Zakaria 1:6 - DIEM PROTESTANTA

⁶ Nefa ny teny sy ny didy izay nomeko ny mpaminany mpanompoko dia mba nandresy lahatra ny razanareo ihany; ka niala tamin’ny ratsy izy ary niaiky fa Izaho TOMPOn’izao rehetra izao no efa nitondra azy araka izay notapahiko, dia araka izay sahaza ny toetrany sy ny asany.»

Baiboly Protestanta Malagasy 2011

⁶ Fa ny teniko sy ny didiko izay nandidiako ny mpaminany mpanompoko, tsy nahatratra ny razanareo va izany? Dia niverina izy ireny ka niteny hoe: Araka izay nosainin’Andriamanitra, Tompon’izao rehetra izao, hatao amintsika araka ny alehantsika sy ny ataontsika, dia araka izany no nataony tamintsika.

Dikateny Iombonana Eto Madagasikara

⁶ Nefa ny teny sy ny didy izay nomeko ny mpaminany mpanompoko dia mba nandresy lahatra ny razanareo ihany; ka niala tamin’ny ratsy izy ary niaiky fa Izaho TOMPOn’izao rehetra izao no efa nitondra azy araka izay notapahiko, dia araka izay sahaza ny toetrany sy ny asany.»

Baiboly Katolika

⁶ Fa ny teniko sy ny didiko kosa, izay nasaiko nentin’ny mpaminany mpanompoko, moa tsy nahatratra ny razanareo va, ka dia nibebaka izy ireo ary nanao hoe: Izay efa notapahin’i Iavehn’ny tafika hatao amintsika araka ny lalantsika sy araka ny asantsika dia nataony tamintsika tokoa.»

Baiboly Protestanta Malagasy

⁶ Fa ny teniko sy ny didiko, izay nandidiako ny mpaminany mpanompoko, tsy nahatratra ny razanareo va izany? Ary izy nitodika ka nanao hoe: Araka izay nosainin’i Jehovah, Tompon’ny maro, hatao amintsika, araka ny alehantsika sy ny ataontsika, dia araka izany no nataony tamintsika.

Malagasy Bible

⁶ Fa ny teniko sy ny didiko, izay nandidiako ny mpaminany mpanompoko, tsy nahatratra ny razanareo va izany? Ary izy nitodika ka nanao hoe: Araka izay nosainin'i Jehovah, Tompon'ny maro, hatao amintsika, araka ny alehantsika sy ny ataontsika, dia araka izany no nataony tamintsika.

La Bible en Malgache

⁶ Fa ny teniko sy ny didiko izay nandidiako ny mpaminany mpanompoko, tsy nahatratra ny razanareo va izany? Dia niverina izy ireny ka niteny hoe: Araka izay nosainin’Andriamanitra, Tompon’izao rehetra izao, hatao amintsika araka ny alehantsika sy ny ataontsika, dia araka izany no nataony tamintsika.

Zakaria 1:6 Rohy Ifampitohizana

2Mpanjaka 15:12

Izany ilay nolazain’ny TOMPO tamin’i Jehò hoe: «Hitoetra eo amin’ny sezafiandrianan’i Israely hatramin’ny taranaka fahefatra ny taranakao, ka dia tanteraka.»

Joba 6:29

Diniho indray ange ka aza mitsara tsy marina e! Eny, diniho indray fa hiharihary ny fahamarinako.

Isaia 21:17

Ho vitsy kely sisa no tavela amin’ireo mpandefa tsipîka sy ireo miaramila voafantin’i Kedara.» Izany no tenin’ny TOMPO Andriamanitr’i Israely.

Isaia 44:26

Fa homeko lanjany ny tenin’ireo mpanompoko ary hataoko tanteraka ny fikasan’ireo irako. Ka hoy Aho amin’i Jerosalema: ‹Aoka honenana indray ianao.› ary amin’ny tanànan’i Joda hoe: ‹Aoka haorina indray ianareo.› Eny, hatsangako izay efa rava.

Isaia 55:1

He! Ianareo rehetra izay mangetaheta, mankanesa amin’ny rano omeko! Na dia tsy manam-bola aza ianareo, avia maka sakafo, dia mihinàna fa tsy ialam-bola izany; avia maka divay na ronono, fa tsy vidina izany.

Isaia 55:11

dia ho tahaka izany koa ny teny aloaky ny vavako: tsy hiveri-maina foana atỳ amiko izy, raha tsy efa nahatanteraka izay sitrako sy nahatratra ny tanjona nanirahako azy.

Jeremia 23:20

Tsy hitsahatra mirehitra ny fahatezeran’ny TOMPO, raha tsy efa nahatontosa sy nahatanteraka izay fandaharan-javatra notapahiny. Amin’ny andro any aoriana any vao tena ho takatrareo izany.

Jeremia 26:15

Saingy izao, raha hamono ahy ho faty ianareo, dia fantaro fa mamono ny tsy manan-tsiny ka hibaby ny vokatr’izany ianareo sy ny mponina rehetra amin’ity tanàna ity; satria ny TOMPO tokoa no naniraka ahy hankatỳ aminareo hanambara ireo teny rehetra ireo mba ho renareo.

Jeremia 28:17

Dia maty tamin’ny volana fahafito tamin’iny taona iny tokoa i Hananià mpaminany.

Jeremia 32:24

Indro mandroso hatrany izao ny Babilônianina amin’ny fanaovana fahirano ny tanàna ka hahafaka azy; eny, hatolotra ho eo an-tanan’ny Babilônianina izy, ka hasiany amin’ny sabatra sy ny mosary ary ny areti-mandringana. Hitanao tsara izao fa tanteraka izay nambaranao.

Jeremia 36:28

«Makà horonan-taratasy iray hafa ianao ka soraty ao ireo hafatra rehetra tamin’ny horonan-taratasy voalohany izay nodoran’i Jôiakima mpanjakan’i Joda.

Jeremia 39:16

«Mandehàna lazao amin’i Hebeda-Melèka etiôpianina hoe: ‹Izao no lazain’ny TOMPOn’izao rehetra izao sady Andriamanitr’i Israely: Indro efa nambarako tamin’ny mponin’ity tanàna ity ny loza fa tsy ny soa. Noho izany dia hotanterahiko izay nolazaiko ary ho tsapanao tsy ho ela izany.

Jeremia 4:4

Aoka ho voafora ho Ahy TOMPO ianareo ka esory ny loto ao amin’ny fonareo ry olon’i Joda sy ry mponin’i Jerosalema. Fandrao hirehitra toy ny afo ny fahatezerako noho ny faharatsian’ny ataonareo ka handevona izao rehetra izao; ary tsy hisy hamono ny afo.

Jeremia 44:2

«Izao no lazain’ny TOMPOn’izao rehetra izao sady Andriamanitr’i Israely: ‹Hitanareo ny loza rehetra izay nampihariko tamin’i Jerosalema sy ireo tanàna hafa rehetra tany Joda. Ankehitriny ireny dia efa lao sady tsy misy mponina intsony ao aminy,

Jeremia 44:28

Olom-bitsy no afaka hitsoaka amin’ny ady sy hiverina avy atỳ Ejipta ho any amin’ny tanin’i Joda. Koa izay sisa velona rehetra amin’ny Jodeanina tonga nialokaloka tatỳ Ejipta dia hahafantatra izay ho to teny na Izaho na izy.

Jeremia 44:29

Eto amin’ity toerana ity indrindra no hirotsahako an-tsehatra, hoy ny teny hentitra ambarako, ka hanomezako famantarana ho anareo. Ho fantatrareo amin’izay fa ho tanteraka tokoa ny loza nambarako taminareo.

Jeremia 44:6

Koa natosako taminareo ny fahavinirako sy ny fahatezerako, ka nandoro ny tanànan’i Joda sy ny lalamben’i Jerosalema; eny, ho rava sy hampahonena ireny araka izay hita amin’izao andro izao.› »

Jeremia 5:14

Koa izao no lazain’ny TOMPO Andriamanitr’izao rehetra izao: «Noho izany tenin’ireo vahoaka ireo izany, dia hataoko ho toy ny afo ny teniko izay ampitondraiko anao, ry Jeremià; ity firenena ity kosa dia ho toy ny kitay ka holevonin’izany afo izany.

Fitomaniana 1:18

Rariny ny nataon’ny TOMPO, satria efa nanohitra ny baikony aho. Mihainoa tsara, rey olona rehetra eto ka jereo ny fijaliako: ny tovovaviko sy ny tovolahiko dia samy lasa ho any an-tsesitany.

Fitomaniana 2:17

Nataon’ny TOMPO izay efa nosaintsaininy, notanterahiny izay nambarany, dia izay efa notapahiny hatry ny ela: nandravarava Izy ka tsy niantra. Nampitotorebika ny fahavalo Izy noho ny nanjo anao ary nampiakatra ny reharehan’ny mpandrafy anao.

Fitomaniana 3:42

Efa nanota sady nikomy izahay; ary Ianao, Tompo ô, tsy namela heloka anay.

Ezekiela 20:43

Ao ianareo no hisaintsaina ny fitondrantenanareo tamin’ny lasa sy ireo asa nampahaloto anareo. Haharikoriko anareo ny tenanareo noho ny ratsy rehetra efa nataonareo.

Ezekiela 37:11

Ary hoy indray ny Tompo tamiko: «Ry ilay taranak’olombelona, ireo taola-maina ireo dia sarin’ny vahoaka israelita rehetra. Fa hoy ny Israelita hoe: ‹Tahaka ny taola-maina izahay, levona ny fanantenanay, fongotra izahay.›

Daniela 4:28

Iny mbola niteny iny ny mpanjaka, dia nisy feo avy tany an-danitra nanao hoe: –Ambara aminao, ry Nebokadnetsara mpanjaka, fa nesorina taminao ny fahefàm-panjakana.

Hosea 5:9

Ho tonga taniefitra i Efraîma amin’ny andro famaizana; zavatra tsy maintsy ho to no ambarako amin’ireo fokon’i Israely.

Hosea 9:15

«Tao Gilgala, hoy ihany ny Tompo, no niseho ny haratsiany isan-karazany. Tao no nanombohako nankahala azy. Horoahiko izy hiala amin’ny toeram-ponenako noho ny ratsy izay nataony. Tsy hanam-pitiavana azy intsony Aho; mpikomy avokoa ny filohany rehetra.

Amosa 9:10

Ho faty an’ady ny mpanota rehetra amin’ny vahoakako, dia ireo nilaza hoe: ‹Ny loza tsy hananontanona anay sady tsy hahatratra anay!› »

Zakaria 1:7

Tamin’ny taona faharoa nanjakan’i Dariôsa, fony andro faha-24 tamin’ny volana faha-11 na volana Sebata, dia nisy hafatry ny TOMPO tamin’i Zakarià mpaminany, zanakalahin’i Berekià sady zafikelin’i Hidao; ka toy izao no fitantaràn’i Zakarià izany:

Malakia 3:18

Ka dia ho hitanareo indray ny fahasamihafan’ny olo-marina sy ny olon-dratsy, dia ny manompo an’Andriamanitra sy ny tsy manompo Azy.

Nomery 23:19

Andriamanitra tsy mba olona ka handainga, na taranak’olombelona ka hanenina. Izay nolazainy dia hoefainy; izay nampanantenainy dia hotanterahiny.

Nomery 32:23

Fa raha tsy manao izany kosa ianareo, dia manota amin’ny TOMPO, ary fantaro fa ianareo ihany no hifoteran’ny vokatry ny fahotanareo.

Nomery 33:56

Ary dia hataoko aminareo izay efa nokasaiko hatao aminy.

Matio 24:35

Ho levona ny tany amana habakabaka, fa ny teniko tsy mba ho levona.

Deoteronomia 28:15

Raha tsy ekenareo kosa ny TOMPO Andriamanitrareo ka tsy imasoanareo hotanterahina ny didy aman-dalànany rehetra izay ampitaiko aminareo anio, dia ho tonga sy hianjady aminareo ireto ozona rehetra ireto:

Deoteronomia 28:2

eny, raha ekenareo ny TOMPO Andriamanitrareo, dia ho tonga aminareo sy ho azonareo ireto fitahiana isan-karazany ireto:

Deoteronomia 28:20

Amin’izay rehetra ataonareo, dia ozona sy tahotra aman’ahiahy no halefan’ny TOMPO aminareo; ka ho ringana sy ho levona faingana ianareo satria ratsy tokoa ny nataonareo tamin’ny nandaozanareo Azy.

Deoteronomia 28:45

Dia ho tonga aminareo ireo ozona rehetra ireo, fa hanjohy anareo sy hianjady aminareo mandra-paharinganareo, satria tsy nekenareo ny TOMPO Andriamanitrareo sady tsy notandremanareo ny didy aman-dalàna izay nampitainy taminareo.

1Tesaloniana 5:4

Fa ianareo, ry havana, tsy mba ao amin’ny maizina, ka tsy mba hanampoka anareo toy ny mpangalatra izany andro izany.