Mpitsara 8:10 - DIEM PROTESTANTA

¹⁰ I Zebaha sy i Tsalmonà tamin’io dia tao Karkôra niaraka tamin’ny andian-tafiny 15 eo ho eo. Izay no sisa tamin’ny tafik’ireo mpifindrafindra lasy avy any atsinanana, satria nahafatesana andian-tafika 120 nisy vatan-dehilahy kinga famely sabatra avokoa.

Baiboly Protestanta Malagasy 2011

¹⁰ Ary i Zebaha sy i Zalmona dia tonga tao Karkora, niaraka tamin’ny miaramila tokony ho lehilahy dimy arivo sy iray alina, dia izay rehetra sisa tavela tamin’ny miaramila rehetra izay an’ny zanaky ny Atsinanana; ny maty kosa dia roa alina sy iray hetsy, samy lehilahy mpitan-tsabatra avokoa.

Dikateny Iombonana Eto Madagasikara

¹⁰ I Zebaha sy i Tsalmonà tamin’io dia tao Karkôra niaraka tamin’ny andian-tafiny 15 eo ho eo. Izay no sisa tamin’ny tafik’ireo mpifindrafindra lasy avy any atsinanana, satria nahafatesana andian-tafika 120 nisy vatan-dehilahy kinga famely sabatra avokoa.

Baiboly Katolika

¹⁰ Tany Karkôra i Zebea sy i Salmanà mbamin’ny tafiny niaraka taminy, dia lehilahy tokony ho dimy arivo sy iray alina, izay rehetra sisa tamin’ny foloalindahin’ny zanaky ny Atsinanana manontolo, fa maty ny lehilahy roa alina sy iray hetsy samy mpitan-tsabatra avokoa.

Baiboly Protestanta Malagasy

¹⁰ Ary Zebaha sy Zalmona dia tonga tao Karkora mbamin’ny miaramila teo aminy, tokony ho dimy arivo sy iray alin-dahy, dia izay sisa rehetra tamin’ny miaramila rehetra an’ny zanaky ny atsinanana; ary ny maty kosa dia roa alina sy iray hetsy, samy lehilahy mpitan-tsabatra avokoa ireo.

Malagasy Bible

¹⁰ Ary Zebaha sy Zalmona dia tonga tao Karkora mbamin'ny miaramila teo aminy tokony ho dimy arivo sy iray alin-dahy, dia izay sisa rehetra tamin'ny miaramila rehetra an'ny zanaky ny atsinanana; ary ny maty kosa dia roa alina sy iray hetsy, samy lehilahy mpitan-tsabatra avokoa ireo.

La Bible en Malgache

¹⁰ Ary i Zebaha sy i Zalmona dia tonga tao Karkora, niaraka tamin’ny miaramila tokony ho lehilahy dimy arivo sy iray alina, dia izay rehetra sisa tavela tamin’ny miaramila rehetra izay an’ny zanaky ny Atsinanana; ny maty kosa dia roa alina sy iray hetsy, samy lehilahy mpitan-tsabatra avokoa.

Mpitsara 8:10 Rohy Ifampitohizana

2Mpanjaka 3:26

Ary rehefa hitan’ny mpanjakan’i Môaba fa tsy hahatohitra ny fanafihana izy, dia namory miaramila fitonjato lahy mpitan-tsabatra hiaraka aminy mba hanavatsava hankany amin’ny mpanjakan’i Siria, nefa tsy nahomby.

2Tantara 13:17

Faharesena goavana no namaizan’i Abià sy ny tafiny azy, ka nataony niampatrampatra ny fatin’ireo miaramila israelita voafantina nisy andiany dimanjato.

2Tantara 28:6

Indray andro monja i Peka dia nampamono ho faty vondro-miaramila jodeanina 120, noho ny nandaozan’ireo ny TOMPO Andriamanitry ny razany.

2Tantara 28:8

Dia nahazo olona sambo-belona roa hetsy tamin’ireo havany tatsimo ny Israelita, dia zaza amam-behivavy; nahazo babo betsaka taminy koa izy, ka nitondra ireny tany Samaria.

Isaia 37:36

Dia niainga hankao an-tobin’ny Asirianina ilay anjelin’ny TOMPO ka nisy 185 ny antoko-miaramila naripany; ary raha vao nifoha ny sisa velona tamin’ny maraina, dia nahita fa efa maty avokoa ireo.

Isaia 9:4

Fa ny kiraro rehetra entim-pahavalo ka mikatrokatroka mampihozongozon-tany ary ny fitafiana rehetra voahorona mihosin-dra dia samy hodorana avokoa ho levon’ny afo.

Mpitsara 20:15

Tamin’izany andro izany dia natao fanisana ny Benjaminita avy amin’ny tanàna manodidina, ka andiany 26 ny vatan-dehilahy kinga famely sabatra, afa-tsy ireo mponin’i Gibehà izay nanao fanisa-miaramila koa.

Mpitsara 20:17

Tetsy an-kilany, rehefa natao fanisana kosa ireo vatan-dehilahy tamin’ny Israelita hafa, dia nahitana vata-miaramila nisy andiany efajato samy kinga famely sabatra sady zatra ady avokoa.

Mpitsara 20:2

Ny lehibe rehetra sy ny lehilahy rehetra tao amin’ny fokon’i Israely dia tonga tao amin’io fivorian’ny vahoakan’Andriamanitra io avokoa, izany hoe vatan-dehilahy andiany efajato, samy miaramila an-tongotra sy kinga famely sabatra.

Mpitsara 20:25

Kinanjo tamin’io andro faharoa io dia nivoaka avy tao Gibehà ny Benjaminita ka nandringana andiany 18 indray tamin’ny vatan-dehilahy israelita, dia lehilahy kinga famely sabatra avokoa.

Mpitsara 20:35

Nataon’ny TOMPO resy teo anatrehan’ny Israelita ireo Benjaminita, ka nahafatesana vatan-dehilahy miisa andiany 25 miampy 100 lahy tamin’izay andro izay, dia lehilahy kinga famely sabatra avokoa.

Mpitsara 20:46

Ny tontalin’ny Benjaminita maty tamin’izany andro izany dia vatan-dehilahy andiany 25, ka lehilahy kinga famely sabatra sady samy mahery fo avokoa.

Mpitsara 6:5

Nifindrafindra niaraka tamin’ny biby fiompiny sy ny lainy ireny sady toy ny valala no fiaviny; fa maro izy mbamin’ny ramevany ka tsy hita isa. Niditra tamin’ny tany izy mba handrava azy;

Mpitsara 7:12

Ary ny Midianita sy ny Hamalekita ary ireo mpifindrafindra lasy avy any atsinanana dia niparitaka teny amin’ny lemaka fa marobe tahaka ny valala; ny ramevany dia tsy hita isa fa tahaka ny fasika eny amoron-dranomasina.

Mpitsara 7:13

Ary fony tonga teo amin’ny toby i Gidehôna, dia nisy lehilahy iray nitantara ny nofiny tamin’ny namany hoe: –Nanonofy aho, ka hitako fa nisy mofo ôrza iray nikodiadia namaky ny tobintsika Midianita; nahavoadòna tranolay anankiray izany ka nampiongana azy hivadika ambony ambany.

Mpitsara 7:22

Ary raha nitsoka trompetra ireo telonjato lahy, dia nampifamonoan’ny TOMPO tamin’ny sabatra ny samy Midianita eran’ny toby manontolo. Ary izay sisa tsy maty dia nandositra hatrany Bety-Sità, an-dalana ho any Tseredà, sy hatrany an-tsisin’i Abela-Mehôlà, akaikin’i Tabata.

Mpitsara 8:11

Ny lalan’ny mpifindrafindra lasy, teo atsinanan’ny faritra misy ny tarika Nôba sy ny tanàna Jôgbôhà, no narahin’i Gidehôna ka namelezany ny tobin’ny fahavalony izay tsy nanampo akory.