Zefania 1:5 - DIEM PROTESTANTA

⁵ Hopotehiko izay miakatra an-tafon-trano mba hivavaka amin’ireo zavatra eny amin’ny lanitra, dia izay mivavaka sy mianiana amiko TOMPO nefa manao izany koa amin’i Milkôma.

Baiboly Protestanta Malagasy 2011

⁵ ary izay mivavaka any an-tampon-trano amin’izay eny amin’ny lanitra sy izay miankohoka sy mianiana fa an’NY TOMPO nefa koa mianiana amin’i Milkoma,

Dikateny Iombonana Eto Madagasikara

⁵ Hopotehiko izay miakatra an-tafon-trano mba hivavaka amin’ireo zavatra eny amin’ny lanitra, dia izay mivavaka sy mianiana amiko TOMPO nefa manao izany koa amin’i Milkôma.

Baiboly Katolika

⁵ Ireo miankohoka eny ambonin’ny tafon-trano, eo anatrehan’ny tafiky ny lanitra; sy ireo miankohoka manao fianianana amin’i Iaveh, sady mianiana amin’ny mpanjakany;

Baiboly Protestanta Malagasy

⁵ Sy izay mivavaka any an-tampon-trano amin’izay eny amin’ny lanitra, Ary izay miankohoka sy mianiana ho an’i Jehovah Sady mianiana amin’i Malkama,

Malagasy Bible

⁵ Sy izay mivavaka any an-tampon-trano amin'izay eny amin'ny lanitra,Ary izay miankohoka sy mianiana ho an'i Jehovah Sady mianiana amin'i Malkama,

La Bible en Malgache

⁵ ary izay mivavaka any an-tampon-trano* amin’izay eny amin’ny lanitra sy izay miankohoka sy mianiana fa an’NY TOMPO nefa koa mianiana amin’i Milkoma,

Zefania 1:5 Rohy Ifampitohizana

1Mpanjaka 11:33

Hataoko izany satria efa nandao Ahy ireo ka niankohoka teo anatrehan’i Hastôreta andriamani-bavin’ny Tsidônianina, sy teo anatrehan’i Kemôsy andriamanitry ny Môabita, ary teo anatrehan’i Milkôma andriamanitry ny Hamônita; fa tsy mba ny sori-dalako no nizorany hanaovana izay mahitsy eo imasoko ary hitandremana ny lalàna amam-pitsipiko tahaka ny nataon’i Davida rain’i Salômôna.

1Mpanjaka 11:5

fa nanompo an’i Hastôreta andriamani-bavin’ny Tsidônianina sy nanompo an’i Milkôma andriamani-tsampin’ny Hamônita.

1Mpanjaka 18:21

dia nankeo amin’ny vahoaka rehetra i Elià ka nanao hoe: –Mandra-pahoviana no hampiroaroa saina anareo? Raha ny TOMPO no tena Andriamanitra, manaraha Azy; fa raha i Bahala kosa no tena Andriamanitra, dia manaraha azy. Saingy tsy nisy namaly azy ny vahoaka;

2Mpanjaka 17:32

Nanaja ny TOMPO koa izy rehetra ka nanendry olona avy tamin’ny sarambabem-bahoaka ihany ho mpisorona amin’ireny tranon’ny toeram-panasinana ireny ary hitarika ny fombam-pivavahana amin’ny anaran’ny vahoaka.

2Mpanjaka 17:33

Koa sady nanaja ny TOMPO izy no mbola nanompo ny andriamaniny avy ihany koa araka ny fomba fanaon’ny firenena niaviany avy.

2Mpanjaka 17:41

Tetsy andaniny dia mba nanaja ny TOMPO ihany izy, fa tetsy ankilany kosa dia nanompo ny sampiny izy hatramin’ny zanaka aman-jafiny mandraka ankehitriny.

2Mpanjaka 23:12

Noravan’ny mpanjaka ireo alitara natsangan’ny mpanjakan’i Joda teo an-tampon-tranon’i Ahaza ary koa ireo alitara natsangan’i Manase tao amin’ny kianja roan’ny tranon’ny TOMPO, ka nampamotehiny ary nasainy nafafy eran’ny lohasahan’i Kidrôna ny vovoka taminy.

Isaia 22:1

Hafatra momba ny lohasahan’ny fahitana. Fa inona ity mahazo anareo no miakatra eny an-tampon-trano, ry mponin’i Jerosalema?

Isaia 44:5

Ny anankiray hanao hoe: ‹An’ny TOMPO aho›; ny iray hafa te hitondra ny anaran’i Jakôba. Ny anankiray kosa dia eo amin’ny sandriny no hanoratany hoe: ‹Fananan’ny TOMPO› sady ny anaran’i Israely no hireharehany.»

Isaia 45:23

Nianiana tamin’ny tenako Aho, sady marina izay teny aloaky ny vavako ka tsy misy ivadihako: Izaho no handohalihan’ny olona rehetra ary hianianan’ny fiteny rehetra hoe:

Isaia 48:1

Henoy izao, ry firenen’i Jakôba, dia ianareo izay mitonon-tena ho Israely sy taranaka nipoitra avy tamin’i Joda, ianareo izay mianiana amin’ny anaran’ny TOMPO ka miantso ny anaran’Andriamanitr’i Israely nefa tsy araka ny fahamarinana sy ny fahitsiana.

Jeremia 12:16

Nampianatra ny vahoakako hianiana amin’ny Bahala ireo ratsy fanahy ireo; kanefa raha mianatra tsara ny fanaon’ny vahoakako izy ka hianiana amin’ny anarako hoe: ‹Velona ny TOMPO, ka mianiana aho fa...›, dia hanam-ponenana indray eo anivon’ny vahoakako.

Jeremia 19:13

Ny trano eto Jerosalema sy ny tranon’ny mpanjakan’i Joda dia ho tonga maloto tahaka ny toerana ao Tôfeta; eny, izany no hanjo ireo trano rehetra izay nandoroana vovo-javamanitra mifangaro teo an-tampony ho an’ireo andian-kintana eny an-danitra sady nandrarahana fanatitra divay ho an’ny andriamani-kafa.»

Jeremia 32:29

Eo am-panafihana azy ny Babilônianina izao ka ho tafiditra ao an-tanàna, dia handrava sy handoro azy amin’ny afo, indrindra ireo trano izay nampahasosotra Ahy satria teo amin’ny tafony marin-tampona no nandoroana zava-manitra mifangaro ho an’i Bahala sy nanolorana fanatitra divay ho an’ireo andriamani-kafa.

Jeremia 4:2

Raha araka ny rariny sy ny hitsiny ary ny marina no hanaovanao fianianana hoe: «Velona ny TOMPO, ka mianiana aho fa...», dia ny firenen-kafa koa hangataka hotahîko sady hanao Ahy ho reharehany.

Jeremia 49:1

Fanambaràna momba ny Hamônita. Izao no lazain’ny TOMPO: «Nahoana ny andriamanitra Milkôma no naka ny tanin’i Gada ho fananany? Ary nahoana ny Hamônita no monina ao amin’ny tanàna israelita? Tsy manan-janakalahy va i Israely mba ho afa-kandova izany?

Jeremia 5:2

Rehefa manao fianianana ny mponina, dia manao hoe: «Velona ny TOMPO, ka mianiana aho...»; nefa tsy marina akory ny fianianany.

Jeremia 5:7

Ry Jerosalema ô, ahoana moa no hamelako ny helokao? Ny zanakao efa nandao Ahy ka nianiana tamin’ny andriamani-tsiizy. Novokisako tamin’izay nilainy izy nefa nanitsakitsa-bady ihany, ka nirohotra ho amin’ny fijangajangana.

Jeremia 7:10

Nefa ianareo mbola miseho eo anatrehako eto amin’ity trano izay natokana ho Ahy ity ihany ka manao hoe: ‹Voavonjy izahay›; ary avy eo dia tohizinareo indray ireo asa rehetra maharikoriko ireo.

Jeremia 7:9

Hay ve ianareo mangalatra sy mamono olona, mijangajanga sy mianiana lainga, mandoro vovo-javamanitra ho an’i Bahala ary mifikitra amin’ireo andriamani-kafa izay tsy fantatrareo akory?

Jeremia 8:2

ka avela hiparitaka eo anatrehan’ny masoandro sy ny volana ary ny andian-kintana eny amin’ny lanitra izay notiavin’ireny olona ireny ka nivavahany sy niraiketany, ary nanontaniany hilan-kevitra sy niankohofany. Tsy hangonina na halevina intsony ireo taolana ireo fa ho tonga zezika eny ambonin’ny tany.

Hosea 10:2

Feno fitaka ny fony, ka hianjady amin’ireo olona ireo ny vesatry ny heloka vitany. Izy TOMPO mihitsy no hamotika ny alitaran’ireo sy handrava ny tsangambaton-tsampiny.

Hosea 4:15

Na dia mivaro-tena aza ianao, ry Israely, dia aoka tsy hanota toy izany koa i Joda. Aza mankany Gilgala na miakatra any Bety-Avena ianao; ary aza mianiana hoe: «Velona ny TOMPO...!»

Amosa 5:26

Ary nentinareo ve ny sarin’i Sikota, ilay sampy mpanjakanareo, sy ny sarin’i Kiona, ilay kintana andriamanitrareo, izay samy sary nataonareo ho anareo? Tsia!

Matio 6:24

–Tsy misy olona mahay manompo tompo roa; satria na ny anankiray ho hàlany ary ny anankiray ho tiany, na ny anankiray hombàny ary ny anankiray hohamavoiny. Tsy hainareo atao ny sady manompo an’Andriamanitra no manompo ny harena.

Asan’ny Apostoly 10:9

Raha mbola teny an-dalana ireto iraka ny ampitson’iny ka efa nanakaiky an’i Jôpa, dia niakatra tao an-tampon-trano kosa i Petera, tokony ho tamin’ny mitataovovonana, mba hivavaka.

Romana 14:11

satria izao no voalazan’ny Soratra Masina: «Raha velona koa Aho, hoy ny Tompo, dia handohalika eo anatrehako ny olombelona rehetra ary hiloa-bava avokoa hiaiky Ahy ho Andriamanitra!»

Deoteronomia 10:20

Ilay TOMPO Andriamanitrareo no hohajainareo, Izy no hotompoinareo sy hifikiranareo, ary ny anarany no hianiananareo.

Deoteronomia 4:19

Mitandrema fandrao hiandrandra hijery ny habakabaka ianareo ka hahita ny masoandro sy ny volana ary ny kintana mbamin’ny planeta rehetra eny ana habakabaka, dia ho voataona hiankohoka eo anatrehan’ireny sy hanompo azy; fa navelan’ny TOMPO Andriamanitrareo ho anjaran’ny firenen-kafa rehetra eto amin’izao tontolo izao ireny fanompoan-tsampy ireny.

Josoa 23:7

Aza mifangaro amin’ireo firenena izay mbola tavela eo aminareo; aza miantso ny anaran’andriamaniny na mampiasa izany hianianana; aza mivavaka aminy na miankohoka eo anatrehany;