Mpitsara 15:4 - DIEM PROTESTANTA

⁴ Ary lasa i Samsôna nisambotra amboahaolo telonjato. Naka zavatra hatao tsolo koa izy, dia nafatony tsiroaroa ny rambon’ny amboahaolo, ary nafatony teo anelanelan’ny rambony ny tsolo iray.

Baiboly Protestanta Malagasy 2011

⁴ Dia lasa nandeha i Samsona ka nisambotra amboahaolo telonjato; dia naka zavatra hatao fanilo izy ary nampifanendreny tsiroaroa avy ny rambon’ny amboahaolo ka nofehezany fanilo iray teo anelanelan’ny rambony.

Dikateny Iombonana Eto Madagasikara

⁴ Ary lasa i Samsôna nisambotra amboahaolo telonjato. Naka zavatra hatao tsolo koa izy, dia nafatony tsiroaroa ny rambon’ny amboahaolo, ary nafatony teo anelanelan’ny rambony ny tsolo iray.

Baiboly Katolika

⁴ Dia lasa i Samsôna nisambotra amboahaolo telon-jato sy naka fanilo. Nampifamatoriny ny rambon’ny amboahaolo, ka nasiany fanilo iray eo anelanelan’ny rambony roa, eo afovoany.

Baiboly Protestanta Malagasy

⁴ Dia nandeha Samsona ka nisambotra amboahaolo telon-jato; dia naka zavatra hatao fanilo izy, ary nampifanendreny ny rambon’ny amboahaolo tsiroaroa avy ka nafehiny teo anelanelan’ny rambony ilay hatao fanilo.

Malagasy Bible

⁴ Dia nandeha Samsona ka nisambotra amboahaolo telon-jato; dia naka zavatra hatao fanilo izy, ary nampifanendreny ny rambon'ny amboahaolo tsiroaroa avy ka nafehiny teo anelanelan'ny rambony ilay hatao fanilo.

La Bible en Malgache

⁴ Dia lasa nandeha i Samsona ka nisambotra amboahaolo telonjato; dia naka zavatra hatao fanilo izy ary nampifanendreny tsiroaroa avy ny rambon’ny amboahaolo ka nofehezany fanilo iray teo anelanelan’ny rambony.

Mpitsara 15:4 Rohy Ifampitohizana

2Samoela 14:30

Koa hoy i Absalôma tamin’ny mpanompony: –Hitanareo ilay sahan’i Jôaba mifanakaiky amin’ny ahy, ary misy ôrza! Mandehana doroy. Dia nodoran’ny mpanompon’i Absalôma ny saha.

Salamo 63:10

Ireo olona mitady hahafaty ahy, aoka hiharan-doza tsy ampoizina ka hiditra amin’ny fonenan’ny maty, any amin’ny fanambanin’ny tany!

Ohabolana 26:18

Ny olona mamitaka ny namany ka manao aminy hoe: «Vazivaziko ihany izany,» dia tahaka ny olona adala mandefa forohana sy zana-tsipîka mahafaty.

Tononkiran’i Solomona 2:15

«Sambory ka omeo anay ny fosa, dia ireo zanaka fosa mpanimba ny tanimboalobokay fa efa mamony izao ny voalobokay.»

Isaia 7:4

Ary lazao aminy hoe: «Tandremo! Aza taitaitra foana, aza matahotra. Aoka tsy ho ketraka ny fonao noho ny fahatezeran’i Retsîna avy any Siria sy ny fahatezeran’ny zanakalahin’i Remalià, fa tapa-porohana midonaka ihany ireo.

Fitomaniana 5:18

dia noho ny tendrombohitr’i Tsiôna efa lao ka nanjary fonenan’ny amboadia.

Mpitsara 15:3

Dia hoy i Samsôna taminy: –Amin’izao indray mandeha izao dia afa-tsiny aho raha hanao ratsy amin’ny Filistinina.

Mpitsara 15:5

Dia narehiny ny tsolo ary nalefany ireo amboahaolo ireo hankeny amin’ny tanimbarin’ny Filistinina ka nandoro ireo amboara sy salohim-bary ary koa ireo voly voaloboka sy voly ôliva.