Nomery 10:1 - DIEM PROTESTANTA

¹ Hoy indray ny TOMPO tamin’i Mosesy:

Baiboly Protestanta Malagasy 2011

¹ Hoy NY TOMPO tamin’i Mosesy:

Dikateny Iombonana Eto Madagasikara

¹ Hoy indray ny TOMPO tamin’i Mosesy:

Baiboly Katolika

¹ Niteny tamin’i Môizy i Iaveh ka nanao hoe:

Baiboly Protestanta Malagasy

¹ ARY Jehovah niteny tamin’i Mosesy ka nanao hoe:

Malagasy Bible

¹ Ary Jehovah niteny tamin'i Mosesy ka nanao hoe:

La Bible en Malgache

¹ Hoy NY TOMPO tamin’i Mosesy:

Nomery 10:1 Rohy Ifampitohizana

Genesisy 42:13

Namaly kosa ireo hoe: –Misy 12 mirahalahy izahay mpanomponao, zanak’olona iray ihany any amin’ny tany Kanahàna; ary indro ny faralahy aminay aza dia nijanona any amin’ny rainay, fa ny iray kosa efa tsy ao intsony.

Genesisy 46:15

Ireo no zanakalahin’i Jakôba naterak’i Leà tany Mezôpôtamia ambony, miampy an’i Dinà anabaviny. Ny isan’izy rehetra mbamin’ny zanany na lahy na vavy dia telo amby telopolo.

2Samoela 6:15

Ary i Davida sy ny Israelita rehetra teo dia nitondra ny Vatamasin’ny TOMPO tamin’ny hoby sy ny feon’anjomara nankany Jerosalema.

2Mpanjaka 11:14

Ary indro hitany ny mpanjaka vaovao nitsangana araka ny fanao tambonin’ny lampihazo; ary ny mpihira sy ny mpitsoka trompetra no teo anilany. Nifaly ny vahoaka rehetra ary nampaneno trompetra ny mpitsoka mozika; fa i Hatalià kosa nandriatra ny fitafiany sady niantsoantso hoe: «Fikomiana! Fikomiana!»

2Tantara 23:13

Ary indro hitany ny mpanjaka vaovao nitsangana tambonin’ny lampihazo teo amin’ny fidirana, ka ny mpihira sy ny mpitsoka trompetra no teo anilany; nifaly ny vahoaka rehetra, nampaneno trompetra ny mpitsoka mozika, ary nandredona hira fiderana ireo mpihira omban’ny zava-maneno isan-karazany. Fa i Hatalià kosa nandriatra ny fitafiany sady niantsoantso hoe: «Fikomiana! Fikomiana!»

2Tantara 5:12

Ny levita mpihira rehetra kosa, izany hoe i Asafa sy i Hemàna ary i Jedotòna mbamin’ny zanany sy ny mpiray tarika aminy, dia nitafy rongony fotsy madinika; ary nitsangana teo atsinanan’ny alitara fisoronana izy ireo sady nitondra kipantsona sy valiha ary lokanga. Teo anilan’ny levita mpihira dia nisy koa mpisorona 120 izay nahay nitsoka trompetra.

2Tantara 7:6

Samy nanao ny anjara raharahany avy ny mpisorona fa ny levita kosa nisahana ny zava-maneno masina izay nampamboarin’i Davida mpanjaka mba hiderana ny TOMPO hoe: «Eny, maharitra mandrakizay ny fitiavany!», araka ny hira fiderana nasain’i Davida nataony. Dia nisy koa mpisorona nitsoka trômpetra tetsy andaniny; ary ny vahoaka israelita rehetra teo dia nitsangana avokoa.

Ezra 3:10

Nony nandatsaka ny fototr’ilay tempolin’ny TOMPO ireo mpiasa, dia nasaina nanatrika teo ny mpisorona nanao fanamiana sy nitondra trômpetra ary koa ny levita terak’i Asafa nitondra kipantsona, mba hidera ny TOMPO araka ny nandidian’i Davida mpanjakan’i Israely.

Salamo 47:5

Nofidiny ny zaratany holovanay ka izany no ireharehanay, satria izahay taranak’i Jakôba dia vahoaka tiany tokoa. Fiatoana

Salamo 81:3

Ingao ny hira, velezo ny amponga, tendreo ny lokanga tsara feo mbamin’ny valiha.

Salamo 98:6

Mihobia ilay TOMPO Mpanjaka amin’ny trompetra sy feon’anjomara.

Nomery 1:52

Ny Israelita dia samy hitoby eo amin’ny tobiny avy sy eo akaikin’ny vondron-tafiny avy.

Nomery 10:2

–Manaova trômpetra volafotsy roa tsara voatefy, izay hataonao fiantsoana ny fiangonana sy fampiaingana ny toby.

Nomery 29:1

«Amin’ny andro voalohan’ny volana fahafito dia hisy fivoriana masina ho anareo, ka tsy hanao ny asa fanaonareo andavanandro ianareo fa andro fitsofana trompetra izany.

Nomery 7:2

Avy eo dia niroso ireo filoham-pianakaviambe tamin’ny fokon’i Israely, izany hoe ireo nitarika ny fanisana.

Nomery 9:23

Baikon’ny TOMPO no nitobiany, ary baikon’ny TOMPO no niaingany. Nitandrina ny fanompoana ny TOMPO araka ny baiko nomeny tamin’ny alalan’i Mosesy izy ireo.

Matio 24:31

Dia hisy trompetra haneno mafy; ary hirahin’ny Zanak’olona ireo anjeliny, ka ireo no hanangona ny olom-boafidiny avy any amin’ny vazan-tany efatra, manomboka amin’ny faravodilanitra ankilany ka miafara amin’ny faravodilanitra andaniny.

Josoa 6:4

ka mpisorona fito samy mitondra trompetra iray avy no hialoha ny Vatamasina. Amin’ny andro fahafito dia hodidino impito ny tanàna, ary mandritra izany aoka ny mpisorona hitsoka ny trompetrany.

Apokalipsy 8:2

Dia hitako ireo anjely fito izay mijoro eo anatrehan’Andriamanitra; ary nomena trompetra fito ireo.

Mpitsara 7:20

Dia nanao toy izany koa ireo antokony roa hafa. Samy nihazona ny fanilo tamin’ny tanany havia izy rehetra ary nitana ny trompetra tamin’ny tanany havanana hitsofany azy; dia niantsoantso izy hoe: «Tafiho amin’izay, ho an’ny TOMPO sy ho an’i Gidehôna!»