Zakaria 5:4 - DIEM PROTESTANTA

⁴ Ny TOMPOn’izao rehetra izao dia manao teny hentitra hoe: Izaho no nampiainga izany ozona izany; hiditra ao an-tranon’ny mpangalatra sy ny mpianiana lainga amin’ny anarako izany, ary hitoetra ao ka handevona ny trano mbamin’ny hazony sy ny vatony.

Baiboly Protestanta Malagasy 2011

⁴ Avelako handeha izany, hoy Andriamanitra, Tompon’izao rehetra izao, ka hiditra ao an-tranon’ny mpangalatra sy ao an-tranon’izay manao fianianana mandainga amin’ny anarako ary hitoetra ao amin’ny tranony ka handevona izany mbamin’ny hazo sy ny vato eo aminy.

Dikateny Iombonana Eto Madagasikara

⁴ Ny TOMPOn’izao rehetra izao dia manao teny hentitra hoe: Izaho no nampiainga izany ozona izany; hiditra ao an-tranon’ny mpangalatra sy ny mpianiana lainga amin’ny anarako izany, ary hitoetra ao ka handevona ny trano mbamin’ny hazony sy ny vatony.

Baiboly Katolika

⁴ Izaho no nandefa izany ozona izany, - teny marin’i Iavehn’ny tafika, - ka ho tonga ao amin’ny tranon’ny mpangalatra sy amin’ny tranon’ny mianiana tsy tò amin’ny Anarako, dia hitoetra ao afovoan’izany trano izany ary handevona azy mbamin’ny hazony sy ny vatony.»

Baiboly Protestanta Malagasy

⁴ Ho entiko mivoaka izany, hoy Jehovah, Tompon’ny maro, ka hiditra ao an-tranon’ny mpangalatra sy ao an-tranon’izay mianian-tsy to amin’ny anarako ary hitoetra ao amin’ny tranony ka handevona azy mbamin’ny hazony sy ny vatony.

Malagasy Bible

⁴ Ho entiko mivoaka izany, hoy Jehovah, Tompon'ny maro, ka hiditra ao an-tranon'ny mpangalatra sy ao an-tranon'izay mianian-tsy tò amin'ny anarako ary hitoetra ao amin'ny tranony ka handevona azy mbamin'ny hazony sy ny vatony.

La Bible en Malgache

⁴ Avelako handeha izany, hoy Andriamanitra, Tompon’izao rehetra izao, ka hiditra ao an-tranon’ny mpangalatra sy ao an-tranon’izay manao fianianana mandainga amin’ny anarako ary hitoetra ao amin’ny tranony ka handevona izany mbamin’ny hazo sy ny vato eo aminy.

Zakaria 5:4 Rohy Ifampitohizana

Joba 18:15

Tsy misy mpipetraka ny tranony ka azo itoerana, dia hofafazana solifara ny faritra fonenany.

Joba 20:26

Ny haizim-pandringanana no voatokana ho an’ny zava-tsoa rehetra izay voaangony; ary afo tsy narehitr’olombelona no mandoro azy ka mandevona ny sisa ao an-tranony.

Joba 8:15

Miankina amin’ny tranony izy, kanjo mihilangilana izany; mamikitra mafy hitazonana azy izy, nefa mirodana tsy voatana izany.

Joba 8:22

Fa ho afa-baràka ireo mpankahala anao; ary hanjavona ny fonenan’ny olon-dratsy.

Ohabolana 3:33

Ozonin’ny TOMPO ny tranon’ny olon-dratsy fa ny fonenan’ny olo-marina kosa tahîny.

Isaia 24:6

Koa levon’ny ozon’Andriamanitra ny tany; ary mitondra fahoriana ny mponina eo aminy noho ny heloka nataony; hihena ireo ka vitsy dia vitsy no ho tavela.

Jeremia 2:26

Indray andro any anefa ianareo, ry mponin’i Israely na ianareo sarambabem-bahoaka, na ianareo mpanjaka sy mpitondra, na ianareo mpisorona sy mpaminany, dia samy ho menatra toy ny mpangalatra tra-tehaka.

Hosea 4:2

Fa mitombo ny fanozonana olona sy ny famitahana azy ary ny famonoana azy ho faty, mbamin’ny halatra sy ny fanitsakitsaham-bady; mifandimby ny ra latsaka.

Hosea 4:3

Noho izany, fadiranovana ny tany; reraka ny mponina rehetra ao mbamin’ny biby eny an-tsaha sy ny voromanidina; ary na ny trondron-dranomasina aza dia ringana koa.»

Amosa 3:10

Fa izao no teny hentitry ny TOMPO: «Tsy nahalala hanao asa marina ry zareo; zavatra vokatry ny herisetra sy ny fandrobana no angoniny ho ao an-dapany.»

Zakaria 5:3

Ka hoy izy tamiko: –Izany no ozona miainga hipaka amin’ny tany manontolo. Fa araka ny voasoratra eo amin’ny lafiny iray, ny mpangalatra rehetra dia horoahina hiala amin’ity tany ity; ary amin’ny lafiny hafa kosa, izay rehetra mianiana lainga dia hatao araka izany koa.

Zakaria 8:17

Aza mieritreritra hanisy ratsy ny namana ary aza mety hianiana lainga, fa halako ny zavatra rehetra toy ireny. Izaho TOMPO no manao izany teny hentitra izany.»

Malakia 3:5

Ary hoy ny TOMPOn’izao rehetra izao hoe: «Ho avy eo aminareo Aho mba hitsara anareo. Ho dodona Aho hanameloka ny mpanao majika, ny mpanitsakitsa-bady, ny mpianiana lainga, ny mpamaly karaman’ny mpiasa, ny mpamoritra mpitondratena sy kamboty na koa ny mpampahory vahiny, dia izay rehetra tsy manaja Ahy.»

Deoteronomia 28:16

Ho voaozona ianareo na ny ao an-tanàn-dehibe na ny any ambanivohitra.

Deoteronomia 7:26

Aza mampiditra sarin-tsampy ao an-tranonareo ianareo, fandrao ho mendrika haringana miaraka aminy; ho hàlanareo indrindra sy ho zava-mahatsiravina tokoa eo imasonareo izany, satria zavatra tsy maintsy haringana tanteraka.

Josoa 9:20

Tsy maintsy avelantsika ho velona ihany ireo: fa raha tsy izany, dia hiharan’ny fahatezeran’ny Tompo isika noho ny fianianana efa vitanay. Saingy izao no hataontsika azy: