Titosy 3:5 - DIEM PROTESTANTA

⁵ dia novonjeny isika, tsy noho ny asa marina vitantsika, fa noho ny famindrampony tamintsika. Ny namonjeny antsika dia tamin’ny alalan’ny rano fampandroana izay nanomezan’ny Fanahy Masina antsika fahateraham-baovao sy fiainam-baovao.

Baiboly Protestanta Malagasy 2011

⁵ dia tsy tamin’ny asa mety ho nataontsika tamin’ny fahamarinana, fa araka ny famindrampony kosa no namonjeny antsika, rehefa nosasana tamin’ny fahaterahana indray sy ny fanavaozana nataon’ny Fanahy Masina,

Dikateny Iombonana Eto Madagasikara

⁵ dia novonjeny isika, tsy noho ny asa marina vitantsika, fa noho ny famindrampony tamintsika. Ny namonjeny antsika dia tamin’ny alalan’ny rano fampandroana izay nanomezan’ny Fanahy Masina antsika fahateraham-baovao sy fiainam-baovao.

Baiboly Katolika

⁵ dia tsy noho ny asan’ny fahamarinana nataontsika, fa noho ny famindram-pony; Izy no namonjy antsika tamin’ny fanasana nahaterahantsika indray sy ny fanavaozan’ny Fanahy Masina,

Baiboly Protestanta Malagasy

⁵ dia tsy avy tamin’ny asa amin’ny fahamarinana izay nataontsika, fa araka ny famindrampo kosa no namonjeny antsika, tamin’ny fanasan’ny fiterahana indray sy ny fanavaozan’ny Fanahy Masina,

Malagasy Bible

⁵ dia tsy avy tamin'ny asa amin'ny fahamarinana izay nataontsika, fa araka ny famindram-po kosa no namonjeny antsika, tamin'ny fanasan'ny fiterahana indray sy ny fanavaozan'ny Fanahy Masina,

La Bible en Malgache

⁵ dia tsy tamin’ny asa mety ho nataontsika tamin’ny fahamarinana, fa araka ny famindrampony kosa no namonjeny antsika, rehefa nosasana tamin’ny fahaterahana indray sy ny fanavaozana nataon’ny Fanahy Masina,

Titosy 3:5 Rohy Ifampitohizana

Joba 15:14

Fa inona ny olombelona no hihambo ho madio? Na izay natera-behivavy no hanao ny tenany ho marina?

Joba 25:4

Ahoana no hahamarina ny olombelona eo anatrehan’Andriamanitra? Ary ahoana no hahadio izay tera-behivavy?

Joba 9:20

Na marina aza ny ahy, dia hodisoin’ny vavako ihany; ary na tsy manan-tsiny aza aho, dia holazainy meloka ihany.

Salamo 130:7

no aoka hitokian’ny vahoaka Israely ny TOMPO, satria ny fitiavana no ao amin’ny TOMPO ary koa ny fanavotana tsy hita lany!

Salamo 143:2

Mpanomponao aho ka aza antsoina hotsaraina, fa tsy misy olombelona ho marina eo anatrehanao.

Salamo 51:10

Ataovy reko ny famelanao, dia hifaly sy hiravo indray aho; ary aoka hibitaka ny taolako izay efa voamontsamontsanao.

Salamo 62:12

Izao no tenin’Andriamanitra fandreko matetika: «Ahy ny hery!»

Salamo 86:15

Kanefa Ianao, Tompo ô, dia Andriamanitra mamindrafo sy miantra, mahari-po sady be fitiavana amam-pahamarinana.

Salamo 86:5

Tompo ô, Ianao no tsara fo sady mpamela heloka, be fitia amin’izay rehetra miantso Anao.

Isaia 57:12

Kanefa hovakiko bantsilana ny fihamboanao ho marina sy ny asanao; ka tsy hahasoa anao akory ireny.

Ezekiela 36:25

Hofafazako rano madio ianareo, dia hadio; eny, hodioviko ho afaka amin’ny fahalotoanareo rehetra sy ny fanompoan-tsampinareo rehetra ianareo.

Mika 7:18

Tsy misy andriamanitra mitovy aminao, ry TOMPO mpanaisotra ny heloka. sy mpamela ny fahadisoana. Noho ireo sisa velona aminay vahoaka fanananao, dia tsy mitahiry fahatezerana mandrakizay Ianao fa tia maneho fitiavana aminay.

Matio 3:11

Hoy koa i Jôhany: –Ny ahy, ao amin’ny rano no anaovako batisa anareo ho mariky ny fialana amin’ny toetra ratsy. Fa Ilay tamy aoriako dia mahery noho izaho ary tsy mendrika hivimbina ny kapany akory aho; ny Azy dia ao amin’ny Fanahy Masina sy afo no hanaovany batisa anareo.

Lioka 1:50

Ary hamindra fo hatramin’ny taranaka mifandimby ireo manaja Azy.

Lioka 1:54

Niahy ny vahoaka Israely mpanompony Andriamanitra, satria nahatsiaro ny teniny tamin’ny razantsika; dia ny hamindra fo mandrakizay amin’i Abrahama sy ny taranany.

Lioka 1:72

Namindra fo tamin’ny razantsika Andriamanitra sady nahatsiaro ilay fanekempihavanana masina

Lioka 1:78

Mangoraka sy mamindra fo ilay Andriamanitsika, koa masoandro miposaka avy any ambony no hamangy antsika

Romana 11:14

sao mba hahavelom-pialonana ireo havako ara-nofo, ka hahavonjeko ny sasany amin’izy ireo.

Romana 11:6

Ary raha noho ny fahasoavana, dia tsy avy amin’ny asa vitan’ny olona; fa raha avy amin’ny asa vitan’ny olona, dia tsy fahasoavana intsony ny fahasoavana.

Romana 12:2

Aza miray lasitra amin’izao tontolo izao; fa meteza hovan’Andriamanitra ka hihavao saina tanteraka, mba hahaizanareo mamantatra ny sitrapon’Andriamanitra: dia izay tsara sy ankasitrahiny ary lavorary.

Romana 3:20

Koa tsy misy olombelona hoeken’Andriamanitra ho marina, noho izy manatanteraka ny lalàna; fa ny lalàna dia miasa hahafantaran’ny olombelona mazava hoe nanota izy.

Romana 3:28

Miaiky manko isika fa ny olona manam-pinoana no eken’Andriamanitra ho marina, fa tsy izay manatanteraka ny lalàna.

Romana 4:5

Izay tsy manao asa nefa mino an’ilay Andriamanitra mahatonga ireo ratsy fanahy ho marina, dia izany finoany izany no iheveran’Andriamanitra azy ho marina.

Romana 9:11

Andriamanitra anefa, mba haharetan’ny fikasany, dia mifidy olona; ary ny fifidianana dia tsy miankina amin’ny asa vitan’ny olona fa miankina amin’ny fiantsoan’Andriamanitra azy. Koa tsy mbola teraka akory ireo zaza ireo ary tsy mbola nanao tsara na nanao ratsy, dia izao no tenin’Andriamanitra tamin’i Rebekà: «Ny zokiny no hanompo ny zandriny!»

Romana 9:16

Koa tsy izay fanirian’ny olona na izay fiezahany no ahazoany famindrampo fa Andriamanitra no mamindra fo aminy.

Romana 9:30

Inona àry no holazaintsika? Izao: ny hafa firenena tsy nitady ho marina teo anatrehan’Andriamanitra no neken’Andriamanitra ho marina noho ny finoana;

1Korintiana 6:11

Tahaka izany taloha ny sasany taminareo; saingy efa voasasa ho afaka tamin’ny fahotana ianareo, efa voatokana ho an’Andriamanitra ary efa nekeny ho marina tamin’ny anaran’i Jesoa Kristy Tompo sy tamin’ny Fanahin’ilay Andriamanitsika.

Galatiana 2:16

Saingy fantatray fa ny olombelona dia ankatoavin’Andriamanitra ho marina, tsy avy amin’ny fanatanterahana ny lalàna fa noho ny finoana niainan’i Jesoa Kristy. Izany no nahatonga anay hino an’i Kristy Jesoa mba hankatoavan’Andriamanitra anay ho marina, noho ny finoana niainan’i Kristy fa tsy avy amin’ny fanatanterahana ny lalàna.

Efesiana 2:4

Kanefa lehibe tokoa ny famindrampon’Andriamanitra, satria fatratra ny fitiavana asehony amintsika;

Efesiana 4:23

Aoka hohavaozina tanteraka ny fanahinareo sy ny sainareo;

Efesiana 5:26

Nataony izany mba hahamasina ny Fiangonana, rehefa avy nodioviny tamin’ny rano fampandroana ombàn-teny;

Deoteronomia 9:5

Tsy ny fahamarinanareo na ny hitsimponanareo no mahamendrika anareo hiditra haka ny taniny ho fanananareo; fa ny haratsiam-panahin’ireo firenena ireo no handroahan’ny TOMPO Andriamanitrareo azy eo anoloanareo, ary koa mba hahatò ny fampanantenana izay nianianan’ny TOMPO tamin’i Abrahama sy i Itsehàka ary i Jakôba razambenareo.

Kolosiana 3:10

ary efa notafînareo ny toetra vaovao: dia ny toetry ny olona havaozin’Andriamanitra hatrany araka ny endrik’Izy Mpahary azy, mba ho tonga amin’ny fahalalana tsara an’Andriamanitra.

2Timoty 1:9

Andriamanitra no namonjy antsika sy niantso antsika ho vahoakany, tsy noho ny asa vitantsika fa noho ny fandaharan’ny tenany ihany ary noho ny fahasoavany. Efa nomeny antsika tao amin’i Kristy Jesoa izany fahasoavana izany, fony tsy mbola nisy ary akory izao rehetra izao;

Titosy 3:4

Fa nony efa naneho ny hamoram-pony sy ny fitiavany olona ilay Andriamanitra Mpamonjy antsika,

Hebreo 10:22

koa aoka isika hanatona an’Andriamanitra amin’ny fo mahitsy sy amin’ny fahatokiana vokatry ny finoana, rehefa voadio ho afaka amin’ny fieritreretana vesaran’ota ny fontsika ary rehefa voasasa tamin’ny rano madio ny tenantsika.

Hebreo 4:16

Koa aoka isika hatoky hanatona ny sezafiandrianan’Andriamanitra, izay toeram-pahasoavana; eo no hahazoantsika famindrampo ary koa hahitantsika fahasoavana, ka hanampian’Andriamanitra antsika amin’ny fotoana ilantsika izany.

Hebreo 6:6

kanefa dia niverina tamin’ny toe-dratsy. Tsy azo havaozina indray ireo mba hiala amin’ny toetra ratsiny, satria manombo ilay Zanak’Andriamanitra amin’ny hazofijaliana indray sady manolotra Azy halàm-baràka.

1Petera 1:3

Hankalazaina anie ilay Andriamanitra sady Rain’i Jesoa Kristy Tompontsika! Be famindrampo tokoa Andriamanitra, ka niteraka antsika indray tamin’ny alalan’i Jesoa Kristy Izay natsangany ho velona avy any amin’ny maty. Izany no ananantsika fanantenana mivaivay

1Petera 2:10

Tsy vahoakan’Andriamanitra ianareo fahiny, fa ankehitriny kosa efa vahoakany; tsy nahazo ny famindrampon’Andriamanitra ianareo fahiny, fa ankehitriny kosa efa nahazo ny famindrampony.

1Petera 3:21

Io rano io no tandindon’ny batisa izay amonjena anareo ankehitriny; ka tsy fanesorana lotom-batana ny batisa, fa toky omen’ny fieritreretana madio hitodika amin’Andriamanitra. Ny batisa no amonjena anareo amin’ny alalan’i Jesoa Kristy tafatsangana ho velona,