Zefania 2:15 - DIEM PROTESTANTA

¹⁵ Izany no hiafaran’ilay tanàna fatra-pirehareha, sady niaina tamim-pilaminana ary nihevi-tena ho tsy manan-tsahala. Indrisy, efa tonga lao izy izao ary fierem-biby! Izay rehetra mandalo eo akaikiny dia hisioka sy hanakifi-tanana ho fanesoana azy.

Baiboly Protestanta Malagasy 2011

¹⁵ Izany no tanàna niravoravo sady nandry fehizay, izay niteny anakampo hoe: Izaho no izy ary tsy misy hafa! Endre! Tonga lao izy; eny, fandrian’ny biby! Izay rehetra mandalo azy dia hisiotsioka mafy sy hanondro tanana azy.

Dikateny Iombonana Eto Madagasikara

¹⁵ Izany no hiafaran’ilay tanàna fatra-pirehareha, sady niaina tamim-pilaminana ary nihevi-tena ho tsy manan-tsahala. Indrisy, efa tonga lao izy izao ary fierem-biby! Izay rehetra mandalo eo akaikiny dia hisioka sy hanakifi-tanana ho fanesoana azy.

Baiboly Katolika

¹⁵ Io no ilay tanàna niravoravo, nipetraka amin-toky nanao anakampo hoe: Izaho, ary tsy misy afa-tsy izaho! Ahoana no nanjariany ho efitra, sy fonenan’ny biby! Na iza na iza handia azy, dia hisitrìsitra sy hanifikifi-tanana.

Baiboly Protestanta Malagasy

¹⁵ Izany no tanàna niravoravo sady nandry fahizay, Izay nanao anakampo hoe: Izaho no izy, ary tsy misy hafa; Endrey! efa tonga lao izy, eny, fandrian’ny biby! Izay rehetra mandalo azy dia hisitrisitra sy hanondro tànana.

Malagasy Bible

¹⁵ Izany no tanàna niravoravo sady nandry fahizay, Izay nanao anakampo hoe: Izaho no izy, ary tsy misy hafa; Endrey! efa tonga lao izy, eny, fandrian'ny biby! Izay rehetra mandalo azy dia hisitrisitra sy hanondro tanana.

La Bible en Malgache

¹⁵ Izany no tanàna niravoravo sady nandry fehizay, izay niteny anakampo hoe: Izaho no izy ary tsy misy hafa! Endre! Tonga lao izy; eny, fandrian’ny biby! Izay rehetra mandalo azy dia hisiotsioka mafy sy hanondro tanana azy.

Zefania 2:15 Rohy Ifampitohizana

Joba 16:4

Afaka hiteny tahaka anareo koa aho, raha ianareo no mba teo amin’ny toerako. Hanaovako kabary tsara lahatra ianareo ary hanifikifi-doha ho fangorahana anareo aho.

Joba 27:23

Mitehaka noho ny fahavoazany kosa ny olona sady manakora azy nandao fonenana.

Isaia 22:2

Nahoana no maresaka be ny tanàna ary feno antsoantso sy tabataba? Tsy matin-tsabatra anefa ireo maty eo aminao ary tsy maty novonoina tamin’ny ady.

Isaia 32:11

Mangovita ianareo mitoredretra matahora ianareo tsy rototra. Esory avokoa ny fitafianareo, ka lamba fisaonana no isikino.

Isaia 32:14

Nilaozana ny lapan’ny mpanjaka, nangina ilay tanàna naresaka; ny faritr’i Hôfela sy ny tilikambo fitiliana dia nanjary toera-malalaka lalandava izay fikarenjen’ny borikidia sy firaofan’ny andiam-biby fiompy.

Isaia 32:9

Ry andriambavilanitra mitoredretra, mitsangàna hihaino ahy, ry tovovavy tsy rototra, tandremo izay hambarako!

Isaia 47:10

Natoky ireo ody ratsy fanefitrao ianao, ka nanao hoe: «Tsy misy mahita ahy.» Nefa ny fahendrena sy ny fahalalana nihamboanao hananana ihany no nampivadika atidoha anao, ka nampiteny anao anakampo hoe: «Izaho dia tsy manan-tsahala!»

Jeremia 18:16

Io vahoakako io no nahatonga ny taniny hampahonena sy hampivarahontsana mandrakizay. Ka ny olona rehetra mandalo azy dia mivanàka sady mihifikifi-doha.

Jeremia 19:8

Hataoko lao sady ho fandatsa ity tanàna ity; ka ny olona rehetra mandalo azy dia ho gaga sy hanao fandatsana eo am-pahitana ny faharavana rehetra nanjo azy.

Jeremia 50:13

Ny fahaviniran’ny TOMPO no nahatonga an’i Babilôna tsy honenana intsony fa hampahonena tanteraka. Ho gaga izay rehetra mandalo azy, ka hivarahontsana noho ny voina rehetra nanjo azy.

Fitomaniana 1:1

Indrisy! Mitoetra manirery izao ilay tanàna feno olona fahiny! Tonga toy ny mpitondratena ilay nalaza tamin’ireo hafa firenena; manao ny asan’ny mpanompo izao ilay andriambavy nifehy faritany maro!

Fitomaniana 2:1

Indrisy! Tezitra ny Tompo ka nanaron-draho-mainty an’i Tsiôna. Avy any an-danitra no nanjerany amin’ny tany izay natao ho voninahitr’i Israely. Tamin’ny androm-pahatezerany dia hadinony fa i Tsiôna no fandiavan-tongony.

Fitomaniana 2:15

Mitehaka noho ny faharavanao izay rehetra mandalo amin’ity lalana ity, velon-tsioka sy mihifikifi-doha izy maneso anao, ry Jerosalema mamiko: «Ity tokoa ve ilay tanàna natao hoe ‹fanaperana amin’ny hatsaran-tarehy› sy ‹fifalian’ny tany tontolo›?»

Ezekiela 27:36

Ny mpivarotry ny firenen-kafa dia misiotsioka talanjona ny aminao, satria tonga fampitahorana ianao, sady tsy hisy intsony mandrakizay.»

Ezekiela 28:2

«Ry ilay taranak’olombelona, ambarao amin’ny mpanjakan’i Tiro fa izao no lazain’ny Tompo ANDRIANANAHARY: ‹Fo miavonavona no nilazanao ny tenanao ho andriamanitra sady mipetraka amina sezafiandrianana mendrika an’ireo andriamanitra, dia sezafiandrianana eo anivon-dranomasina. Nihevi-tena ho mitovy amin’ireo andriamanitra ianao nefa olombelona ihany fa tsy andriamanitra akory.

Ezekiela 28:9

Mbola sahy hihambo ho andriamanitra ve ianao eo anatrehan’izay hamono hahafaty anao? Olombelona ihany ianao fa tsy andriamanitra, rehefa mby eo an-tanan’izay hamono hahafaty anao!

Ezekiela 29:3

Ambarao aminy fa izao no lazain’ny Tompo ANDRIANANAHARY: «Hirotsaka hamely anao Aho, ry Farao mpanjakan’i Ejipta, fa toy ny fanano goavana mamitsaka eo afovoan’ireo sakeli-dranon’i Neily ianao. Nolazainao fa anao io ony io satria ianao no namorona azy.

Daniela 4:27

ary niteny izy ka nanao hoe: –Tsy ity moa ilay Babilôna lehibe izay naoriko ho fonenan’andriamanjaka? Porofo izao fa lehibe ny heriko izao ary heni-boninahitra ny fiandrianako.

Nahoma 3:19

Tsy misy fanafany ny fangirifirianao ary tsy azo sitranina intsony ny ferinao. Fa izay rehetra mahalala ny nanjò anao dia hitehaka avokoa manoloana ny fahavoazanao, satria zovy moa no tsy nahita faisana noho ny habibiana mitohy nafitsokao?

Habakoka 1:7

Mahatsiravina sy mahatahotra izy, fa ny tenany ihany no fenitra ipoiran’ny zony amam-pahefàny.

Matio 27:39

Ireo mpandalo kosa dia nanevateva an’i Jesoa sady nihifikifi-doha