Nehemia 5:8 - DIEM PROTESTANTA

⁸ sady niteny taminy hoe: –Izahay, araka izay tratry ny fanananay, dia efa nanavotra ny mpiray firenena aminay, izany hoe ireo Jiosy namidy tamin’ny hafa firenena; fa ianareo kosa mivarotra ny mpiray firenena aminareo, ka amintsika samy isika ihany no ivarotanareo azy. Dia sina ry zareo fa tsy nahita havaly.

Baiboly Protestanta Malagasy 2011

⁸ Hoy aho taminy: Izahay dia efa nanavotra ny Jiosy rahalahinay izay efa namidy tamin’ny Jentilisa, araka izay azonay natao; fa ianareo kosa, moa hivarotra ny rahalahinareo va ianareo ka hamidinareo aminay va izy? Dia sina izy fa tsy hitany izay havaliny.

Dikateny Iombonana Eto Madagasikara

⁸ sady niteny taminy hoe: –Izahay, araka izay tratry ny fanananay, dia efa nanavotra ny mpiray firenena aminay, izany hoe ireo Jiosy namidy tamin’ny hafa firenena; fa ianareo kosa mivarotra ny mpiray firenena aminareo, ka amintsika samy isika ihany no ivarotanareo azy. Dia sina ry zareo fa tsy nahita havaly.

Baiboly Katolika

⁸ dia nilaza taminy hoe: «Izahay nanavotra ny Jody rahalahintsika namidy tamin’ny firenena araka ny anananay, ka ianareo kosa ve, hivarotra ny rahalahinareo, sady hivarotra azy aminay!» Gina tsy nahita havaly izy ireo.

Baiboly Protestanta Malagasy

⁸ Ary hoy izaho taminy: Izahay araka izay tratry ny nanananay dia efa nanavotra ny Jiosy rahalahinay, izay efa namidy tamin’ny jentilisa; fa hianareo kosa moa hivarotra ny rahalahinareo va, ka hamidy aminay va izy? Dia sina izy, fa tsy hitany izay havaliny.

Malagasy Bible

⁸ Ary hoy izaho taminy: Izahay araka izay tratry ny nanananay dia efa nanavotra ny Jiosy rahalahinay, izay efa namidy tamin'ny jentilisa; fa ianareo kosa moa hivarotra ny rahalahinareo va, ka hamidy aminay va izy? Dia sina izy, fa tsy hitany izay havaliny.

La Bible en Malgache

⁸ Hoy aho taminy: Izahay dia efa nanavotra ny Jiosy rahalahinay izay efa namidy tamin’ny Jentilisa*, araka izay azonay natao; fa ianareo kosa, moa hivarotra ny rahalahinareo va ianareo ka hamidinareo aminay va izy? Dia sina izy fa tsy hitany izay havaliny.

Nehemia 5:8 Rohy Ifampitohizana

Nehemia 5:9

Ary hoy koa aho hoe: –Tsy tsara izao ataonareo izao! Moa tsy tokony niaina tamim-pahatahorana an’Andriamanitra ve ianareo mba tsy hiharan’ny fanaratsian’ireo hafa firenena fahavalontsika?

Joba 29:10

Tankina koa ny feon’ireo mpanapaka ka toa niraikitra tamin’ny lanilany ny lelany.

Joba 32:15

Indro fa very hevitra izy telo lahy, ry Jôba, hany ka tsy mamaly anao intsony ary tsy mahita izay hotenenina.

Eksodosy 21:16

«Izay maka olona an-keriny dia tsy maintsy vonoina ho faty na efa namidiny ilay olona na mbola tratra ao an-tranony.

Matio 22:12

ka nilazany hoe: «Ry sakaiza, ahoana ianao no tafiditra eto, kanefa tsy manana ny akanjo fitondra amin’ny fampakaram-bady?» Fa tsy nahateny ilay olona.

Matio 25:15

Koa ny anankiray dia nomeny denàry 30 000, ny anankiray denàry 12 000 ary ny anankiray denàry 6 000, samy araka izay fahaizany avy. Dia lasa ralehilahy tompom-pananana nandeha any an-tany hafa.

Matio 25:29

Eny, izay rehetra manana no homena hatrany ary hanam-be; fa izay tsy manana kosa, na izay kely ananany aza dia halàna aminy.

Romana 14:15

Raha miteraka alahelo ho an’ny namanao ny fihinananao zavatra, dia tsy mizotra araka ny fitiavana intsony ianao. Aza simbànao amin’ny fihinananao zavatra ilay namanao fa efa maty i Kristy ho famonjena azy.

Romana 3:19

Fantatsika kosa fa izay rehetra voalaza ao amin’ny lalàna dia voalaza ho an’izay eo ambanin’io lalàna io. Noho izany, dia tsy hisy hanan-kalahatra eo anatrehan’Andriamanitra; ary izao tontolo izao no hiaiky fa diso eo anoloany.

1Korintiana 8:11

Ka verin’ny fahalalànao ilay malemy ara-pinoana, dia ilay havana izay nahafoizan’i Kristy ny ainy.

2Korintiana 8:12

Fa raha misy ny risi-po hanome, dia ny manome araka izay ananana ihany no ankasitrahin’Andriamanitra, fa tsy hoe ny manome araka izay tsy ananana.

Galatiana 6:10

Koa dieny mbola manana andro isika, dia aoka hanao soa amin’ny olona rehetra, fa indrindra amin’ny mpianakavin’ny finoana.

Deoteronomia 24:7

Rehefa misy Israelita hita mangalatra ny anankiray amin’ireo mpiray firenena aminy ka manandevo azy na mivarotra azy, dia hatao maty ilay mpangalatra. Izany no hanesoranareo ny fanao ratsy ho fongotra eo aminareo.