Nomery 14:19 - DIEM PROTESTANTA

¹⁹ Tompo ô, araka ny halehiben’ny fitiavanao, dia mamelà ny fahotan’ny vahoakanao tahaka ny efa namelanao ny fahotany hatrany Ejipta ka hatraty.

Baiboly Protestanta Malagasy 2011

¹⁹ Mifona aminao aho, mamelà ny helok’ity firenena ity araka ny halehiben’ny famindramponao sy araka ny namelanao ny helok’ity firenena ity hatrany Ejipta ka mandraka ankehitriny.

Dikateny Iombonana Eto Madagasikara

¹⁹ Tompo ô, araka ny halehiben’ny fitiavanao, dia mamelà ny fahotan’ny vahoakanao tahaka ny efa namelanao ny fahotany hatrany Ejipta ka hatraty.

Baiboly Katolika

¹⁹ Avelao ny helok’ity vahoaka ity, araka ny halehiben’ny famindram-ponao toy ny efa namelanao an’ity vahoaka ity, hatrany Ejipta ka hatreto!»

Baiboly Protestanta Malagasy

¹⁹ Mifona aminao aho, mamelà ny helok’ity firenena ity araka ny halehiben’ny famindramponao, sy araka ny namelanao ny helok’ity firenena ity hatrany Egypta ka mandraka ankehitriny.

Malagasy Bible

¹⁹ Mifona aminao aho, mamelà ny helok'ity firenena ity araka ny halehiben'ny famindram-ponao, sy araka ny namelanao ny helok'ity firenena ity hatrany Egypta ka mandraka ankehitriny.

La Bible en Malgache

¹⁹ Mifona aminao aho, mamelà ny helok’ity firenena ity araka ny halehiben’ny famindramponao sy araka ny namelanao ny helok’ity firenena ity hatrany Ejipta ka mandraka ankehitriny.

Nomery 14:19 Rohy Ifampitohizana

1Mpanjaka 8:34

dia mba mihainoa avy any an-danitra Ianao, TOMPO ô, ka mamelà ny fahotany ary mamerena azy indray amin’ny tany izay nomenao ny razany.

Salamo 106:45

Dia tsaroany ny fanekempihavanany hitsimbinana azy; be fitiavana Izy ka nanjary niova hevitra taminy.

Salamo 78:38

Be indrafo anefa Andriamanitra ka namela ny hadisoany ary tsy nandringana azy; nahatsindry hatezerana Izy ary nampitony fahavinirana.

Salamo 85:2

TOMPO ô, nanehoanao fitia ilay taninao ka nampodînao ny babo tamin’ny terak’i Jakôba.

Eksodosy 32:32

Koa ankehitriny raha sitrakao dia avelao ny helony, raha tsy izany dia vonoy ny anarako ao amin’ny bokim-piainana izay nosoratanao.

Eksodosy 33:17

Dia hoy ny TOMPO tamin’i Mosesy: –Hotanterahiko na dia izay vao nolazainao teo aza. Nahazo fanambinana teo imasoko manko ianao sady efa fantatro mihitsy.

Eksodosy 34:9

sady niantso hoe: –Tompo ô, efa nahazo fanambinana teo imasonao ihany aho, koa miangavy anao mba hiara-dia aminay. Maditra mafy hatoka ity vahoaka ity, nefa mba avelao ny heloka amam-pahotany, ka raiso ho vahoakanao izahay.

Isaia 55:7

Aoka ny olon-dratsy handao ny fanaony, ary ny mpanao ratsy hahafoy ny heviny. Aoka hiverina amin’ny TOMPO ireny fa hamindra fo aminy Izy. Aoka hiverina amin’Andriamanitsika ireny fa hihoa-pampana ny famelan-keloka homeny azy.

Daniela 9:19

Tompo ô, mihainoa; Tompo ô, mamelà heloka; Tompo ô, mandrenesa ka miasà; noho ny aminao aza ela Ianao, ry Andriamanitro ô, satria ny tanànanao sy ny vahoakanao dia efa niantsoina ny anaranao hitahianao azy.»

Amosa 7:2

Ary rehefa tapitra lanin’ny valala avokoa ny ahitra rehetra tamin’ny tany, dia hoy aho hoe: «Ry Tompo ANDRIAMANITRA ô, mba avelao re ny heloky ny vahoakanao! Fa fomba ahoana no hahajoroan’ny taranak’i Jakôba satria kely izy?»

Amosa 7:5

Dia hoy aho hoe: «Ry Tompo ANDRIANANAHARY ô, mba atsaharo amin’izay re! Fa fomba ahoana no hahajoroan’ny taranak’i Jakôba satria kely izy?»

Jona 3:10

Rehefa hitan’Andriamanitra ny fihetsik’ireo Ninivita izay niala tamin’ny toetra ratsiny, dia niova fanapahan-kevitra Izy ka tsy nampihatra ny loza izay nolazainy hamelezany azy.

Jona 4:2

Nivavaka tamin’ny TOMPO izy ka nanao hoe: –TOMPO ô, izao indrindra no efa nahîko raha mbola tany amin’ny fireneko aho, ka nahatonga ahy handositra hankany Tarsîsy. Fantatro manko fa Ianao dia Andriamanitra miantra sy mamindrafo, tsy mora tezitra sady be fitiavana ary vonon-kiova fanapahan-kevitra ny amin’ny loza.

Mika 7:18

Tsy misy andriamanitra mitovy aminao, ry TOMPO mpanaisotra ny heloka. sy mpamela ny fahadisoana. Noho ireo sisa velona aminay vahoaka fanananao, dia tsy mitahiry fahatezerana mandrakizay Ianao fa tia maneho fitiavana aminay.

Habakoka 3:2

TOMPO ô, efa reko izay nambaranao ka dia raiki-tahotra aho. TOMPO ô, enga anie ny asanao mba ho velombelona hatrany amin’izao andronay izao; eny, amin’izao andronay izao no ataovy fantatry ny olona izany. Fa na dia tezitra aza Ianao, asehoy anay ihany ny indrafonao.

Nomery 23:21

Tsy nahita tsiny tamin’ny taranak’i Jakôba ny TOMPO na faharatsiana teo amin’ny vahoaka israelita. Ny Tompo Andriamaniny no momba azy, ka anaovany fihobiana toy ny mpanjakany.

Jakoba 5:15

Fa izany vavaka izany, rehefa atao amim-pinoana, dia hahavonjy ilay marary: hositranin’ny Tompo izy ary, raha nanota, dia havela ny helony.