Nehemia 13:25 - DIEM PROTESTANTA

²⁵ Dia nifandahatra tamin’ireo lehilahy ireo aho ka nanozona azy; nokapohiko aza ny sasany ary norombotako ny volon-dohany. Dia nampianiana azy tamin’Andriamanitra aho mba tsy hanome ny zanakavaviny ho vadin’ny hafa firenena, ary mba tsy haka ny zanakavavin’ny hafa firenena ho vadin’ny tenany na ny zanakalahiny; sady hoy aho hoe:

Baiboly Protestanta Malagasy 2011

²⁵ Dia nifandahatra taminy aho ka nanozona azy ary namely ny sasany sy nanongotra ny volony, dia nampianiana azy tamin’Andriamanitra hoe: Aza manome ny zanakareo vavy ho vadin’ny zanany lahy ary aza maka ny zanany vavy ho vadin’ny zanakareo lahy, na ho vadinareo.

Dikateny Iombonana Eto Madagasikara

²⁵ Dia nifandahatra tamin’ireo lehilahy ireo aho ka nanozona azy; nokapohiko aza ny sasany ary norombotako ny volon-dohany. Dia nampianiana azy tamin’Andriamanitra aho mba tsy hanome ny zanakavaviny ho vadin’ny hafa firenena, ary mba tsy haka ny zanakavavin’ny hafa firenena ho vadin’ny tenany na ny zanakalahiny; sady hoy aho hoe:

Baiboly Katolika

²⁵ Nasiako teny mafy izy ireo sy nozoniko; maro no nokapohiko, nombotako ny volony, ary nangataka nitalaho tamin’izy ireo aho, tamin’ny anaran’Andriamanitra, nanao hoe: «Ny zanakareo vavy, tsy homenareo ho vadin’ny zanany lahy, ary ny zanany vavy tsy halainareo ho vadin’ny zanakareo lahy, na ho vadinareo.»

Baiboly Protestanta Malagasy

²⁵ Dia nifandahatra taminy aho ka nanozona azy ary namely ny sasany sy nandrompotra ny volony, dia nampianiana azy tamin’Andriamanitra hoe: Aza manome ny zanakareo-vavy ho vadin’ny zanani-lahy, ary aza maka ny zanani-vavy ho vadin’ny zanakareo-lahy, na ho vadinareo.

Malagasy Bible

²⁵ Dia nifandahatra taminy aho ka nanozona azy ary namely ny sasany sy nandrompotra ny volony, dia nampianiana azy tamin'Andriamanitra hoe: Aza manome ny zanakareo-vavy ho vadin'ny zananilahy, ary aza maka ny zananivavy ho vadin'ny zanakareo-lahy, na ho vadinareo.

La Bible en Malgache

²⁵ Dia nifandahatra taminy aho ka nanozona azy ary namely ny sasany sy nanongotra ny volony, dia nampianiana azy tamin’Andriamanitra hoe: Aza manome ny zanakareo vavy ho vadin’ny zanany lahy ary aza maka ny zanany vavy ho vadin’ny zanakareo lahy, na ho vadinareo.

Nehemia 13:25 Rohy Ifampitohizana

2Mpanjaka 2:24

Dia nitodika i Elisà nijery azy ka nanozona azy tamin’ny anaran’ny TOMPO. Ary nisy orsa roa nivoaka avy tany an’ala namiravira ny 42 tamin’ireo ankizy ireo.

Ezra 10:5

Dia nitsangana i Hezrà ka nampianiana ny lohandohan’ireo mpisorona levita sy ireo filohan’ny Israelita hanao araka izany tolokevitr’i Sekanià izany; ary dia nianiana ireo.

Ezra 7:26

Ary na iza na iza tsy mety mankatò ny lalànan’Andriamanitrao sy ny lalànan’ny amperôra, dia aoka izy hotsaraina araka ny rariny ka hovonoina, na horoahina, na hosazîna vola, na hatao am-ponja».

Nehemia 13:11

Dia nifandahatra tamin’ny mpanapaka aho ka nanao hoe: –Nahoana no dia navela hilaozana ny tranon’Andriamanitra? Dia namory ny levita sy ny mpihira aho ka nametraka azy teo amin’ny anjara toerany avy;

Nehemia 13:17

Dia nifandahatra tamin’ireo loholon’i Joda aho ka nanao taminy hoe: –Inona izao zava-dratsy ataonareo izao, no dia tsy hajainareo ny andro sabata?

Nehemia 13:24

Ny antsasaky ny zanak’ireo dia nampiasa ny fiteny asdôdita, ny sasany kosa nanaraka ny fiteny isam-pireneny avy, fa tsy nahay ny fiteny jiosy intsony.

Nehemia 5:13

Avy eo aho dia nanakopaka ny lambako sady niteny hoe: –Ho tahaka izany anie no hanakopahan’Andriamanitra ny olona rehetra izay tsy hahatanteraka izany toky nomena izany! Eny, ho voakopaka hiala amin’ny tranony sy ny fananany anie izy, ka ho tavela tsy hanana na inona na inona! Dia ny fivoriam-be no indray namaly hoe «Amen» sady nidera ny TOMPO; ary nanao araka izany toky nomena izany tokoa ny olona.

Nehemia 5:6

Dia tezitra mafy aho rehefa nahare ny fitarainan’ny olona sy izany teny izany.

Salamo 119:53

Entanin’ny fahatezerana mafy aho fa mandao ny lalànanao ny olon-dratsy.

Salamo 15:4

tsy miraharaha izay lavin’Andriamanitra, fa manaja an’ireo mpivavaka amin’ny TOMPO, tsy mivadika amin’ny fianianana vita na dia maningotra ny tenany aza izany;

Eksodosy 34:16

Ary haka vady amin’ny zanany vavy ireo zanakalahinareo, ka ireo vehivavy ireo dia hitarika ny zanakalahinareo hanaraka ny fanompoam-pivavahana fanaony amin’ireo andriamaniny.

Ohabolana 28:4

Izay mahafoy ny lalàna dia mandoka ny olon-dratsy, fa izay mitandrina izany kosa miady aminy.

Isaia 50:6

Ny lamosiko atolotro amin’ireo mpikapoka ahy, ary ny takolako amin’ireo mpanongo-bolom-bava. Ny tavako tsy nafeniko ho difin’ny fanevatevana sy ny fandrorana natao tamiko.

Deoteronomia 6:13

Ilay TOMPO Andriamanitrareo ihany no hohajainareo, Izy no hotompoinareo, ary ny anarany no aoka hianiananareo.

Deoteronomia 7:3

Aza mampifanambady ny zanakareo aminy; ny zanakavavinareo tsy homenareo ho vadin’ny zanakalahiny, ary ny zanakavaviny tsy halainareo ho vadin’ny zanakalahinareo.

Josoa 23:12

Fa raha tàhiny miodina aminy ianareo ka mikambana amin’ireo firenena izay mbola tavela eo aminareo, raha mifanambady aminy ianareo ka mifangaro aminy,