Romana 13:7 - DIEM PROTESTANTA

⁷ Aloavy amin’ny olona rehetra izay tokony haloha aminy avy: ny hetra amin’izay tokony handoavan-ketra, ny fadintseranana amin’izay tokony handoavam-padintseranana. Atahory izay tokony hatahorana; hajao izay tokony hohajaina.

Baiboly Protestanta Malagasy 2011

⁷ Aloavy amin’izy rehetra izay tokony ho azy avy: Vola hetra ho an’izay tokony handoavan-ketra, haba ho an’izay tokony handoavana haba, tahotra ho an’izay tokony hatahorana, haja ho an’izay tokony hohajaina.

Dikateny Iombonana Eto Madagasikara

⁷ Aloavy amin’ny olona rehetra izay tokony haloha aminy avy: ny hetra amin’izay tokony handoavan-ketra, ny fadintseranana amin’izay tokony handoavam-padintseranana. Atahory izay tokony hatahorana; hajao izay tokony hohajaina.

Baiboly Katolika

⁷ Koa ataovy amin’izy rehetra àry izay tokony handoavan-ketra, fadin-tseranana, tahotra ho an’izay tokony hatahorana, ary haja ho an’izay tokony hohajaina.

Baiboly Protestanta Malagasy

⁷ Mandoava amin’izy rehetra izay tokony ho azy avy: vola hetra ho an’izay tokony handoavan-ketra, fadin-tseranana ho an’izay tokony handoavana fadin-tseranana, tahotra ho an’izay tokony hatahorana, haja ho an’izay tokony hohajaina.

Malagasy Bible

⁷ Mandoava amin'izy rehetra izay tokony ho azy avy: vola hetra ho an'izay tokony handoavan-ketra, fadin-tseranana ho an'izay tokony handoavana fadin-tseranana'tahotra ho an'izay tokony hatahorana, haja ho an'izay tokony hohajaina.

La Bible en Malgache

⁷ Aloavy amin’izy rehetra izay tokony ho azy avy: Vola hetra ho an’izay tokony handoavan-ketra, haba ho an’izay tokony handoavana haba, tahotra ho an’izay tokony hatahorana, haja ho an’izay tokony hohajaina.

Romana 13:7 Rohy Ifampitohizana

1Mpanjaka 3:17

Dia hoy ilay vehivavy voalohany: –Miray trano izaho sy ity vehivavy ity, ry andriamanjaka, ary teraka tao an-trano aho tamin’ny fotoana nahatao azy koa.

Eksodosy 20:12

«Hajao ny rainao sy ny reninao mba ho maro andro iainana ianao eo amin’ny tany izay omen’ny TOMPO Andriamanitrao ho anao.

Ohabolana 24:21

Anaka, manajà ny TOMPO ary koa ny mpanjaka; aza ikambananao ireo mitady hikomy aminy.

Ohabolana 3:27

Aza misalasala manao soa amin’izay mila izany raha azonao atao ihany.

Levitikosy 19:3

«Samia manaja ny ray aman-dreninareo, ary tandremo ny sabata nodidiako hitsaharana. Izaho no TOMPO Andriamanitrareo.

Levitikosy 19:32

«Mitsangàna ianao raha manoloana ny olona efa antitra ho fanomezam-boninahitra azy; izany no hanehoanao fanajana Ahy Andriamanitrao. Izaho no TOMPO.

Matio 17:25

Dia novalian’i Petera hoe: –Mandoa izany Izy! Vao niditra tao an-trano i Petera, dia notsenain’i Jesoa nilazany hoe: –Ahoana no hevitrao, ry Simôna? Iza no andraisan’ny mpanjaka etỳ an-tany fadintseranana sy hetra, ny ankohonany sa ny olon-kafa?

Matio 22:21

Ka novalian’ireo hoe: –An’ny amperôra rômanina! Tamin’izay dia hoy i Jesoa taminy: –Raha izany àry, dia avereno amin’ny amperôra rômanina izay an’ny amperôra rômanina ary amin’Andriamanitra izay an’Andriamanitra.

Marka 12:17

Ka hoy i Jesoa taminy: –Avereno amin’ny amperôra rômanina izay an’ny amperôra rômanina ary amin’Andriamanitra izay an’Andriamanitra. Dia gaga tamin’i Jesoa ireto iraka.

Lioka 20:22

Koa azonay atao ve ny mandoa hetra ho an’ny amperôra rômanina sa tsia?

Lioka 20:25

Ka hoy i Jesoa taminy: –Avereno amin’ny amperôra rômanina izay an’ny amperôra rômanina ary amin’Andriamanitra izay an’Andriamanitra.

Lioka 23:2

ary nanomboka niampanga Azy nanao hoe: –Ity olona ity hitanay manakorontana ny firenenay sy mandrara tsy handoa hetra amin’ny amperôra rômanina ary mihambo ny tenany ho Mesia mpanjaka.

Romana 12:10

Mifankatiava toy ny mpiray tampo; miezaha amin’ny fifanajana.

Romana 13:6

Izany ihany koa no antony andoavanareo hetra; fa ny mpiasam-panjakana miandraikitra izany dia mpandraharahan’Andriamanitra mitozo amin’io asa io.

Efesiana 5:33

Kanefa miantefa aminareo mivady rehetra koa izany: ka aoka samy ho tahaka ny itiavan’ny lehilahy ny tenany no hitiavany ny vadiny, ary aoka ny vehivavy hanaja ny vadiny.

Efesiana 6:5

Ianareo mpanompo, maneke ny tomponareo ara-nofo amin-tahotra sy fanajana ary amin’ny fahatsorampo toy ny anekenareo an’i Kristy.

1Timoty 5:13

Ary tsy vitan’izany, fa mianatra mandany andro miriorio mitety tranon’olona koa ireo; ary tsy hoe mandany andro fotsiny, fa mipentsompentsona, manao zavatra tsisy antony etsy sy eroa miresaka zavatra tsy tokony horesahina.

1Timoty 5:17

Aoka ny loholona tsara fitondra ny Fiangonana handray valin-kasasarana avo roa heny, indrindra fa ireo mikely aina amin’ny fitorian-teny sy ny fampianarana.

1Timoty 6:1

Aoka ny mpanompo rehetra fehezin’olona hanao ny tompony ho mendri-kaja tanteraka, mba tsy hanevatevana ny anaran’Andriamanitra sy ny fampianarantsika.

1Petera 3:7

Toy izany koa, ianareo lehilahy, mahaiza miara-mitoetra amin’ny vadinareo izay malemy paika kokoa noho ianareo araka ny efa fantatrareo; manehoa fanajana azy fa mpiombona anjara amin’ilay fiainana nomen’Andriamanitra ianareo mivady. Izany atao, mba tsy hisy zavatra hanampontsampona ny fivavahanareo.

1Samoela 12:18

Ary i Samoela nivavaka tamin’ny TOMPO, izay nampikotroka ny andro ary nampilatsaka ny orana androtriny ihany; ka nohajain’ny vahoaka rehetra tokoa ny Tompo sy i Samoela.