Nomery 14:8 - DIEM PROTESTANTA

⁸ Raha ambinin’ny TOMPO isika, dia hoentiny any amin’io tany tondra-dronono sy tantely io ka homeny antsika izany.

Baiboly Protestanta Malagasy 2011

⁸ Raha ankasitrahan’NY TOMPO isika dia hitondra antsika ho amin’izany tany izany Izy ka homeny antsika io, dia tany tondra-dronono sy tantely.

Dikateny Iombonana Eto Madagasikara

⁸ Raha ambinin’ny TOMPO isika, dia hoentiny any amin’io tany tondra-dronono sy tantely io ka homeny antsika izany.

Baiboly Katolika

⁸ Raha ankasitrahin’i Iaveh isika, dia hampiditra antsika amin’izany tany izany Izy sy hanome azy antsika; tany tondra-dronono aman-tantely izany.

Baiboly Protestanta Malagasy

⁸ Raha sitrak’i Jehovah isika, dia hitondra antsika ho amin’izany tany izany Izy, ka homeny antsika, dia tany tondra-dronono sy tantely.

Malagasy Bible

⁸ Raha sitrak'i Jehovah isika, dia hitondra antsika ho amin'izany tany izany Izy, ka homeny antsika, dia tany tondra-dronono sy tantely.

La Bible en Malgache

⁸ Raha ankasitrahan’NY TOMPO isika dia hitondra antsika ho amin’izany tany izany Izy ka homeny antsika io, dia tany tondra-dronono sy tantely.

Nomery 14:8 Rohy Ifampitohizana

2Samoela 22:20

navoakany ho eo an-kalalahana aho ary nafahany satria tena tiany.

1Mpanjaka 10:9

Hisaorana anie ny TOMPO Andriamanitrao fa sitrany napetraka eo amin’ny sezafiandrianan’i Israely ianao; noho ny fitiavany mandrakizay an’i Israely manko no nanaovan’ny TOMPO anao ho mpanjaka mba hampihatra ny rariny sy ny fahamarinana.

2Mpanjaka 18:32

Ho avy aho atsy ho atsy hitondra anareo ho any amin’ny tany tahaka ny anareo, dia tany be varimbazaha hanaova-mofo sy tany be voaloboka hanaovan-divay ary tanin’ôliva tsara diloilo sy tantely. Dia ho velona ianareo amin’izany fa tsy ho faty. Koa aza mihaino an’i Hezekià fa atorony voho ianareo raha ilazany fa hamonjy anareo ny TOMPO!

Salamo 22:8

izay mahita ahy dia maneso avokoa, manondro molotra, mihifikifi-doha.

Eksodosy 3:8

Koa tafidina Aho mba hanafaka azy amin’ny fahefàn’ny Ejiptianina, ka hampiakatra azy hiala amin’ny tany Ejipta mba ho any amin’ny tany tsara sy midadasika, any amin’ny tany tondra-dronono sy tantely, dia ny toerana misy ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita.

Isaia 62:4

Ianao tsy hatao intsony hoe «ilay tanàna nafoy» ary ny taninao tsy hatao intsony hoe «ilay tany lao»; fa ianao dia hantsoina hoe «ilay sitraky ny TOMPO», ary ny taninao hatao hoe «ilay vady ampakarina.» Satria ho sitraky ny Tompo ianao ary ny taninao hanana vady mpampakatra.

Jeremia 32:41

Hahafaly Ahy ny hanasoa azy, ka amin’ny foko sy fanahiko manontolo no hampiorenako azy tanteraka amin’ity tany ity.

Zefania 3:17

Ny TOMPO Andriamanitrao no momba anao; mahery Izy ka hampandresy anao. Maneho ny hafaliany noho ny aminao Izy; ny fitiavany no anavaozany anao; noho ny aminao dia mientam-pihobiana Izy

Nomery 13:27

Izao no notantarain’ireo mpisafo tamin’i Mosesy: –Nankany amin’ny tany izay nanirahanao anay izahay, ka hitanay fa tany tondra-dronono sy tantely tokoa ilay izy. Itony no vokatra avy tany.

Nomery 16:14

Tsy tany tondra-dronono sy tantely akory no nitondranao anay ary tsy saha na tanimboaloboka akory koa no nomenao ho fanananay! Heverinao ho poa-maso angaha ireo olona ireo? Tsia, tsy ho any izahay!

Romana 8:31

Koa inona àry no mbola holazaintsika eo anoloan’izany? Raha Andriamanitra no momba antsika, iza no hahatohitra antsika?

Deoteronomia 10:15

Kanefa ny razambenareo ihany no niraiketan’ny TOMPO hotiavina ka nifidianany anareo taranany mihoatra noho ny firenena hafa rehetra, araka izao hitanareo anio izao.

Josoa 14:12

Koa ankehitriny àry, omeo ahy irỳ tendrombohitra irỳ izay efa nampanantenain’ny TOMPO ahy tamin’izany fotoana izany; satria efa henonao tamin’izay fa ao ny Hanakita no mipetraka anaty tanàna lehibe sady misy manda. Raha momba ahy ny TOMPO, dia horoahiko tao ireo, araka izay efa nolazain’Izy TOMPO.