Mpitsara 2:4 - DIEM PROTESTANTA

⁴ Rehefa avy nilaza izany teny izany ilay anjelin’ny TOMPO, dia nanandra-peo nitomany kosa ny Israelita rehetra.

Baiboly Protestanta Malagasy 2011

⁴ Nony niteny izany teny izany tamin’ny Zanak’Israely rehetra ilay Anjelin’NY TOMPO dia nanandratra ny feony ny vahoaka ka nitomany.

Dikateny Iombonana Eto Madagasikara

⁴ Rehefa avy nilaza izany teny izany ilay anjelin’ny TOMPO, dia nanandra-peo nitomany kosa ny Israelita rehetra.

Baiboly Katolika

⁴ Mbola nilaza izany teny izany tamin’ny zanak’i Israely ilay Anjelin’i Iaveh dia efa nanandra-peo nitomany ny vahoaka.

Baiboly Protestanta Malagasy

⁴ Ary nony niteny izany teny izany tamin’ny Zanak’Isiraely rehetra Ilay Anjelin’i Jehovah, dia nanandratra ny feony ny vahoaka ka nitomany.

Malagasy Bible

⁴ Ary nony niteny izany teny izany tamin'ny Zanak'Isiraely rehetra Ilay Anjelin'i Jehovah, dia nanandratra ny feony ny vahoaka ka nitomany.

La Bible en Malgache

⁴ Nony niteny izany teny izany tamin’ny Zanak’Israely rehetra ilay Anjelin’NY TOMPO dia nanandratra ny feony ny vahoaka ka nitomany.

Mpitsara 2:4 Rohy Ifampitohizana

Ezra 10:1

Raha mbola nanao izany vavaka fieken-keloka izany i Hezrà sady nitomany sy niankohoka teo anoloan’ny tranon’Andriamanitra, dia nisy vahoaka israelita maro, lehilahy sy vehivavy mbamin’ny ankizy madinika, nivory nanodidina azy; ary nitomany mafy dia mafy izy rehetra.

Ohabolana 17:10

Mandaitra kokoa ny anatra iray amin’ny olona misaina noho ny kapoka injato amin’ny olona adala.

Jeremia 31:9

Tonga am-pitomaniana izy ka narahiko sady nampiononiko. Any amin’ny lemaka misy rano no hitarihako azy ary lala-mahitsy no hizorany ka tsy ho tafintohina izy. Ho Ray Aho amin’i Israely, ary ho lahimatoako i Efraîma.»

Joela 2:12

Hoy ny teny hentitry ny Tompo: «Dieny ankehitriny, miverena amiko amin’ny fonareo manontolo: mifadia hanina, mitomania ary manaova fitalahoana.

Zakaria 12:10

Fanahim-pangorahana sy fanahim-bavaka no hanentanako ny taranak’i Davida sy ny mponin’i Jerosalema. Ka hijery Ahy ireo noho ny amin’Ilay nolefoniny, ary hisaona azy toy ny fisaonana zanakalahy tokana sady hitomany azy toy ny fitomaniana lahimatoa.

Lioka 6:21

Sambatra ianareo noana ankehitriny, fa hovokisan’Andriamanitra! Sambatra ianareo mitomany ankehitriny, fa hampifalîn’Andriamanitra!

Lioka 7:38

ka indro izy nankeo ivohon’i Jesoa ary nitomany dia nitomany teo an-tongony. Kotsan’ny ranomaso ny tongotr’i Jesoa ka nofaohin-dravehivavy tamin’ny volon-dohany, norokorohany tamim-pitiavana ary nohosorany an’ilay ilomanitra.

2Korintiana 7:10

Satria ny alahelo araka an’Andriamanitra dia mahatonga hiala amin’ny toe-dratsy, mba hiroso amin’ny famonjena tsy anenenana; fa ny alahelon’izao tontolo izao kosa dia mahatonga fahafatesana.

Jakoba 4:9

Malahelova, mitomania ary midradradradrà; aoka hody fitomaniana ny fihomehezanareo ary hody alahelo ny fifalianareo.

Mpitsara 2:3

Noho izany tapa-kevitra Aho fa tsy handroaka azy eo anoloanareo. Ho fandrika hamely anareo izy; ary ho longoa hahavoa anareo koa ny andriamaniny.

Mpitsara 2:5

Ary izany toerana izany dia nantsoiny hoe Bokima na Mpitomany; dia nanao sorona teo izy ho an’ny TOMPO.

1Samoela 11:4

Rehefa tonga tany Gibehà tanànan’i Saoly ireo iraka ka nitantara ny vaovao misy, dia samy nigogogogo nitomany ny vahoaka rehetra.

1Samoela 7:6

Dia tafangona tao Mitsepà ny Israelita. Nanovo rano izy ireo, dia nararany tamin’ny tany teo anatrehan’ny TOMPO izany. Nifady hanina koa izy tamin’izany andro izany sady niaiky heloka hoe: «Efa nanota tamin’ny TOMPO izahay.» Tao Mitsepà no nahatonga an’i Samoela ho filohan’ny vahoaka Israely.