Matio 13:3 - DIEM PROTESTANTA

³ Fanoharana no nilazan’i Jesoa zavatra maro taminy ka hoy Izy: –Indro niainga ity mpamafy hamafy voa.

Baiboly Protestanta Malagasy 2011

³ Ary nilaza zavatra maro tamin’ny fanoharana taminy Izy ka niteny hoe: Indro, niainga ny mpamafy mba hamafy;

Dikateny Iombonana Eto Madagasikara

³ Fanoharana no nilazan’i Jesoa zavatra maro taminy ka hoy Izy: –Indro niainga ity mpamafy hamafy voa.

Baiboly Katolika

³ Ary nilaza zavatra maro tamin’ireo tamin’ny fanoharana Izy. Hoy Izy hoe: «Indro nivoaka hamafy ny mpamafy;

Baiboly Protestanta Malagasy

³ Ary nilaza zavatra maro taminy tamin’ny fanoharana Izy ka nanao hoe: Indro, nivoaka ny mpamafy mba hamafy;

Malagasy Bible

³ Ary nilaza zavatra maro taminy tamin'ny fanoharana Izy ka nanao hoe: Indro, nivoaka ny mpamafy mba hamafy;

La Bible en Malgache

³ Ary nilaza zavatra maro tamin’ny fanoharana taminy Izy ka niteny hoe: Indro, niainga ny mpamafy mba hamafy;

Matio 13:3 Rohy Ifampitohizana

Salamo 49:4

fa hilaza fahendrena ny vavako, hametsovetso fahalalana ny foko.

Salamo 78:2

Hisoka-bava hanao fanoharana aho ka hanatsoaka lesona avy amin’ny fahiny.

Ezekiela 17:2

«Ry ilay taranak’olombelona, manaova ankamantatra ary fanoharana ho an’ny Israelita,

Mika 2:4

Amin’izany andro izany no hanaovana oha-teny mandatsa anareo, sy hiventesana hiran-toloko ka hilazana hoe: «Levona tanteraka izahay! Lasan’olon-kafa ny anjaran’ny firenenay! Nahoana no nesorin’ny Tompo taminay ny taninay ka zarainy ho an’ny mpanohitra anay?»

Habakoka 2:6

Ireo vahoaka babo rehetra ireo kosa dia hiara-manao oha-pitenenana hanesoesoana sy hanaratsiana azy.» Eny, ireo vahoaka ireo no hilaza hoe: «Lozanareo mpangoron-karena izay mandraoka ny tsy anareo sady mivesatra ny tsatòka! Mandra-pahoviana no hanaovanareo izany?

Matio 13:4

Nony namafy izy, ny voa sasany latsaka teny amoron-dalana, ka tonga ny voro-manidina nitsindroka azy rehetra.

Matio 13:53

Rehefa vitan’i Jesoa ireo fanoharana ireo, dia niala teo Izy

Matio 22:1

Dia nampiasa fanoharana tamin-dry zareo indray i Jesoa ka niteny hoe:

Matio 24:32

–Raiso ho anatra ity fanoharana avy amin’ny aviavy ity: Raha vao manaroka ny rantsany ka mandravina, dia fantatrareo fa efa akaiky ny fahavaratra.

Marka 12:1

Ary dia fanoharana indray no nitenenan’i Jesoa tamin’ireo lohandoha-mpisorona sy mpahay lalàna ary loholona, ka hoy Izy: –Nisy lehilahy nanamboatra tanimboaloboka sy namefy azy manodidina ary nanao lavaka famiazam-bokatra sy tilikambo fiambenana, dia nampanofa azy tamina mpamboly ary lasa nankany an-tany hafa.

Marka 12:12

Ary nitady hisambotra an’i Jesoa ry zareo, satria nahatsapa ho niantefan’izany fanoharana nataony izany; saingy ny vahoaka no natahorany ka navelany teo i Jesoa fa lasa ry zareo nandeha.

Marka 3:23

Fa nantsoin’i Jesoa iretsy mpahay lalàna ka fanoharana no nitenenany taminy hoe: –Ahoana no hahafahan’i Satàna mandroaka an’i Satàna?

Marka 4:13

Dia hoy i Jesoa tamin’ireo mpomba Azy sy tamin’ny 12 lahy: –Tsy azonareo ve ilay fanoharana teo? Ka hataonareo ahoana no fahazo ny fanoharana hafa rehetra?

Marka 4:33

Dia fanoharana maro tahatahaka izany no nanambaràn’i Jesoa ny tenin’Andriamanitra tamin’ny olona, araka izay mety ho takatry ny sain’ny mpihaino.

Lioka 12:41

Tamin’izay dia niteny i Petera nanao hoe: –Izahay ihany ve no ilazanao izany fanoharana izany sa ny olona rehetra koa?

Lioka 8:10

ka namaly hoe: –Ianareo no natao hahalala ny tsiambaratelo momba ny Fanjakàn’Andriamanitra; fa ho an’ny hafa kosa dia ankamantatra saro-pantarina no itenenana izany, hany ka «hijery izy fa tsy hahita ary hihaino fa tsy hahafantatra.»

Jaona 16:25

–Fanoharana no nilazako izany taminareo; fa ho avy ny vaninandro izay tsy hanaovako fanoharana aminareo intsony fa hambarako tsotra aminareo ny momba ny Ray.