Mpitsara 2:11 - DIEM PROTESTANTA

¹¹ Ary nanao izay ratsy eo imason’ny TOMPO ny Israelita fa nanompo ireo Bahala andriamani-tsiizy.

Baiboly Protestanta Malagasy 2011

¹¹ Nanao izay ratsy teo imason’NY TOMPO ny Zanak’Israely satria nanompo ireo Baala

Dikateny Iombonana Eto Madagasikara

¹¹ Ary nanao izay ratsy eo imason’ny TOMPO ny Israelita fa nanompo ireo Bahala andriamani-tsiizy.

Baiboly Katolika

¹¹ Nanao izay ratsy eo imason’i Iaveh ny zanak’i Israely, fa nanompo ireo Baala.

Baiboly Protestanta Malagasy

¹¹ Ary nanao izay ratsy eo imason’i Jehovah ny Zanak’Isiraely, fa nanompo ireo Bala

Malagasy Bible

¹¹ Ary nanao izay ratsy eo imason'i Jehovah ny Zanak'Isiraely, fa nanompo ireo Bala

La Bible en Malgache

¹¹ Nanao izay ratsy teo imason’NY TOMPO ny Zanak’Israely satria nanompo ireo Baala*

Mpitsara 2:11 Rohy Ifampitohizana

Genesisy 13:13

Ny mponina tao Sôdôma dia tena ratsy toetra sady nanota mafy tamin’ny TOMPO.

Genesisy 38:7

Fa ratsy fanahy teo imason’ny TOMPO i Hera ka nampamonoin’ny TOMPO ho faty.

1Mpanjaka 11:5

fa nanompo an’i Hastôreta andriamani-bavin’ny Tsidônianina sy nanompo an’i Milkôma andriamani-tsampin’ny Hamônita.

1Mpanjaka 18:18

Fa i Elià namaly hoe: –Tsy izaho no mpitondra loza amin’i Israely, fa ianao sy ny fianakavianao satria nandà ny didin’ny TOMPO ianareo sady nivavaka tamin’ireo andriamanitra Bahala.

1Mpanjaka 22:53

Nanao izay ratsy eo imason’ny TOMPO izy fa nanaraka ny toetran’ny rainy sy ny reniny ary ny toetran’i Jerôbohama izay zanakalahin’i Nebata sady nampanota an’i Israely.

2Tantara 28:2

fa nitondra tena tahaka ny mpanjakan’i Israely avaratra. Nanao sarivongan-tsampy ho fanajana an’ireo Bahala mihitsy aza i Ahaza.

2Tantara 28:3

Nandoro vovo-javamanitra tao amin’ny lohasahan’i Bena-Hinôma koa izy, ary nanolotra ny zanany ho sorona dorana tamin’ny afo, araka ny fomba maharikoriko fanaon’ny hafa firenena izay noroahin’ny TOMPO teo anoloan’ny Israelita.

2Tantara 33:6

ary na ireo zanany lahy aza dia natolony ho sorona dorana teo an-dohasahan’i Bena-Hinôma. Ankoatra izany dia mbola nanandro sady nisikidy sy nanao ody mahery izy, ary naka hevitra tamin’ny olona tsindrian-javatra sy mpanao fitokavana. Dia nahery nanao izay ratsy eo imason’ny TOMPO izy, ka nampahatezitra Azy.

Ezra 8:12

i Jôhanàna, zanakalahin’i Hakatàna, mbamin’ireo namany 110 lahy, samy avy amin’ny terak’i Hazgada;

Nehemia 9:26

Kanefa nikomiany sy niodinany Ianao, nariany lavitra azy ny lalànao, novonoiny ny mpaminaninao izay nananatra azy mafy hiverina aminao; koa notevatevainy tokoa Ianao.

Salamo 78:56

Nefa nihantsy an’Andriamanitra Avo Indrindra izy ka nikomy taminy sy nandika ny didiny;

Jeremia 11:10

Niverina amin’ny fahadisoan’ireo razany taloha izay tsy mety nihaino ny teniko izy, ka lasa nanaraka andriamani-kafa mba hanompo azy. Nivadika tamin’ny fanekempihavanana izay nataoko tamin’ny razany ny olon’i Israely sy ny olon’i Joda.

Jeremia 16:11

Ny havalinao kosa dia hoe: ‹Satria nahafoy Ahy ny razanareo ka nifikitra tamin’ny andriamani-kafa ary nanompo azy sy niankohoka teo anatrehany. Teny hentitra avy amiko TOMPO izany. Nahafoy Ahy izy ary tsy nitandrina ny lalànako.

Jeremia 2:20

Hatramin’ny ela no efa nanapahanao ny zioganao ary namahanao ny fatoranao tamiko ka nilazanao hoe: «Tsy hanompo intsony aho». Kinanjo teny amin’ny havoana rehetra sy teny am-pototry ny hazo maitso rehetra teny no nitsilailay toy ny vehivavy mpivaro-tena ianao.

Jeremia 2:23

Ahoana no ahasahianao nilaza hoe: «Tsy nandoto tena aho, tsy nanaraka ny fivavahana tamin’i Bahala?» Jereo ange izay nataonao tao an-tsaha e! Aoka hiaiky izay nataonao ianao, fa toy ny ramevavavy mihazakazaka etsy sy eroa.

Jeremia 32:23

Tonga teto tokoa izy ary naka ny tany ho fananany; saingy tsy nihaino izay nolazainao izy, ary tsy nanaraka ny lalànao sady tsy nanatanteraka ny zavatra rehetra nasainao nataony; koa izany no nampiharanao izao loza rehetra izao aminy.

Jeremia 9:14

Noho izany, hoy ny TOMPOn’izao rehetra izao sady Andriamanitr’i Israely, indro hofahanako zava-mahafaty ity vahoaka ity, ary hampisotroiko rano misy poizina.

Nomery 25:3

Nanolo-tena hivavaka tao Bahala-Pehôra ny Israelita, ka nirehetan’ny fahatezeran’ny Tompo.

Deoteronomia 31:16

Dia hoy ny TOMPO tamin’i Mosesy: –Indro hodimandry any amin’ny razanao ianao; ary ity vahoaka ity kosa hiainga hanompo sampy ka hanaraka andriamani-kafa tompoina any amin’ny tany izay efa hidirany honenana. Hilaozany Aho ary hivadihany ny fanekempihavanana izay nataoko taminy.

Deoteronomia 4:25

Rehefa ela hitoerana eo amin’ilay tany ianareo ka hiteraka sy ho loa-jafy, dia aza mihasimba toetra ka hanao sarin-javatra voasokitra ho sampinareo araka ireo endri-javatra isan-karazany ireo, na hanao izay ratsy eo imason’ny TOMPO Andriamanitrareo ka hampahatezitra Azy.

Mpitsara 10:10

Noho izany dia niantso vonjy tamin’ny TOMPO izy ka nanao hoe: –Nanota taminao izahay, satria nandao Anao Andriamanitray ka nanompo ny Bahala andriamani-tsiizy.

Mpitsara 10:6

Ary mbola nanao izay ratsy eo imason’ny TOMPO indray ny Israelita ka nanompo ny Bahala sy Hastarôta andriamani-tsiizy, mbamin’ny andriamanitry ny Sirianina sy ny Tsidônianina na ny andriamanitry Môabita sy ny Hamônita ary ny Filistinina; fa nandao ny TOMPO izy ka tsy nanompo Azy intsony.

Mpitsara 13:1

Ary mbola nanao ratsy eo imason’ny TOMPO indray ny Israelita, ka natolotry ny TOMPO teo an-tanan’ny Filistinina nandritra ny efapolo taona.

Mpitsara 3:12

Ary nanao izay ratsy eo imason’ny TOMPO indray ny Israelita. Noho izany dia nampirisihin’ny TOMPO hamely azy i Heglôna, mpanjakan’i Môaba.

Mpitsara 3:7

Ary nanao izay ratsy eo imason’ny TOMPO ny Israelita fa nanadino ny TOMPO Andriamaniny ka nanompo ireo Bahala sy ireo Aserà.

Mpitsara 4:1

Ary rehefa maty i Ehoda, dia nanao izay ratsy eo imason’ny TOMPO indray ny Israelita.

Mpitsara 6:1

Ary nanao izay ratsy eo imason’ny TOMPO indray ny Israelita ka natolotry ny TOMPO ho eo an-tanan’ny Midianita nandritra ny fito taona.

Mpitsara 6:25

Tamin’io alina io ihany ny TOMPO dia nandidy an’i Gidehôna hoe: –Alao ny ombilahin-drainao, ilay faharoa efa fito taona. Ravao ny alitaran’i Bahala izay an-drainao ary kapao ny tsatokazon-tsampy eo anilany;

Mpitsara 8:33

Rehefa maty i Gidehôna, dia nanompo an’i Bahala indray ny Israelita ary nanao an’i Bahala-Berita ho andriamaniny.

1Samoela 12:10

Dia nitaraina tamin’ny TOMPO indray ireo razanareo ka nanao hoe: «TOMPO ô, efa nanota izahay satria nahafoy Anao ary nanompo ireo sampy, dia ny andriamani-dahy Bahala sy ny andriamani-bavy Hastôreta. Nefa ankehitriny, vonjeo amin’ny fahavalonay izahay, dia hanompo Anao.»

1Samoela 7:3

ka nilazan’i Samoela hoe: –Raha amin’ny fonareo manontolo tokoa no hiverenanareo amin’ny TOMPO, dia atsaharo ny fanompoanareo andriamani-kafa sy fanompoanareo ny sampy Hastôreta; aoka hiraiki-po amin’ny TOMPO ianareo, ary aza manompo afa-tsy Izy irery ihany, fa hovonjeny tsy ho voagejan’ny Filistinina ianareo.

1Samoela 7:4

Dia narian’ny Israelita ireo sampin’ny andriamani-dahy Bahala sy ny andriamani-bavy Hastôreta, ka ny TOMPO no hany notompoiny.