Nehemia 4:7 - DIEM PROTESTANTA

⁷ Dia nasiako miaramila tamina toerana iva saingy voaaro, teo ivelan’ny manda; araka ny tarika nipoirany avy no nandaharako azy, samy nitana sabatra sy lefona ary tsipîka.

Baiboly Protestanta Malagasy 2011

⁷ dia nasiako olona teo amin’ny toerana ambany, teo ivelan’ny manda sy teo ankarihary; eny, nalahatro araka ny fokony avy ny olona ary samy nitana sabatra sy lefona ary tsipìka.

Dikateny Iombonana Eto Madagasikara

⁷ Dia nasiako miaramila tamina toerana iva saingy voaaro, teo ivelan’ny manda; araka ny tarika nipoirany avy no nandaharako azy, samy nitana sabatra sy lefona ary tsipîka.

Baiboly Katolika

⁷ Ka dia natokotokoko ara-pianakaviana ny vahoaka, samy nitondra ny sabany sy ny lefony aman-tsipìkany, ho any ivohon’ny manda, amin’ny ilany iva indrindra, amin’ny toerana tsy misy manakontakona.

Baiboly Protestanta Malagasy

⁷ dia nasiako olona teo amin’ny fitoerana ambany, teo ivelan’ny mànda sy teo an-karihary; eny, nalahatro ny olona araka ny fokony avy, samy nitana sabatra sy lefona ary tsipìka.

Malagasy Bible

⁷ dia nasiako olona teo amin'ny fitoerana ambany, teo ivelan'ny manda sy teo an-karihary; eny, nalahatro ny olona araka ny fokony avy, samy nitàna sabatra sy lefona ary tsipìka.

La Bible en Malgache

⁷ dia nasiako olona teo amin’ny toerana ambany, teo ivelan’ny manda sy teo ankarihary; eny, nalahatro araka ny fokony avy ny olona ary samy nitana sabatra sy lefona ary tsipìka.

Nehemia 4:7 Rohy Ifampitohizana

Genesisy 3:15

Hampifankahalaiko ianao sy ny vehivavy, ary ny taranakao sy ny taranany. Ny tarana-behivavy no hanorotoro ny lohanao, ary ianao kosa hanorotoro ny ombalahitongotry ny taranany.

2Mpanjaka 24:2

Tamin’izay i Jôiakima dia nandefasan’ny TOMPO andian-dahalo babilônianina sy andian-dahalo sirianina ary andian-dahalo môabita sy hamônita hamely ny tanin’i Joda ka nandrava azy araka izay nolazain’ny TOMPO tamin’ny alalan’ireo mpaminany.

2Tantara 20:1

Taorian’izay, dia avy hiady tamin’i Jôsafata ny Môabita sy ny Hamônita mbamin’ny Mehonita sasany.

Ezra 5:8

Aoka mba ho fantatrao fa teny amin’ny faritanin’i Joda sy tao amin’ny tranon’ilay Andriamanitra lehibe izahay. Aorina indray io trano io izao, ka vato vaventy no ampiasaina ary hazo matevina no alatsaka amin’ny rindrina; voakaly tsara ary mandroso haingana izany asa eo am-pelatanan’ny Jiosy izany.

Nehemia 2:10

Raha nahare izany i Sanebalato ilay Hôrônita sy i Tôbià ilay Hamônita mpanampy azy, dia samy sosotra tokoa satria nisy lehilahy tonga hikarakara izay hahasoa ny Israelita.

Nehemia 2:19

Fa raha nahare izany i Sanebalato ilay Hôrônita sy i Tôbià ilay Hamônita mpanampy azy ary i Gesema ilay Arabo, dia nanaraby sy naneso anay hoe: –Inona izao zavatra hataonareo izao? Hikomy amin’ny amperôra angaha ianareo?

Nehemia 4:1

Rehefa ren’i Sanebalato sy i Tôbià mbamin’ny Arabo sy ny Hamônita ary ny Asdôdita fa mandroso ny fanamboarana ny mandan’i Jerosalema ka efa ho voatampina ny banga, dia nirehitra mafy ny fahatezerany.

Nehemia 4:6

Ny Jiosy izay nonina teo akaikin’ireo fahavalonay ireo dia tonga nampandre anay impolo kely hoe: «Hatraiza hatraiza no iavian-dry zareo hamely antsika!»

Nehemia 4:8

Rehefa nijery izany aho, dia niainga nilaza tamin’ny loholona sy mpanapaka mbamin’ny vahoaka sisa hoe: –Aza atahorana ny fahavalonareo! Tsarovy fa ny Tompo no lehibe sy mahatahotra; ka miadia hiaro ny rahalahinareo sy ny zanakareo lahy aman-janakareo vavy ary ny vadinareo sy ny tranonareo.

Nehemia 6:16

Rehefa ren’ny fahavalonay tamin’ny firenena manodidina rehetra izany, dia raiki-tahotra ry zareo sady nahatsapa ny maha tsinontsinona azy. Ary niaiky ireo fahavalonay fa ilay Andriamanitray no nahavitana izany asa izany.

Jeremia 25:20

miaraka amin’ireo firenena madinika samihafa monina any Ejipta; –ireo mpanjaka rehetra amin’ny tany Hotsy; –ireo mpanjaka rehetra amin’ny tanin’ny Filistinina: dia ny tao Askelôna sy tao Gazà sy tao Hekrôna ary tao amin’ny faritra sisa eo Asdôda;

Jeremia 41:10

Avy eo dia nentin’i Jismahela ho babo ny sisa tamin’ny mponina tao Mitsepà mbamin’ireo zanakavavin’ny mpanjaka, izany hoe ny olona rehetra napetrak’i Nebozaradàna lehiben’ny mpiambina tamin’i Gedalià; ka nitondra ireo babo ireo i Jismahela no lasa nankany amin’ny Hamônita.

Amosa 1:13

Izao no lazain’ny TOMPO: «Fahotana mifanesy no vitan’ny Hamônita, fa indrindra ity anankiray ity: Notatahany ny kibon’ireo bevohòka tao Gilehada mba hanitarana faritany. Noho izany, dia tsy hahemotro ny sazy momba azy:

Amosa 1:8

Dia haringako ny mponina ao Asdôda sy ilay mpitana tehim-panjakana ao Askelôna; ary hahodiko hamely an’i Hekrôna ny tanako ka ho faty izay sisa amin’ny Filistinina. Izaho Tompo ANDRIANANAHARY no miteny.»

Amosa 3:9

Ataovy re eny an-tafon-tranon’ireo lapa ao Asdôda sy eny an-tafon-tranon’ireo lapa any Ejipta, ka lazao hoe: «Mivoria eny an-tendrombohitr’i Samaria ianareo, ka jereo ny korontana marobe eo anivony sy ny famoretana mihatra ao anatiny.»

Asan’ny Apostoly 5:33

Nisafoaka ny tao amin’ny Fitsarana ambony raha nandre izany teny izany ka nikasa hamono ny apôstôly.

Apokalipsy 12:17

Dia tezitra tamin-dravehivavy ny dràgona ka lasa nandeha tamin’ny taranany sisa, izay mitandrina ny didin’Andriamanitra sy mitana ny hafatra nijoroan’i Jesoa ho vavolombelona; ary nijanona teo amin’ny fasi-dranomasina ilay dràgona.

1Samoela 11:2

Fa hoy ny navalin’i Nahasy azy: –Sitrako ny hanao fanekena aminareo raha toa ka hopotseriko avokoa ny masonareo ankavanana; fa ny hahafa-baràka an’i Israely manontolo mihitsy no tadiaviko.