Salamo 146:9 - DIEM PROTESTANTA

⁹ ny TOMPO miaro ny vahiny sy manohana ny kamboty ama-mpitondratena; ny TOMPO mitia ny olo-marina fa mampibirioka kosa ny olon-dratsy.

Baiboly Protestanta Malagasy 2011

⁹ NY TOMPO no miaro ny vahiny ary manohana ny kamboty sy ny mpitondratena fa mamadika ny lalan’ny ratsy fanahy kosa.

Dikateny Iombonana Eto Madagasikara

⁹ ny TOMPO miaro ny vahiny sy manohana ny kamboty ama-mpitondratena; ny TOMPO mitia ny olo-marina fa mampibirioka kosa ny olon-dratsy.

Baiboly Katolika

⁹ i Iaveh miaro ny mpivahiny; manohana ny kamboty ama-mpitondratena Izy; fa mampiolakolaka ny lalan’ny ratsy fanahy kosa.

Baiboly Protestanta Malagasy

⁹ Jehovah miaro ny vahiny Ary manandratra ny kamboty sy ny mpitondratena, Fa mamadika ny làlan’ny ratsy fanahy kosa.

Malagasy Bible

⁹ Jehovah miaro ny vahiny Ary manandratra ny kamboty sy ny mpitondratena, Fa mamadika ny lalan'ny ratsy fanahy kosa.

La Bible en Malgache

⁹ NY TOMPO no miaro ny vahiny ary manohana ny kamboty sy ny mpitondratena fa mamadika ny lalan’ny ratsy fanahy kosa.

Salamo 146:9 Rohy Ifampitohizana

2Samoela 15:31

Nisy nanambara tamin’i Davida fa anisan’ireo mpiara-mioko tamin’i Absalôma koa i Ahitôfela; ka dia hoy i Davida hoe: «Mitalaho aminao aho, TOMPO ô, ataovy adala ny torohevitr’i Ahitôfela!»

2Samoela 17:23

Nony hitan’i Ahitôfela fa tsy narahina ny heviny, dia nasiany lasely ny borikiny, ary lasa izy nody tany an-tanàna fonenany. Rehefa avy nanafatra ny ankohonany izy, dia nananton-tena ary maty ka nalevina tao amin’ny fasan-drainy.

Estera 5:14

Dia hoy i Zeresa vadin’i Hamàna sy ireo sakaizany rehetra taminy: –Aoka ianao hampanamboatra hazo fanantonana ka ho 25 metatra ny haavony; ary raha maraina dia angataho amin’ny mpanjaka mba hahantona eo i Môrdôkay. Avy eo dia mandehana amin-kafaliana ianao miaraka amin’ny amperôra ho any amin’ny fanasana. Ary sitrak’i Hamàna izany hevitra izany ka dia nampanamboariny tokoa ilay hazo.

Estera 7:10

Ary nahantona tamin’ilay hazo efa nomaniny hanantonana an’i Môrdôkay i Hamàna. Dia vao izay no nionona ny fahatezeran’ny amperôra.

Estera 9:25

Saingy nankeo anatrehan’i Kserksesa i Estera, ka namoaka didy an-tsoratra ny amperôra mba hafotitra amin’i Hamàna ihany ny hevi-dratsy nokasainy hampiharina amin’ny Jiosy ary mba hahantona amin’ny hazo ny tenany sy ny zanany lahy.

Salamo 10:14

Hitanao fa mijaly sy ory ny mahantra, ka mivonon-kanampy azy hatrany Ianao; Ianao no itokian’ny malemy, sady mamonjy ny kamboty.

Salamo 145:20

Ny TOMPO miambina izay rehetra tia Azy; ny olon-dratsy kosa aringany avokoa.

Salamo 147:6

Manarina ny ory ny TOMPO fa manetry ny olon-dratsy hatramin’ny tany.

Salamo 18:26

Tompo ô, mahatoky Ianao amin’izay matoky Anao; tsy manan-tsiny koa Ianao amin’izay tsy manan-tsiny;

Salamo 68:5

Mihirà ho fanajana an’Andriamanitra, mankalazà ny anarany amin’ny salamo mba hanoman-dalana ho fandraisana an’ilay mpitaingin-drahona ho kalesy. Ny Tompo no anarany ka mifalia eo anoloany.

Ohabolana 15:25

Ny tranon’ny mpiavonavona dia ravàn’ny TOMPO; fa arovany kosa ny tanin’ny mpitondratena.

Ohabolana 4:19

Fa ny toetran’ny olon-dratsy fanahy kosa toy ny haizim-pito ka tsy fantany akory izay hanafintohina azy.

Jeremia 49:11

«Ankino amiko ny kambotinareo fa izaho no hamelona azy; ary mahazo matoky ahy ny mpitondratenanareo.»

Hosea 14:3

Miverena amin’ny TOMPO ka milazà aminy hoe: «Avelao avokoa ny helokay; ary ho solon’ny vantotr’ombilahy fanolotray dia raiso tsara ireto teninay ireto:

Malakia 3:5

Ary hoy ny TOMPOn’izao rehetra izao hoe: «Ho avy eo aminareo Aho mba hitsara anareo. Ho dodona Aho hanameloka ny mpanao majika, ny mpanitsakitsa-bady, ny mpianiana lainga, ny mpamaly karaman’ny mpiasa, ny mpamoritra mpitondratena sy kamboty na koa ny mpampahory vahiny, dia izay rehetra tsy manaja Ahy.»

1Korintiana 3:19

Fa ny fahendrena araka ny filamatr’izao tontolo izao dia fahadalana eo imason’Andriamanitra; satria izao no voalazan’ny Soratra Masina: «Ny hafetsen’ny olon-kendry no amandrihan’Andriamanitra azy»;

Deoteronomia 16:11

Hankany amin’ny toerana izay hofidin’ny TOMPO Andriamanitrareo hipetrahan’ny voninahiny ianareo, ary hifaly eo anatrehan’ilay Toeramasin’ny TOMPO Andriamanitrareo ny tenanareo sy ny zanakareo ary ny mpanomponareo mbamin’ny Levita izay ao an-tanànanareo ary koa ny vahiny sy kamboty ary mpitondratena izay eo anivonareo.

Jakoba 1:27

Fa amin’Andriamanitra Ray ny fivavahana madio sy tsy misy tsiny dia izao: ny miahy ny kamboty sy ny mpitondratena amin’ny fahoriana mahazo azy ary ny miaro tena tsy ho voapentimpentin’izao tontolo izao.