အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




တမန်တော်ဝတ္ထု 10:37 - ခေတ်သစ်​မြန်မာ သမ္မာကျမ်း

နှစ်ခြင်းမင်္ဂလာ​တရား​ကို ယောဟန်​ဟောပြော​ပြီးနောက် ဂါလိလဲပြည်​မှစ၍ ယုဒပြည်​တစ်လျှောက်လုံး​တွင် မည်သို့​ဖြစ်ပျက်ကြောင်း​ကို သင်တို့​သိကြ၏။

အခန်းကိုကြည့်ပါ။

Common Language Bible

ဗတ္တိ​ဇံ​တ​ရား​ကို​ယော​ဟန်​ဟော​ပြော​ပြီး​သည့် နောက် ဂါ​လိ​လဲ​ပြည်​မှ​အ​စ​ပြု​၍ ယု​ဒ​ပြည် တစ်​လျှောက်​လုံး​တွင်​ဖြစ်​ပျက်​ခဲ့​သည့်​အ​မှု အ​ရာ​များ​အ​ကြောင်း​ကို​လည်း​ကောင်း၊-

အခန်းကိုကြည့်ပါ။

Judson Bible

ယော​ဟန်​သည် ဗ​တ္တိ​ဇံ​တ​ရား​ကို ဟော​သည်​နောက် ဂါ​လိ​လဲ​ပြည်​မှ​စ၍ ယု​ဒ​ပြည်​အ​ရပ်​ရပ်​တို့၌ နှံ့​ပြား​သော အ​ကြောင်း​အ​ရာ​ကို သင်​တို့​သည် သိ​ကြ၏။-

အခန်းကိုကြည့်ပါ။

မြန်​​​မာ့​​​စံ​​​မီ​​​သမ္မာ​​​ကျမ်း​​

ထို့ပြင် ယောဟန်​သည် ဗတ္တိဇံ​တရား​ကို​ဟောပြော​သည့်​နောက်တွင် ဂါလိလဲ​နယ်​မှ​အစပြု​၍ ယုဒ​နယ်​တစ်လျှောက်​လုံး​၌ ဖြစ်ပျက်​ခဲ့​သည့်​အကြောင်းအရာ​ကို​လည်းကောင်း၊

အခန်းကိုကြည့်ပါ။



တမန်တော်ဝတ္ထု 10:37
16 ပူးပေါင်းရင်းမြစ်များ  

ဟေရုဒ်မင်း​လက်ထက် ယုဒပြည် ဗက်လင်မြို့​တွင် ယေရှု​မွေးဖွားလာတော်မူ၏။ ထို​အချိန်ကာလ​၌ အရှေ့ပြည်​မှ ပညာရှိများ​သည် ဂျေရုဆလင်မြို့​သို့ ရောက်လာ​၍


ထို​သူတို့​သည် မိမိတို့​၏​အပြစ်များ​ကို ဝန်ခံကြ​သောအခါ ယောဟန်​သည် ဂျော်ဒန်မြစ်​ထဲ​၌ ထို​သူတို့​ကို နှစ်ခြင်းမင်္ဂလာ​ပေးလေ၏။


သို့သော် သူတို့​က “ဤ​သူ​သည် ဂါလိလဲပြည်​မှစ၍ ဤ​ဒေသ​ထိ​တိုင်အောင် ယုဒပြည်​တစ်လျှောက်လုံး ဟောပြော​သွန်သင်​၍ လူတို့​ကို ရုန်းရင်းဆန်ခတ်​ဖြစ်စေပါသည်” ဟု ပို၍​ပြင်းထန်​စွာ ပြောဆိုကြ၏။


ထို့နောက် ယေရှု​သည် ဝိညာဉ်တော်​တန်ခိုး​နှင့် ပြည့်ဝ​လျက်​ဂါလိလဲပြည်​သို့ ပြန်ကြွတော်မူ၏။ ယေရှု​၏​သတင်းတော်​သည်လည်း ထို​အရပ်ဒေသ​တစ်လျှောက်လုံး​တွင် ပျံ့နှံ့သွား၏။


ဘုရားသခင်​သည် အရာခပ်သိမ်းတို့​၏​အရှင်သခင်​ဖြစ်သော ယေရှု​ခရစ်တော်​အားဖြင့် ငြိမ်းချမ်းခြင်း​တရား​ကို​ဟောပြော​၍ အစ္စရေးလူမျိုးတို့​အား ပေးပို့သည့်​နှုတ်တော်ထွက်စကား​ကို သင်တို့​သိကြ၏။


ဘုရားသခင်​သည် နာဇရက်မြို့သား​ယေရှု​အား သန့်ရှင်းသော​ဝိညာဉ်တော်​နှင့် တန်ခိုးတော်​အားဖြင့် မည်သို့​ဘိသိက်ပေးခဲ့ကြောင်း​ကိုလည်း သင်တို့​သိကြ၏။ ဘုရားသခင်​သည် ယေရှု​နှင့် အတူ​ပါရှိတော်မူ​သဖြင့် ယေရှု​သည်လည်း ကောင်းမှုပြု​၍ နတ်ဆိုးပူးသော​သူများ​အား ပျောက်ကင်း​ကျန်းမာစေ​လျက် အရပ်ရပ်​သို့ လှည့်လည်တော်မူ၏။


အစ္စရေးလူမျိုးတို့… နားထောင်ကြလော့။ သင်တို့​ကိုယ်တိုင် သိကြသည့်​အတိုင်း ဘုရားသခင်​သည် အံ့ဖွယ်တန်ခိုး၊ အံ့ဖွယ်​ဖြစ်ရပ်​နှင့် နိမိတ်​လက္ခဏာများ​ကို နာဇရက်မြို့သား ယေရှု​အားဖြင့် ပြတော်မူခဲ့ပြီ။ ဤ​အရာများ​အားဖြင့် ယေရှု​သည် ဘုရားသခင်​၏​စေလွှတ်တော်မူခြင်း​ခံရသူ အမှန်တကယ်​ဖြစ်ကြောင်း​ကို လူသိရှင်ကြား သက်သေပြတော်မူခဲ့ပြီ။


ဤ​အကြောင်းအရာများ​ကို အဂြိပ္ပမင်းကြီး​သိရှိ​သောကြောင့် ထို​မင်း​ရှေ့​၌ အကျွန်ုပ်​သည်လည်း ရဲဝံ့​စွာ​လျှောက်ထားခြင်း​ဖြစ်ပါ၏။ ထို​အကြောင်းအရာတို့​သည် ဆိတ်ကွယ်ရာ​တွင် ဖြစ်ပျက်ခဲ့သည့်​ကိစ္စများ​မဟုတ်​သောကြောင့် အရှင်မင်းကြီး​မသိဘဲ​မနေပါ​ဟု အကျွန်ုပ်​ယုံကြည်ပါ၏။


သို့ရာတွင် ဤ​ဂိုဏ်း​အကြောင်း​နှင့်​ပတ်သက်​၍ နေရာ​အနှံ့​တွင် ဆန့်ကျင်​ပြောဆိုနေကြသည်​ကို ကျွန်ုပ်တို့​သိထား​သောကြောင့် သင်​၏​ထင်မြင်ယူဆချက်​ကို ကြားလိုပါသည်” ဟု ဆိုကြ၏။