Mpitsara 7:23 - DIEM PROTESTANTA

²³ Dia novorina ny vatan-dehilahy israelita avy amin’ny foko naftalita sy i aserita ary koa avy amin’ny foko manasita manontolo ka nanenjika ny Midianita.

Baiboly Protestanta Malagasy 2011

²³ Dia nivory ny lehilahin’ny Israely avy tamin’ny Naftaly sy ny Asera ary ny Manase rehetra ka nanenjika ny Midianita.

Dikateny Iombonana Eto Madagasikara

²³ Dia novorina ny vatan-dehilahy israelita avy amin’ny foko naftalita sy i aserita ary koa avy amin’ny foko manasita manontolo ka nanenjika ny Midianita.

Baiboly Katolika

²³ Dia nivory ny lehilahy amin’i Israely, ny avy amin’i Neftalì sy amin’i Asera ary amin’i Manase rehetra, ka nanenjika an’i Madiàna.

Baiboly Protestanta Malagasy

²³ Dia nivory ny lehilahy amin’ny Isiraely avy tamin’ny Naftaly sy ny Asera ary ny Manase rehetra ka nanenjika ny Midiana.

Malagasy Bible

²³ Dia nivory ny lehilahy amin'ny Isiraely avy tamin'ny Naftaly sy ny Asera ary ny Manase rehetra ka nanenjika ny Midiana.

La Bible en Malgache

²³ Dia nivory ny lehilahin’ny Israely avy tamin’ny Naftaly sy ny Asera ary ny Manase rehetra ka nanenjika ny Midianita.

Mpitsara 7:23 Rohy Ifampitohizana

Genesisy 36:35

Rehefa maty i Hosama, dia nanjaka nandimby azy i Hadada, zanakalahin’i Bedada, avy ao an-tanànan’i Havita. Izy io no nandresy ny Midianita teny an-tsahan’i Môaba.

1Mpanjaka 20:20

ka samy namely izay nifanandrina taminy; ary nitsoaka nandositra ny Sirianina, nefa nenjehin’ny Israelita. Fa i Bena-Hadada mpanjakan’i Siria kosa nandositra nitaingin-tsoavaly niaraka tamin’ny mpitaingin-tsoavaly hafa.

1Mpanjaka 20:21

Nivoaka nanafika koa ny mpanjakan’i Israely ka namely ny mpitaingin-tsoavaly mbamin’ny kalesy; ary dia marobe ny Sirianina matiny.

Levitikosy 26:7

Hataonareo mandositra ny fahavalonareo ka ho lavon-tsabatra eo anoloanareo;

Mpitsara 6:35

Nandefa iraka tany amin’ny faritany manasita manontolo koa izy mba hiantso ny vatan-dehilahy any hanaraka azy. Mbola nandefa iraka tany amin’ny foko aserita sy i zebolonita ary naftalita koa izy ka tonga nanaraka azy ny vatan-dehilahy tamin’ireny.