်အတွက်ဖြစ်၏။
ရှေလောမုတ်နှင့် သူ့ညီအစ်ကိုတို့သည် ဒါဝိဒ်မင်းကြီးနှင့် ဘိုးဘေးတို့၏အိမ်ထောင်စုအကြီးအမှူးများဖြစ်သော ထောင်တပ်မှူး၊ ရာတပ်မှူးများ၊ စစ်ဗိုလ်ချုပ်များ ဆက်ကပ်လှူဒါန်းသောပစ္စည်းများထားရာဘဏ္ဍာတိုက်အလုံးစုံကို စောင့်ကြပ်ရ၏။
ယဇ်ပုရောဟိတ်များနှင့် အိမ်တော်အမှုထမ်းများဖြစ်သောလေဝိအမျိုးတို့မှတစ်ပါး မည်သူ့ကိုမျှ ထာဝရဘုရား၏အိမ်တော်ထဲသို့ မဝင်စေနှင့်။ သူတို့သည် သန့်ရှင်းသူများဖြစ်သောကြောင့် ဝင်ခွင့်ရှိ၏။ လူအားလုံး ထာဝရဘုရား၏ညွှန်ကြားချက်ကို လိုက်နာရမည်။