Mpitsara 19:3 - DIEM PROTESTANTA

³ Koa niainga ralehilahy mba hanaraka ny vadikeliny sy hanambitamby azy hiverina hody. Nentiny niaraka taminy ny zatovony iray sy ny boriky roa. Dia nampandrosoin-dravehivavy tao an-tranon-drainy izy; ary ilay rafozan-dahiny koa, raha vao nahita azy, dia nandray azy tamin-kafaliana.

Baiboly Protestanta Malagasy 2011

³ Dia niainga Ralehilahy ka nandeha nanaraka azy mba hanambitamby sy hampody azy. Noentiny niaraka taminy ny zatovony sy boriky roa. Nampiantranoin-dRavehivavy ho ao an-tranon’ny rainy izy, koa nony hitan’ny rain-dRazazavavy Ralehilahy dia faly nihaona taminy izy.

Dikateny Iombonana Eto Madagasikara

³ Koa niainga ralehilahy mba hanaraka ny vadikeliny sy hanambitamby azy hiverina hody. Nentiny niaraka taminy ny zatovony iray sy ny boriky roa. Dia nampandrosoin-dravehivavy tao an-tranon-drainy izy; ary ilay rafozan-dahiny koa, raha vao nahita azy, dia nandray azy tamin-kafaliana.

Baiboly Katolika

³ Fa niainga ralehilahy ka nankany aminy, hiteny amin’ny fony sy hampody azy, ary nitondra ny mpanompony sy ampondra roa. Nampiantranoin-dravehivavy ho ao an-tranon-drainy izy, ka nony nahita azy ny rain-drazazavavy, dia nandroso hitsena azy an-kafaliana.

Baiboly Protestanta Malagasy

³ Ary niainga ralehilahy ka nandeha nanaraka azy hanao teny malefaka taminy hampody azy ary nitondra ny zatovony sy boriky roa; dia nampiantranoin-dravehivavy ho ao an-tranon-drainy izy, ka nony hitan’ny rain-drazazavavy ralehilahy, dia faly izy nihaona taminy.

Malagasy Bible

³ Ary niainga ralehilahy ka nandeha nanaraka azy hanao teny malefaka taminy hampody azy ary nitondra ny zatovony sy boriky roa; dia nampiantranoin-dravehivavy ho ao an-tranon-drainy izy, ka nony hitan'ny rain-drazazavavy ralehilahy, dia faly izy nihaona taminy.

La Bible en Malgache

³ Dia niainga Ralehilahy ka nandeha nanaraka azy mba hanambitamby sy hampody azy. Noentiny niaraka taminy ny zatovony sy boriky roa. Nampiantranoin-dRavehivavy ho ao an-tranon’ny rainy izy, koa nony hitan’ny rain-dRazazavavy Ralehilahy dia faly nihaona taminy izy.

Mpitsara 19:3 Rohy Ifampitohizana

Genesisy 34:3

Nifikitra tamin’i Dinà zanakavavin’i Jakôba izy fa tia azy, ka nanao teny nambabo ny fony.

Genesisy 50:21

Koa aza matahotra ianareo, fa izaho no hiahy ny sakafo ho anareo sy ny ankohonanareo. Ary nampahery azy i Jôsefa sady nanao teny nanohina ny fony.

Jeremia 3:1

Hoy ny TOMPO tamiko: Raha misy lehilahy misaraka amin’ny vadiny ka mandao azy ravehivavy mba hanambady olon-kafa, moa mahazo mampody azy indray ve izy? Tsia, fa haloto ny tany. Kanefa ianao, ry Israely, dia efa lehilahy maro no nijangajanganao, hoy ny teny hentitry ny Tompo; ka moa hahazo miverina amiko indray ve ianao?

Hosea 2:14

Hosimbako ny voalobony sy ny aviaviny izay nataony hoe: «Izany no karama nomen’ny lehilahy sakaizako ahy.» Hovako ho kirihitr’ala ireny ka hataon’ny bibidia sakafo.

Hosea 2:16

Koa Izaho no hitaona azy indray sy hitondra azy ho any an-taniefitra ary hanao teny manohina ny fony.

Levitikosy 19:17

«Aza mankahala ao am-ponareo ny mpiray firenena aminareo fa anaro tsara izy mba tsy hahazoanareo heloka noho ny aminy.

Levitikosy 20:10

«Raha misy lehilahy maka ny vadin’ny mpiray firenena aminy, dia samy hatao maty tokoa na ralehilahy mpaka vadin’olona na ravehivavy nalainy.

Nomery 22:22

Tezitra mafy tamin’i Balahama Andriamanitra raha nahita azy nandeha ihany; ary nijanona teo an-dalana hisakana azy ny anjelin’ny TOMPO raha iny izy nizotra nitaingina ny borikiny sady narahin’ny mpanompony roa lahy iny.

Matio 1:19

Olo-marina i Jôsefa vadiny, ka tsy te hanala baràka azy, fa nikasa hametraka azy mangingina.

Jaona 8:11

Dia novaliany hoe: –Tsy nisy, Tompoko! Ary hoy i Jesoa taminy: –Izaho koa tsy manameloka anao! Mandehana, ka aza manota intsony manomboka izao!]

Galatiana 6:1

Ry havana, raha misy olona sendra latsaka amin’ny hadisoana, dia aoka ianareo izay manana ny Fanahy Masina hanarina azy amim-pahalemem-panahy; ary aoka hitandrin-tena koa ianao fandrao voataona amin’ny ratsy.

Mpitsara 15:1

Nony afaka andro vitsivitsy, tamin’ny fotoam-pijinjana varimbazaha, dia nandeha nitsidika ny vadiny i Samsôna, ka nitondra zanak’osy ho azy. Ary nangataka izy mba hahazo hiditra ao amin’ny efitrano misy ny vadiny, fa nolavin’ny rafozan-dahiny

Mpitsara 19:2

Tezitra taminy anefa ravehivavy ka nisintaka nody tany amin’ny rainy tany Betlehema ary nijanona tany nandritra ny efa-bolana.

Mpitsara 19:26

Ary nony efa nadiva ho maraina, dia tonga nitrosina teo am-baravaran’ny tranon’ilay lahiantitra izay nitoeran’ny lahy izy, ary niampatra teo ambara-pahamarain’ny andro.

Mpitsara 19:4

Ary notanan-drafozany rain-drazazavavy ity vinantolahiny, ka nijanona tao aminy nandritra ny telo andro; dia nihinana sy nisotro ary natory tao ilay levita sy ny zatovony.