Matio 5:4 - DIEM PROTESTANTA

⁴ Sambatra izay mitomany, fa izy no hampiononin’Andriamanitra!

Baiboly Protestanta Malagasy 2011

⁴ Sambatra ny malahelo, fa izy no hampaherezina.

Dikateny Iombonana Eto Madagasikara

⁴ Sambatra izay mitomany, fa izy no hampiononin’Andriamanitra!

Baiboly Katolika

⁴ Sambatra ny malemy fanahy, fa izy no handova ny tany.

Baiboly Protestanta Malagasy

⁴ Sambatra ny ory; fa izy no hampifalina.

Malagasy Bible

⁴ Sambatra ny ory; fa izy no hampifalina.

La Bible en Malgache

⁴ Sambatra ny malahelo, fa izy no hampaherezina.

Matio 5:4 Rohy Ifampitohizana

Isaia 12:1

Amin’izany andro izany, ry olona voaavotra, dia hiteny ianao ka hanao hoe: «Midera Anao aho, TOMPO ô; fa na tezitra tamiko aza Ianao, dia afaka ny fahatezeranao ka nampionona ahy Ianao.

Isaia 25:8

Hofoanany tsy hisy mandrakizay ny fahafatesana. Hofafan’ny Tompo ANDRIANANAHARY ny ranomaso amin’ny tava rehetra, ary hoesoriny ny fahafaham-baràka nahazo ny vahoakany manerana ny tany. Izany no nampanantenain’ny TOMPO.

Isaia 30:19

Ary ianao, ry vahoakan’i Tsiôna izay monina ao Jerosalema, tsy hitomany intsony ianao. Fa hiantra anao tokoa ny Tompo, raha vao mandre ny antsonao; eny, hamaly anao Izy raha vao mandre.

Isaia 35:10

Izany no lalana hiverenan’ireo navotan’ny TOMPO, ka hahatongavany ao Tsiôna amin’ny fihobiana; haravoana mandrakizay no ho eny amin’ny endriny, hafaliana sy haravoana no hanenika azy fa handositra kosa ny alahelo aman-tsento.

Isaia 57:18

ary hitako ny fitondrantenany. Saingy izao no lazaiko: Hanasitrana ny vahoakako Aho, ka hitari-dalana sy hampahery azy. Ary ho an’ireo olony misaona kosa,

Isaia 66:10

Ianareo rehetra izay tia an’i Jerosalema, miaraha mifaly aminy, eny, miravoravoa. Ianareo rehetra izay nisaona noho ny loza nanjo azy, aoka hiara-paly aminy tokoa!

Isaia 66:2

Fa izao rehetra izao dia nataon’ny tanako, ka dia Ahy avokoa izao rehetra izao; teny hentitra avy amiko TOMPO izany. Kanefa ny olona tsinjoviko dia ny mahantra sy ny torotoro fanahy ary ny mandray ny teniko amin-kovitra.

Ezekiela 7:16

Handositra any an-tendrombohitra izay sisa velona; ka samy hitoloko toy ny voromahailala an-dohasaha izy rehetra noho ny heloka nataony.

Ezekiela 9:4

ka nanao taminy hoe: «Mandehana mamakivaky eran’ny tanànan’i Jerosalema, ka asio marika eny an-kandrin’izay rehetra mitaraina sy malahelo noho ny fomba rehetra maharikoriko atao eo aminy.»

Zakaria 12:10

Fanahim-pangorahana sy fanahim-bavaka no hanentanako ny taranak’i Davida sy ny mponin’i Jerosalema. Ka hijery Ahy ireo noho ny amin’Ilay nolefoniny, ary hisaona azy toy ny fisaonana zanakalahy tokana sady hitomany azy toy ny fitomaniana lahimatoa.

Lioka 16:25

Fa hoy i Abrahama hoe: «Anaka, tsarovy fa ampoky ny soa ianao fahavelonao, i Lazara kosa niaritra fahoriana; ankehitriny mandray fiononana izy atỳ ankoatra, ary ianao kosa mijaly.

Lioka 6:21

Sambatra ianareo noana ankehitriny, fa hovokisan’Andriamanitra! Sambatra ianareo mitomany ankehitriny, fa hampifalîn’Andriamanitra!

Lioka 6:25

Mampalahelo ianareo mihomehy ankehitriny, fa mbola higogogogo hitomany!

Lioka 7:38

ka indro izy nankeo ivohon’i Jesoa ary nitomany dia nitomany teo an-tongony. Kotsan’ny ranomaso ny tongotr’i Jesoa ka nofaohin-dravehivavy tamin’ny volon-dohany, norokorohany tamim-pitiavana ary nohosorany an’ilay ilomanitra.

Lioka 7:50

Fa hoy indray i Jesoa tamin-dravehivavy: –Ny finoanao no nahavonjy anao! Ndeha àry ka veloma finaritra!

Jakoba 1:12

Sambatra ny olona izay maharitra ny fitsapana; fa rehefa voasedran’izany izy, dia ny fiainana efa nampanantenain’Andriamanitra ireo tia Azy no horaisiny ho satroboninahi-pandresena.

Apokalipsy 21:4

Hofafan’Andriamanitra ny ranomaso rehetra amin’ny mason’ireo vahoakany; ary tsy hisy fahafatesana intsony, sady tsy hisy alahelo na fitarainana na fahoriana intsony, fa efa lasa ny zavatra taloha.»